Fréttablaðið - 18.09.2008, Blaðsíða 8

8 18. september 2008 FIMMTUDAGUR
LÖGREGLUMÁL Engan sakaði þegar
sprenging varð í Járnblendiverk-
smiðjunni á Grundartanga um
klukkan hálf tíu í gærmorgun.
Gat kom á spanofn í verksmiðj-
unni svo fljótandi málmur
slettist á kælileiðslur við ofninn.
Við það varð sprenging og
kviknaði eldur í kjölfar hennar.
Að sögn lögreglunnar gekk
mjög vel að rýma verksmiðjuna
en slökkvilið, sjúkraflutninga-
menn og lögreglumenn frá
Borgarnesi og Akranesi voru
strax sendir á staðinn.
Greiðlega gekk að slökkva
eldinn og var slökkvistörfum
lokið skömmu upp úr klukkan
tíu. Töluverðar skemmdir urðu á
ofninum og þar í kring. Rann-
sókn stendur yfir. - ovd
Gat kom á spanofn:
Sprenging á
Grundartanga
Þak á útihúsi að fjúka
Björgunarsveitarmenn frá Dalvík
voru í gærmorgun kallaðir að Litlu-
Hámundarstöðum þar sem þak og
þakplötur voru tekin að losna í veður-
hamnum. Mönnunum tóks að festa
þakið og koma í veg fyrir að það fyki.
LÖGREGLUFRÉTTIR
Járnplötur á loft
Björgunarsveitarmenn frá Árskógs-
strönd fóru snemma í gærmorgun í
útkall á Hauganes þar sem járnplöt-
ur í stafla voru farnar að fjúka um.
Mönnunum tókst að fergja plöturnar.
Bátur losnar á Skagaströnd
Lögreglan á Blönduósi fékk tilkynn-
ingu um klukkan hálf fjögur í fyrrinótt
að bátur væri að losna í höfninni á
Skagaströnd. Starfsmönnum hafnar-
innar var gert viðvart og tókst þeim
að festa bátinn aftur.
1. Hvað heitir fréttastjóri
sameinaðra fréttastofa visir.is
og Stöðvar 2?
2. Hvað heitir rúmenska liðið
sem sigraði Roma í Meistara-
deildinni í fyrrakvöld?
3. Af hvaða ljóðskáldi hefur
borgarstjórn Reykjavíkur ákveð-
ið að láta gera styttu?
SVÖRIN ERU Á SÍÐU 50
HEKLA Laugavegi 172-174 · Sími 590 5000 · www.hekla.is · hekla@hekla.is · Umboðsmenn HEKLU um land allt: Akureyri · Akranes · Ísafjörður · Reyðarfjörður · Reykjanesbær · Selfoss
SIMPLY CLEVER
FJÓRIR LÍTRAR Á HUNDRAÐIÐ.
ÞAÐ ER STÖÐUGLEIKI Í ÞVÍ.
EFNAHAGSMÁL „Fjárfestar halda
sig nú frá áhættusömum myntum.
Íslenska krónan er í þeim flokki,“
segir Þorbjörn Atli Sveinsson, sér-
fræðingur hjá greiningardeild
Kaupþings.
Gengi íslensku krónunnar féll
um tæp fjögur prósent þegar verst
lét í gær. Fallið gekk lítillega til
baka og stóð gengisvísitalan í 176
stigum í dagslok. Krónan hefur nú
fallið um 32 prósent frá áramót-
um, þar af um 4,3 prósent í vik-
unni. Fallið er þyngra í krónu en á
öðrum hávaxtamyntum.
Þorbjörn segir við þetta bætast
að eftir litlu sé að slægjast með
kaupum á íslenskum krónum.
Vaxtamunurinn á gjaldmiðla-
skiptamarkaði, sem haldið hafi
uppi genginu framan af árinu, sé
nú orðinn lítill, í kringum tvö pró-
sent þrátt fyrir háa stýrivexti og
sjái fjárfestar sér því eflaust
minni hag en áður í kaupum á
krónum. „Því virðist stöðunni nú
svipa til þess sem var í lok mars,“
segir hann.
Á þeim tíma stóð gengisvísital-
an fast við 160 stigin og brást
Seðlabanki Íslands við með hækk-
un stýrivaxta upp á 1,25 prósent á
aukaákvörðunardegi auk annarra
aðgerða. Hálfum mánuði síðar
hækkaði bankinn vextina á ný um
50 punkta og fóru þeir við það í
15,5 prósent.
Líkt og í gær hefur gengi krónu
sveiflast mikið innan dags og
þykir ólíklegt að Seðlabankinn
grundvalli ákvörðun stýrivaxta
við slíkar skammtímasveiflur.
Fremur megi reikna með að Seðla-
bankinn horfi til gengisþróunar
til lengri tíma líkt og í vor.
Samhliða mikilli veikingu krón-
unnar nú hafa erlendir gjaldmiðl-
ar, svo sem evra og norrænu mynt-
irnar, aldrei verið dýrari í krónum
talið. Evran stóð í 133,7 krónum í
lok gærdagsins og danska krónan
í tæpum átján krónum. Banda-
ríkjadalur, sem kostaði 94,6 krón-
ur í gær, hefur ekki verið dýrari
síðan í apríl fyrir sex árum en eft-
irspurn eftir Bandaríkjadölum á
alþjóðlegum lánsfjármörkuðum
upp á síðkastið hefur ýtt mjög
undir hækkun hans síðustu vikur.
Viðmælendur Markaðarins
segja þróun krónunnar ráðast af
ytri aðstæðum fremur en innlend-
um. Krónan muni ekki jafna sig að
ráði fyrr en skilyrði á erlendum
mörkuðum batni og því megi
reikna með að aðgengi að erlendu
lánsfé aukist ekki fyrr en á næsta
ári.
Til marks um stöðuna er að svo
mikill skortur varð á erlendum
gjaldeyri í Noregi að lokað var
fyrir gjaldeyrisviðskipti á milli-
bankamarkaði þar í fyrradag.
Norski seðlabankinn greip strax
til aðgerða og jók aðgengi að
Bandaríkjadölum til þess að gera
bönkum kleift að stunda hefð-
bundin viðskipti. jonab@markadurinn.is
Krónan aldrei lægri
Fjárfestar sjá lítinn hag í kaupum á krónum og snúa við henni baki. Krónan fell-
ur fram af hengiflugi við erfiðar aðstæður á alþjóðlegum lánsfjármörkuðum.
KRÓNAN OG AÐRAR MYNTIR
Gjaldmiðill Síðast í sama gildi
Bandaríkjadalur Í apríl 2002
Evra* aldrei dýrari
Dönsk króna aldrei dýrari
iNorsk króna aldrei dýrar
Sænsk króna aldrei dýrari
Japanskt jen aldrei dýrara
* Evran var innleidd 1. janúar 1999
„Þetta er orðið verulega óþægilegt. Við erum komin að
sársaukamörkum,“ segir Edda Rós Karlsdóttir, forstöðu-
maður greiningardeildar Landsbankans.
Hún bendir á að gengi krónu sé mjög veikt í sögulegu
samhengi. Það muni hins vegar leiðrétta sig til lengri
tíma litið, en ekki endilega í gegnum nafngengið.
Mikilvægt sé að gengisþróun síðustu daga leiði ekki
til hærra verðlags, því að það dragi úr líkunum á því að
veiking krónunnar gangi til baka. „Því meiri verðbólga,
því minni líkur á að krónan gangi til baka. Auðvitað
vonar maður að gengið rétti sig af, fremur en að verð-
bólgan æði áfram,“ segir hún.
Erum komin að sársaukamörkum
EDDA RÓS
GENGISÞRÓUN FRÁ ÁRAMÓTUM
jan feb mar apr maí jún júl ágú sep
200
150
100
50
0
EUR
GBP
USD
ÍSK
TÆKNI Heimsins kraftmesta raf-
magnsmótorhjól, Killacycle frá
Colorado í Bandaríkjunum, verður
til sýnis á ráðstefnunni Driving
Sustainability ´08 sem fram fer á
Hótel Nordica í dag og á morgun.
Hönnuður Killacycle-hjólsins
og eigandi, Bill Dubé verður með
kynningu á tækninni að baki þessu
einstaka farartæki, sem sett hefur
hvert hraða- og spyrnumetið á
fætur öðru á síðustu árum. Í
desember síðastliðnum fór það
kvartmíluna í fyrsta sinn á undir
átta sekúndum, en það er lang-
besti spyrnutími sem rafdrifið
farartæki hefur nokkru sinni náð.
Auk þessa ofurmótorhjóls verða
öllu hversdagslegri en þó nýstár-
leg farartæki til sýnis og til
umfjöllunar á ráðstefnunni, svo
sem rafmagnsvespur og rafreið-
hjól. Sú þróun sem orðið hefur í
rafhlöðutækni á síðustu árum
hefur nú gert rafdrif í svo léttum
farartækjum að mjög hagnýtum
og hagkvæmum kosti til að kom-
ast mengunar- en þó áreynslulaust
milli staða innanbæjar.
Þetta er í annað sinn sem alþjóð-
lega ráðstefnan Driving Sustaina-
bility er haldin, en rafvæðing öku-
tækja, stórra sem smárra, er í
brennidepli dagskrár hennar í ár.
Meðal annarra dagskrárliða má
nefna kynningu á „i MiEV“-raf-
bílnum frá Mitsubishi og á tilraun
til að fljúga umhverfis hnöttinn á
sólarrafdrifinni flugvél. - aa
Rafvæðing ökutækja í brennidepli alþjóðlegu ráðstefnunnar Driving Sustainability:
Ofur-rafmótorhjól til Íslands
RAFKRAFTUR Killacycle í „burnout“ fyrir
spyrnu í Woodburn í Oregon í lok ágúst.
LJÓSMYND/KILLACYCLE.COM
ALÞINGI Sturla Böðvarsson, forseti
Alþingis, og Hallgerður Gunnars-
dóttir, eiginkona hans, héldu í gær
í opinbera heimsókn til Rússlands í
boði forseta Dúmunnar.
Með í för eru þingmennirnir
Ásta R. Jóhannesdóttir, Bjarni
Benediktsson, Katrín Jakobsdóttir,
Guðni Ágústsson og Guðjón Arnar
Kristjánsson auk Helga Bernódus-
sonar, skrifstofustjóra Alþingis, og
Jörundar Kristjánssonar starfs-
manns þess. Í heimsókninni verður
rætt við forseta rússneska
þingsins, aðstoðarutanríkisráð-
herra og formenn þingnefnda, sem
og fulltrúa íslenskra fyrirtækja
sem hafa starfsemi í Rússlandi. - bþs
Átta frá Alþingi í Rússlandi:
Ræða við rúss-
neska pólitíkusa
VEISTU SVARIÐ?