Fréttablaðið - 23.09.2008, Blaðsíða 2

2 23. september 2008 ÞRIÐJUDAGUR
JÓHANNES KARL KRISTJÁNSSON Jóhann-
es Karl Kristjánsson er tæknimaður hjá
Bylgjunni og Stöð 2 en ekki fréttamaður
hjá Kompás.
FÓLK „Það þýðir ekkert að segja
honum að ég sé ekki Kompás-
maðurinn. Hann tekur það ekki
sem gilt og heldur að ég sé að
ljúga að honum,“ segir Jóhannes
Karl Kristjánsson, nafni Jóhann-
esar Kristjáns Kristjánssonar úr
fréttaskýringaþættinum Komp-
ási.
Ókunnugur maður hringdi
þrisvar í Jóhannes Karl í
fyrradag og hótaði honum öllu
illu. Hið sama gekk reyndar yfir
hinn rétta Jóhannes og athafna-
manninn Ragnar Magnússon,
sem grunar Benjamín Þ.
Þorgrímsson um verknaðinn. Í
Kompási í gærkvöldi var fjallað
um handrukkara og átök sem
áttu sér stað á milli Benjamíns
og Ragnars í sumar. Benjamín
fór fram á lögbann á þáttinn en
Sýslumaðurinn í Reykjavík
hafnaði þeirri kröfu. Eftir það
tóku hótanirnar að berast, þar á
meðal til hins blásaklausa
Jóhannesar Karls. - fb / sjá síðu 30
Kompás-umfjöllun:
Rangur maður
fær hótanir
Um 1.600 farþegar af
þeim 3.000 sem eru um
borð ætluðu að fara í ferðir skipu-
lagðar af okkur.
ÓLÖF SVEINSDÓTTIR
DEILDARSTJÓRI SKIPADEILDAR ATLANTIK
FERÐAÞJÓNUSTA Crown Princess,
eitt stærsta og glæsilegasta
skemmtiferðaskip veraldar, hefur
afboðað komu sína til landsins
vegna veðurs. Um borð eru þrjú
þúsund amerískir ferðamenn.
Tap ferðaþjónustufyrirtækja,
verslana og veitingahúsa á Suð-
vesturlandi nemur tugum millj-
óna.
Crown Princess átti að koma til
hafnar í Reykjavík með morgni
en vegna slæms veðurútlits hefur
ferðaskrifstofunni Atlantik verið
tilkynnt að ekkert verði af því.
Atlantik hefur með höndum alla
umsýslu vegna komu skipsins og
ljóst er að ferðaþjónustufyrir-
tæki, verslanir og veitingastaðir
verða af miklum tekjum.
Ólöf Sveinsdóttir, deildarstjóri
skipadeildar Atlantik, segir að
Crown Princess sé eitt allra
stærsta og best búna skemmti-
ferðaskip heims en í sumar hafi
komu fjögurra skemmtiferða-
skipa verið aflýst. Hvert slíkt til-
vik er áfall en þetta tilvik þó sýnu
stærst. „Um 1.600 farþegar af
þeim 3.000 sem eru um borð ætl-
uðu að fara í ferðir skipulagðar af
okkur. Undir þennan hóp vorum
við búin að panta um fjörutíu
rútur, tíu jeppabifreiðir og fjölda
leiðsögumanna. Um 700 manns
ætluðu að borða hádegismat og
þiggja kaffiveitingar. Svo er það
grillmatur fyrir stóran hóp í Þórs-
mörk og svona get ég haldið lengi
áfram.“
Ólöf treystir sér ekki til að
meta hversu mikið fjárhagslegt
tap fyrirtækisins sé vegna afboð-
unar skipsins en viðurkennir að
höggið sé þungt. Eftir stutta
fyrirgrennslan Fréttablaðsins er
óhætt að áætla að hver farþegi
skilji eftir tíu til fimmtán þúsund
krónur eftir eins dags dvöl. Því
verður ferðaþjónustan af 30 til 45
milljóna króna tekjum á þessum
eina miðvikudegi, en skipið átti
að leggja úr höfn að nýju að kvöldi
dags.
Ólöf bendir á að fjölmargir aðil-
ar sjái á bak góðum gestum.
Hópur af skipinu ætlaði að heim-
sækja söfn á höfuðborgarsvæð-
inu og suður með sjó. Bláa lónið
tapi miklu auk þess sem verslanir
í miðbæ Reykjavíkur missi af
1.200 ferðalöngum með mikla
kaupgetu úr verslun sem ætluðu
ekki í hópferðir. Ótalinn er tekju-
missir þjónustufyrirtækja við
þekkta staði eins og Gullfoss og
Geysi, auk hvalaskoðunarfyrir-
tækja.
svavar@frettabladid.is
SPURNING DAGSINS
Sveinn, er þetta jurt til að
hampa?
„Já, menn mega hampa jurtinni en
ekki láta jurtina hampa sér.“
Sveinn Elías Jónsson, bóndi í Kálfskinni
í Eyjafirði, ræktar hamp með góðum
árangri.
VIÐSKIPTI „Við erum mjög ánægðir
með að fá hans hátign sem hlut-
hafa í bankann,“ segir Hreiðar
Már Sigurðsson, forstjóri Kaup-
þings, um kaup sjeik Mohameds
bin Khalifa Al-Thani á rétt rúmum
fimm prósenta hlut í bankanum.
Kaupverð nemur 25,5 milljörðum
króna.
Hreiðar bendir á að Sigurður
Einarsson, stjórnarformaður
Kaupþings, hafi farið ásamt Ólafi
Ragnari Grímssyni, forseta
Íslands, í opinbera heimsókn til
Katar í byrjun árs þar sem íslensk
orku- og fjármálafyrirtæki hafi
verið kynnt fyrir þarlendum ráða-
mönnum. Þá komu fulltrúar frá
Katar hingað til lands um mitt ár
og funduðu með forsetanum.
„Þessar heimsóknir hjálpuðu
klárlega til,“ segir Hreiðar.
Hann segir sömuleiðis að
Ólafur Ólafsson, stjórnarfor-
maður Alfesca, hafi átt stóran
hlut að máli en hann hafi átt sam-
skipti við menn í Katar í mörg ár.
Talsverð tengsl eru á milli
Alfesca og Kaupþings. Ólafur,
sem er stærsti hluthafi Alfesca,
er með stærstu hluthöfum Kaup-
þings. Kaupþing er svo aftur
næststærsti hluthafi Alfesca. Al-
Thani keypti 12,6 prósenta hlut í
Alfesca í júní.
Al-Thani er umsvifamesti
erlendi fjárfestirinn hér en mark-
aðsverðmæti hluta hans í báðum
félögum nemur rúmum 32 millj-
örðum króna. - jab / sjá síðu 13
Forsetaheimsókn til Katar skilar sér í sölu á fimm prósenta hlut í Kaupþingi:
Milljarðar frá Mið-Austurlöndum
EFNAHAGSMÁL Verð á hráolíu
hækkaði um 16,37 dali tunnan á
mörkuðum í gær og er það mesta
hækkun á olíuverði á einum degi.
Verð á tunnu fór í 120,92 dali.
Ástæður verðhækkunarinnar eru
meðal annars sagðar vera vegna
áhyggjum miðlara af eftirspurn
þar sem olíuframleiðsla á
Mexíkóflóa er enn skert eftir
fellibylinn Ike auk þess sem Sádi-
Arabar hafa dregið úr fram-
leiðslu sinni. Þá telja miðlarar
einnig að boðaðar aðgerðir
bandarískra stjórnvalda til
aðstoðar fjármálastofnunum
muni leiða til aukinna umsvifa í
hagkerfinu sem auka muni
eftirspurn eftir olíu. - ovd
Hráolíuverð hækkar:
Mesta hækkun
frá upphafi
DÓMSMÁL Lögreglumaður hefur
verið ákærður fyrir brot í opinberu
starfi og líkamsárás. Honum er
gefið að sök að hafa tekið ungan
pilt kverkataki í verslun 10-11 í
Grímsbæ í lok maí. Málið var
þingfest í héraðsdómi Reykjavíkur
í gær, þar sem lögreglumaðurinn
neitaði sök.
Maðurinn hafði afskipti af
sautján ára pilti eftir að tilkynnt
hafði verið um þjófnað á vöru úr
versluninni. Í ákæru segir að þegar
pilturinn neitaði að tæma vasa sína
hafi lögreglumaðurinn gripið hann
kverkataki, svo átök hlutust af.
Síðan hafi lögreglumaðurinn snúið
piltinn niður í gólfið og handjárnað
hann. Pilturinn hlaut áverka við
aðfarirnar. Lögmaður hans gerir
kröfu um skaðabætur að upphæð
400 þúsund krónur. - jss
Lögreglumaður í 10-11:
Ákærður fyrir
líkamsárás
DÓMSMÁL Hæstiréttur staðfesti í
gær farbannsúrskurð Héraðs-
dóms Reykjavíkur yfir fyrrver-
andi framkvæmdastjóra Verð-
bréfaþjónustu sparisjóðanna.
Maðurinn hefur sætt farbanni í
sautján mánuði, lengur en nokkur
annar, en samkvæmt úrskurði
gærdagsins er farbannið fram-
lengt til 11. nóvember.
Maðurinn er sakaður um
skjalafals og auðgunarbrot og
telur Ríkissaksóknari meðal
annars að brot mannsins geti leitt
til þess að ábyrgðir fyrir um 200
milljónir Bandaríkjadala verði
bindandi fyrir verðbréfasjóðinn.
- ovd
Skjalafals og auðgunarbrot:
Framkvæmda-
stjóri í farbanni
FÓLK „Að sjálfsögðu keyptum við
mat og allar helstu nauðsynjar,
þetta var ekkert meinlætalíf,“
segir Rúna Björg Garðarsdóttir,
kennari í Laugarnesskóla, sem
fór í verslunarbann í tvo mánuði
ásamt nokkrum samkennurum
sínum við upphaf ársins 2007.
Kveikjan var Compact-
hópurinn í San Francisco sem er
hópur fólks sem fór í verslunar-
bann í eitt ár og keypti aðeins
nauðsynjavörur, en reyndi að
öðru leyti að endurnýta. „Við
fórum út í þetta aðallega vegna
umhverfissjónarmiða, þótt sumir
hafi líka séð þetta sem leið til að
spara,“ segir Rúna Björg sem
segist mun meðvitaðri um
innkaupin í dag.
- hs / sjá sérblaðið Neytandinn
Kennarar í Laugarnesskóla:
Sjálfskipað
verslunarbann
KENNARAR LAUGARNESSKÓLA Keyptu
aðeins helstu nauðsynjar í tvo mánuði.
FRÉTTABLAÐIÐ/ANTON
Válynd veður hrekja
risaskip frá landinu
Eitt stærsta farþegaskip heims kemur ekki til hafnar í Reykjavík á morgun
vegna veðurs. Ferðaþjónustufyrirtæki, verslanir og veitingahús verða af tugum
milljóna. Um borð eru 3.000 farþegar frá Bandaríkjunum á leið til Evrópu.
CROWN PRINCESS Skipið er 116 þúsund tonn og auk 3.000 farþega eru um borð 1.200 manna áhöfn. Allar hugsanlegar lífsins
lystisemdir eru fáanlegar um borð. MYND/CROWN PRINCESS
LÖGGÆSLUMÁL Jón F. Bjartmarz, yfirlögreglu-
þjónn hjá embætti Ríkislögreglustjóra, sagði
sig í gær úr Lögreglufélagi Reykjavíkur (LR).
Það gerði einnig yfirmaður sérsveitar Ríkislög-
reglustjóra. Talið var að fleiri hjá embættinu
myndu skila inn úrsögnum í gærkvöld.
Í tölvupósti sem Jón sendi til Óskars
Sigurpálssonar, formanns lögreglufélagsins, og
allra annarra félagsmanna þess kvaðst Jón
hafa verið í félaginu frá 1979.
„Eftir að hafa hlustað á ummæli þín í
fréttum í gærkvöldi lýsi ég yfir vantrausti á
þig sem formann félagsins...“ segir í póstinum.
Þar er átt við ummæli Óskars, sem sagði meðal
annars embætti Ríkislögreglustjóra að mörgu
leyti tilraun sem hefði misheppnast. Jafnframt
að of mörgum verkefnum hefði verið ýtt til
embættisins eða ...þeir sölsað undir sig.“
„Að formaður félagsins komi fram með
þessum hætti og efni til illdeilna innan
lögreglunnar og blandi sér í hagsmunapot
einstakra lögreglustjóra sem skaðar hluta
félagsmanna er með öllu óafsakanlegt,“ segir
enn fremur í tölvupósti Jóns.
Stjórn LR sendi frá sér yfirlýsingu í
gærkvöldi þess efnis að verkefni stjórnarinnar
sé ekki að hafa afskipti af stjórnunarhætti
lögreglu á landsvísu og hafi þar af leiðandi
aldrei verið rætt á stjórnarfundum þess.
„Stjórn félagsins er skipuð mönnum með
mismunandi skoðanir og teljum við hvern og
einn hafa rétt á að hafa sína persónulega
skoðun. Ummæli formanns LR endurspegla því
ekki afstöðu stjórnarinnar.“
Aðspurður segist Óskar Sigurpálsson ekki
hafa íhugað að segja af sér vegna málsins. - jss
Lögreglufélag Reykjavíkur logar í illdeilum vegna ummæla formanns félagsinsv:
Stjórnendur segja sig úr lögreglufélaginu
Fundu risademant
Risademantur, sem verður nokkurra
milljarða króna virði eftir slípun, fannst
í námu í Lesotho í Suður-Afríku. Steinn-
inn er 478 karöt og mun vera einn
stærsti demantur sem fundist hefur.
Slípaður verður steinninn meðal þeirra
stærstu sinnar tegundar í heiminum.
SUÐUR-AFRÍKA
FORSETI ÍSLANDS Stjórnarformaður
Kaupþings segir heimsóknina til Katar
ásamt forseta Íslands tvímælalaust hafa
hjálpað til.
YFIRLÖGREGLUÞJÓNN HJÁ RÍKISLÖGREGLUSTJÓRA Jón
Bjartmarz sendi formanni Lögreglufélags Reykjavíkur
og félagsmönnum tölvupóst þar sem hann lýsti van-
trausti á formanninn og sagði sig úr félaginu.
FRÉTTABLAÐIÐ/VILHELM