Fréttablaðið - 21.09.2008, Blaðsíða 62
26 21. september 2008 SUNNUDAGUR
LÖGIN VIÐ VINNUNA
„Ég hlusta á tónlist í tölvunni
við vinnuna. Ég hef verið að
hlusta mikið á tökulög upp á
síðkastið, til dæmis Bob Dylan-
lögin Farewell Angelina með
Jeff Buckley, Most of the Time
með Lloyd Cole og Isis með
White Stripes.
Örn Úlfar Sævarsson, ráðgjafi og hug-
myndasmiður á auglýsingastofunni Fíton.
Hvað er að frétta? Ég er að leggja lokahönd á plötuna
sem kemur út núna í október. Hef verið mestan part
sumarsins í London að taka hana upp og nú er svo bara
að fara að æfa fyrir spilerí og öllu því sem fylgir.
Augnlitur: Brúnn.
Starf: Tónlist.
Fjölskylduhagir: Á fjölskyldu vel dreifða um allan heim.
Er í sambandi en bý með æskuvinkonu minni, hundi og
tveimur kisum.
Hvaðan ertu? Fædd í London, ættuð frá Srí Lanka og
Íslandi, þar sem ég er svo alin upp.
Ertu hjátrúarfull? Nei
Uppáhaldssjónvarpsþátturinn: Það er margt, en ég get
nefnt heimildarþætti og ég hef mikið gaman af stuttum
breskum gamanþáttum.
Uppáhaldsmaturinn: Kjúklingarétturinn hennar mömmu
og karrýið hennar ömmu.
Fallegasti staðurinn: Ísland
iPod eða geislaspilari: Plötuspilarinn þegar ég er heima,
annars er það iPod.
Hvað er skemmtilegast? Að fá óvæntar, góðar fréttir.
Hvað er leiðinlegast? Að fá slæmar fréttir.
Helsti veikleiki: Kæruleysi.
Helsti kostur: Kæruleysi.
Helsta afrek: Hálftíma viðtalsþáttur í beinni á RÚV, hef
sjaldan verið jafn stressuð.
Mestu vonbrigðin? Að fá stöðumælasekt.
Hver er draumurinn? Að komast í langt og gott
ferðalag. Koma svo við á Srí Lanka.
Hver er fyndnastur/fyndnust? Pabbi.
Hvað fer mest í taugarnar á þér? Vanvirðing og
ranglæti.
Hvað er mikilvægast? Að reyna að vera góð.
HIN HLIÐIN LOVÍSA ELÍSABET SIGRÚNARDÓTTIR
Hefur gaman af breskum gamanþáttum
10.09.1982
Í kvöld er stór og mikil stund í
íslensku sjónvarpi. Fyrsti þáttur
Svartra engla fer í loftið á RÚV kl.
19.40 og fyrsti þáttur Dagvaktar-
innar hefst þar strax á eftir á Stöð
2, kl. 20.30.
„Ég er úti í Berlín akkúrat núna,
en ég næ vonandi fyrsta þættinum
í endursýningu þegar ég kem
heim,“ segir Sólveig Arnarsdóttir,
sem leikur Katrínu, hina vösku
rannsóknarlögreglukonu í Svört-
um englum. „Ég er ekki með Stöð
2, en ég sé Dagvaktina pottþétt
þegar hún kemur út á spólu. Mér
fannst Næturvaktin alveg æðis-
leg.“
Katrín, löggan sem Sólveig leik-
ur, er ein fjögurra aðalpersóna
Svartra engla. „Hún er svaka töff-
ari en fer samt eftir bókinni,“ segir
Sólveig. „Hún hefur ýmislegt út á
vinnubrögð félaga sinna að setja
enda eru þessi fjögur mjög ólík.“
Sex þættir verða sýndir af Svört-
um englum og þeir tengjast inn-
byrðis. Fyrstu þrír eru gerðir eftir
bókinni Skítadjobb og þrír seinni
eftir Svörtum englum. Báðar skrif-
aði Ævar Örn Jósepsson.
„Ég ætla að poppa og hafa það
notalegt yfir báðum þáttunum,“
segir Jörundur Ragnarsson sem
leikur hinn tvístígandi Daníel í
Dagvaktinni. „Mér finnst alveg
frábært að það sé boðið upp á tvo
íslenska þætti sama kvöldið.“
Jörundur vill lítið segja um það
hvort eitthvað rætist úr lúðanum
Daníel í nýju seríunni. „Það eitt
get ég sagt að hann gengur í gegn-
um algjört helvíti,“ segir hann,
leyndardómsfullur. Og það verður
ekki meira. Aldrei. „Við vorum
allir sammála um að við myndum
klára þessa karaktera núna. Það
verður engin Millivakt eða Bak-
vakt. Planið er að þjóðin sitji límd
við tækin þegar ellefti og síðasti
þátturinn verður sýndur, 30. nóv-
ember.“ - drg
Alíslenskt kvöld
við skjáinn
„Já, Þröstur Leó gefur sig út fyrir
það að vera eini maðurinn á
Íslandi sem er svokallaður laga-
raðari. Og starfar við þetta í hjá-
verkum. Við heyrðum af þessu og
ákváðum að treysta honum fyrir
því að raða lögunum upp. En þetta
hefur verið atvinnuleyndarmál
svipað og samplið hans Charlie
Watts á plötu Herberts,“ segir
Björn Jörundur.
Ný tólf laga plata er væntanleg
frá hljómsveitinni Ný dönsk og
kemur hún í allar betri plötuversl-
anir fyrstu vikuna í október. Hún
er sérstök um margt, til dæmis er
Daníel Ágúst nú með eftir tólf ára
hlé. Og hljómsveitin greip til þess
að fá sérstakan mann til þess að
raða lögunum á diskinn. Oft er
þetta hausverkur og hreint ekki
eins einfalt mál að ákveða hvaða
lag á að vera númer tvö og hvaða
lag númer sjö eins og ókunnugir
kynnu að halda. En það eru ein-
mitt slík vandamál sem leikarinn
Þröstur Leó Gunnarsson sérhæfir
sig í að leysa.
„Já, þetta er meira en að segja
það. Eins og Jón [Ólafsson] sagði:
Þá losnum við við rifrildin og
lætin. En það eru nokkrir í hljóm-
sveitinni og hver og einn hefur
sína skoðun á því hvar hvaða lag á
að vera á disknum,“ segir Þröstur
Leó sem tók að sér að raða lögun-
um tólf upp í þá röð sem hentar.
Meðal annars til að forða því að
allt fari í hund og kött innan
hljómsveitarinnar. „En þetta er
voðalega gaman. Þeir leyfa mér
alveg að ráða þessu.
Þröstur segir svo frá að hann
hafi fengið lögin 12 í hendur og
hlustað á þau fram og til baka.
Læra að þekkja lögin. Svo raðar
hann þessu upp eftir tilfinningu
fremur en einhverri formúlu. „Já,
og passa upp á að þetta fari vel
saman. Að það séu til dæmis ekki
þrjú lög með Birni Jörundi í röð.“
Þetta er langt í frá fyrsta verkefni
Þrastar á þessu sviði. Hann til
dæmis raðaði lögunum á disk
Heimilistóna og svo hefur hann
tekið Beina leið með KK og endur-
raðað lögunum þar. „Ég veit ekki
hversu mikill sérfræðingur ég er.
Ég er bara maðurinn úti í bæ sem
kaupir plöturnar. Ég hef tekið
gömlu plöturnar þeirra og leikið
mér að því að endurraða á þær.
Laga þetta til. Eina platan þar sem
mér hefur ekki tekist að hrófla
við neinu til betri vegar er The
Wall með Pink Floyd. En svo eru
náttúrlega sumir diskar sem ekki
hafa gengið nógu vel af því að þar
er ekki rétt raðað,“ segir leikar-
inn og lagaraðarinn Þröstur Leó –
léttur og ánægður með að þetta
leyndarmál sé nú loksins komið
fram: „Þá get ég kannski farið að
einbeita mér alfarið að þessu og
hætt að leika.“ jakob@frettabladid.is
BJÖRN JÖRUNDUR: ÁKVÁÐUM AÐ TREYSTA ÞRESTI LEÓ FYRIR ÞESSU
Eini lagaraðari landsins
ÞRÖSTUR LEÓ OG NÝ DANSKIR Með því að láta Þröst alfarið stjórna því hvernig lögin raðast á diskinn forðar hljómsveitin hugsan-
legu rifrildi og látum í tengslum við það verkefni. FRÉTTABLAÐIÐ/STEFÁN
GENGUR Í GEGNUM HELVÍTI Jörundur Ragnarsson er Daníel lúði.
TÖFF EN EFTIR BÓKINNI Sólveig Arnars-
dóttir er Katrín lögga.
„Ég fór í söngprufur ásamt
nokkrum öðrum leikurum þar
sem ég söng Vísur Soffíu frænku.
Fyrst hvarflaði það ekki að mér
að ég væri að fara að leika þetta
hlutverk en mér fannst mjög
gaman að vera beðin,“ segir Edda
Björg Eyjólfsdóttir leikkona sem
mun leika Soffíu frænku í Kardi-
mommubænum, sem verður sett-
ur upp í fimmta sinn í Þjóðleik-
húsinu í byrjun næsta árs, undir
leikstjórn Selmu Björnsdóttur.
„Kardimommubærinn var
fyrsta barnaleikritið sem ég sá
þegar ég var fjögurra ára gömul.
Ég varð svo hrædd að mamma
varð að fara með mig upp á sval-
ir, því ég var ekki róleg fyrr en
ég var komin í nógu mikla fjar-
lægð frá sviðinu. Ætli það hafi
ekki bara verið Soffía sem hræddi
mig svona,“ segir Edda Björg og
hlær.
Frá því að Kardimommubær-
inn var fyrst settur upp 1970 hafa
leikkonurnar Emilía Jónsdóttir,
Guðrún Þ. Stephensen, Lilja Guð-
rún Þorvaldsdóttir og Ólafía
Hrönn Jónsdóttir leikið Soffíu
frænku. Edda Björg segir hlut-
verkið ekki vera vandalaust og
leitar ráða hjá þeim sem áður
hafa leikið hana. „Guðrún Step-
hensen sagði mér að það væri
viss kúnst að leika Soffíu, því þó
að hún sé ströng og vilji aga er
hún góð og vill öllum vel. Það er
því fín lína sem maður verður að
dansa á og það má því alls ekki
gera hana að vondum fýlupúka,“
segir Edda Björg að lokum. - ag
Fimmta leikkonan
í hlutverki Soffíu frænku
HRÆDDIST SOFFÍU Edda Björg sá
Kardimommubæinn fyrst þegar hún
var fjögurra ára og hræddist þá Soffíu
frænku. FRÉTTABLAÐIÐ/STEFÁN