Fréttablaðið - 22.09.2008, Blaðsíða 8
8 22. september 2008 MÁNUDAGUR
Viðskiptaráðuneytið
Evra á Íslandi
Hvort - hvernig - hvenær?
11:30 Skráning og léttur hádegisverður.
12:00 Björgvin G. Sigurðsson viðskiptaráðherra, setur ráðstefnuna.
12:10 The legal possibilities for adopting the Euro under European law.
Peter Dyrberg, Evrópuréttarstofnun HR.
12:50 Er sjálfkrafa evruvæðing farin af stað?
Eiríkur Bergmann Einarsson, Evrópufræðasetur, Bifröst.
13:30 Kaffihlé
13:50 Evruvæðing og fjármálastöðugleiki.
Friðrik Már Baldursson, Rannsóknarstofnun í fjármálum, HR.
14:30 Áhrif fjölmyntarsamfélagsins á vörumarkað.
Emil B. Karlsson, Rannsóknarsetur verslunarinnar, Bifröst.
15:10 Ráðstefnuslit.
Ráðstefnustjóri er Kristín Pétursdóttir, forstjóri Auðar Capital.
Tekið er við skráningum á skraning@ru.is
Dagskrá
23. september kl. 12:00-15:10 í Þjóðmenningarhúsinu.
Ráðstefna á vegum Háskólans í Reykjavík, Háskólans á Bifröst og
Viðskiptaráðuneytisins.
SAMFÉLAGSMÁL Báðir forsjárfor-
eldrar eiga rétt á upplýsingum um
barn sitt frá skólanum. Sumir
skólar virðast fela lögheimilisfor-
eldri vald til að ákveða hvort hitt
kynforeldrið fái upplýsingar og
gera hinu foreldrinu því erfitt
fyrir að sinna hagsmunagæslu og
skyldum sínum sem foreldri. Þetta
segir Valgerður Halldórsdóttir
félagsráðgjafi en hún flutti erindi
um upplýsingagjöf skóla á mennta-
þingi fyrir skömmu.
Valgerður bendir á að eitt af
markmiðum nýju grunnskólalag-
anna sé að auka þátttöku foreldra
í skólastarfi og tryggja tengsl
þeirra og samstarf við stjórnend-
ur skóla og skólasamfélagið
almennt. Samkvæmt lögum séu
foreldrar þeir sem fari með forsjá
barns í skilningi barnalaga. Lögin
skilgreini hins vegar foreldra
aðeins þá sem fara með forsjá og
tala bara um eitt heimili þótt börn-
in eigi tvö. Oft komi þetta niður á
feðrunum.
„Meðlag er greitt með 15 þús-
und börnum í landinu en ekki er
gert ráð fyrir samvinnu við tvö
heimili. Lögin eru því lítið í takt
við samtímann. Við setjum lög þar
sem ekki er tekið tillit til marg-
breytileika fjölskyldugerða,“
segir hún. „Allt kerfið gengur ein-
göngu út á að hafa samskipti við
forsjárforeldra barns. Fari barnið
á milli tveggja heimila þá hefur
annað heimilið ekki aðgang að
upplýsingum um til dæmis heima-
lærdóm barnsins.“
Skólar virðast fela forsjárfor-
eldri, sem barnið hefur lögheimili
hjá, vald og ábyrgð á að upplýsa
hitt foreldrið, til dæmis um for-
eldraviðtöl og heimanám. Skólar
hafa oft ekki fullnægjandi upplýs-
ingar um það hvernig forsjá barns
er háttað. Vinnureglan er oft sú að
lögheimilisforeldri hafi lokaorð
um hvort hitt foreldrið óháð forsjá
fái aðgang að upplýsingum frá
skóla. Lögheimilisforeldið er það
foreldri sem setur inn upplýsing-
ar þegar börn eru skráð í skóla og
er tilviljunarkennt hvaða upplýs-
ingar fara inn. Það foreldri sem
fer með forsjá en barnið á ekki
lögheimili hjá þarf að sækjast sér-
staklega eftir aðgangi.
Valgerður spyr hvort verið sé
að svipta börn rétti til ábyrgðar
beggja foreldra þar sem forsjár-
laust foreldri sé ekki foreldri sam-
kvæmt lögum og hvort forsjár-
lausir foreldrar og stjúpforeldrar
séu vannýtt auðlind. Hún leggur
til að skólinn horfi á báða foreldr-
ana sem jafn mikilvæga í lífi
barna, tryggi báðum heimilum
upplýsingar og viðurkenni að
stjúpfjölskyldan sé hið hefð-
bundna fjölskylduform hjá mörg-
um nemendum. ghs@frettabladid.is
Forsjárlausir
foreldrar fá oft
lítið að vita
Forsjárforeldrar eiga rétt á upplýsingum frá skóla.
Skólar veita hins vegar ekki alltaf báðum foreldrum
upplýsingar. Lögin gera ráð fyrir einu heimili og
taka ekki mið af margbreytileika fjölskyldugerða.
HEFUR EKKI UPPLÝSINGAR „Fari barnið á milli tveggja heimila þá hefur annað
heimilið ekki aðgang að upplýsingum um til dæmis heimalærdóm,“ segir Valgerður
Halldórsdóttir félagsráðgjafi.
Auglýsingasími
– Mest lesið
1. Hvað veldur bílasölum mikl-
um erfiðleikum?
2. Eftir hverju eru múslimar
langeygir?
3. Hvað á þátttaka Íslands í
heimssýningunni í Sjanghæ
árið 2010 að kosta?
SVÖRIN ERU Á SÍÐU 30
NEYTENDUR „Þetta byrjaði með einni
lítilli kók sem kostaði 350 kall,“
segir Gunnar Hjálmarsson, betur
þekktur sem dr. Gunni sem í gær
fagnaði eins árs afmæli Okur-
síðunnar.
Á síðunni hefur neytendum boð-
ist að senda dr. Gunna ábendingar
um okurverð á vörum og eða þjón-
ustu. „Ég hélt að þetta myndi gufa
upp á viku en þetta hitti í mark hjá
okurpíndri þjóð,“ segir dr. Gunni
en á síðunni eru nú tiltekin 1.220
okurdæmi.
Í færslu á síðunni í tilefni af
afmælinu tilkynnir hann að Okur-
síðan fari jafnvel að færa út kvíarn-
ar í bættu formi. „Þetta yrði meira
„átómatískt“ og síðan meira í stíl
við gestabók en núna er þetta dálítil
handavinna fyrir mig,“ útskýrir dr.
Gunni. Hann ætlar sér þó að hafa
aðgengi að síðunni svo hann geti
tekið út ósiðsamlegar færslur og
vonast hann til að nýja útfærslan
verði tilbúin á næstunni.
Hann segir að öll athyglin, sem
síðan hefur fengið hafi hjálpað
helling og í kjölfar fjölmiðlaum-
fjöllunar komi alltaf stórir skaflar
af okurtilkynningum.
Í tilefni af afmælinu birtir dr.
Gunni lista yfir „topp 10 - vondu
gæjana og topp 10 - góðu gæjana.“
Slóð á Okursíðu dr. Gunna er:
eyjan.is/goto/drgunni/ - ovd
Eins árs Okursíða dr. Gunna hefur slegið í gegn hjá okurpíndri þjóð:
Byrjaði með einni lítilli kók
ÍSLENSKU NEYTENDAVERÐLAUNIN Dr.
Gunni tekur við íslensku neytenda-
verðlaununum úr hendi Björgvins G.
Sigurðssonar, viðskiptaráðherra 14. maí
síðastliðinn. FRÉTTABLAÐIÐ/VILHELM
TOPP 10 - VONDU GÆJARNIR
1. 10/11 og aðrar „klukkubúðir“.
2. Lyfja, Lyf og heilsa og fl. apótek.
3. Byko og Húsasmiðjan.
4. Icelandair.
5. Leifsstöð.
6. Apple á Íslandi.
7. Krónan.
8. Te & Kaffi / Kaffitár.
9. Sambíóin.
10. BT.
TOPP 10 - GÓÐU GÆJARNIR
1. Santa María, Laugavegi.
2. Lyfjaver.
3. Dússa-Bar, Borgarnesi.
4. Tjöruhúsið, Ísafirði.
5. Símabær.
6. Hraunberg söluturn.
7. Ikea.
8. Tölvuvirkni.
9. Fiskbúðin Hafberg.
10. Bónus.
VEISTU SVARIÐ?