Fréttablaðið - 21.09.2008, Blaðsíða 6
6 21. september 2008 SUNNUDAGUR
BELGÍA, AP Róttæka breytingu þarf
að gera á stjórnskipan Belgíu til
að tryggja bæði flæmskumælandi
og frönskumælandi héröðum
aukin sjálfstjórnarvöld.
Þetta er niðurstaða þriggja
manna nefndar, sem sett var á
laggirnar til að finna lausn á
stjórnarkreppunni sem hefur
lamað allt stjórnmálalíf í landinu
síðan þingkosningar voru haldnar
sumarið 2007.
Nefndin, sem skipuð er tveimur
frönskumælandi þingmönnum og
leiðtoga hins smáa þýskumælandi
minnihluta landsins, telur
hugmyndir sínar geta bjargað
landinu frá því að klofna í tvö
ríki. - gb
Vandræðin í Belgíu:
Vilja breytingar
á stjórnarskrá
SVÍÞJÓÐ Svíar velta fyrir sér að
koma á fót kvótakerfi þannig að
sjómenn og útvegsfyrirtæki fái
úthlutað fiskveiðiheimild á hverju
ári. Þetta kemur fram í skýrslu
sem var lögð fyrir sænsku
ríkisstjórnina í sumar, að sögn
Dagens Nyheter. Markmiðið er að
bjarga með þessum hætti
þorskstofni Svía.
Allir hafa rétt á fiskveiðum
eins og staðan er í Svíþjóð í dag,
eða þar til sænski kvótinn hefur
verið veiddur. Til að koma á fót
kvótakerfi á íslenska vísu þarf
lagabreytingu. Stuðningsmenn
nýs kerfis benda hins vegar á að
Svíar séu þegar farnir að vinna
eftir slíku kerfi, til dæmis með
síldarkvótum. - ghs
Sænskur sjávarútvegur:
Vill íslenskt
kvótakerfi
NÁTTÚRUVERND Þórunn Sveinbjarn-
ardóttir umhverfisráðherra
opnaði á miðvikudag, að viðstödd-
um fulltrúum Framtíðarlandsins,
vefsíðu með Íslandskorti sem
sýnir orkuframleiðslu á Íslandi.
Á kortinu má sjá núverandi
virkjanir og svæði þar sem
fyrirhugað er að virkja. Fyrirhug-
uð virkjanasvæði eru að auki
flokkuð niður eftir því hvar í
virkjanaferlinu viðkomandi
svæði eru.
Tilgangurinn með kortinu er að
upplýsa almenning um virkjunar-
áform á Íslandi. - bj
Náttúrukort Framtíðarlandsins:
Netkort sýnir
virkjanasvæði
OPNAÐ Þórunn Sveinbjarnardóttir
umhverfisráðherra opnaði aðgang að
náttúrukortinu í Norræna húsinu.
FRÉTTABLAÐIÐ/ARNÞÓR
DÓMSMÁL Landssamtök landeig-
enda hafa skrifað Geir H. Haarde
forsætisráðherra bréf þar sem
farið er fram á að hann beiti sér
fyrir því að landeigendur þurfi
ekki að bera kostnað af málaferl-
um vegna þjóðlendumála.
Í bréfi samtakanna segir að
þrátt fyrir loforð stjórnvalda um
að landeigendur ættu ekki að
bera kostnað af málaferlunum
hafi raunin verið önnur. Dómarar
ákveði iðulega að greiða lægri
kostnað en til falli. Verði ekki
bætt úr sé stjórnarskrárvarinn
eignarréttur ekki virtur að fullu.
Bréfið er dagsett 11. septemb-
er, en í fyrradag höfðu engin svör
borist frá forsætisráðherra. - bj
Landssamtök landeigenda:
Þurfa sjálfir að
borga kostnað
ÓBYGGÐANEFND Sætti landeigendur
sig ekki við úrskurði óbyggðanefndar
geta þeir höfðað mál, en slíkt hefur oft
talsverðan kostnað í för með sér.
SKIPULAGSMÁL „Þessi útfærsla
okkar eykur skuggavarp lítillega
vegna þessarar óvenjulegu bygg-
ingar,“ segir Trausti Þór Sverris-
son, íbúi á Vegamótastíg 9 og eig-
andi Efri-Vegamóta ehf. Hann
hyggst reisa þriggja hæða nýbygg-
ingu á reitnum auk kjallara og þá
verður eldra hús, sem fyrir er á
reitnum, endurbyggt sem turn
ofan á nýbyggingunni. Borgarráð
samþykkti nýlega deiliskipulags-
breytinguna.
Í Fréttablaðinu fyrir skömmu
var vitnað í andmælabréf Andra
Björnssonar, veitingamanns á
Vegamótum, til skipulags- og bygg-
ingasviðs þar sem hann segir að
skuggavarp muni koma til með að
hafa mjög neikvæð áhrif á sölu í
hádegi á Vegamótum.
„Mér finnst skipta máli að menn
geri ekki úlfalda úr mýflugu,“
segir Trausti Þór. Í deiliskipulagi
frá árinu 2002 hafi verið gert ráð
fyrir skuggavarpi af húsum sem
það skipulag leyfði að byggð yrðu.
Skuggavarp sem fylgi breyttu
skipulagi sé óverulegt umfram það
þó vissulega sé minna skuggavarp
af núverandi byggingum.
Hann bendir á að klukkan 12 í
maí og júní verði skuggavarp á um
fimmtungi af veitingasvæði Vega-
móta. Skugginn sé svo horfinn
klukkan 13. „Ég held að það muni
ekki hafa mikil áhrif á viðskipti
þeirra,“ segir Trausti Þór. - ovd
Borgarráð Reykjavíkur samþykkti deiliskipulagsbreytingu fyrir Vegamótastíg 9:
Skuggavarp eykst á torginu
SKUGGAVARP Myndin sýnir skuggavarp klukkan tólf á hádegi í maí og júlí miðað við
deiliskipulag frá 2002 annars vegar og miðað við breytt deiliskipulag hins vegar. Örin
á myndinni sýnir hvar port Vegamóta er.
NOREGUR Norski herinn hefur
ákveðið að fella í ár niður hina
árlegu flugæfingu sem gengur
undir heitinu Norðanvindur. Það
er gert vegna fjárskorts.
Allir peningarnir sem herinn
hafði til umráða til slíkra æfinga
fóru, að sögn norska ríkisútvarps-
ins NRK, í þátttöku Norðmanna í
æfingunni Norðurvíkingi sem
haldin var hér við land í byrjun
september. Norðmenn voru með
fimm orustuþotur á æfingunni,
Bandaríkjamenn fjórar og
Kanadamenn sex. 400 manns tóku
þátt í æfingunni.
Fyrirhugað var að halda
flugæfinguna Norðanvind í
Halkavarre, nyrst í Noregi, í
haust. Haft er eftir talsmanni
norska hersins að æfingunni hafi
verið aflýst vegna þess að
eldsneyti sé orðið svo dýrt. - ghs
Æfing flughersins féll niður:
Féð fór allt í
Norðurvíking
VÖLDU NORÐURVÍKING Norski flug-
herinn sendi fimm orustuflugvélar
á Norðurvíking við Ísland og á því
ekki pening til að halda flugæfinguna
Norðanvind í ár.
Styrkir til dansskóla
Menntamálaráðuneytið hefur auglýst
eftir umsóknum um rekstrarstyrki
til dansskóla sem kenna listdans
samkvæmt aðalnámskrá fyrir listdans-
skóla. Styrkjunum er ætlað að efla
framboð grunnnáms í listdansi.
MENNTUN
BÓKMENNTIR Í nýútkominni bók
um Bítilinn John Lennon er því
haldið fram að Lennon hafi þráð
kynmök með Paul McCartney,
félaga sínum í hljómsveitinni.
Því er einnig haldið fram að
Lennon hafi dreymt um að sofa
hjá Juliu móður sinni.
McCartney og Yoko Ono,
ekkja Lennons, samþykktu bæði
að leyfa höfundinum Philip
Norman að taka við sig viðtal
vegna bókarinnar, sem ber
titilinn John Lennon: The Life.
Þau ku hins vegar afar ósátt við
efnistök höfundarins og hafa
afneitað bókinni algjörlega.
- kg
Ný bók um John Lennon:
McCartney og
Ono bálreið
STJÓRNMÁL „Vesturlönd hafa sam-
þykkt að bæta þurfi velferð í þró-
unarríkjunum en sækjast á sama
tíma eftir heilbrigðisstarfsmönn-
um frá þessum ríkjum með þeim
afleiðingum að ekki er hægt að
bólusetja börn.“
Þetta segir Siv Friðleifsdóttir,
þingflokksformaður Framsóknar-
flokksins og formaður velferðar-
nefndar Norðurlandaráðs, um til-
mæli nefndarinnar þess efnis að
Norðurlöndin taki frumkvæði að
alþjóðlegu samkomulagi um
hvernig ráðningu heilbrigðis-
starfsmanna frá þróunarlöndun-
um skuli háttað. Skal það byggjast
á samstarfi um að auka menntun
heilbrigðisstarfsmanna í þróunar-
löndunum og að sama skapi
aðgerðum sem miða að því að þró-
unarlönd haldi heilbrigðisstarfs-
mönnum sínum í heimalandi.
Siv segir tvennt þurfa að koma
til. Að vesturlönd geri átak í að
efla heilbrigðis-
stéttirnar í þró-
unarríkjunum
og geri heil-
brigðisstörf
heima fyrir eft-
irsóknarverðari
fyrir ungt fólk.
Það gerist með
bættri kennslu
og kjörum. „Hin
ríkari lönd
þurfa að vera
sjálfbær hvað þetta varðar,“ segir
Siv.
Ekki stendur til að banna ráðn-
ingar fólks frá þróunarríkjum en
að sögn Sivjar þurfa vesturlönd
að hætta að lokka til sín starfsfólk
með markvissum hætti, líkt og
tíðkist. Það sé gert í gegnum sér-
stakar ráðningarskrifstofur og
því þurfi að linna. „Þetta er sið-
fræði sem gengur ekki upp,“ segir
Siv og nefnir sem dæmi að fleiri
læknar frá Benín starfi í Frakk-
landi heldur en í Benín og á
Manchestersvæðinu í Bretlandi
séu fleiri heilbrigðisstarfsmenn
frá Malaví heldur en í Malaví.
Félags- og tryggingamálanefnd
Alþingis hefur fengið tilmæli vel-
ferðarnefndar Norðurlandaráðs
til umfjöllunar en þau hafa ekki
verið afgreidd.
Samkvæmt upplýsingum
Fréttablaðsins eru engir heil-
brigðisstarfsmenn frá þróunar-
ríkjunum við störf á Landspítal-
anum. bjorn@frettabladid.is
Þróuðu ríkin hætti að
lokka til sín starfsfólk
Norðurlandaráð vill að vesturlönd hætti að lokka til sín heilbrigðisstarfsfólk
frá þróunarríkjunum. Fleiri læknar frá Benín starfa í Frakklandi en í heima-
landinu. Félagsmálanefnd Alþingis fjallar um tilmæli Norðurlandaráðs.
BEÐIÐ EFTIR HEILBRIGÐISÞJÓNUSTU Bólusetningar barna í þróunarríkjunum þurfa að
sitja á hakanum þar sem heilbrigðisstarfsfólk er oft á tíðum lokkað til vesturlanda.
Norðurlandaráð vill að Norðurlöndin fari sameiginlega fyrir aðgerðum sem miða að
því að stöðva þróunina. NORDICPHOTOS/AFP
SIV
FRIÐLEIFSDÓTTIR
FÓLK Íslenska tónlistarhátíðin London Airwaves var
haldin á átta skemmtistöðum í Shoreditch-hverfinu í
London á föstudagskvöld. Hátíðin þótti heppnast
ágætlega og var vel sótt. Íslensku hljómsveitirnar FM
Belfast og Steed Lord komu fram. Íslensku listamönn-
unum var vel fagnað af samlöndum þeirra sem sóttu
hátíðina.
Talið er að um tvö þúsund manns hafi sótt London
Airwaves.
Hr. Örlygur, sem hefur veg og vanda af Iceland
Airwaves-hátíðinni, sá um skipulagningu London
Airwaves. Að sögn Þorsteins Stephensen, eiganda Hr.
Örlygs, hefur mikil vinna farið í að koma hátíðinni á
laggirnar. Þannig hefur fjöldi Íslendinga unnið í
London undanfarið.
Auk þess hafa tvö bresk fyrirtæki unnið að
kynningarstarfsemi og nokkrir þarlendir einstakling-
ar hafa hjálpað við kynningar. Þetta skilaði sínu því
talsvert var fjallað um London Airwaves í breskum
fjölmiðlum í síðustu viku og víða var mælt með
hátíðinni sem einum af athyglisverðustu viðburðum
helgarinnar. -hdm
Íslenska tónlistarhátíðin London Airwaves var haldin í fyrsta sinn á föstudag:
Fjölmenni á íslenskri tónlistarhátíð
ÍSLENDINGAR Á LONDON AIRWAVES Hljómsveitin FM Belfast
kom fram á London Airwaves á föstudagskvöld. Sveitinni var
vel fagnað, sérstaklega af Íslendingum á svæðinu.
KJÖRKASSINN
Tekur þú inn lyf daglega?
Já 15,9%
Nei 84,1%
SPURNING DAGSINS Í DAG:
Bregður þér við fréttir af
hryðjuverkaárásum?
Segðu skoðun þína á visir.is