Fréttablaðið - 23.09.2008, Blaðsíða 22

● fréttablaðið ● neytandinn 23. SEPTEMBER 2008 ÞRIÐJUDAGUR2
Enskukennarinn Constance Lynne
Clark kemur frá Bandaríkjun-
um og hefur hún búið hér á landi í
sautján ár, með hléum.
Constance gerir ýmislegt til að
spara í sínu daglega lífi. „Ég er
mjög meðvituð þegar kemur að
því að spara vatn og rafmagn. Ég
slekk alltaf ljósin í þeim herbergj-
um sem ég er ekki að nota og sömu-
leiðis reyni ég að eyða ekki vatni í
óþarfa,“ segir hún.
Hún verslar ávallt í Krónunni og
Bónus og segist aðeins fara í dýr-
ari verslanir þegar hana vanti eitt-
hvað sérstakt. „Þegar ég elda er
ég dugleg að geyma afganga sem
ég nýti í matseldina daginn eftir.
Oft tek ég líka nesti með mér í
vinnuna, en ekki þó alltaf,“ segir
Constance. Þegar kemur að fötum
og skóm reynir hún ávallt að versla
ódýrt. „Ég kaupi föt og skó á útsöl-
um, en annars er ég ansi handlagin
og bæði sauma föt og lagfæri þau
sjálf,“ segir Constance.
Hvað húðvörur varðar leyfir hún
sér að dekra við sig í þeim efnum.
„Ég vil hugsa vel um húðina á mér
og því leyfi ég mér að kaupa krem
og aðrar húðvörur í dýrari kantin-
um,“ segir hún.
Á krepputímum er sparnaður flestum ofarlega í huga og
taka margir því fegins hendi að fá góð sparnaðarráð til að
létta á heimilishaldinu. Við fengum þrjár kjarnakonur til
að deila með okkur sínum sparnaðarráðum. Þær eiga það
allar sameiginlegt að hafa flust til Íslands og hafa því haft
sýn gestsins á land og þjóð þótt nú séu þær orðnar hluti af
íslensku samfélagi.
Glöggt er
gests augað
Constance segist vera mjög
meðvituð þegar kemur að því að spara
vatn og rafmagn en auk þess verslar
hún helst í lágvöruverslunum á borð við
Krónuna og Bónus. Einnig er hún dugleg
að nýta afganga og lagfærir fatnað.
FRÉTTABLAÐIÐ/STEFÁN
Saumar og lagfærir föt sjálf
Eva Leplat er frönsk og kennir
móðurmál sitt hér á landi. Hún
hefur búið á Íslandi í um tuttugu
ár með hléum. Þegar kemur að því
að spara á Eva ýmis ráð í poka-
horninu.
Hvað mat varðar þá verslar hún
allar helstu nauðsynjar í lágvöru-
verðsverslunum. „Ég reyni líka
að kaupa ekki tilbúinn mat, held-
ur elda ég flest allt sjálf. Ég spara
þó ekki við mig þegar ég kaupi
kjöt og fisk. Ég vil gæði þó svo það
kosti meira,“ segir Eva.
Hvað samgöngur varðar þá er
bíll á heimilinu en Eva reynir að
ganga eða hjóla styttri vegalengdir
til að spara bensín. „Við sögðum
einnig upp Mogganum í sumar til
að spara peninga. Með öll þessi
fríblöð sem við fáum fannst okkur
óþarfi að vera líka með Moggann,“
segir Eva og bætir við að ef það er
eitthvað sérstakt sem hún vilji lesa
í því blaði kíki hún bara á netið.
Eva fer árlega til Frakklands
í heimsókn og kaupir þá föt. „Ég
versla bæði í lágvöruverðsversl-
unum og í „second-hand“-búðum,
en þar finn ég oft föt sem eru
nánast ónotuð. Hér á landi reyni
ég að kaupa föt á útsölum,“ segir
Eva. Að sögn hennar var hér áður
fyrr mun ódýrara að versla föt og
annað í Frakklandi, en nú hefur
allt hækkað þar, líkt og hér, og
ekki bætir veikt gengi
krónunnar ástandið.
„Ég tók eftir því í sumar
hvað allt var orðið dýrt
í Frakklandi þannig
að það er ekki eins
auðvelt að fá ódýr-
ari varning þar og
áður,“ segir Eva.
- kka
Gengur frekar en
að nota bílinn
Eva Leplat á ýmis ráð í pokahorninu.
FRÉTTABLAÐIÐ/STEFÁN
Eigandi Krua Thai-matsölustaðanna, Sonja
Yupin, er frá Taílandi. Hún hefur búið hér á landi
síðan 1987 og kann vel við sig hér.
Eins og aðrir reynir hún að spara þar sem hægt er. „Ég
passa mig alltaf að borga reikninga á réttum tíma til að
þurfa ekki að greiða óþarfa vexti. Ég kaupi auk þess
grænmeti fyrir veitingastaðina mína í Bónus og svo
panta ég krydd og sósur frá Taílandi, því það er mun
ódýrara þar,“ segir Sonja, en Krua Thai-staðir hennar
eru nú orðnir tveir, í Tryggvagötu og Bæjarlind í Kópa-
vogi. Hún fer reglulega til Taílands og reynir að kaupa
sér föt þar, en aðeins þau sem hún getur notað hér á
landi líka. „Þó svo að fatnaður sé ódýrari í Taílandi er
miklu heitara þar en hér.
Ég passa mig á að kaupa mér ekki föt úti sem nýtast
mér ekki í kuldanum hér,“ segir Sonja, en viðurkennir
að hún leyfi sér öðru hvoru að kaupa sér vönduð föt, í
dýrari kantinum, hérna heima. - kka
Forðast dráttarvexti
Sonja Yupin reynir að spara og gætir þess að greiða alla reikninga á réttum tíma til að forðast óþarfa dráttarvexti.
FRÉTTABLAÐIÐ/STEFÁN