Fréttablaðið - 26.09.2008, Blaðsíða 10

10 26. september 2008 FÖSTUDAGUR
IÐNAÐUR Útskýringar forstjóra
Orkuveitunnar á fæð tilboða í
margra milljarða útboð í boranir
fyrirtækisins standast ekki nán-
ari skoðun, segir Friðfinnur Dan-
íelsson verkfræðingur, en hann
hefur viljað bjóða í verk Orku-
veitunnar, í félagi við erlend fyrir-
tæki. Útboðin
séu hins vegar
hönnuð fyrir
Jarðboranir,
fyrirtæki sem
hefur lengi
þjónað Orku-
veitunni.
Jarðboranir
voru eina fyrir-
tækið sem bauð
í þrettán millj-
arða verk um
boranir á fimm-
tíu holum fyrir
Orkuveituna
(OR). Hjör-
leifur B. Kvar-
an, forstjóri
OR, sagði í blað-
inu 22. sept-
ember að
ástæða þessa
væri sú að fyrir-
tækið væri í einokunarstöðu á
Íslandi. Önnur fyrirtæki hefðu
ekki burði til að bjóða í verkin,
sem væru ef til vill of smá fyrir
erlend fyrirtæki.
Friðfinnur segir líklegri skýr-
ingu þá að útboðsgögnin séu ein-
ungis fáanleg á íslensku.
„Orkuveitan gæti boðið verkin
út án þess að óþefurinn finnist
langar leiðir. Að sjálfsögðu með
því að hafa útboðsgögn á ensku
en í öðru lagi með því að lengja
frestinn sem fyrirtækin hafa til
að bjóða í verkin,“ segir Frið-
finnur.
Hjörleifur segir við þessu að
OR auglýsi í Evrópu á ensku og
sé tilbúið til að þýða útboðsgögn-
in fyrir erlend fyrirtæki. En þau
hafi hingað til ekki sóst eftir því.
Síðasta útboð hafi verið auglýst
snemma á þessu ári en verkefnið
verði framkvæmt að hluta til á
næsta ári en að mestu árið 2010.
Friðfinnur telur að OR miði
kröfur í útboðum við tækjakost
Jarðborana og segir að í útboðinu
2005 hafi verið farið fram á að
lykilstarfsmenn töluðu íslensku
og hefðu jafnvel reynslu af bor-
unum á Íslandi.
Hjörleifur segist telja að Jarð-
boranir miði sinn tækjakost við
kröfur OR frekar en hitt. Ekki
séu meiri kröfur gerðar til
íslenskukunnáttu en svo að farið
sé fram á að á verksvæði sé ávallt
einn maður mælandi á ensku eða
íslensku. Frá árinu 2005 hafi
verið farið yfir hvernig hægt
væri að hafa „alþjóðlegri brag“ á
útboðunum. „Og þeir þurfa ekki
að hafa reynslu af borunum á
Íslandi. Við erum á evrópska
efnahagssvæðinum og megum
ekki meta Íslendinga umfram
aðra,“ segir Hjörleifur.
klemens@frettabladid.is
Orkuveitan gæti boðið
verkin út án þess að
óþefurinn finnist langar leiðir.
FRIÐFINNUR DANÍELSSON
VERKFRÆÐINGUR
GRÆNI MAÐURINN Þessi grænmálaði
maður lék myndastyttu í miðbænum í
Haag í tilefni af alþjóðlega friðardegin-
um nú í vikunni. NORDICPHOTOS/AFP
DÓMSMÁL Ríkissaksóknari hefur
ákært karlmann í Reykjavík
fyrir tilraun til manndráps en til
vara fyrir sérstaklega hættulega
líkamsárás.
Manninum er gefið að sök að
hafa aðfaranótt föstudagsins 1.
ágúst 2008 ráðist að öðrum
manni og stungið hann með hnífi
í bak vinstra megin og vinstri
framhandlegg.
Fórnarlambið hlaut stungusár
inn í brjósthol og inn í lungað
með loftbrjósti og blæðingu í
brjóstholi og einnig hlaut
fórnarlambið stungusár á vinstri
framhandlegg, neðan við
olnboga, sem olli áverka á
ölnartaug.
Atvikið átti sér stað utandyra
við Hverfisgötu 6 í Reykjavík.
- jss
Rikissaksóknari ákærir:
Tilraun til
manndráps
Útboð útiloki erlend fyrirtæki
Útboð Orkuveitu Reykjavíkur á borunum eru sniðin að Jarðborunum hf. segir verkfræðingur. Útboðsgögn
eru á íslensku en auglýst er á ensku. „Megum ekki meta Íslendinga umfram aðra,“ segir forstjóri OR.
FRIÐFINNUR
DANÍELSSON
HJÖRLEIFUR
KVARAN
FJÖLSKYLDUBÍLLINN
SEM EYÐIR SVO
MIKLU MIKLU MINNA.
Skoda Octavia 1,9 TDI® - 4,9 lítrar á hundraðið
Skoda Octavia er vandaður og ríkulega útbúinn verðlaunabíll í fullri stærð með pláss fyrir alla
fjölskylduna og rúmgott farangursrými. Nýja TDI® dísilvélin, skilar miklu og jöfnu afli og býr yfir
frábærum aksturseiginleikum (einnig fáanlegur með bensínvél).
Skoðaðu Skoda Octavia - bílinn sem eyðir svo miklu miklu minna.
Allir kaupendur Skoda Octavia fá frítt fyrir fjölskyldu sína í Fjölskyldu- og húsdýragarðinn í eitt ár.
■ Jarðboranir hafa lengi verið
nátengdar Orkuveitunni, allt frá því
fyrirtækið hét Jarðboranir ríkisins. Á
tímabili var forstjóri Orkuveitunnar
stjórnarformaður Jarðborana.
■ Árið 2005 buðu Jarðboranir í
boranir fyrir Orkuveituna fyrir átta
milljarða og fengu verkið. Þá buðu
einnig Ístak og Íslenskir aðalverktak-
ar í sameiningu.
■ Í ár fengu Jarðboranir þrettán
milljarða verk fyrir Orkuveituna.
Ekkert annað fyrirtæki bauð í þótt
verkið væri auglýst á Evrópska efna-
hagssvæðinu. Orkuveitan bauð fyrir-
tækjum peningaverðlaun svo byðu
þau frekar í verkið en til einskis.
■ Orkuveitunni hefur heldur ekki
tekist að fá erlend fyrirtæki til að
bjóða í borun í Djíbútí.
■ Orkuveitan er í eigu Reykjavíkur-
borgar, Akraneskaupstaðar og
Borgarbyggðar. Jarðboranir eru í
eigu Geysis Green Energy.
ÚTBOÐ
BORINN ÓÐINN Í EIGU JARÐBORANA Friðfinnur Daníelsson verkfræðingur telur
að Orkuveita Reykjavíkur miði útboð sín við þann tækjakost sem Jarðboranir geta
boðið upp á, en forstjóri Orkuveitunnar segir því öfugt farið. MYND/ORKUVEITAN