Fréttablaðið - 22.09.2008, Blaðsíða 46
30 22. september 2008 MÁNUDAGUR
1
6 7 8
10
13
119
12
15
16
18
21
20
17
14
19
2 3 4 5
HVAÐ SEGI MAMMA?
LÁRÉTT
2. vísað, 6. í röð, 8. andmæli, 9. suss,
11. tveir eins, 12. sæti, 14. geil, 16.
nafnorð, 17. sjáðu, 18. námstímabil,
20. rykkorn, 21. kvenklæðnaður.
LÓÐRÉTT
1. höfuð, 3. samanburðartenging,
4. skrautplanta, 5. að, 7. frilla, 10.
sunna, 13. lærir, 15. mjög gamall, 16.
nasaop, 19. númer.
LAUSN
LÁRÉTT: 2. bent, 6. aá, 8. nei, 9. uss,
11. ll, 12. stóll, 14. kleif, 16. no, 17.
sko, 18. önn, 20. ar, 21. sarí.
LÓÐRÉTT: 1. haus, 3. en, 4. nellika,
5. til, 7. ástkona, 10. sól, 13. les, 15.
forn, 16. nös, 19. nr.
„Við vinnum á daginn og eyðum svo kvöldunum í að
koma stofunni upp,“ segir Hanna Kristín Jónsdóttir
hárgreiðslukona sem vinnur nú að því að breyta
fyrrverandi bakaríi í hárgreiðslustofu, í Rjúpnasöl-
um í Kópavogi. „Við Guðlaug Helga Guðlaugsdóttir
vinkona mín höfum unnið saman í fimm ár og lengi
langað að opna stofu. Við fundum svo þetta húsnæði,
þar sem bakaríi hafði verið lokað, og ákváðum að
skella okkur á það,“ bætir hún við og segist ekki
kvíða rekstrinum þrátt fyrir mikið krepputal í
þjóðfélaginu.
„Það er engin stofa alveg í næsta nágrenni við
okkur. Við höfum báðar leigt stól á annarri stofu svo
við þekkjum inn á reksturinn og höfum verið með
okkar eigið batterí, bara í minna formi,“ segir
Hanna Kristín sem mun opna stofuna Modus ásamt
vinkonu sinni um mánaðamótin næstkomandi.
„Við erum sjálfar í því að endurinnrétta og fáum
hjálp frá fjölskyldumeðlimum. Það voru milliveggir,
en það þurfti að gera alveg helling til að koma þessu
í fínt stand,“ segir Hanna Kristín. - ag
Breyta bakaríi í
hárgreiðslustofu
ENDURINNRÉTTA Á KVÖLDIN Hanna Kristín og Guðlaug Helga
eyða nú flestum kvöldum í að endurinnrétta hárgreiðslustof-
una sem mun opna um næstkomandi mánaðamót.
Von er á tvöföldum diski með Tví-
höfða í október. Vinnuheiti hans er
Tvíhöfði lítur um öxl. Á öðrum
disknum verður besta áður
útgefna efnið að mati stjórnend-
anna, á hinum óútgefið efni. Þessi
magnaði útvarpsþáttur þeirra
Jóns Gnarr og Sigurjóns Kjartans-
sonar var í loftinu á ýmsum
útvarpsstöðvum og með hléum frá
1996 til 2007.
„Mér finnst þetta einstakt fyrir-
bæri í Íslandssögunni og rosalega
skemmtilegt og gagnlegt,“ segir
Jón um Tvíhöfða. „Ég held að þátt-
urinn hafi glatt marga og gert
marga vinnuna skemmtilegri.
Sjálfur vann ég meðal annars í
Hampiðjunni með heyrnartól áður
en ég byrjaði í útvarpinu og það
var ekkert í boði til að hlusta á
nema eitthvert endalaust mal. Tví-
höfði var uppreisn gegn því. Og
því miður held ég bara að sú upp-
reisn hafi mistekist.“
Fjórar Tvíhöfðaplötur komu út
þegar vinsældir Tvíhöfða voru
sem mestar – Til hamingju (1998),
Kondí fíling (1999) Sleikir hamst-
ur (2000) og Konungleg skemmtun
(2001) – og á þeim voru bæði skets-
ar og ógleymanleg lög. Hvar
man til dæmis ekki eftir
lögum eins og „Gefum
honum von“ og „Stuðlag-
ið um Sigur Rós“.
„Á disknum með óút-
gefna efninu verður
meðal annars yfirkenn-
arinn, smásálin og eitt-
tvö óútgefin lög,“ segir
Jón. „Það verður líka
eitthvað af Mústafa
Nígeríu-svindlara. Við ætluðum
alltaf að gera honum betur skil en
þegar við fórum að athuga málið
var búið að eyða mestu af því efni.
Það eru samt einhverjir
hápunktar til, eins og
þegar hann fór að ríf-
ast við Dr. Franken-
stein og bað Woody
Allen um að hætta að
vera svona geðveik-
an.“
Sigurjón Kjartans-
son segir að Tvíhöfði
væri eflaust enn í loft-
inu ef það hefði ekki
alltaf verið svona
mikið basl að fá ein-
hvern til að
kosta þátt-
inn. Síð-
ast
var
Tvíhöfði með vikulegan þátt á Rás
2. „Ein aðalástæðan fyrir því að
við héldum ekki áfram þar voru
einhverjar breytingar á auglýs-
ingadeildinni hjá þeim, sem er
náttúrlega alveg fáránlegt,“ segir
Sigurjón. „Ég stakk upp á því að
við færum á Rás 1 en það var
aldrei rætt almennilega. En af
hverju ekki Tvíhöfði á Rás 1? Af
hverju þarf sú stöð að hljóma
endalaust eins og upplestur á
ritgerðum eftir háskólafólk?“
Jón er sama sinnis og segist
sakna útvarpsmennskunnar. Það
sé margt í tíðarandanum og
þjóðmálunum sem gaman væri að
taka fyrir á hinn einstaka Tvíhöfða-
hátt. „Ef það væri einhver frábær
útvarpsstöð sem sæi vit í því að
ráða Tvíhöfða til að sjá um
morgunþátt þá værum við alveg
geim.“
JÓN GNARR: MÚSTAFA NÍGERÍUSVINDLARI Á NÝJUM DISKI TVÍHÖFÐA
Tvíhöfði lítur um öxl
NÍGERÍUSVINDLARINN
MÚSTAFA Hlustendur
fylgdust andstuttir
með viðskiptum
Tvíhöfða við
hann.
AF HVERJU EKKI TVÍHÖFÐI Á RÁS 1? Jón og Sigurjón sakna útvarpssins.
„Ég er víkingahöfðingi. Og senni-
lega einhver minnsti víkinga-
höfðingi sem sést hefur opinber-
lega,“ segir Júlíus Brjánsson,
eða Júlli Brjáns, leikari með
meiru.
Júlíus fer með burðarrullu í
auglýsingu sem Saga film fram-
leiðir fyrir ASÍ. Leikstjórar eru
tvíeykið Sammi og Gunni en Enn-
Emm auglýsingastofa hefur list-
ræna yfirumsjón. Höfundur er
Jón Gnarr sem segir Júlla snið-
inn í hlutverkið og hafa staðið sig
eins og hetja. „Þetta er skemmti-
leg auglýsing og mikið í þetta
lagt,“ segir Júlíus sem aldrei
hefur íklæðst eins viðamiklu
gervi þau 35 ár sem hann hefur
verið í bransanum. „Glæsiklæðn-
aður og allt er þetta mjög
dramatískt. Tekið í fjörunni við
Reynisdranga. Í baráttu við nátt-
úruöflin eins og alvöru víkingar.
Það byrjaði að hvessa, flæða að
og öldugangur eftir því. Við
áttum fótum fjör að launa og í
basli við að bjarga tækjum og
tólum og leikmynd,“ segir Júlli.
Að sögn leikarans knáa er aug-
lýsingin hugsuð sem hugleiðing
um stéttaskiptingu; þrælar og
víkingar. „Hvort hún hefur
breyst og þroskast eins mikið í
aldanna rás eins og við viljum
vera láta“ Aðrir leikarar sem við
sögu koma eru Didda, Erpur
Eyvindarson og Jörundur Ragn-
arsson.
Stjarna Júlla skín nú skært.
Hann er í Dagvaktinni sem faðir
Ólafs Ragnars og nú þessi burð-
arrulla í stórri auglýsingu. „Ég
byrjaði á toppnum fyrir 35 árum
sem Kaffibrúsakarl og síðan
hefur leiðin legið niður á við.
Nei, nei, stundum er mikið að
gera og stundum minna. Stund-
um er maður áberandi og stund-
um ekki. Það er tilviljunum háð í
hvaða verkefnum maður lendir.
Þegar upp er staðið er það innri
hamingjan sem máli skiptir.“
Og þú ert ríkur af henni?
„Það er dagamunur á því.“ - jbg
Júlli Brjáns sem vígalegur víkingur
JÚLLI BRJÁNS Leikur í hverri rullunni á
fætur annarri nú um stundir.
Harry Knowles hjá nördasíðunni
Ain’t it Cool er yfir sig ánægður
með kvikmyndina Astropíu, sem
hann sá á nördahátíðinni Fantastic
Fest í Austin, Texas. Hann lýkur
miklu lofsorði á handritið og ýmsar
kórréttar nördatilvísanir í henni. Þá
er hann ánægður með Ragnhildi
Steinunni, sem hann segir minna
á bæði Paris Hilton og Reese
Witherspoon í útliti.
Eitthvað er hann
þó úti á túni
með kærasta
Ragnhildar
í myndinni.
Hann var sem
kunnugt er leikinn
af Davíð Þór
Jónssyni, en
Harry heldur að
þetta sé sænski
stórleikarinn
Peter Stormare.
Gunnar Þorsteinsson í Krossinum
er afar ósáttur við titil Kynlífsbiblí-
unnar, sem nýverið kom út hjá JPV
Bókaforlagi. Vill hann meina að
gríðarlega ósmekklegt sé að nota
orðið biblía í þessu sambandi.
„Menn nudda sér utan í Krist til
að njóta góðs af honum,“ sagði
Gunnar í samtali við DV í vikunni.
Svo skemmtilega vill til að þessum
tilburðum sem Gunnar lýsir, að
nudda sér upp við aðra til að njóta
góðs af, er einmitt lýst í Kynlífs-
biblíunni í ýmsum
útfærslum, þar á
meðal einni sem
kölluð er að
„þurrka spjótið“.
-drg/kg
FRÉTTIR AF FÓLKI
„Auðvitað er ég afskaplega stolt
af henni. Það sást strax á fyrsta
ári að það var tónlist í henni.
Það fór ekkert á milli mála
þegar hún var að dilla sér fyrir
framan útvarpið, en ekki óraði
mann fyrir því þá að hún yrði
það sem hún er í dag.“
Sigrún Einarsdóttir um dóttur sína Lovísu
Elísabetu Sigrúnardóttur, sem er betur
þekkt sem tónlistarkonan Lay Low.
Dive Deeper 08
Tækninámsstefna í Smárabíó 9-10 október
Microsoft sérfræðingar, ekki missa af þessu!
Nánari upplýsingar og skráning í síma 544 4500 og www.ntv.is/divedeeper
MEIRA EN
200
ÓKEYPIS
KROSSGÁTUR
w
w
w
.t
h
is
.i
s
/k
ro
s
s
g
a
tu
r
w
w
w
.t
h
is
.i
s
/k
ro
s
s
g
a
tu
r
VEISTU SVARIÐ
Svör við spurningum á síðu 8
1. Óstöðugt gengi krónunnar.
2. Lóð undir mosku.
3. 600 milljónir króna.