Fréttablaðið - 24.09.2008, Blaðsíða 12

12 24. september 2008 MIÐVIKUDAGUR
nær og fjær
„ORÐRÉTT“
Diddú og Gunnar Þórðarson
lentu fyrir röð tilviljana
inni í samvinnu skálds og
myndhöggvara í Frakk-
landi. Afraksturinn leit
síðan dagsins ljós í 12. aldar
kirkju í franska bænum
Rosheim í júlí síðastliðinn.
Vonast er til að Íslendingar
fái að njóta verksins áður
en langt um líður.
„Það er svo magnað þegar eitt lítið
sandkorn verður að fallegri perlu
ef svo má segja,“ segir Sigrún
Hjálmtýsdóttir söngkona, betur
þekkt sem Diddú, þegar hún rifjar
upp aðdragandann að verkinu La
Príère eða Bæn sem leit dagsins
ljós í franska bænum Rosheim í
Alsace-héraði í júlí síðastliðnum.
„Þetta byrjað þannig að skúlptúr-
istinn Gerard Brand heyrði til mín
á tónleikum fyrir þremur árum og
hreifst svo að hann ákvað að innan
nokkurra ára skyldi rödd mín
umleika listaverk hans, eins og
hann komst sjálfur að orði.“
Hann er ekki sá eini á þessum
slóðum sem heillast af söngkon-
unni en Diddú hefur sungið árlega
í Alsace-héraði í um áratug. „Hann
hefur síðan samband við skáldið
og vin sinn Albert Strickler sem
yrkir ljóð útblásin af þeim anda
sem listaverkin blésu honum í
brjóst.“
Svo berast böndin að Gunnari
Þórðarsyni þegar hann er á ferð
með Diddú á þessum slóðum fyrir
rúmu ári. „Þá kviknar sú hugmynd
að hann semdi tónlist við ljóðin.
Gunnar var til í það og ætlaði sér
fyrst að hafa þetta einfalt en þegar
tónskáldið fer af stað halda því
engin bönd og Gunnar endaði á því
að semja verk fyrir einsöngvara,
kór og 20 manna hljómsveit.“
Verkið var svo frumflutt í troð-
fullri kirkju Rosheimsbæjar sem
er frá 12. öld. Þá umlék rödd Didd-
úar verk franska listamannsins
eins og hann hafði ákveðið nokkr-
um árum áður.
Verkið er um 40 mínútur að
lengd og segir Gunnar það ekki
hafa verið erfitt að semja tónlist-
ina við frönsku versin. „Ég kann
varla neitt í frönsku en ég lét þýða
ljóðin og svo lesa þau inn á snældu
fyrir mig og þetta gekk allt afar
vel. Þessi syngjandi í frönskunni
gerir þetta jafnvel auðveldara.“
Ár leið frá því að Gunnar var feng-
inn til verksins og þar til það var
frumflutt. Aðspurður hvort það
hafi ekki verið snarpur tími svarar
hann með sinni kunnu hæversku:
„Nei, nei. Ég var reyndar ekki
nema tvo mánuði að klára verkið.“
Hann segist síður en svo vera
búinn að snúa baki við popptónlist-
inni. „Ég er einmitt núna að eiga
við fimm ný popplög sem munu
fylgja bókinni sem Jón Hjartarson
hefur verið að rita um mig og
kemur út nú í nóvember.
Þau Diddú og Gunnar vonast
eftir því að verkið verði flutt hér á
Íslandi innan tíðar en mikið
umstang fylgir slíkum flutningi.
jse@frettabladid.is
Allt byrjaði með dálæti á Diddú
HAMHLEYPAN VIÐ FLYGILINN Í viðkynningu virðist Gunnar Þórðarson rósemin uppmáluð. Það halda honum hins vegar engin
bönd þegar kemur að tónsmíðunum en það er engu líkara en hann hristi heilu verkin fram úr erminni. FRÉTTABLAÐIÐ/VALLI
RÖDD DIDDÚAR UMLEIKUR LISTAVERKIN
Fyrir aftan Diddú má sjá eitt af verkum
Gerards Brands sem hann vildi að yrði
umleikið rödd söngkonunnar.
■ Upphaflega var vodka landi
Austur-Evrópubúa, eða sá drykkur
sem bændur eimuðu úr tiltæku
hráefni. Vel gert vodka var hreint
og bragðlaust, en oft þurfti að
krydda það eða bragðbæta. Hægt
er að eima vodka úr korni, kart-
öflum eða mólassa. Rúgur, sem
er mikið notaður í Austur-Evrópu
og Rússlandi, ljær vodkanu mýkt
og sætuvott. Hveiti, sem er
algengara í Ameríku og Vest-
ur-Evrópu, er mjög hlutlaust
og hreint. Kartöflur voru
helst notaðar ef ekki var völ
á korni, en slíkt vodka er
þyngra og bragðmeira. Mól-
assavodka líkist hveitivodka
í hreinleika, en er örlítið
sætara.
VODKI:
TÆRT OG BRAGÐLAUST
„Það er allt fínt að frétta. Það þýðir ekkert
annað en að vera jákvæður og reyna að forðast
allt kreppuraus eins og heitan eldinn,” segir
Arnar Knútsson, eigandi kvikmyndafyrirtæksins
Filmus.
Arnar segir nóg að gera í vinnunni nú eins
og endranær. „Við erum alltaf að fram-
leiða sjónvarpsauglýsingar. Þessa
dagana erum við til dæmis að vinna að
auglýsingatökum í verkefni fyrir stórt
bandarískt fyrirtæki, en ég get því
miður ekki gefið upp hvert fyrirtækið
er,“ segir hann og hlær leyndardóms-
fullum hlátri. „Svo erum við á fullu að gera
þáttaraðir fyrir sjónvarp, og undirbúningur
er nýhafinn fyrir gerð kvikmyndar eftir
bókinni Svartur á leik eftir Stefán
Mána, sem fer í tökur á næsta ári,”
bætir hann við.
Arnar er mikill áhugamaður um stangveiði og
eyðir flestum frístundum sínum í áhugamálið.
„Ég hef farið í óvenju marga veiðitúra upp á
síðkastið. Meðal annars sótti ég Rangá, Brunná
og Hítará heim, fór í árlega veiðiferð í Laxá í
Mývatnssveit með félögum mínum og veiddi
líka í Miðfjarðará, en sú ferð var ekki í boði
REI,” segir hann sposkur. „Þetta var hrein-
lega frábært sumar fyrir laxveiðimenn.
Mikið af fiski, frábært veður og líf og fjör.”
Spurður hvort nokkrar utanlandsferðir
séu á döfinni segir Arnar það vel líklegt.
„Ég skellti mér til Grænlands um daginn
og skemmti mér vel. Þar hitti
ég meðal annarra Jóakim
Danaprins, og gæti vel
hugsað mér að hitta
hann aftur. Toppmaður
þar á ferð!”
HVAÐ ER AÐ FRÉTTA? ARNAR KNÚTSSON, EIGANDI FILMUS
Langar að hitta Danaprins aftur
„Já, þetta kemur
mér svolítið á
óvart. Ég tel að
útlendingar eigi
að sjálfsögðu að
njóta sömu kjara
og Íslendingar,
skilyrðislaust,“
segir Magnús
Þór Hafsteinsson
spurður um
útkomu nýlegrar
könnunar sem
gerð var af Félagsvísindastofnun.
Nýleg skoðanakönnun sem gerð
var af Félagsvísindastofnun fyrir ASÍ
leiddi í ljós að þriðjungur svarenda á
aldrinum átján til 35 ára telur eðlilegt
að Íslendingar njóti betri kjara á
vinnumarkaði en fólk af erlend-
um uppruna. Magnús segir einnig
að „útlendingar njóti greinilega
lakari kjara en Íslendingar á hinum
almenna vinnumarkaði, og kannski
oftar en ekki er það ómeðvitað. Minn
flokkur telur að sjálfsögðu að það sé
mjög slæmt. Það á ekki að misnota
útlendinga á vinnumarkaðinum.“
„Aldrei hef ég heyrt að Íslendingar
sem eru búsettir erlendis og flokkast
undir erlent vinnuafl þarlendis þurfi
að berjast fyrir launajafnrétti, jafnt og
erlendir ríkisborgarar þurfa að gera
hérlendis,“ segir Magnús Þór.
SJÓNARHÓLL
ERLENT VINNUAFL Á ÍSLANDI
Eiga rétt á
launajafnrétti
MAGNÚS ÞÓR HAF-
STEINSSON
Varaformaður Frjáls-
lynda flokksins.
Agnar Erlingsson, fyrrum aðal-
ræðismaður Noregs á Íslandi,
hefur verið útnefndur til stór-
riddara hinnar konunglegu
norsku heiðursorðu fyrir fram-
úrskarandi framlag um langa
hríð við að bæta og þróa hið
ágæta og nána samstarf milli
Íslands og Noregs.
Sendiherra Noregs, Margit
Tveiten, afhenti Agnari orðuna
nýlega.
Agnar hætti sem aðalræðis-
maður Noregs í Reykjavík um
síðustu áramót en þá hafði hann
gegnt því starfi í fimmtán ár.
Agnar segir að starfið hafi verið
mismunandi annasamt eftir því
hverjir hafi verið sendiráðsrit-
arar í sendiráði Norðmanna en
alltaf hafi það verið gefandi.
Agnar hefur rekið fyrirtækið
Norsk Veritas og sem ræðismað-
ur komið að mörgum málum,
stundum jafnvel vandræðum í
sambandi við skipverja. „Það
var mest þegar Norðmenn vildu
komast inn á íslenskan markað
eða öfugt. Svo bað sendiráðið
mig stundum um álitsgerðir í
sambandi við skip og sjó.“
Agnar segir að ágreiningur
Íslendinga og Norðmanna vegna
veiða í Smugunni hafi ekki
komið mikið inn á sitt borð. Það
hafi lent meira á ræðismanni
Noregs á Akureyri sem hafi
verið rekstraraðili í útgerð á
Akureyri á þeim tíma.
Agnar rifjar upp að nótabát-
urinn Sigurður hafi verið tekinn
fastur í Noregi og færður inn til
Bodö. „Þá var fjarlægt skiltið
Norske Veritas fyrir utan skrif-
stofu mína í Tryggvagötu.
Það hafa kannski einhverjir
strákar tekið það og hent í sjó-
inn.“ - ghs
Agnar Erlingsson, fyrrum aðalræðismaður Noregs á Íslandi:
Fær norska heiðursorðu
Þegar orð fá vængi
„Nei, ég er ekkert hand-
rukkari, ekkert frekar en
andrukkari.“
BENJAMÍN ÞÓR ÞORGRÍMSSON,
UM ÞÁTT SINN Í DEILU VIÐ RAGNAR
MAGNÚSSON, SEM SÝNT VAR FRÁ Í
ÞÆTTINUM KOMPÁS.
DV, 22. september.
Ekki ég heldur annar
„Það þýðir ekkert að segja
honum að ég sé ekki Komp-
ás-maðurinn.“
JÓHANNES K. KRISTJÁNSSON,
NAFNI UMSJÓNARMANNS
KOMPÁS, UM ÞRÁKELKINN FANT
SEM HRINGIR Í HANN OG HÓTAR
BARSMÍÐUM.
Fréttablaðið, 22., september.
RV
U
n
iq
u
e
0
90
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Á kynningarverði
Svansmerkt RV hreinsiefni
með ferskum ilmi.
UM
HVERFISMERKI Svansmerkt RV hreinsiefni
- með ferskum ilmi
Á tilboði í september 2008Svansmerktar Lotus
Professional pappírsvörur20 % afsláttur
FRAMÚRSKARANDI FRAMLAG Sendi-
herra Noregs, Margit Tveiten, afhenti
Agnari Erlingssyni, fyrrum aðalræðis-
manni Noregs á Íslandi, heiðursorðu
fyrir framúrskarandi framlag.