Fréttablaðið - 22.09.2008, Blaðsíða 2

2 22. september 2008 MÁNUDAGUR
flugfelag.is
Skráðu þig í
Netklúbbinn
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Félagar í Netklúbbnum
fá fyrstir upplýsingar
um tilboð og nýjungar
í tölvupósti.
Alltaf ódýrast á netinu
www.flugfelag.is
LANDBÚANAÐUR Hamprækt á
Íslandi gengur vel. Góð uppskera í
Eyjafirði sýnir að jurtin þrífst vel
hérlendis og er næsta skref að
ákveða og afla þekkingar á
vinnsluaðferðum á henni. Margt
er í boði að sögn Sveins Elíasar
Jónssonar, bónda og athafna-
manns á Árskógsströnd sem
kenndur er við bæinn Kálfskinn,
en Sveinn er einn þriggja sem
hafa stofnað fyrirtækið Hamp-
Tech og stendur að ræktun plönt-
unar hér á landi.
Fréttablaðið sagði frá því í vor
að athafnamaðurinn Sveinn, sem
orðinn er hálfáttræður, hefði feng-
ið leyfi til að flytja inn nokkrar
tegundir fræja af hampplöntunni.
Hann tók þó skýrt fram að þær
plöntur sem hann hefði hug á að
sjá vaxa upp tengdust alræmdasta
afbrigði plöntunnar ekki hið
minnsta, það er að segja þeirri
sem notuð er til að framleiða
vímuefni af kannabistegund.
Þegar fræin komu hingað til
lands var þeim svo sáð í moldu í
Skagafirði, Eyjafirði, Hvanneyri,
Gunnarsholti og undir Eyjafjöll-
um. Eins og sést á meðfylgjandi
myndum gekk ræktunin sérlega
vel í Eyjafirði en Sveinn segir að á
Möðruvöllum hafi fyrst verið
hægt að sá auk þess sem þar hafi
vöxturinn verið bestur.
Sveinn segir mikilvægt að vera
vakandi fyrir þeim möguleikum
sem landið okkar býður upp á í
landbúnaði og þeim tækifærum
sem hlýnandi veður á norður-
slóðum skapar. Ekki síst núna
þegar aðföng hafa hækkað mikið í
verði. Úr hampi megi meðal ann-
ars búa til fatnað, pappír, trefja-
plast, eldsneyti, fóður og lyf. Úr
þessari fyrstu hampuppskeru hér
á landi standi til að prófa að vinna
etanól, spæni, arinkubba og fóður-
blöndu. Nú þurfi að efla samstarf
við vísindafólk áður en stefnan á
framleiðslu verður mörkuð
frekar.
„Það hefur mikið verið spurt
um þetta og mikill spenningur er í
fólki,“ segir Sveinn og nefnir sem
dæmi um áhugaverð verkefni að
Kanadamenn séu byrjaðir að nota
hampolíu í framleiðslu á krabba-
meinslyfjum. Þá séu Svíar komnir
framarlega í vinnsluaðferðum á
hampi.
Þá segir Sveinn mikils virði að
vísindamenn við Háskólann á
Akureyri hafa mikinn áhuga á
framleiðslunni. „Það veitir ekki af
því að fá slíka menn til liðs við sig
ekki státar maður af mörgum
gráðum sjálfur,“ segir athafna-
maðurinn Sveinn á Kálfskinni að
lokum. karen@frettabladid.is
Hamprækt á Íslandi
með allra besta móti
Hamprækt gengur betur í Eyjafirði en annars staðar á landinu. Uppskeran hefur
verið góð og sýnir að jurtin þrífst vel hérlendis, segir bóndi sem hefur stofnað
fyrirtækið Hamp-Tech. Prófa á að vinna etanól og spæni úr uppskerunni.
HAMPUR Margir möguleikar felast í
hamprækt bæði fyrir landbúnað og
lyfjaiðnað.
MIKIL SPRETTA Eins og sést á myndunum hafa plönturnar vaxið þeim Sveini á Kálf-
skinni og Ólafi Eggertssyni, stórbónda á Þorvalds eyri undir Eyjafjöllum, yfir höfuð en
með þeim á myndinni er félagi þeirra Eiríkur Sveinn.
SKIPULAGSMÁL Ekki er vitað hve-
nær hafist verður handa við upp-
byggingu á Barónsreit, en hug-
myndir um 25.000 fermetra
miðborgarkjarna þar voru kynntar
fyrir ári síðan.
Reiturinn verður í óbreyttri
mynd enn um sinn, því forhönnun
og undirbúningi fyrir deiliskipu-
lagsferli er ekki lokið. Eftir það
tekur við lokahönnun og deiliskipu-
lagsvinna. Að henni lokinni gætu
framkvæmdir hafist.
Samkvæmt upplýsingum frá
fasteignafélaginu Samson Propert-
ies hafa ekki orðið neinar sérstakar
tafir á verkefninu. Samvinna við
skipulagsyfirvöld hafi verið góð,
en svona umfangsmikil verkefni
taki langan tíma. Ekki fæst uppgefið
hvenær áætlað er að ljúka yfir-
standandi hönnunar- og skipulags
vinnu eða hefja framkvæmdir.
Alþjóðleg lánsfjárþurrð hefur
ekki haft áhrif á framgang verk-
efnisins, enn sem komið er, sam-
kvæmt sömu upplýsingum. Tíð
stjórnarskipti hafa verið í Reykja-
víkurborg og kann það að hafa haft
sitt að segja um hversu langan tíma
undirbúningurinn hefur tekið. - kóþ
Ekkert bólar á uppbyggingu á 25.000 fermetra miðborgarkjarna:
Barónsreitur óbreyttur áfram
MIÐBORGARKJARNINN Hugmynd
Samsons gerði ráð fyrir 25.000 fermetra
uppbyggingu frá Skúlagötu og að Lauga-
vegi. Hún var kynnt fyrir ári. MYND/SAMSON
EFNAHAGSMÁL Fjármálaeftirlitinu
verður veitt meira svigrúm til að
grípa til aðgerða gegn markaðs-
framkvæmdum sem geta talist
ógna fjármálastöðugleika.
Samkvæmt tilkynningu sem
viðskiptaráðuneytið sendi frá sér
í gær er breytingunni meðal
annars ætlað að styrkja heimildir
Fjármálaeftirlitsins til að banna
eða setja skorður við skortsölu
hlutabréfa. Í Fréttablaðinu á
laugardaginn er sagt frá því
Fjármálaeftirlitið hefði ekki
heimild til að banna skortsölu.
Breytingin á við reglugerð
630/2005 um innherjaupplýsingar
og markaðssvik. - ovd
Verja fjármálastöðugleika:
Auknar heimild-
ir gegn skortsölu
STJÓRNMÁL Ummæli Davíðs
Oddssonar í viðtali við Stöð 2 eru
ekki samboðin seðlabankastjóra
að mati Árna Páls Árnasonar,
þingmanns Samfylkingarinnar. Í
viðtalinu sagði
Davíð að atlaga
væri gerð að
krónunni, og að
hana gerðu
lýðskrumarar af
versta tagi.
Árni Páll sagði í
Silfri Egils í gær
að framganga
seðlabankastjóra
ætti að vera til
fyrirmyndar og til samræmis við
stefnu bankans. Ummælin hefðu
ekki verið samboðin seðlabanka-
stjóra, sem ætti að vinna í
lýðfrjálsu ríki að framkvæmd
peningamálastefnu. Hann sagði
jafnframt að ef krónan ætti að
eiga möguleika á að lifa sem
sjálfstæður gjaldmiðill yrði að
skipta um áhöfn í Seðlabankanum.
- þeb
Ummæli Davíðs Oddssonar:
Ekki samboðin
seðlabankastjóra
KÍNA, AP Að minnsta kosti 43
létust og tæplega 90 særðust í
eldsvoða í næturklúbbi í Kína á
laugardagskvöld.
Næturklúbburinn var í
borginni Shenzhen í suðurhluta
Kína. Tæplega þúsund manns
voru á staðnum þegar eldurinn
braust út.
Talið er að eldurinn hafi
kviknað út frá flugeldum sem
kveikt hafi verið í á sviði
staðarins. - þeb
Eldsvoði á næturklúbbi:
43 látnir eftir
eldsvoða í Kína
LÖGREGLUMÁL „Þetta er mesta
magn fíkniefna sem við höfum
lagt hald á í einni aðgerð,“ segir
Stefán Vagn Stefánsson, yfirlög-
regluþjónn á Sauðárkróki eftir
húsleit sem lögreglan gerði í húsi
á Sauðárkróki á laugardag.
Hann vill ekki gefa upp hversu
mikið magn af fíkniefnum um er
að ræða, eða tegund fíkniefnanna,
þar sem málið er enn í rannsókn.
Kona sem býr í húsinu var
handtekin og hefur hún verið
úrskurðuð í gæsluvarðhald til 25.
september. Í kjölfar húsleitar-
innar á Sauðárkróki gerði
lög reglan leit í húsi á höfuð-
borgarsvæðinu þar sem einnig
fundust fíkniefni auk vopna. - ovd
Húsleit á Sauðárkróki:
Mikið magn
fíkniefna fannst
Salmann, kemur ekki til
greina að fá lóð undir mosku í
Moskvu?
„Nei, það er nóg af moskum í
Moskvu.“
Salmann Tamimi er formaður Félags
múslima á Íslandi. Félagsmenn eru orðnir
langeygir eftir lóð undir mosku í Reykja-
vík en átta ár eru liðin síðan félagið
óskaði eftir lóð.
ÁRNI PÁLL
ÁRNASON
BANDARÍKIN, AP Fjármálaráðherra Bandaríkjanna,
Henry Paulson, hvatti í gær bandaríska þingið til
þess að samþykkja með hraði áætlun Bandaríkja-
stjórnar um stofnun 700 milljarða dollara sjóðs.
Sjóðurinn er ætlaður til þess að kaupa upp skuldir
banka og fjármálastofnana. Þá ætlar ríkisstjórnin að
tryggja fé til nýrra húsnæðislána.
Paulson hvatti jafnframt önnur ríki til þess að
grípa til svipaðra aðgerða. Hann kom fram í fjölda
sjónvarpsþátta í Bandaríkjunum á laugardag þar
sem hann ræddi þessi mál. Um helgina fundaði hann
einnig með forystumönnum í báðum deildum banda-
ríska þingsins og er stefnt að því að samkomulag um
aðgerðirnar verði afgreitt á næstu dögum.
Samkvæmt tillögunni munu fjármálastofnanir með
umtalsverða starfsemi í Bandaríkjunum geta selt
skuldir til sjóðsins. Lítið hefur verið gefið upp um til-
löguna, að öðru leyti en hversu mikið er áætlað að
sjóðurinn kosti og hverjir muni geta nýtt sér hann.
Tilkoma sjóðsins yrði stærsta inngrip bandarískra
stjórnvalda á fjármálamarkaði frá kreppunni miklu
árið 1929. - þeb
Fjármálaráðherra Bandaríkjanna segir liggja á stofnun 700 milljarða dollara sjóðs:
Bandaríkjaþing bregðist hratt við
FJÁRMÁLARÁÐHERRANN Henry Paulson ásamt forsetanum
George Bush, sem hefur varið tillögu um 700 milljarða sjóð.
FRÉTTABLAÐIÐ/AP
GOLF Bandaríkin tryggðu sér
Ryder-bikarinn í golfi í gær með
því að sigra Evrópuliðið með 16,5
vinningum gegn 11,5.
Þegar síðasti keppnisdagur
hófst höfðu Bandaríkin forystu,
9-7. Evrópuliðið þurfti fjórtán
vinninga til að halda bikarnum
sem það hafði unnið þrjú skipti á
undan. Það tókst hins vegar ekki
því Bandaríkjamenn fengu 7,5
vinninga gegn 5,5 á lokadeginum.
Bandaríkjamenn hömpuðu
Ryder-bikarnum síðast árið 1999.
- shá
Ryder-bikarinn 2008:
Öruggur sigur
Bandaríkjanna
SIGUR Sigur Bandaríkjanna var sannfær-
andi og sigurvíman ósvikin. FRÉTTABLAÐIÐ/AP
SPURNING DAGSINS