Fréttablaðið - 23.09.2008, Blaðsíða 24

23. SEPTEMBER 2008 ÞRIÐJUDAGUR
Mikil hugarfarsbreyting varð hjá hópnum í Laugarnesskóla sem fór í tveggja mánaða verslunarbann. Á myndinni er hluti af hópn-
um; þau Helen, Berta, Sólborg, Vignir, Droplaug, Nihal, Guðrún, Leifur, Dagmar og Rúna Björg. FRÉTTABLAÐIÐ/ANTON
Hópur kennara í Laugarnes-
skóla tók sig saman fyrir rúmu
ári og fór í verslunarbann í tvo
mánuði. Ástæðan var meðal
annars umhverfisleg.
„Að sjálfsögðu keyptum við mat
og allar helstu nauðsynjar, þetta
var ekkert meinlætalíf,“ segir
Rúna Björg Garðarsdóttir, kenn-
ari í Laugarnesskóla, sem fór í
verslunar bann í tvo mánuði ásamt
nokkrum samkennurum sínum við
upphaf ársins 2007. Þau þreyttu
þorrann og góuna með þessum
hætti. „Við fórum að spjalla um
þessa yfirgengilegu neyslu sem
var á þessum tíma og hvernig
maður kaupir hugsunarlaust og
ákváðum að láta slag standa,“ segir
Rúna Björg. Compact-hópurinn í
San Fransisco var önnur kveikja
að hugmyndinni, en það er hópur
fólks sem fór í verslunarbann í
eitt ár og keypti aðeins nauðsynja-
vörur, en reyndi að öðru leyti að
endurnýta eins og hægt var.
„Við fórum út í þetta aðallega
vegna umhverfissjónarmiða, þótt
sumir hafi líka séð þetta sem leið til
að spara. Við göngum hratt á auð-
lindir jarðar með of mikilli neyslu
og því er nauðsynlegt að staldra
við og hugsa. Þegar á reyndi var
þetta mun auveldara en ég hélt, og
í dag er ég meðvitaðri um hvað ég
kaupi,“ segir Rúna Björg. Nauð-
synja- og öryggisvörur voru und-
anskildar banninu og segir Rúna
það hafa verið auðvelt að átta sig
á hvað væri nauðsynlegt að kaupa
og hvað ekki. „Við erum allt of fljót
að henda hlutum og kaupa nýtt, til
dæmis ef rafhlaðan í símanum er
ónýt þá er nýr keyptur, sem er al-
gjör óþarfi. Meðan á banninu stóð
þurftum við að kalla eftir hlut-
um ef okkur vantaði eitthvað og á
vinnustaðnum var alltaf einhver
sem átti hlutinn og var jafnvel ekki
að nota hann. Eitt sinn vantaði mig
til dæmis nýja síu á vatnskrana
og þá átti einmitt ein samstarfs-
kona mín eina aukasíu sem ég gat
fengið,“ segir Rúna Björg.
Gjafir mátti ekki kaupa þar sem
þær teljast ekki nauðsynjavörur
og segir Rúna að þau hafi þurft að
beita ímyndunaraflinu. „Við gáfum
meðal annars ávísanir á samveru-
stundir, matarboð og fleira.“
Í verslunarbanninu segist Rúna
hafa upplifað að hún hefði meiri
tíma. „Að versla er gjarnan notað
sem afþreying og það er ótrúlegt
hversu margar fjölskyldur fara
saman í verslunarmiðstöðvar um
helgar, í stað þess að eyða tíman-
um öðruvísi saman. Maður kemst
ekki hjá því að hugsa hversu mikl-
um tíma maður eyðir í vinnu til
þess að geta tekið þátt í lífsgæða-
kapphlaupinu og keypt hluti fyrir
börnin sín í stað þess að eyða tíma
með þeim,“ segir Rúna Björg.
Þótt banninu sé lokið segir hún
mikla hugarfarsbreytingu hafa
orðið hjá hópnum og umræðan sé
enn þá lifandi. „Sú athygli sem við
fengum fyrir það eitt að kaupa
ekkert kom mér talsvert á óvart
en það eru margir að velta þess-
um hlutum fyrir sér. Þetta versl-
unarbann var einmitt það sem við
þurftum til að koma okkur af stað.“
- keþ
Hópuðust saman og sátu
hjá í lífsgæðakapphlaupi
Grænt Íslandskort er samvinnu-
verkefni Náttúran.is, alþjóðlega
verkefnisins Green Map Systems
og Land- og ferðamálafræðistofu
Háskóla Íslands. Græna Íslands-
kortið byggist á flokkunarkerfi
Green Map og umfangsmikilli for-
vinnu Náttúran.is við skilgreining-
ar og skráningaraðila á Grænum
síðum, og slær smiðshögg á kort-
lagningu vistvænna kosta í við-
skiptum og ferðamennsku á Ís-
landi.
Tilgangur grænna korta er að
gera vistvæna kosti á sviði við-
skipta, menningar og ferðaþjón-
ustu sýnilegri og aðgengilegri, en
græn kort hafa nú verið þróuð í
475 borgum, þorpum og hverfum
og í 54 löndum. Ísland er fyrst til
að þróa grænt kort fyrir allt land-
ið í heild, og er það nú komið í vef-
útgáfu á www.nattura.is á íslensku
og www.nature.is á ensku. Til-
gangur kortsins er meðal annars
að gefa nákvæma yfirsýn yfir þá
fjölmörgu umhverfisvænu kosti
sem fyrir eru í landinu og hvetja
fólk til að nýta sér þá og styðja
fyrirtæki sem vinna á umhverfis-
meðvitaðan hátt.
Green Map byggist á kerfi 169
tákna sem sameina náttúru- og
manngert umhverfi, og í íslensku
kortagerðinni hefur hvert og eitt
tákn verið metið miðað við ís-
lenskar aðstæður. - þlg
Grænt Íslandskort
Græna Íslandskortið hjálpar þeim sem
vilja ferðast vistvænt og stunda græn
viðskipti.
Nýstofnuð Samtök um bíllausan lífsstíl
benda á ofnotkun einkabílsins.
FRÉTTABLAÐIÐ/STEFÁN
Nýverið voru stofnuð Samtök
um bíllausan lífsstíl. Mikill áhugi
virðist vera um annan ferðamáta
en einkabílinn en um 110 manns
mættu á stofnfund samtakanna.
Sigrún Helga Lund var kosin for-
maður samtakanna en hún sagði
meðal annars á fundinum að sam-
tökin styddu jafnræði milli sam-
göngumáta. Hún hvatti fólk til að
skoða samgöngur í víðu samhengi
og tók fram að samtökin væru
ekki stofnuð til höfuðs einkabíln-
um heldur væri markmið þeirra
fjölbreytni í samgöngum. - rat
Bíllaus lífsstíll
HVAR ER ÞÍN AUGLÝSING ?
Allt sem þú þarft... ... alla daga
föstudagur
SAMEINA
KRAFTA SÍNA
Dísa í World Class
og Arnar Grant
ræða um vinnuna,
aldurinn og útlitið
FYLGIRIT FRÉTTABLAÐSINS
ÓÐUR TIL
LIÐINS TÍMA
Finnur Þór Vilhjálmsson
setti saman raunveruleika-
kvæðið fyrir eftir
KOMINN MEÐ
KÆRUSTU
Sveinn Andri Sveinsson
frumsýndi kærustuna á
leikritinu Fýsn
SAMAN Í
VINNUNNI
Ragnar Bragason og
Helga Rós Hannam unnu
saman í Dagvaktinni
19. september 2008
heimili&hönnun
LAUGARDAGUR 20. SEPTEMBER 2008
HEIMILIÐ
Listakona í hjarta
Reykjavíkur
HÖNNUN
Ævintýraveröld Ólafar Erlu
ELDHÚS
Stílhreinn einfaldleiki
Hästens verslunin
Grensásvegi 3
Reykjavík
Sími 581-1006
[ SÉRBLAÐ FRÉTTABLAÐSINS UM FERÐALÖG ]
ferðalög
SEPTEMBER 2008
+ ÞORGERÐUR ÞÓRÐARDÓTTIR Í SHANGHAI, STASI-SAFNIÐ Í BERLÍN OG ELÍNRÓS LÍNDAL Í FRAKKLANDI
SUMARMYND
ÁRSINS
VERÐLAUNAMYNDIR Í
LJÓSMYNDASAMKEPPNI
FRÉTTABLAÐSINS BIRTAR
FALLEGASTA HÓTEL
HEIMS?
Lifandi list á Four
Seasons-hótelinu í
Flórens
LUANG
PRABANG
Frumskógar og
musteri í Laos
1
Neytendastofa
VIGTARMENN
Námskeið til löggildingar vigtarmanna verður
haldið á Neytendastofu, Borgartúni 21, dagana 6.,
7. og 8. október nk.
Endurmenntunarnámskeið verður haldið
13. október.
Allar nánari upplýsingar um verð og skilmála, svo og
aðstoð við skráningu þátttakenda, eru veittar í síma
510 1100 og á heimasíðunni www.neytendastofa.
is/mælifræðisvið/löggilding vigtarmanna/námskeið
vigtarmanna.
Skráningu lýkur föstudaginn 19. september nk.
Suðurlandsbraut - sími 588 3031 - www.stra.is30
Tölvuumsjón
Rekstrarfélag Stjórnarráðsbygginga
Starfið
Hæfniskröfur
Umsóknarfrestur
Vinsamlega athugið að fyrirspurnum verður eingöngu svarað hjá STRÁ MRI.
Guðný Harðardóttir STRÁ MRI
stra@stra.is
óskar eftir að ráða tölvu- og/eða kerfisfræðing til
starfa. Rekstrarfélagið sér um notendaþjónustu gagnvart starfsmönnum flestra
ráðuneytanna ásamt miðlægum tölvubúnaði þeirra. Fjöldi útstöðva er um 550.
felst í notendaþjónustu og meðal helstu verkefna er viðhald og uppsetningar á
Windows útstöðvum, þjónusta við Málaskrár/GoPro, Lotus Notes, Office og önnur forrit.
eru að umsækjendur séu menntaðir á sviði tölvutækni, s.s. tölvufræði,
kerfisfræði, tölvunarfræði og/eða með sambærilega menntun. Þekking á Lotus Notes
og GoPro er æskileg. Áhersla er lögð á faglegan metnað, skipulagshæfni og sjálfstæði í
vinnubrögðum auk sveigjanleika í mannlegum samskiptum.
er til og með 22. september nk. Laun verða skv. kjarasamningi
starfsmanna Stjórnarráðsins og fjármálaráðherra. Gengið verður frá ráðningu fljótlega.
(gudny@stra.is) hjá veitir nánari upplýsingar.
Vinsamlega sendið umsóknir/starfsferilskrár og meðfylgjandi prófgögn til .
Viðtalstími er alla virka daga frá kl.13-15 meðan á umsóknarferlinu stendur.
Fagmennska í yfir ár20
www.stra.is
REKSTRARFÉLAG STJÓRNARRÁÐSBYGGINGA
fasteignir
15. SEPTEMBER 2008
Fasteignasalan Perla Investments og RE/MAX
Bær eru með til sölu íbúðir við Punta Prima
strönd á Spáni.
Í búðirnar eru í blokk við Punta Prima-strönd, sem hefur notið mikilla vinsælda og er bæði í 30 mínútna akstursfjarlægð frá Alicante-flugvelli
og Murcia-flugvelli.
Íbúðin á myndinni til hliðar skiptist niður í opið
eldhús, stofu/borðstofu, tvö svefnherbergi, baðher-
bergi og verönd. Íbúðunum fylgir sameiginlegur
garður með tveimur sundlaugum auk sameiginlegs
púttvallar.
Þær eru í nokkurra mínútna göngufjarlægð frá
ströndinni, þar sem óviðjafnanlegt útsýni er út á
Miðjarðarhafið.
Þá er öll þjónusta innan seilingar. Hægt er að rölta
á nærliggjandi veitingastaði og eins eru kjörbúðir,
veitingastaðir, apótek, barir og fleira staðsett
í þjónustukjarna í tíu mínútna göngufjarlægð.
Að auki er stutt í ýmiss konar afþreyingu fyrir
alla fjölskylduna, þar á meðal golf, tívolíferðir,
vatnagarð og fleira.
Þess skal getið að íbúðirnar kosta frá 201.160
evrum.
Þessi eign ásamt fleirum verður kynnt í opnu húsi
á Spánareignum hjá Remax Bæ Malarhöfða 2, helg-
ina 20. og 21. september á milli klukkan 12 til 16
báða daga.
Nánari upplýsingar veitir RE/MAX Bær, um-
boðsaðili Perla Investments á Íslandi. Snorri Sig-
urfinnsson í síma 864 8090, ss@remax.is. Magnús
Ninni Reykdalsson í síma 694 9999, maggi@remax.
is. Frekari upplýsingar um fasteignakaup á Spáni
eru fáanlegar á vefsíðunni www.perla.is.
Fyrsta flokks íbúðir
fáanlegar á Spáni
Íbúðin í blokkinni skiptist í opið eldhús, stofu/borðstofu,
tvö svefnherbergi, baðherbergi og verönd. Íbúðunum fylgir
sameiginlegur garður með tveimur laugum auk sameiginlegs
púttvallar. Öll þjónusta og afþreying eru innan seilingar frá
þeim.
Fr
u
m
Smærri fjármálafyrirtæki
Þrengingar
kalla á
samþjöppun
Sögurnar... tölurnar... fólkið...
H E L S T Í Ú T L Ö N D U M
Óli Kristján Ármannsson og Björn Ingi Hrafnsson
skrifa
Seðlabanki Íslands ætti að lækka stýrivexti um
0,25 prósentustig á vaxtaákvörðunardegi sínum
á morgun, samkvæmt áliti skuggabankastjórnar
Markaðarins. Að þessu sinni voru skiptar skoðanir
innan bankastjórnarinnar. Tveir vildu fremur horfa
til væntinga erlendra greinenda og hættunnar á
frekara gengisfalli og halda vöxtum óbreyttum.
Hinir vildu hefja lækkunarferli stýrivaxta nú þegar
og forða með því frekara kreppuástandi.
Sameiginleg niðurstaða er svo varfærnisleg
lækkun sem undirbyggja þarf rækilega með gögn-
um, svo sem með því að birta nýjan stýrivaxtaferil.
Ólafur Ísleifsson, lektor við Háskólann í Reykja-
vík, segir stöðuna í efnahagslífinu einkennast af
mikilli óvissu og hættu, meðal annars vegna skorts
á lánsfé. Þá hafi ekki tekist að styrkja gjaldeyris-
forða Seðlabankans nema að takmörkuðu leyti.
„Það lán sem tilkynnt var um í síðustu viku, en
hefur reyndar ekki enn verið tekið, er auðvitað
aðeins sem lítið skarð í stórri ísaldarstæðunni og
var af kurteisisástæðum ekki hlegið beint út af
borðinu,“ segir hann.
Þórður Friðjónsson, forstjóri Kauphallarinnar,
segir mestu skipta nú að vega saman verðbólgu-
hættuna annars vegar og hættuna á kreppu hins
vegar. Hann horfir meðal annars til reynslunnar af
fyrri samdráttarskeiðum, svo sem þegar lækkun
stýrivaxta hófst síðla árs 2001, skömmu áður en
verðbólga náði hámarki.
Ingólfur Bender, forstöðumaður Greiningar
Glitnis, segir verðbólguhorfur jafnframt góðar og
líkur á að verðbólgumarkmiði Seðlabankans verði
náð á þriðja fjórðungi næsta árs. „Í þessu háa
vaxtaumhverfi og í ljósi þessarar verðbólguspár tel
ég rétt að bankinn lækki vexti sína í nokkuð stórum
stökkum á næstu mánuðum,“ segir hann.
Ásgeir Jónsson, forstöðumaður greiningardeildar
Kaupþings, telur einnig að Seðlabankinn þurfi að
bregðast hratt við með örum stýrivaxtalækkunum
þegar verðbólgan tekur að hjaðna og þá jafnvel
með fjölgun vaxtaákvörðunardaga. Lækkunarferlið
segir hann hins vegar kalla á góðan undirbúning og
telur vart hægt að hefja það nema í tengslum við
útgáfu Peningamála, efnahagsrits Seðlabankans, á
vaxtaákvörðunardegi í nóvember. Þar hafi bankinn
vettvang til að skýra ákvörðun sína og sýn á efna-
hagsframvinduna.
Skuggabankastjórnin
vill 25 punkta lækkun
Skuggabankastjórn Mark aðarins áréttar að tími sé kominn
á lækkun stýrivaxta. Hættara sé við kreppu en verðbólgu.
Olíuverð lækkar | Verð á hrá-
olíu hefur lækkað nokkuð hratt
upp á síðkastið og lá við 102 dali
á tunnu þegar best lét í gær. Í júlí
stóð verðið í hæstu hæðum, fór í
rúma 147 dali á tunnu.
Kauphöllin sprakk | Fjárfestar
í Bretlandi komu að lokuðum
dyrum hjá Lundúnamarkaðn-
um í Bretlandi á mánudag. Tvö-
falt meiri velta með hlutabréf en
aðra daga varð til þess að kaup-
hallarkerfið brann yfir. Þetta er
alvarlegasta kerfisbilun á bresk-
um hlutabréfamarkaði í átta ár.
Þjóðnýting gleður | Gengi
hlutabréfa tók kipp upp á við
víða um heim á mánudag eftir
að Henry Paulson, fjármálaráð-
herra Bandaríkjanna, greindi frá
yfirtöku ríkisins á hálfopinberu
fasteignalánasjóðunum Fannie
Mae og Freddie Mac á sunnu-
dag. Þetta eru umfangsmestu
björgunaraðgerðir í sögu fjár-
málageirans.
Mikið atvinnuleysi | Atvinnu-
leysi mældist 6,1 prósent í
Bandaríkjunum í síðasta mánuði,
samkvæmt nýjustu tölum banda-
rísku vinnumálastofnunarinnar.
Atvinnuleysi hefur ekki verið
meira í tæp fimm ár.
Óbreyttir vextir | Bæði Eng-
landsbanki og evrópski seðla-
bankinn ákváðu í síðust viku að
halda stýrivöxtum óbreyttum. Að-
stæður í efnahagslífinu og yfir-
vofandi samdráttur í hagvexti lá
til grundvallar ákvörðununum.
Þóra Helgadóttir
Verðleiðrétting
ekki alslæm
6
Starfsmenn vilja kaupa
Heitt í holunum
hjá Enex
2 2
Hlutabréf í Eimskipafélaginu
voru færð á athugunarlista í
Kauphöllinni í gær, vegna um-
talsverðrar óvissu varðandi verð-
myndun vegna hættu á ójafnræði
meðal fjárfesta, líkt og segir í til-
kynningu.
„Þetta er ábending til fjárfesta
um að verðmyndun sé óvenju óviss
um þessar mundir og felur því í
sér hvatningu til þeirra að kynna
sér málið vel áður en ákvarðanir
eru teknar,“ segir Þórður Frið-
jónsson, forstjóri Kauphallar-
innar, í samtali við Markaðinn.
Verð á hlutabréfum í Eimskip
hefur nánast verið í frjálsu falli
síðustu vikur og mánuði. Á einni
viku hefur gengi bréfanna til að
mynda lækkað um ríflega þriðj-
ung. Fyrir um ári var gengið um
43, en var komið niður fyrir 10 kr.
á hlut í gær.
Eins og fram hefur komið í
Markaðnum situr Eimskip enn
uppi með ábyrgð upp á 25 millj-
arða króna vegna sölu á bresku
ferðaskrifstofunni XL Leisure
Group fyrir tveimur árum. Unnið
hefur verið að endurfjármögnun,
en henni er ekki lokið og herma
heimildir Markaðarins að skyndi-
legt fall nú geti tengst óvissu um
lyktir þeirrar vinnu. - bih
Eimskip í
frjálsu falli
www.trackwell.com
Vistvænn
kostur!
FÖSTUDAGUR 26. SEPT.
LAUGARDAGUR 27. SEPT.
SUNNUDAGUR 28. SEPT.
SUNNUDAGUR 28. SEPT.
MÁNUDAGUR 29. SEPT.
MÁNUDAGUR 29. SEPT.
MIÐVIKUDAGUR 1. OKT.
Föstudagur:
Vikulegt sérrit á léttu nótunum. Viðtöl við þjóðþekkta
einstaklinga, allt það nýjasta í tísku, heilsu og hönnun
svo dæmi sé tekið.
Nánari upplýsingar veitir Sigríður Dagný Sigurbjörnsdóttir
í síma 512-5462 eða sigridurdagny@365.is
Heimili & hönnun:
Vikulegt sérrit um heimili & hönnun, hugmyndir fyrir
öll rými heimilisins sem og áhugaverðar fréttir úr heimi
hönnunar jafnt innanlands sem utan.
Nánari upplýsingar veitir Hlynur Þ. Steingrímsson
í síma 5125439 eða hlynurs@365.is
Ferðir:
Mánaðarlegt sérrit um ferðir og
ferðalög um allan heim
Nánari upplýsingar veitir Benedikt F. Jónsson
í síma 512-5411 eða benediktj@365.is
Atvinnublaðið:
Mest lesna atvinnublað landsins
– alla sunnudaga
Nánari upplýsingar veitir Viðar Ingi Pétursson
í síma 512-5426 eða vip@365.is
Fasteignir:
Fasteignablað Fréttablaðsins - alla mánudaga.
Auglýsendur athugið að panta þarf auglýsingar
fyrir klukkan 12 föstudaginn 26. september.
Nánari upplýsingar veitir Ruth Bergsdóttir í símum
512-5469 / 694-4103 eða ruth@365.is
EKVADOR – Kópavogssérblað
Sérblað Kópavogs um suður-amerísku
menningarhátíðina sem haldin verður í Kópavogi
4.-11. október 2008
Nánari upplýsingar veitir Bjarni Þór Sigurðsson
í síma 512-5471 eða á netfangið bjarnithor@365.is
Markaðurinn:
Vikulegt sérrit um allt er snýr að viðskiptum
og efnhagsmálum – alla miðvikudaga.
Nánari upplýsingar veitir Laila Awad
í síma 512-5451 eða laila@frettabladid.is
Eftirfarandi sérblöð fylgja Fréttablaðinu á næstunni