Fréttablaðið - 22.09.2008, Blaðsíða 10
10 22. september 2008 MÁNUDAGUR
IÐNAÐUR „Auðvitað væri æskilegt
að það væri samkeppni á þessum
markaði, en Jarðboranir eru með
þessa einokunarstöðu á íslenskum
markaði og ekkert annað fyrir-
tæki treystir sér til að bjóða í
verkin,“ segir Hjörleifur B.
Kvaran, forstjóri Orkuveitunnar
(OR). Því hafi margt verið reynt
til að fá önnur fyrirtæki til að
bjóða í.
Hjörleifur undirritaði á þriðju-
dag samning við Jarðboranir upp
á rúma þrettán milljarða um bor-
anir á Hellisheiði, en þriðjungur
samningsins er valkvæður þannig
að OR getur kosið að láta bora
eftir hentisemi. Tilboðið nam níu-
tíu prósentum kostnaðaáætlunar.
„Það sem bjargaði okkur í þetta
skiptið var að Jarðboranir héldu
að það kæmi annað tilboð, því
Ístak hafði sýnt þessu áhuga,“
segir Hjörleifur.
Til að auka líkur á samkeppni
hafi OR bryddað upp á þeirri
nýbreytni að bjóða peningaverð-
laun þeim fyrirtækjum sem byðu í
verkið, en fengju það ekki. Þetta
dugði ekki til, því ekkert fyrirtæki
bauð sig fram, þrátt fyrir að aug-
lýst væri á EES-svæðinu.
„Nei, og það kom ekki heldur
þegar við buðum út boranir í Djí-
bútí á dögunum. Ég veit ekki
nákvæmlega hvað hindrar erlenda
aðila í að sýna þessu áhuga, en
dettur í hug að þeir hafi einfald-
lega of mikið að gera,“ segir Hjör-
leifur, en jarðvarmi er eftirsóttur
um þessar mundir. Annað sem
komi til greina sé smæð verk-
anna.
En getur ekki verið að þau séu
of stór, þannig að minni innlendir
aðilar veigri sér við því að bjóða?
„Ég held að það sé miklu frekar
að hafa þau í stærra lagi. Verkefn-
in þurfa að vera nógu stór til að
laða erlendu fyrirtækin til lands-
ins. Og eins ef minni innlendir
aðilar þurfa að leigja bora í verkin
frá útlöndum, þá er betra að hafa
almennilegt verk,“ segir hann.
En hvað er þá til ráða í framtíð-
inni?
„Það er góð spurning og við
munum skoða það,“ segir Hjör-
leifur. Jafnvel gæti komið til
greina samstarf við Hitaveitu Suð-
urnesja og Landsvirkjun, til að
stækka útboðin enn.
klemens@frettabladid.is
RV
U
n
iq
u
e
0
90
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Á kynningarverði
Svansmerkt RV hreinsiefni
með ferskum ilmi.
UM
HVERFISMERKI Svansmerkt RV hreinsiefni
- með ferskum ilmi
Á tilboði í september 2008Svansmerktar Lotus
Professional pappírsvörur20 % afsláttur
Jarðboranir í einokunarstöðu
Forstjóri Orkuveitu harmar að einungis eitt fyrirtæki geti boðið í stór verkefni. Verðlaun voru í boði fyrir
þá sem þorðu að bjóða. Ekkert tilboð frá útlöndum, þrátt fyrir auglýsingu á Evrópska efnahagssvæðinu.
■ Jarðboranir voru stofnaðar árið 1945. Fyrirtækið
var áður í eigu Reykjavíkurborgar og ríkisins þang-
að til Atorka keypti það árið 2006.
■ Fram að þeim tíma var samstarfið mikið og
Guðmundur Þóroddsson, þáverandi forstjóri
Orkuveitunnar, var jafnframt stjórnarformaður
Jarðborana.
■ Í síðasta stóra útboði OR fengu Jarðboranir einnig
samninginn, upp á átta milljarða króna. Þá voru
Ístak og Íslenskir aðalverktakar með hærra tilboð.
Þeir héldu sig fjarri góðu gamni í þetta sinn.
■ Vegna nýs samnings um boranir á Hellisheiði
þurftu Jarðboranir að gangast undir verkábyrgð
sem nemur 10 prósentum af samningsupphæð-
inni.
■ Jarðboranir fá greitt eftir því sem verkinu miðar.
■ Samstarf Jarðborana og Orkuveitunnar hefur verið
afar gott, að sögn forstjóra Orkuveitu.
■ Geysir Green Energy er nú eigandi Jarðborana.
SAMSTARFSAÐILAR Í ÁRATUGI
HJÖRLEIFUR B. KVARAN OG BENT S. EINARSSON FORSTJÓRI JARÐBOR-
ANA SKRIFA UNDIR Eins og fram kom í Fréttablaðinu í lok ágúst verða
fimmtíu holur boraðar á Hellisheiði fyrir rúma 13 milljarða.
MYND/ORKUVEITAN
STJÓRNMÁL „Ég vísa því algerlega á
bug að þetta hafi nokkuð með
árásir á formanninn að gera eða
kynþáttamál,“ segir Þóra Guð-
mundsdóttir, formaður kjördæma-
félags Frjálslynda flokksins í
Reykjavíkurkjördæmi suður og
fulltrúi í miðstjórn flokksins um
átök innan flokksins.
Hún segir Kristni H. Gunnars-
syni þingflokksformanni hafa tek-
ist að snúa umræðunni á haus.
Kristinn velji að segja átökin í
flokknum vera aðför að formann-
inum, Guðjóni Arnari Kristjáns-
syni. „Sem þau eru ekki heldur er
þetta megn óánægja með Kristinn
sjálfan og hans framgöngu
gagnvart flokksfélögum.“ Hún
átelur framkomu Kristins gagn-
vart almennum flokksmönnum.
Sjálf hafi hún ekki átt í neinum úti-
stöðum við Kristin. „Í kjölfar
stofnunar kjördæmafélaganna í
Reykjavík breyttist hegðun hans
gagnvart okkur í Reykjavík. Til-
gangur stofnunar félaganna var að
efla flokksstarf í Reykjavík en
Kristinn túlkar þetta sem aðför
gegn sér.“
Hún segir halla á hlutföll í
flokknum enda komi formaður og
þingflokksformaður báðir úr sama
kjördæmi. „Það er ekkert launung-
armál að okkur finnst eðlilegt að
Reykjavík fái meira vægi.“ - ovd
Segir átök innan Frjálslynda flokksins snúast um megna óánægju með Kristin:
Umræðunni snúið á haus
ÞÓRA GUÐMUNDSDÓTTIR
SPÁNN, AP Tíu manns slösuðust
þegar öflug bílasprengja sprakk í
bænum Ondarroa í Baskalandi á
Spáni í gærmorgun.
Sprengjan var sprengd fyrir
utan lögreglustöð í bænum og olli
talsverðum skemmdum á
byggingum. Þrír lögreglumenn og
sjö almennir borgarar, þar á
meðal fimmtán ára stúlka,
slösuðust í sprengingunni.
Önnur sprengja var sprengd
nokkrum klukkustundum fyrr í
borginni Vitoriu, höfuðborg
Baskalands. Þar slasaðist enginn.
Lögregla hefur greint frá því að
aðskilnaðarsamtökin ETA séu
ábyrg fyrir tilræðunum. - þeb
Sprengingar í Baskalandi:
Tíu særðir eftir
bílasprengju
LÖGREGLUMÁL Ökumaður missti
stjórn á bíl sínum á Reykjanes-
brautinni aðfaranótt sunnudags
með þeim afleiðingum að bíllinn
hafnaði á ljósastaur. Nokkurt krap
var á veginum þegar slysið varð
vegna hagléls fyrr um nóttina.
Þá missti ökumaður stjórn á bíl
sínum á Reykjanesbraut í gær-
morgun með þeim afleiðingum að
bíll hans hafnaði á rafmagns kassa.
Engan sakaði í þessum óhöppum
en bílarnir eru báðir nokkuð
skemmdir auk þess sem ljósa-
staurinn og rafmagnskassinn eru
talsvert skemmdir. - ovd
Hálka og krap vegna hagléls:
Útafakstur á
Reykjanesbraut
LÖGREGLUMÁL Lögreglan í
Borgarnesi tók mann fyrir akstur
undir áhrifum áfengis aðfaranótt
sunnudags. Áður hafði lögreglan
veitt aksturslagi mannsins
eftirtekt þegar hún mætti honum
á gatnamótum Skorradalsvegar
og Borgarfjarðarbrautar.
Við eftirgrennslan fannst bíll
mannsins utan vegar og leikur
grunur á að maðurinn hafi ætlað
að fela sig fyrir lögreglunni.
Var hann því færður á lögreglu-
stöð til skýrslu- og sýnatöku en
sleppt að því loknu. - ovd
Ölvunarakstur í Borgarfirði:
Faldi sig fyrir
lögreglunni
KÍNA Mörg lönd hafa stöðvað inn-
flutning á kínverskum mjólkurvör-
um eftir að melamín fannst í þurr-
mjólk fyrir ungbörn og fleiri
vörum. Bandaríkjamenn hafa
stöðvað innflutning á fiski frá Kína
af ótta við að melamín leynist í fisk-
inum. Í Japan hefur kínverskt sæta-
brauð verið innkallað.
Kínversk stjórnvöld óttast að
hneykslið hafi neikvæð áhrif á
útflutning. Yfirmaður matvæla-
fyrirtækis hefur verið dæmdur til
dauða fyrir mútur. Forseti Kína
ávítaði nýlega embættismenn fyrir
vanrækslu í starfi og kínverska rík-
isstjórnin lofaði nægum birgðum af
ómengaðri þurrmjólk. Ráðist var í
aðgerðirnar í kjölfar eins versta
matvælahneykslis sem komið hefur
upp í landinu.
Fjögur kínversk ungbörn hafa
látist, yfir 100 eru hætt komin og
tæplega 13 þúsund börn eru veik
eftir að hafa drukkið þurrmjólk
drýgða með melamíni. Melamín
hefur einnig fundist í mjólk, ís og
jógúrt. Rannsókn kínverskrar lög-
reglu stendur yfir. Yfirvöld hafa
fundið melamín í um sjötíu mjólk-
urvörum frá meira en tuttugu fram-
leiðendum. Mesta melamínið hefur
fundist í þurrmjólk frá Sanlu.
Verslanir hafa tæmt hillur með
þurrmjólk og öðrum vörum.
Tæplega 70 af 175 kínverskum
þurrmjólkurframleiðendum hafa
stöðvað framleiðslu sína og þrír
stærstu framleiðendurnir, Yili,
Mengniu og Sanlu, hafa dregið
framleiðslu sína af markaði.
Sænska fyrirtækið Arla, sem hefur
verið í samstarfi við Mengniu,
hefur ákveðið að hætta framleiðslu
í Kína. Í Hong Kong hefur þurr-
mjólk frá Nestlé verið afturkölluð.
Melamín getur leitt til nýrnasteina
og þvagvandamála. Skemmdir á
nýrum geta leitt til dauða. Í Kína
var melamín notað til að vatns-
blönduð mjólkin sýndi hærra prót-
eininnihald.
Óskar Ísfeld Sigurðsson, deildar-
stjóri hjá Reykjavíkurborg, telur
að engar líkur séu á melamínmeng-
un í innfluttum vörum á Íslandi.
- ghs
Kínversk stjórnvöld óttast að matvælahneykslið hafi neikvæð áhrif:
Mörg lönd stöðva innflutning
Á SJÚKRAHÚSI Kínverskt foreldri með barnið sitt á sjúkrahúsi eftir að hafa gefið því
melamínmengaða þurrmjólk.
MELAMÍN EKKI Á
ÍSLANDI
Melamín hefur aldrei fundist í
þurrmjólkurdufti á Íslandi. Fyrir
meira en tuttugu árum varð hins
vegar slys á fæðingardeildinni á
Landspítalanum þar sem sjald-
gæfur sýkill, sakasaki, fannst í þurr-
mjólkurdufti fyrir ungbörn. Þegar
mjólkin var endurupphituð náði
sýkillinn að fjölga sér mikið. Þrjú
börn sýktust, eitt barn lést og tvö
urðu fyrir skaða. Málið var rann-
sakað og skaðabætur greiddar.
SIGUR Í HÖFN Spænski tennisleikarinn
Rafael Nadal fagnaði sigri sínum á
Bandaríkjamanninum Andy Roddick
innilega í gær. Þeir áttust við í nauta-
atshring í Madríd.
FRÉTTABLAÐIÐ/AP