Fréttablaðið - 18.09.2008, Blaðsíða 34

18. SEPTEMBER 2008 FIMMTUDAGUR2 ● fréttablaðið ● bílar
Hinn 16. september 1908 stofnaði William Durant fyrirtækið Gen-
eral Motors (GM) og í ár fagnar fyrirtækið 100 ára afmæli með
því að byrjar framleiðslu á amerískum rafmagnsbíl á ný. Einung-
is sýniseintak hefur verið framleitt að svo stöddu, en áætlað er að
bíllinn verði tilbúinn fyrir almennan markað í Bandaríkjunum í
byrjun vetrar 2010.
Á aldarafmælishátíð GM, í höfuðstöðvum fyrirtækisins í De-
troit á þriðjudag, var þessi nýstárlegi bíll kynntur, sem á Banda-
ríkjamarkaði ber heitið Chevrolet Volt. Hann er svonefndur teng-
il-tvinnbíll og getur gengið fyrir rafmagni ásamt E85, bíódísil,
bensíni eða vetni með efnarafal. Rafgeyma bílsins verður hægt
að hlaða úr heimainnstungu, en með fullhlaðna geyma á bíllinn að
komast um 75 kílómetra einvörðungu á rafmagni, áður en bensín-
vélin fer í gang og hleður rafgeymana á ný. Gert er ráð fyrir að
Opel-bíll á grunni Volt komi á Evrópumarkað árið 2011. Opel-verk-
smiðjurnar þýsku hafa verið í eigu GM frá því árið 1929.
Árið 1996 framleiddi GM rafbílinn EV1 í því skyni að uppfylla
kröfur stjórnvalda í Kaliforníu um að bílaframleiðendur sem seldu
bíla þar byðu upp á loftmengunarlausa bíla. EV1 var fyrsti raf-
bíllinn fyrir almenning. Útvaldir viðskiptavinir gátu fengið bílinn
á kaupleigusamningi en fengu þó aldrei að eignast bílinn. Þrem-
ur árum síðar (eftir að umrædd löggjöf í Kaliforníu hafði verið
numin úr gildi) var framleiðslu á bílunum hætt og árið 2003 voru
allir EV1-bílar afturkallaðir af GM. Vinsældir bílsins höfðu engin
áhrif á GM þar sem fyrirtækið sá ekki möguleika á því að hagnast
á framleiðslu hans.
Nú ber hins vegar svo við að risinn GM, sem hefur átt í kröggum
undanfarin ár, bindur vonir við að það gefi fyrirtækinu góða sókn-
arstöðu fyrir næstu eitt hundrað árin að vera meðal frumkvöðla
að markaðssetningu rafmagns-tvinnbíla. Það byggir á þeirri trú að
sú tækni sé vænlegust til að gera einkabílinn óháðan jarðefnaelds-
neyti, án þess að notagildi hans minnki. - aóv, aa
100 ára afmæli GM
Lögfræðingurinn Sveinn Andri
Sveinsson lét gamlan draum
rætast í vor er hann fékk sér
glæsilegan Ford Mustang.
„Það er blóð, sviti og tár á bak við
þetta farartæki en mér finnst það
hverrar krónu virði,“ segir Sveinn
Andri þegar hann umbeðinn sýnir
Mustanginn sinn. Hann vill samt
ekki viðurkenna að bílar hafi
verið honum hjartfólgið áhuga-
mál til þessa. „Nei, ég hef aldrei
verið neinn sérstakur bílakarl,“
svarar hann. „En sem gutti gapti
ég samt upp í Steve McQueen í
Bullit og fleiri kappakstursmynd-
um. Þessi helsti harðjaxl kvik-
myndasögunnar og jafnvel utan
hennar líka, var átrúnaðargoð á
þeim tíma. Mig dreymdi um að
eiga Mustang og ég ákvað bara
að láta það verða að veruleika
um páskana í vor og fjárfesti í
þessum bíl.“
Fínheit bílsins er ekki það sem
Sveini Andra finnst skipta mestu
máli. „Ég legg hins vegar mikið
upp úr að ná vissu tilfinningasam-
bandi við hann,“ útskýrir hann
og rifjar upp kynnin af öðrum
sem hann hafði miklar mætur á.
„Ég hef einu sinni verið ástfang-
inn af bíl. Það var Ford Bronco
Ranger sem karl faðir minn átti.
Við náðum alveg einstaklega vel
saman. Hann var eins og hugur
minn og ég tók sérstöku ástfóstri
við hann. Ég hefði nú betur hald-
ið í þann bíl því þeir þykja í dag
alveg ómetanlegir í Bandaríkjun-
um, hafa mikið söfnunargildi og
eru gríðarlega vinsælir.“
Allar líkur eru á að Mustang-
inn hans Sveins Andra sé að öðl-
ast svipaðan sess og Broncoinn.
Hann segir aðra bíla í eigu hans
hafa verið ágæta en fyrst og
fremst þjónað þeim tilgangi að
koma honum milli staða. „Þessi
tengist mér hins vegar tilfinn-
ingaböndum. Ég finn það betur
og betur. Það er allt svo gott við
hann, fallegt hljóð í honum og
hann leikur svo vel einhvern
veginn.“ - gun
Mustanginn tengist
mér tilfinningaböndum
Sveinn Andri er afar ánægður með Mustanginn sinn og segir allt gott við hann. „Það er svo fallegt hljóð í honum og hann leikur
svo vel einhvern veginn,“ segir hann. FRÉTTABLAÐIÐ/GVA
Hér sést hinn nýi Chevrolet Volt sem fer
í framleiðslu. Að neðan eru myndir af
„concept“ bílnum frá því í fyrra.
M
YN
D
/ A
U
TO
BL
O
G
G
RE
EN
.C
O
M
Akralind 4 • 201 Kópavogur • Sími 544 4656 • Fax 544 4657 •
C t ti tHusqvarna ons ruc on Produc s
STEINSAGIR, kJARNABORVÉLAR, GOLF OG VEGSAGIR