Fréttablaðið - 21.09.2008, Blaðsíða 58

22 21. september 2008 SUNNUDAGUR
1. deild karla í fótbolta
Haukar-Stjarnan 1-5
0-1 Birgir Birgisson (5.), 0-2 Þorvaldur Árnason
(41.), 0-3 Björn Pálsson (65.), 0-4 Halldór Orri
Björnsson (71.), 1-4 Úlfar Pálsson (77.), 1-5
Halldór Orri Björnsson (83.).
Selfoss-ÍBV 3-1
1-0 Sævar Þór Gíslason (22.), 2-0 Viðar Örn
Kjartansson (32.), 3-0 Sævar Þór Gíslason (48.),
3-1 Arnór Ólafsson (82.).
KS/Leifur-Leiknir R. 1-6
Njarðvík-Þór 3-1
Víkingur R.-Fjarðarbyggð 2-0
KA-Víkingur Ó. 1-0
LOKASTAÐAN Í 1. DEILD
1. ÍBV 22 16 2 4 43-17 50
2. Stjarnan 22 14 5 3 47-22 47
3. Selfoss 22 14 4 4 54-36 46
4. KA 22 9 5 8 31-27 32
5. Víkingur R. 22 8 5 9 32-30 29
6. Haukar 22 8 4 10 36-42 28
7. Leiknir R. 22 7 5 10 33-40 26
8. Þór 22 7 4 11 31-42 25
9. Fjarðab. 22 5 9 8 31-37 24
10. Víkingur Ó. 22 5 9 8 19-29 24
11. Njarðvík 22 4 7 11 26-42 19
12. KS/Leifur 22 1 9 12 17-36 12
ÚRSLIT
FÓTBOLTI KR varði bikarmeistara-
titil sinn í kvennaflokki þegar
liðið gjörsigraði Íslandsmeistara
Vals, 4-0, í úrslitum Visa-bikars-
ins í gær.
Það var aðeins í byrjun leiks að
Valsstelpur gerðu einhverja
atlögu að marki KR þrátt fyrir að
sækja gegn stífri sunnanátt.
Þegar um 10 mínútur voru liðn-
ar af leiknum tóku KR-ingar öll
völdin á vellinum. 1.019 áhorfend-
ur á vellinum sáu afmælisbarnið
Hólmfríði Magnúsdóttur skora
fyrsta markið á 28. mínútu eftir
góða stungusendingu Hrefnu
Huldar Jóhannesdóttur. Valsstelp-
ur fengu tvö færi til að jafna
metin fyrir hlé en voru einstak-
lega illa upplagaðar og virkuðu
aldrei líklegar.
Yfirburðir KR í síðari hálfleik
voru miklir. Hólmfríður kom KR í
3-0 með tveimur keimlíkum mörk-
um áður en Hrefna Huld negldi
síðasta naglann í kistu Valsstelp-
na með fjórða markinu eftir góða
sendingu Olgu Færseth.
„Ég átti von á þeim ákveðnari í
síðari hálfleik en það er stundum
auðveldara að sækja á móti vind-
inum. Við spiluðum meira í fætur
í seinni hálfleik og þá fór þetta að
ganga,“ sagði Helena Ólafsdóttir
þjálfari KR í leikslok.
Þjálfari Vals orðlaus í leikslok
Elísabet Gunnarsdóttir þjálfari
Vals átti varla orð til að lýsa
frammistöðu síns liðs sem lék
sinn langlélegasta leik á tímabil-
inu.
„Sorglegt. Ég tel að við höfum
komið vel undirbúin til leiks. Mér
fannst hugarfarið frábært í öllum
undirbúningnum og ég las það í
mannskapinn að við myndum
spila til sigurs en frammistaðan
var í engu samræmi við það sem
manni fannst í upphitun og fyrstu
10 mínútur leiksins. Við vorum
ekki með í 80 mínútur.
„Ég á ekkert svar við því hvað
var að. Það var bara allt. Liðið
hefur aldrei spilað svona illa og
það er áhyggjuefni að við getum
spilað svona illa. Við eigum aldrei
möguleika í seinni hálfleik. Við
sköpuðum okkur ekki eitt færi og
ég á ekki til orð yfir þessu,“ sagði
Elísabet eftir að hafa séð KR lyfta
bikarnum.
Kveðjuleikur Helenu
Helena Ólafsdóttir stýrði KR í síð-
asta sinn í bili að minnsta kosti og
gat ekki hugsað sér betri endi á
þjálfaratíð sinni hjá KR.
„Þetta gat ekki verið betra. Frá-
bær leikur hjá stelpunum og mér
fannst við klárar í dæmið. Það
voru allir með hausinn í lagi og
með viljann að vopni. Þetta var
eins og best verður á kosið.“
Valur hafði skorað 45 mörk í
sex síðustu leikjum sínum á undan
og kom mátleysisleg frammistaða
Vals Helenu óneitanlega á óvart.
„Það er hálfgert spennufall.
Þetta voru fleiri mörk en maður
átti von á og ég er mest ánægð
með að við náðum að halda þeim á
núllinu og skora sjálfar fjögur.
„Við lögðum það upp þannig að
fá ekki þessa holskeflu á okkur.
Við stóðumst það. Við vitum að við
erum með frábæra vörn. Við spil-
uðum inn á kosti hverrar annarrar
allan tímann,“ sagði Helena.
KR lagði leikinn upp með því að
sækja hratt og nýta sér hraða leik-
manna eins og Hólmfríðar til að
stinga sér inn fyrir vörn Vals.
„Það var frábært hjá Fríðu að
setja þessi þrjú mörk og hún
sýndi það og sannaði að hún er
frábær leikmaður. Liðið var að
spila í heildina rosalega vel,“
sagði Helena. -gmi
Frábær afmælisdagur Hólmfríðar
Afmælisbarnið Hólmfríður Magnúsdóttir fór fyrir frábæru liði KR í yfirburðasigri Vesturbæjarliðsins á
Íslandsmeisturum Vals. Hólmfríður skoraði fyrstu þrjú mörk leiksins áður en Hrefna Huld Jóhannesdóttir
bætti því fjórða við og innsiglaði þar með 4-0 sigur KR sem varði VISA-bikartitil sinn frá því í fyrra.
KVEÐJULEIKURINN Helena Ólafsdóttir stýrði KR-liðinu í sínum síðasta leik í bili þar
sem hún hyggst taka sér frí frá þjálfun. Hún getur varla hugsað sér betri endi en
þennan leik. FRÉTTABLAÐIÐ/DANÍEL
YFIRBURÐIR KR-stúlkur höfðu góða ástæðu til þess að fagna vel og innilega í leikslok
í gær þegar þær unnu frækinn sigur gegn erkifjendunum í Val. FRÉTTABLAÐIÐ/DANÍEL
FÓTBOLTI Toppbaráttuliðin Stjarnan og Selfoss
voru í sviðsljósinu í gærdag þegar lokaumferð-
in í 1. deild karla fór fram. Selfyssingar sigr-
uðu 1. deildarmeistara ÍBV á Selfossi en það
dugði skammt því Stjarnan vann Hauka að
Ásvöllum og tryggðu sér þar með farseðilinn í
efstu deild á ný eftir nokkurra ára fjarveru
þar.
„Haukaleikurinn var náttúrulega bara algjör
snilld og það var frábært að enda tímabilið
með þessum hætti,“ segir Bjarni Jóhannsson,
þjálfari Stjörnunnar.
Stjarnan tapaði ekki leik í seinni umferð 1.
deildarinnar og endaði mótið svo með stæl
þegar liðið rúllaði Haukum upp 1-5 í lokaleikn-
um.
„Við reyndum bara að hanga í toppliðunum
og gefast ekki upp en ég skal viðurkenna það
að mér fannst við á tímum vera helvíti langt
frá þeim. En einhvern veginn gekk þetta á end-
anum allt saman upp. Við vorum svo að segja
alveg lausir við meiðsli og liðsandinn í hópnum
var algjörlega til fyrirmyndar. Við vorum í
raun aldrei í umræðunni en þegar upp er staðið
þá endum við mótið einungis þremur stigum á
eftir toppliði ÍBV og það er mjög ánægjulegt,“
segir Bjarni.
Bjarni kvaðst ekki geta beðið eftir því að
stýra liðinu í efstu deild.
„Við fögnum þessum áfanga vel og síðan fá
menn stutt frí áður en undirbúningurinn fyrir
Landsbankadeildina hefst. Við erum með til-
tölulega ungt lið og lítið af leikmönnum sem
hafa reynslu af efstu deild en tilhlökkunin að
leika þar er mikil,“ segir Bjarni.
Selfoss gerði allt sitt til þess að komast í
efstu deild í fyrsta skipti í sögu félagsins og
sigraði topplið deildarinnar, ÍBV, nokkuð
örugglega á heimavelli sínum 3-1. Markakóng-
ur deildarinnar, Sævar Þór Gíslason, fór fyrir
sínum mönnum og skoraði tvö mörk fyrir Sel-
foss. - óþ
Gríðarleg spenna var í 1. deild karla í fótbolta í gærdag þegar lokaumferð deildarinnar fór fram:
Stjörnumenn komnir aftur í efstu deild
STJÖRNUSIGUR Stjarnan tryggði sér farseðilinn í efstu
deild með glæsibrag í gær með 1-5 sigri gegn Haukum
í lokaumferðinni. FRÉTTABLAÐIÐ/VALLI
FÓTBOLTI Hólmfríður Magnúsdótt-
ir fagnaði 24 ára afmælisdegi
sínum með því að skora þrennu í
bikarúrslitaleiknum og leiddist
það ekki.
„Þetta er klárlega besti afmælis-
dagurinn lengi. Við mættum mjög
vel stemmdar til leiks. Það er
dagsformið sem ræður úrslitum
og við komum betur stemmdar í
leikinn.“
„Þetta eru tvö bestu liðin á
landinu og við vorum betri í dag.
Við höfum skipst á að vinna og
við sigruðum með stæl í dag. Við
vorum betri í dag og erum
klárlega betra liðið. Við ætluðum
að halda bikarnum í Vesturbæn-
um,“ sagði afmælisbarnið. - gmi
Hólmfríður Magnúsdóttir:
Besti afmælis-
dagurinn
LÍF OG FJÖR KR-stúlkur skemmtu sér vel
í leikslok eftir frækinn sigur gegn Val.
FRÉTTABLAÐIÐ/DANÍEL
FÓTBOLTI Olga Færseth átti
frábæran leik líkt og allt lið KR í
bikarúrslitunum og lagði upp tvö
mörk. Hún segist ekki vita hvort
þetta hafi verið hennar síðasti
leikur á ferlinum.
„Ég vissi það ekki í fyrra og ég
veit það ekki heldur núna. Ég
leyfi vetrinum að líða og skoða
svo mín mál. Óneitanlega er farið
að draga af manni en mér finnst
ég ennþá skila helling til liðsins
og á meðan svo er þá hlýt ég að
skoða mín mál.“
„Ef við spilum okkar leik vinnum
við hvaða lið sem er hér á Íslandi.
Við höfum verið sjálfum okkar
verstar þegar við höfum klúðrað
hlutunum í sumar. Ef við spilum
okkar leik erum við með besta
liðið, en þetta hefur verið svolítið
rautt sumar í allri umfjöllun.“
KR-stelpur lýstu því yfir í
fjölmiðlum fyrir leik að þær séu
með betra lið en Valur. „Ég myndi
segja það, 4-0,“ sagði Olga glettin
á svip að lokum. - gmi
Olga Færseth:
Erum bestar
SIGURSTURTA Afmælisbarnið Hólmfríður
Magnúsdóttir fær hér væna sturtu frá
liðsfélögum sínum. FRÉTTABLAÐIÐ/DANÍEL