Fréttablaðið - 18.09.2008, Blaðsíða 18

18 18. september 2008 FIMMTUDAGUR
© GRAPHIC NEWSHeimild: Ryder CupMyndir: Associated Press
Ryder-keppnin er haldin annað
hvert ár, til skiptis í Evrópu og
Bandaríkjunum. Að þessu sinni fer
keppnin fram á Valhalla-vellinum í
Kentucky, velli sem fær nafn sitt
úr norrænni goðafræði. Áttunda
holan heitir til að mynda „Þórsham-
ar“ og sú tólfta „Hefnd Óðins“.
Völlurinn á sér ansi skemmtilega
sögu. Fyrir um þrjátíu árum sat
Dwight Gahm, verslunarmaður í
Louisville, á skrifstofu sinni ásamt
sonum sínum. Þeir voru að ræða
um golf. Gham var meðlimur í golf-
klúbbi í sinni heimasveit en líkt og
margir íslenskir kylfingar þekkja í
dag var hann orðinn ansi þreyttur á
að þurfa að berjast við aðra klúbb-
meðlimi um rástíma. Þá fékk hann
uppljómun. Það vildi nefnilega svo
skemmtilega til að hann átti stórt
land í Jefferson-sýslu sem hann
vissi ekkert hvað hann átti að gera
við.
Til að gera langa sögu stutta þá
fékk hann Jack Nicklaus til liðs við
sig og árið 1986 opnaði Valhalla-
völlurinn sem í dag er talinn einn
allra besti golfvöllur Bandaríkj-
anna og þykir hann einkum hentug-
ur fyrir stórkeppnir þar sem mikið
rými er í kringum völlinn fyrir
áhorfendur; um 20 þúsund áhorf-
endur komast fyrir við átjándu flöt-
ina.
Í dag á og rekur Bandaríska golf-
sambandið völlinn en nafn Ghams
er samt ekki langt undan því átj-
ánda holan nefnast „Gham over“.
Mesta golfveisla ársins
hefst á Valhalla-golfvell-
inum í Kentucky í Banda-
ríkjunum á morgun. Í
íþróttaheiminum er helst
hægt að líkja Ryder-bikar-
keppninni við heimsmeist-
arakeppnina í fótbolta.
Trausti Hafliðason skrifar
um Ryder-bikarinn í golfi.
Það eru ekki bara eitilharðir golf-
áhugamenn sem fylgjast með
keppninni heldur flykkist ótrú-
legasta fólk að skjánum og þá
meina ég fólk sem hefur ekki
hugmynd um hvað „skolli“ eða
„fugl“ merkir. Ástæðan fyrir
þessu er sú að Ryder-bikarinn er
liðakeppni, þar sem úrslit hverr-
ar holu skipta máli og óþarfi er
að kunna góð skil á íþróttinni til
að hafa gaman af.
Þótt Evrópumenn hafi sigrað
með ótrúlegum yfirburðum í
Ryder-bikarnum undanfarin ár
eru flestir golfspekúlantar nú í
fyrsta skipti sammála um að lið
Evrópu sé sigurstranglegra.
Byggja þeir spá sína á því að evr-
ópskir kylfingar séu hærra skrif-
aðir á heimslistanum og hafi
verið í betra keppnisformi en
Bandaríkjamennirnir undan-
farna mánuði. Jú, reyndar spilar
það kannski aðeins inn í líka að
maður nokkur að nafni Tiger
Woods er fjarri góðu gamni í liði
Bandaríkjanna vegna meiðsla.
Azinger harður í horn að taka
Það verður fróðlegt að sjá hvern-
ig fyrirliðarnir munu ná að stilla
saman strengi sinna liða. Hvort
þeir nái að úthýsa einstaklings-
hyggjunni sem golfíþróttin bygg-
ir alla jafna á og efla í staðinn
liðsandann. Þegar litið er á feril
þeirra sem kylfinga hefur Nick
Faldo vinninginn – með yfirburð-
um. Það þarf samt ekki að þýða
að hann verði betri fyrirliði en
Paul Azinger sem leiðir lið Banda-
ríkjanna. Azinger þykir nefni-
lega harður í horn að taka. Hann
talar hreint út og byrgir tilfinn-
ingar sínar ekki inni. Á síðasta
áratug veiktist hann af krabba-
meini en með þrautseigju og
jákvæðum hugsunarhætti hafði
hann betur í þeim slag.
Faldo er reyndar með svipaðan
karakter og Azinger sem sína
hægri hönd. Varafyrirliði Evr-
ópuliðsins er Spánverjinn góð-
kunni José Maria Olazabal sem,
líkt og Azinger, gekk í gegnum
erfið veikindi fyrir fáeinum
árum.
Montgomery skilinn eftir heima
Líkt og alltaf þegar endanleg lið-
skipan liggur fyrir heyrast gagn-
rýnisraddir. Faldo var þó gagn-
rýndur meira en Azinger fyrir sitt
val. Þykir mörgum hann hafa
verið ansi brattur að skilja Skot-
ann Colin Montgomery eftir
heima, en Monty, eins og hann er
jafnan kallaður, er einhver sigur-
sælasti kylfingur Evrópu í Ryder-
bikarnum frá upphafi. Þá hafa
aðrir kylfingar lýst honum sem
miklum leiðtoga, eins konar fyrir-
liða úti á velli. Einnig vakti það
athygli að Faldo skyldi skilja
Írann Darren Clarke eftir heima,
en Clarke hefur átt nokkuð gott
tímabil, sérstaklega var hann
góður í sumar. Clarke átti enn
fremur stóran þátt í sigri evr-
ópska liðsins á K-Club á Írlandi
fyrir tveimur árum.
Garcia og Westwood mikilvægir
Til þess að Evrópa haldi titlinum
þurfa Spánverjinn Sergio Garcia
og Englendingurinn Lee West-
wood að halda uppteknum hætti,
en þeir eiga gríðarlega góðan feril
að baki í Ryder-bikarnum eins og
sést á grafinu hér til hliðar. Ef það
gerist og hinn írski og tvöfaldi
meistari Opna breska meistara-
mótsins, Padraig Harrington, nær
sér á strik þá verður þetta erfitt
fyrir bandaríska liðið. Jafnvel
þótt það sé á heimavelli.
Mickelson þarf að stíga fram
Það sem mun kannski helst vinna
með bandaríska liðinu í þessari
keppni er að í fyrsta skiptið í mörg
ár (jafnvel frá upphafi) er hægt
að segja að þeir séu minna liðið.
Það gæti unnið með þeim, létt af
þeim smá pressu. Til þess að
bandaríska liðið nái að ógna því
evrópska þurfa Phil Mickelson og
Jim Furyk, sem báðir hafa verið
afar slakir í Ryder-bikarnum í
gegnum tíðina, að stíga fram og
leiða hópinn. Ef það gerist getur
allt gerst. Nýstirnið Anthony Kim
gæti komið mörgum á óvart sem
og Kenny Perry. Skemmtilegast
verður þó að fylgjast með sleggj-
unni Boo Weekley og J.B. Holmes,
sem er litríkur karakter.
Megi betra liðið vinna –
Evrópa.
© GRAPHIC NEWSHeimild: Ryder Cup
BandaríkinEvrópa Sigur
Föstudagur:
Stöð 2 Sport
Frá kl. 11.55 til
22.30
Laugardagur:
Stöð 2 Sport
Frá kl. 11.55 til
22.45
Sunnudagur:
Stöð 2 Sport3
Frá kl. 16 til 18
Stöð 2 Sport
Frá kl. 18 til 23
Þorsteinn Hall-
grímsson og Úlfar
Jónsson lýsa.
Stöð 2 Sport:
Beinar útsendingar
Golfvöllurinn Valhalla í Kentucky á sér skemmtilega sögu:
Eigandinn fékk aldrei rástíma
Evrópa sigurstranglegri
Dive Deeper 08
Tækninámsstefna í Smárabíó 9-10 október
Microsoft sérfræðingar, ekki missa af þessu!
Nánari upplýsingar og skráning í síma 544 4500 og www.ntv.is/divedeeper
Hvorum spáir
þú sigri? Það er
einfalt, Evrópu.
Hvað mun
ráða úrslitum?
Liðsheildin og
samheldnin hjá
Evrópu. Banda-
ríkjamenn hafa
alltaf unnið á
móti hver öðrum.
Hver mun koma á óvart? Oliver
Wilson hjá Evrópu því Bandaríkja-
menn munu vanmeta hann. Hjá
Bandaríkjamönnunum verður það
J.B. Holmes – hann er gríðarlegur
baráttumaður.
Hver mun valda vonbrigðum?
Graeme McDowell, vegna þess að
hann hefur einfaldlega ekki verið
að spila nógu vel upp á síðkastið.
Hjá Bandaríkjunum verður það Phil
Mickelson. Hann er of mikill egóisti
fyrir þetta lið.
Hvaða leikmanns saknarðu? Það
er fyrst og fremst Colin Montgomery.
Ef Evrópa vinnur ekki þá verður
afsökunin sú að hann hafi ekki verið
með.
Hvenær eignast Íslendingar
keppanda í Ryder-bikarnum? Það
verður vonandi fyrir árið 2050, ég
skýt á 2020.
Evrópa vinnur
á liðsheldinni
ÍSLANDSMEISTARARNIR Í HOLUKEPPNI
Hvorum spáir
þú sigri?
Bandaríkja-
mönnum,
jafnvel þótt
það vanti Tiger
Woods.
Hvað mun
ráða úrslit-
um? Ég held
einfaldlega að
það verði hinn
gríðarlegi styrkur bandaríska liðsins.
Hver mun koma á óvart? Ég held
að Anthony Kim gæti komið á óvart.
Hver mun valda vonbrigðum?
Ég held að það verði Sergio Garcia.
Það gera allir gríðarlegar væntingar
til hans og ég held að það sé hætta
á að hann standist ekki þessa miklu
pressu.
Hvaða leikmanns saknarðu?
Manni finnst náttúrlega alltaf að
Tiger Woods eigi að vera með en
hann er bara meiddur. Ég held nú
samt bara að þetta sé eitthvað væl
í honum.
Hvenær eignast Íslendingar
keppanda í Ryder-bikarnum?
Ég held að það verði mjög seint
þar sem Íslendingar eru enn langt
á eftir bestu þjóðunum. Ég skýt á
árið 2040.
Sakna Tigers
Woods
HLYNUR GEIR
HJARTARSON
ÁSTA BIRNA
MAGNÚSDÓTTIR