Fréttablaðið - 20.09.2008, Blaðsíða 8
8 20. september 2008 LAUGARDAGUR
STJÓRNMÁL Evrópunefnd stjórn-
valda, undir formennsku þing-
mannanna Illuga Gunnarssonar
Sjálfstæðisflokki og Ágústs Ólafs
Ágústssonar, varaformanns Sam-
fylkingarinnar, dvelur í Brussel í
þrjá daga í næstu viku og hittir
nokkra framámenn Evrópusam-
bandsins. Meðal annars verður
fundað með Olli Rehn, fram-
kvæmdastjóra stækkunarmála,
og Joaquín Almunia, fram-
kvæmdastjóra efnahags- og pen-
ingamála.
Illugi Gunnarsson segir
Brussel förina hafa verið ákveðna
fljótlega eftir að nefndin var sett
á laggirnar enda talið nauðsyn-
legt að nefndarmenn settu sig vel
inn í mál.
Ekki sé haldið utan nú vegna
háværrar umræðu um evru og
peningamálastjórn í ljósi efna-
hagsástandsins á Íslandi. Engu
að síður verði þau mál rædd enda
hafi forsætisráðherra nýverið
falið nefndinni að skoða hvort
fræðilegar hindranir væru fyrir
upptöku evru með sérstöku sam-
komulagi við Evrópusambandið.
„Við munum útskýra vel
umræðuna á Íslandi og leggja
sérstaka áherslu á að eyða öllum
misskilningi um að uppi séu hug-
myndir um einhliða upptöku
evru,“ segir Illugi.
Enn fremur verður embættis-
mönnum í Brussel gerð grein
fyrir því að ekki ríki sá skilning-
ur á Íslandi að hægt sé að taka
upp evru án þess að uppfylla skil-
yrði Maastricht-sáttmálans.
Snýst hann um stöðugt verðlag
og viðunandi stöðu ríkissjóða.
Illugi bendir á að Evrópusam-
bandið hafi áhyggjur af að þjóðir
taki upp evru án samþykkis, haldi
sig ekki innan Maastricht-skil-
yrðanna og grafi þannig undan
gjaldmiðlinum. Um hugmyndir
um evru-upptöku með sérstöku
samkomulagi við Evrópusam-
bandið á grunni EES-samnings-
ins segir Illugi að þau mál verði
rædd og upplýsinga aflað. Spurt
verði hvort lagalegar eða tækni-
legar hindranir séu í veginum.
„Sé sú leið fær er það stjórnvalda
að ákveða hvaða skref verða stig-
in. Það þarf pólitískan vilja til og
þá er að ræða við Sarkozy [for-
seta Frakklands] og Merkel
[kanslara Þýskalands] og aðra
slíka.“ bjorn@frettabladid.is
Evrópunefndin
eyðir misskiln-
ingi í Brussel
Í ferð Evrópunefndarinnar til Brussel á að afla upp-
lýsinga um málefni ESB og eyða misskilningi um að
á Íslandi séu uppi hugmyndir um einhliða upptöku
evru. Nefndin hittir framámenn í sambandinu.
ILLUGI GUNNARSSON OLLI REHN JOAQUÍN ALMUNIA
FÁNABORG Evrópunefnd stjórnvalda
hittir nokkra framámenn Evrópusam-
bandsins í Brussel í næstu viku. Förin
er farin til að afla upplýsinga og eyða
misskilningi. NORDICPHOTOS/AFP
ÍSRAEL Tzipi Livni, nýkjörinn
formaður Kadima-flokksins í
Ísrael, glímir nú við að halda
saman flokknum um leið og hún
reynir að mynda nýja ríkisstjórn.
Shaul Mofaz, samgönguráðherra
stjórnarinnar, sagði sig úr
flokknum eftir að hann tapaði
naumlega í leiðtogakjöri fyrir
Livni á miðvikudag. Óljóst er
hversu mikinn stuðning Livni
hefur meðal þeirra sem kusu
Mofaz.
Hún hefur sagst vilja halda
samstarfi núverandi stjórnar-
flokka áfram, en leitar jafnframt
til annarra flokka. Takist það ekki
verður boðað til kosninga. - gb
Tzipi Livni í vanda:
Reynir að halda
Kadima saman
BANDARÍKIN, AP Barack Obama
hefur saxað töluvert á forskot
Johns McCain í skoðanakönnun-
um síðustu daga. Eftir að fréttir af
efnahagserfiðleikum urðu allsráð-
andi í fjölmiðlum virðist sem trú á
repúblikönum hafi eitthvað minnk-
að.
Bæði repúblikaninn McCain og
demókratinn Obama hafa lagt
áherslu á efnahagsmálin síðustu
daga. McCain hvatti í gær stjórn-
völd til að hætta að hlaupa undir
bagga með fjármálastofnunum
sem ramba á barmi gjaldþrots.
Obama gerði aftur á móti stólp-
agrín að yfirlýsingum McCains
um að reka þurfi yfirmann verð-
bréfaeftirlits Bandaríkjanna.
„Losum okkur ekki bara við
einn mann. Losum okkur við alla
þessa ríkisstjórn,“ sagði Obama.
„Losum okkur við þessa aðgerðar-
leysisstefnu gagnvart efnahags-
vandanum og setjum einhvern í
staðinn sem ætlar að berjast fyrir
ykkur.“
Sjálfur leitaði Obama ráða hjá
nokkrum helstu hagspekingum
Demókrataflokksins, sem höfðu
verið Bill Clinton til ráðgjafar á
forsetatíð hans.
McCain skaut í staðinn á Obama
með því að benda á tengsl hans við
húsnæðislánasjóðina Freddie Mac
og Fannie Mae, sem báðir voru
þjóðnýttir nýverið. Einnig sagði
McCain að skattahækkanir sem
Obama hefði boðað myndu gera
illt verra í efnahagsmálum. - gb
Efnahagserfiðleikarnir efst á dagskrá hjá forsetaframbjóðendunum:
Staða Obamas hefur styrkst
OBAMA OG EFNAHAGSRÁÐGJAFARNIR
Barack Obama leitaði ráða í efnahags-
málum í gær. FRÉTTABLAÐIÐ/AP
Auglýsingasími
– Mest lesið
Í FLENSBORGARSKÓLA Í HAFNARFIRÐI
Í DAG KL. 11
Nánari upplýsingar á www.samfylking.is
Allir velkomnir!
Dagskrá:
Ræða Ingibjargar Sólrúnar Gísladóttur, formanns Samfylkingarinnar
Efnahagsvandinn – leiðir til framtíðar
Pallborðsumræður
Þátttakendur:
Ingibjörg Sólrún Gísladóttir, formaður Samfylkingarinnar
Gylfi Arnbjörnsson, framkvæmdastjóri ASÍ
Vilhjálmur Egilsson, framkvæmdastjóri SA
Jónas H. Haralz, hagfræðingur
Almennar stjórnmálaumræður
Ráðherrar sitja fyrir svörum
Málefnanefndir Samfylkingarinnar funda frá kl. 9.00 á sama stað.
Verkalýðsmálaráð Samfylkingarinnar fundar frá kl. 9.30.
Gestir fundarins verða Ingibjörg Sólrún Gísladóttir utanríkisráðherra,
Jóhanna Sigurðardóttir félagsmálaráðherra og Björgvin G. Sigurðsson
viðskiptaráðherra. Fundurinn er opinn öllum kjörnum fulltrúum og starfsmönnum
verkalýðshreyfingarinnar auk félaga í verkalýðsmálaráði flokksins.
22.-28. september 2008
Styrktu
stöðu þína!