Fréttablaðið - 25.09.2008, Blaðsíða 63
FIMMTUDAGUR 25. september 2008
Þau gleðilegu tíðindi bárust
nýverið frá Walt Disney-risanum
að í bígerð væri ný kvikmynd um
Prúðuleikarana sem vænta mætti
í kvikmyndahús árið 2010.
Prúðuleikararnir hafa átt erfitt
uppdráttar undanfarin tíu ár; þeir
gengu kaupum og sölum á milli
ýmissa aðila áður en þeir enduðu
hjá Disney árið 2004. Þeir hafa
ekki haft sinn eigin sjónvarpsþátt
í áratug og síðasta kvikmynd
þeirra, Muppets from Space, sem
kom út árið 1999, gekk illa í
kvikmyndahúsum. En nú horfir
allt til betri vegar hjá Kermit og
félögum; gríntvíeykið Jason Segel
og Nicholas Stoller, sem á að baki
myndina vinsælu Forgetting
Sarah Marshall, hefur tekið að
sér að skrifa handritið að nýju
myndinni, þannig að vænta má
mikillar gleðisprengju á tjaldið
eftir tvö ár. - vþ
Prúðuleikar-
ar á tjaldið
EILÍF ÁST Kermit og ungfrú Svínka tolla
saman í gegnum súrt og sætt.
Samhliða Alþjóðlegri kvik-
myndahátíð í Reykjavík verður
boðið upp á Hinsegin bíódaga frá
og með deginum í dag og fram
til 5. október.
Þetta er í þriðja sinn sem
haldnir eru Hinsegin bíódagar í
Reykjavík, en hátíðin hefur
ávallt haft það á stefnuskrá sinni
að reyna að kynna hinsegin
kvikmyndagerð fyrir hinum
almenna áhorfanda.
Hinsegin kvikmyndahátíðir
eru starfræktar í stórum
borgum víða um heim við góðan
orðstír og er því skemmtilegt að
slík hátíð sé að festa rætur í
Reykjavík. Það er ekki síst
slíkum hátíðum að þakka að
smám saman hefur orðið til
grein kvikmynda sem tekst á við
hinsegin veruleika á einlægan og
varfærinn hátt.
Í lok Alþjóðlegu kvikmyndahá-
tíðarinnar verða veitt sérleg
„Hinsegin kvikmyndaverðlaun
2008“ þeirri kvikmynd sem að
mati dómnefndar þykir skara
fram úr sem framlag til hinsegin
menningar.
Þeir sem hafa áhuga á að
kynna sér dagskrá Hinsegin
bíódaga betur geta skellt sér inn
á vefsíðuna www.hinbio.org, en
þar er fjallað ítarlega um
hátíðina.
- vþ
Hinsegin
ást í bíó
Viltu hætta að reykja?
Krabbameinsfélag Reykjavíkur hefur um árabil haldið námskeið fyrir einstaklinga eða hópa sem vilja hætta að reykja.
Næsta námskeið hefst mánudaginn 29. september 2008.
Hægt er að skrá sig í síma 540 1900 eða á netfangið reykleysi@krabb.is
Nánari upplýsingar á www.krabb.is