Fréttablaðið - 18.09.2008, Blaðsíða 10

18. september 2008 FIMMTUDAGUR
VEÐUR „Við sáum þetta ekki fyrr en í morgun,“ segir
Sandra Sveinsdóttir Nielsen, íbúi í Furugerði í
Reykjavík, um tvö reynitré sem féllu í garðinum við
hús hennar í óveðrinu sem gekk yfir landið í fyrrinótt.
Hún segir mikið áfall að sjá stór og falleg tré fara
með þessum hætti. Það sé þó mikil mildi að trén féllu
inn í garðinn en ekki út á götu eða á bíla nágranna
þeirra.
Hún segir tryggingar ekki bæta tjónið. „Þannig að
þessi fallegu tré eru ekki metin til fjár en við eigum
þá allavega nóg í arininn í vetur,“ segir Sandra.
Nokkuð sá á gróðri á höfuðborgarsvæðinu eftir
veðrið í fyrrinótt. Mest var um að greinar brotnuðu af
trjám en eitthvað var um að tré rifnuðu upp með
rótum.
Í tilkynningu frá Slysavarnafélaginu Landsbjörg
segir að um 70 björgunarsveitarmenn af höfuðborgar-
svæðinu hafi verið við vinnu á meðan óveðrið gekk
yfir. Þeir hafi sinnt á fimmta tug aðstoðarbeiðna af
ýmsum toga en sem fyrr hafi verið mest um fok á
lausum munum, þakplötum og vinnupöllum.
Þá sinnti lögreglan á höfuðborgarsvæðinu 21 útkalli
vegna óveðursins og slökkvilið höfuðborgarsvæðisins
sinnti 16 útköllum vegna vatnsleka í húsum í fyrrinótt
og gærmorgun. Í flestum tilfellum höfðu niðurföll eða
holræsi stíflast eða vatn fundið sér leið inn í húsin.
Eitthvað var um skemmdir af völdum þessa en engar
þeirra eru taldar mjög alvarlegar. - ovd
Skemmdir á höfuðborgarsvæðinu af völdum óveðurs sem gekk yfir í fyrrinótt:
Trén rifnuðu upp með rótum
RIFNUÐU UPP MEÐ RÓTUM Reynitrén tvö við Furugerði rifnuðu
upp með rótum í óveðrinu sem gekk yfir landið í fyrrinótt.
FRÉTTABLAÐIÐ/ANTON
STJÓRNMÁL „Þetta er ágætis innlegg
í umræðuna og fínt hjá Framsókn-
arflokknum að leggja í þessa
vinnu,“ segir Björgvin G. Sigurðs-
son viðskiptaráðherra um gjaldeyr-
isskýrslu Framsóknarflokksins.
„Niðurstöðurnar undirstrika þá
skoðun okkar Samfylkingarmanna
að í raun eru aðeins tvær leiðir
færar; styrkt króna eða evra með
aðild að Evrópusambandinu.“
Björgvin kveðst vona að í fram-
haldi skýrslunnar móti Framsókn-
arflokkurinn sér skarpa stefnu í
Evrópumálunum því ekki sæki
Samfylkingin ein um Evrópusam-
bandsaðild. Til þess þurfi breiða
pólitíska samstöðu. „Ef þetta verð-
ur Framsókn vegvísir að þeirri
stefnu að sækja um aðild þá er það
gott,“ segir hann.
Illugi Gunnarsson, þingmaður
Sjálfstæðisflokksins, segir skýrsl-
una jákvæða en sjálfar niðurstöð-
urnar koma honum ekki á óvart.
Hann segist sammála því að sam-
hæfa þurfi betur ríkisfjármál og
stefnu Seðlabankans, slíkt hljóti að
verða skoðað í þeirri fræðilegu
úttekt á peningamálastefnunni sem
forsætisráðherra hafi boðað. Þá
komi til dæmis fram hve stór gjald-
eyrisvaraforðinn þurfi að vera.
„Seðlabankinn og peningamála-
stjórnin eru grundvallaratriði í
hagstjórn en í þessu er ekki ein-
hver einn stór sannleikur eða
endanleg lausn.“
Jón Bjarnason, þingmaður VG,
segir jákvætt að Framsóknarflokk-
urinn skuli fjalla um málin og telur
heiðarlegt af honum að viðurkenna
hlut sinn „í þeim gríðarlegu hag-
stjórnarmistökum sem gerð voru í
ríkisstjórnarsamstarfinu langa við
Sjálfstæðisflokkinn“ eins og hann
orðar það. Jón segir á hinn bóginn
alvarlegt – og undirstriki ábyrgðar-
leysi Framsóknarflokksins – að
hann skuli tala krónuna niður og
daðra við Evrópusambandið. „Við
búum við krónuna og þetta botn-
lausa evrutal dregur athyglina frá
raunveruleikanum sem við er að
fást,“ segir Jón.
Kristinn H. Gunnarsson, þing-
flokksformaður Frjálslynda flokks-
ins, segir gott hjá Framsóknar-
flokknum að gera skýrsluna.
„Svona eiga stjórnmálaflokkar að
vinna,“ segir hann og kveðst sam-
mála þeirri niðurstöðu að kostirnir
séu tveir; króna eða evra. Sjálfur sé
hann þeirrar skoðunar að halda
beri krónunni, Íslendingar þurfi
hvort eð er að vinna sig sjálfir út úr
vandanum og áframhaldandi for-
ræði yfir peningamálunum sé
mikilvægt. Fórnarkostnaðurinn við
evru sé meiri en ávinningurinn.
bjorn@frettabladid.is
Skýrsla Framsóknar
sögð gott framtak
Þingmenn úr öllum flokkum segja gjaldmiðilsskýrslu Framsóknarflokksins
gott innlegg í umræðuna. Niðurstöðurnar koma ekki á óvart. Viðskiptaráð-
herra vonar að hún vísi framsóknarmönnum veginn í átt að umsókn að ESB.
KRISTINN H.
GUNNARSSON
JÓN
BJARNASON
ILLUGI
GUNNARSSON
BJÖRGVIN G.
SIGURÐSSON
SEÐLABANKI ÍSLANDS Skýrsla gjaldmiðilsnefndar Framsóknarflokksins beinir á ný
kastljósinu að stjórn peningamála. Þingmenn allra flokka fagna skýrslunni og telja
hana ágætt innlegg í umræður um efnahagsmál. FRÉTTABLAÐ/HEIÐA
JEMEN, AP Sprengjuárásir voru
gerðar á bandaríska sendiráðið í
Jemen í gær. Árásirnar virðast
hafa verið vandlega skipulagðar.
Fimm sprengjur voru sprengdar
og síðan sátu leyniskyttur fyrir
jemenskum hjálparstarfsmönn-
um sem fyrstir komu á vettvang
eftir að sprengjurnar sprungu.
Enginn bandarískur starfsmað-
ur sendiráðsins slasaðist, en einn
jemenskur öryggisvörður við
sendiráðið lést, auk þess sem
fjórir jemenskir hermenn og
fimm aðrir vegfarendur létu
lífið.
Einnig létust árásarmennirnir,
sem voru sex talsins. Sumir
þeirra voru klæddir í jemenska
hermannabúninga.
„Þessi árás minnir okkur á þá
viðvarandi ógn sem okkur stafar
af öfgasinnuðum ofbeldismönn-
um bæði heima og erlendis,“
sagði Gordon Johndroe, talsmað-
ur Bush Bandaríkjaforseta.
Sean McCormack, talsmaður
bandaríska utanríkisráðuneytis-
ins, sagði árásina bera öll merki
þess, að Al Kaída hafi verið að
verki. Hann sagði árásarmönn-
unum þó ekki hafa tekist að rjúfa
veggi sendiráðsins.
Á síðustu árum hefur fjórum
sinnum verið gerð árás á þetta
sendiráð, en mannfall hefur
aldrei verið jafn mikið og í þetta
skiptið.
- gb
Sextán manns lágu í valnum eftir sprengjuárásir á sendiráð í Jemen:
Vandlega skipulagðar árásir
FYRIR UTAN SENDIRÁÐIÐ Árásin er sögð
bera öll merki þess að Al-Kaída hafi
verið að verki. FRÉTTABLAÐIÐ/AP
Verið velkomin í Nettó
Mjódd - Salavegi - Akureyri - Höfn - Grindavík
...gaman saman!
TILBOÐIN GILDA 18. - 21. SEPTEMBER
w
w
w
.m
ar
kh
on
nu
n.
is
FRUIT PASSION ÁVAXTASAFI
APPELSÍNU OG TROPICAL
199 kr/stk.
TRÖNUBERJASAFI 1l
OCEAN SPRAY
197 kr/stk.
298 kr/stk.
ALLT Í EINUM
PAKKA!
34%
afsláttur
ÓTRÚLEGA
SVALANDI
DÓRU MÖFFINS-MIX
359 kr/pk.