Fréttablaðið - 25.09.2008, Blaðsíða 72

46 25. september 2008 FIMMTUDAGUR
Enski deildarbikarinn
Brighton-Man. City 2-2
0-1 Gelson (64.), 1-1 Glenn Murray (89.), 2-1 Joe
Anyinsay (95.), 2-2 Stephen Ireland (108.).
*Brighton komst áfram eftir vítaspyrnukeppni 5-3.
Aston Villa-QPR 0-1
0-1 Damion Stewart (58.).
Ipswich-Wigan 1-4
0-1 Lee Cattermole (52.), 1-1 Jonathan Walter
(61.), 1-2 Oliver Kapo (64.), 1-3 Paul Scharner
(70.), 1-4 Henri Camara (90.).
Newcastle-Tottenham 2-1
0-1 Roman Pavljutsjensko (62.), 0-2 Jamie O‘Hara
(66.), 1-2 Michael Owen (90.).
Portsmouth-Chelsea 0-4
0-1 Frank Lampard (36.), 0-2 Florent Malouda
(45.), 0-3 Frank Lampard (49.), 0-4 Florent
Malouda (64.). Hermann Hreiðarsson var í
byrjunarliði Portsmouth og lék allan leikinn.
Blackburn-Everton 1-0
1-0 Martin Olsson (10.)
Ítalska úrvalsdeildin
Reggina-AC Milan 1-2
0-1 Marco Borriello (24.), 1-1 Bernando Corradi
(59.), 1-2 Alexandre Pato (73.). Emil Hallfreðsson
var í byrjunarliði Reggina og lék allan leikinn.
Inter-Lecce 1-0
1-0 Julio Cruz (79.).
Juventus-Catania 1-1
1-0 Amauri (16.), 1-1 Gianvito Plasmati (68.).
Genoa-Roma 3-1
1-0 Giuseppe Sculli (4.), 1-1 Daniele De Rossi
(28.), 2-1 Diego Milito (61.), 3-1 D. Milito (88.).
Spænska úrvalsdeildin
Villarreal-Racing Santanter 2-0
1-0 Capdevila (29.), 2-0 Llorente (34.).
Real Madrid-Sporting Gijon 7-1
1-0 Rafael van der Vaart (18.), 2-0 R. van der
Vaart (33.), 3-0 Gonzalo Higuaín (37.), 4-0 R. van
der Vaart (47.), 5-0 Arjen Robben (51.), 5-1 Kiki
Mateo (54.), 6-1 Raúl (59.), 7-1 Raúl (64.).
Barcelona-Real Betis 3-2
1-0 Samuel Eto‘o (17.), 2-0 Samuel Eto‘o (23.),
2-1 Fabia Monzon (59.), 2-2 Jóse Mari (67.), 3-2
Eiður Smári Guðjohnsen 80.).
ÚRSLIT
FH 3-0 BREIÐABLIK
1-0 Atli Viðar Björnsson (7.),
2-0 Atli Guðnason (39.),
3-0 Atli Viðar Björnsson (45.).
Kaplakrikavöllur, áhorf.: 683
Jóhannes Valgeirsson (7)
TÖLFRÆÐIN
Skot (á mark) 17–5 (6-2)
Varin skot Gunnar 2 – Vignir 4
Horn 4-4
Aukaspyrnur fengnar 16-18
Rangstöður 4-3
FH 4–3–3 Gunnar Sigurðs. 7 - Guðmundur Sævars.
7, Dennis Siim 8, Tommy Nielsen 7, Freyr Bjarnas.
8, (74., Hjörtur Valgarðs. -), Davíð Þ. Viðars. 7 (79.,
Matthías Vilhjálms. -), Ásgeir G. Ásgeirs. 7 (62., Björn
Sverris. 6), Tryggvi Guðm. 8, Atli Guðnas. 6, Matthías
Guðm. 6, *Atli Viðar Björns. 9
Breiðablik 4–4–2 Vignir Jóhanness. 4 - Arnór Sv.
Aðalsteins. 5, Srdjan Gasic 4, Finnur Orri Margeirs.
4, Kristinn Jónsson 4, Nenad Petrovic 3, Arnar
Grétarsson 3, Guðmundur Kristjáns. 3 (77., Guðmann
Þórisson -), Nenad Zivanovic 3 (67., Olgeir Sigurgeirs.
4), Jóhann Berg Guðmunds. 3, Magnús Páll Gunnars.
2 (60., Prince Rajcomar 3).
FÓTBOLTI Topplið Keflavíkur var í
þeirri einkennilegu aðstöðu í gær
að liðið hefði getað orðið Íslands-
meistari ef FH hefði misstigið sig
gegn Breiðabliki. Leikmenn og
aðstandendur Keflavíkurliðsins
komu saman til þess að horfa á
leikinn í sjónvarpi, en hættu að
horfa í hálfleik.
„Við hittumst í félagsheimilinu
og kíktum á fyrri hálfleikinn og
fórum svo bara á æfingu,“ segir
Kristján Guðmundsson, þjálfari
Keflavíkur.
Kristján segir mikilvægt að
Keflavíkurliðið klári bara sinn
leik og sé ekkert að spá í neitt
annað.
„Við ákváðum það strax á
æfingu á mánudaginn að við
myndum bara einbeita okkur að
okkar leik gegn Fram. Menn voru
eitthvað að spá hvaða verkefni
myndi liggja fyrir okkur um helg-
ina og nú þegar FH er búið að
vinna Breiðablik þá vitum við það.
En það breytir í sjálfu sér engu
um okkar markmið, að vinna í síð-
ustu umferðinni á móti Fram. Það
verður raunar bara til þess að það
markmið verður skýrara fyrir
okkur og það er bara fínt að þessi
leikur sé úr veginum,“ segir
Kristján.
Kristján kvaðst hlakka mjög til
helgarinnar.
„Allir þeir leikmenn Keflavík-
urliðsins sem hafa verið að spila
undanfarið eru heilir og tilbúnir í
slaginn. Það er bara spennandi
laugardagur fram undan, svo ein-
falt er það,“ segir Kristján.
Keflvíkingar hafa örlögin í
sínum höndum og verða Íslands-
meistarar fari svo að þeir vinni
Framara á Sparisjóðsvellinum í
Keflavík. FH-ingar verða því að
treysta á að Keflvíkingar tapi eða
geri jafntefli til þess að eiga von
um titilinn. Ef Keflavík gerir jafn-
tefli gegn Fram verður FH að
vinna sinn leik gegn Fylki með
tveimur mörkum vegna þess að
Keflavík er með 24 mörk í plús en
FH 23 mörk og Keflvíkingar eru
búnir að skora talsvert fleiri
mörk.
Hvernig sem fer þá ráðast
úrslitin í lokaumferðinni og spenn-
an því gríðarleg. - óþ
Keflvíkingar komu saman til að horfa á leik FH og Breiðabliks í gær:
Hættu að horfa í hálfleik
ENGIN FAGNAÐARLÆTI Keflvíkingarnir Hörður Sveinsson og Kenneth Gustafsson
drifu sig á æfingu í hálfleik á leik FH og Breiðabliks þegar staðan var 3-0 fyrir FH í
gærkvöldi. Keflvíkingar verða Íslandsmeistarar sigri þeir Fram á laugardag. VÍKURFRÉTTIR
FÓTBOLTI FH hélt lífi í meistara-
vonum sínum er liðið vann enn
einn úrslitaleikinn í gær. Blikar
voru fórnarlömb Hafnfirðinga að
þessu sinni en sprækir FH-ingar
hreinlega yfirspiluðu Blikana og
unnu 3-0. Sigurinn var síst of stór
og Blikar máttu þakka fyrir að
gjalda ekki meira afhroð.
Það kom ekkert sérstaklega á
óvart að sjá allar helstu stjörnur
Blika, að Marel Baldvinssyni und-
anskildum, í byrjunarliðinu á
nýjan leik í gær. Herbragð Ólafs
Kristjánssonar, að hvíla menn svo
þeir yrðu ferskari gegn FH, gekk
engan veginn upp því hans menn
sáu aldrei til sólar í leiknum. Voru
arfaslakir, andlausir og karakter-
leysi liðsins skein í gegn.
Það tók FH-inga aðeins sjö mín-
útur að ná forystunni í gær. Það
gerði Atli Viðar Björnsson er hann
tók frákast í teignum og skoraði
af stuttu færi.
FH réði algjörlega lögum og
lofum á vellinum. Þjarmaði
grimmt að óstyrkri Blikavörn
sem átti í miklum vandræðum
með sóknarmenn FH og þá aðal-
lega Atla Viðar Björnsson sem
var síógnandi.
Sóknarleikur Blika var álíka
glæsilegur og gítarleikur Árna
Johnsen. Einhæfur, flatur og ekki
til útflutnings. Magnús Páll var
frammi með hinum efnilega
Jóhanni Berg sem fann sig aldrei.
Magnús hélt áfram að valda von-
brigðum en hann hefur verið
arfaslakur í sumar. Á því varð
engin breyting í gær. Danirnir
Tommy Nielsen og Dennis Siim
hreinlega pökkuðu Magnúsi og
Jóhanni saman.
FH komst í 2-0 er sex mínútur
voru eftir af fyrri hálfleik er Atli
Guðnason skilaði sendingu Atla
Viðars í netið. Títtnefndur Atli
Viðar skoraði svo í uppbótartíma
hálfleiksins og í raun kláraði leik-
inn fyrir FH-inga. Frábær fyrri
hálfleikur hjá þeim.
Bitlausir Blikar komust næst
því að skora á 57. mínútu er þeir
fengu víti en Gunnar Sigurðsson
varði slaka spyrnu Jóhanns Berg.
Yfirburðir FH-inga í síðari hálf-
leiknum voru algjörir og það var
átakanlegt að fylgjast með með-
vitundarlausum Blikum sem voru
í stanslausum eltingarleik og það
oftast á hálfum hraða. Karakter-
leysið algjört og stoltið lítið sem
ekkert.
Varnarleikurinn var skömminni
skárri en FH-ingar hefðu hæglega
getað bætt við mörkum og Atli
Viðar var oft nálægt því að ná
þrennunni. Tryggvi Guðmunds-
son fór einnig mikinn, hljóp líkt
og óður væri um allan völl og
kláraði bensíntankinn í sínum síð-
asta leik í sumar. Ótrúleg vinnsla
á manninum.
„Þetta var síðasti leikurinn hans
og núna hefur hann allan veturinn
til að hvíla sig,“ sagði Heimir Guð-
jónsson, þjálfari FH, í léttum tón
en hann var sáttur með leik sinna
manna. „Þetta var sanngjarn
sigur. Við byrjuðum þennan leik
mjög vel og settum þá undir
pressu og fengum svo mark eftir
sjö mínútur. Það gaf liðinu sjálfs-
traust og eftir það spiluðum við
vel,“ sagði Heimir sem er enn á
því að Blikar hafi fórnað öðrum
leikjum til þess að ná að vinna
FH.
„Ég sagði það fyrir leikinn að
þeir hefðu bara áhuga á að vinna
FH og ég stend fastur á því. Það
var gott að við náðum að klára
þetta og sýna það að þeir koma
ekkert hérna og vinna FH í Krik-
anum,“ sagði Heimir.
„Við vorum slakir í fyrri hálf-
leik og létum FH-ingana komast
alltof auðveldlega að kræsingun-
um,“ segir Ólafur Kristjánsson,
þjálfari Breiðabliks.
„Við spiluðum á margan hátt
barnalega á móti þeim í fyrri hálf-
leik og féllum hvað eftir annað í
þær gildrur sem við vissum að
þeir voru að leggja fyrir okkur,“
segir Ólafur en Breiðablik hefur
nú tapað þremur leikjum í röð.
„Ég er mjög óánægður með hvern-
ig við höfum spilað þrjá síðustu
leiki. Það er engin önnur skýring
á því en að það sé eitthvað að hug-
arfarinu hjá okkur,“ segir Ólafur
FH-ingar eru því vel á lífi í titil-
baráttunni sem ræðst á laugar-
daginn. Þeir eru á mikilli siglingu
þessa dagana og virðast vera að
toppa undir lok tímabils en spurn-
ing hvort þessi góði sprettur
þeirra í deildinni komi of seint.
„Það er búin að vera gríðarleg
samstaða og sterk liðsheild hjá
okkur í tveimur síðustu leikjum.
Það fleytir mönnum langt í fót-
bolta að vera með sterka liðsheild
og við sýndum það í dag,“ sagði
Heimir að lokum.
Keflavík ræður enn sínum
örlögum. Liðið sem allir hafa
beðið eftir að brotni í sumar. Kefl-
víkingar hafa verið frábærir í
sumar og stóra lokaprófið er fram
undan. FH-ingar virka óstöðvandi
og því þarf Keflavík líklega að
klára sitt verkefni til að landa
stóra titlinum í fyrsta skipti í 35
ár.
henry@frettabladid.is / oskar@frettabladid.
is
Hátíðarhöldunum frestað í Keflavík
Leikmenn Keflavíkur fögnuðu ekki Íslandsmeistaratitlinum í gær þar sem FH vann afar öruggan og sann-
færandi sigur á karakterlausu liði Blika, 3-0. Úrslit Íslandsmótsins ráðast því um helgina.
FÓTBOLTI Atli Viðar Björnsson lék
vel á móti Blikum í gær, skoraði
tvö mörk og lagði upp það þriðja.
„Ég er búinn að skora í síðustu
tveimur leikjum og það er búið að
ganga vel,“ sagði Atli Viðar
Björnsson, lítillátur í leikslok.
„Við vorum góðir í fyrri
hálfleik og spiluðum blússandi
sóknarbolta. Við ætluðum að
keyra meira á þá og setja meiri
þrýsting á þá en svona fór þetta
bara,“ sagði Atli Viðar en hann
hefur skorað fjögur dýrmæt
mörk í síðustu tveimur leikjum.
„Það er gaman að enda mótið á
þessum nótum og vonandi held ég
þessu áfram. Vð verðum að vinna
Fylki og það væri ekki verra ef að
ég myndi skora,“ sagði Atli Viðar
að lokum. - óój
Atli Viðar Björnsson, FH:
Fjögur mörk í
tveimur leikjum
MIKILVÆGUR Atli Viðar Björnsson hefur
verið FH-ingum dýrmætur í síðustu
leikjum. FRÉTTABLAÐIÐ/ANTON
FH-INGAR FAGNA Davíð Þór Viðarsson, Atli Viðar Björnsson,
Dennis Siim, Björn Daníel Sverrisson og Ásgeir Gunnar Ásgeirs-
son fagna hér sigri FH á Breiðabliki í gær.
FÓTBOLTI Eiður Smári Guðjohnsen
bjargaði þremur stigum fyrir
Barcelona þegar Katalóníurisinn
vann Real Betis 3-2 á Nývangi í
gærkvöld.
Eiður Smári hóf leikinn á
varamannabekknum en var skipt
inn á fyrir Seydou Keita á 71.
mínútu í stöðunni 2-2 og skoraði
svo sigurmarkið á 80. mínútu
eftir góðan undirbúning hjá Dani
Alves.
Þetta var fyrsta mark Eiðs
Smára á tímabilinu í spænsku
úrvalsdeildinni. - óþ
Eiður Smári Guðjohsen:
Skoraði sigur-
mark Barcelona
MINNTI Á SIG Eiður Smári fagnar hér
marki sínu á Nývangi í gærkvöld.
NORDIC PHOTOS/AFP

FR
ÉT
TA
B
LA
Ð
IÐ
/A
N
TO
N