Fréttablaðið - 26.09.2008, Blaðsíða 32
6 föstudagur 26. september
✽
ba
k v
ið
tjö
ldi
n
Margrét Edda
Jónsdóttir er 19 ára
söngkona sem skaust
fram í sviðsljósið í
sumar þegar hún byrjaði
í Merzedes Club. Hún
ætlar sér stóra hluti og
dreymir um frægð og
frama í útlöndum
Viðtal: Marta María Jónasdóttir
Ljósmyndir: Valgarður Gíslason
M
argrét Edda Jóns-
dóttir skaust fram í
sviðsljósið í sumar
þegar hún valin
úr hópi kvenna til
að taka að sér bakraddasöng fyrir
hljómsveitina Merzedes Club. Hún
segist ekki hafa haft mikla trú á
sjálfri sér og viðurkennir að hún
hefði ekki mætt í prufurnar ef vin-
kona hennar hefði ekki hvatt hana
til þess. Þegar Rebekka Kolbeins
hætti í bandinu varð hún aðalsöng-
konan og fílar það vel. Þegar hún er
spurð að því hvort þetta hafi verið
draumurinn segir hún svo vera. „Ég
bjóst alls ekki við þessu og varð
mjög glöð þegar ég fékk símtalið frá
Valla umboðsmanni þess efnis að
ég hefði komist inn,“ segir Margrét
Edda, sem hefur stefnt að frægð
og frama frá því hún man eftir sér.
Söngurinn hefur alltaf spilað stórt
hlutverk í lífi hennar og hefur hún
verið sísyngjandi síðan hún var lítil.
Hún tók meðal annars þátt í upp-
færslu Hagaskóla á Jesus Christ
Superstar og svo tók hún tvívegis
þátt í söngvakeppni á Sólon Ísland-
us. „Ég er búin að vera í söngtímum
hjá Maríu Björk og svo tók ég fyrsta
stigið í söng hjá Vox Academica. Ég
var ekki alveg að fíla mig í klass-
íska söngnum og fór í framhaldinu
í Söngskóla Þorvaldar Bjarna. Þar
kenndi Selma Björns mér sviðs-
framkomu og söng.“
Þegar hún er spurð að því hvort
hún hafi fylgst vel með Merzedes
Club segist hún hafa fyrst heyrt af
hljómsveitinni í gegnum föður sinn,
Jón Gnarr. „Pabbi minn var búinn
að segja mér frá Merzedes Club og
sagði mér að þetta hefði verið grín
til að byrja með en svo fór að vera
meiri alvara í þessu,“ segir hún en
faðir hennar samdi textann við
lagið, Meira frelsi, sem Merzedes
Club flutti í auglýsingu fyrir Sím-
ann. Meðlimir hljómsveitar innar
Merzedes Club hafa allir vel rækt-
aða og brúna kroppa en eins og
frægt er orðið eru bæði Gillzenegg-
er og Ceres 4 í bandinu. Margrét
Edda segist smellpassa inn í hóp-
inn enda hafi þau öll svipuð áhuga-
mál. „Stákarnir eru alveg æðislegir.
Það var ótrúlega gaman að fara með
þeim til Portúgal. Þeir eru allir mikl-
ir íþróttamenn og með sömu áhuga-
mál og ég sjálf. Þegar við höfum
verið á tónleikaferðalögum þá hef
ég tekið æfingar með strákunum,“
segir hún og játar að þau æfi nánast
daglega. Er ekki mikil krafa um gott
útlit, hvernig berðu þig að? „Jú, það
er það. Ég borða hollan mat, æfi vel
og sef vel. Ég hugsa voða vel um lík-
ama minn. Það er lykillinn að því að
líta vel út.“ Ertu jafn mikið í brún-
kukreminu og þeir? „Nei, ég hef
bara farið í ljósabekki.“
ALLT AÐ GERAST
Hlutirnir gerast hratt hjá Mar-
gréti Eddu því meðfram því að
vera í Merzedes Club hyggur hún
á sólóferil. Í dag verður nýtt lag
með henni frumflutt í útvarpinu.
Lagið heitir Sweet Love og er eftir
Pál Þorsteinsson og Magna Kristj-
ánsson en Ólafur Páll Torfason
samdi textann. Páll var í hljóm-
sveitinni Afkvæmum guðanna og
hefur gert lög fyrir Bent og 7berg,
Sesar A, Dóra DNA, Yesmine Ols-
son og fleiri. Magni var í Rokk-
bandinu Driver Dave og Forgot-
ten Lores. Ólafur Páll, eða Opee,
er rappari og hefur meðal annars
starfað með Quarashi. Hún segist
vera mjög spennt fyrir þessu því
hana dreymi um að geta unnið
við tónlist og lifað af henni. „Við
erum svolítið að spá í næntís lög
og eigum örugglega eftir að taka
upp fleiri lög,“ segir hún.
FYRIRSÆTUBRANSINN
HEILLAÐI EKKI
Margrét Edda hefur aðeins verið
að daðra við fyrirsætubransann
en hún hefur verið Séð og heyrt-
stúlka nokkrum sinnum. „Ég var
ekki mjög spennt fyrir fyrirsætu-
bransanum. Ég fór bara í nokkrar
myndatökur fyrir Séð og heyrt. Ég
var ekkert sérlega heilluð af því að
standa fyrir framan myndavélina
og pósa. Þetta er ekkert sem mig
langar að gera. Svo tók ég þátt í
bikiníkeppninni Hawaiian Tropic í
fyrra. Það voru nokkrir sem vildu
fá mig í myndatökur í kjölfarið.“
Varstu spæld að vinna ekki
keppnina? „Já, svolítið, en þetta er
bara svona.“ Þegar hún er spurð
að því hvort það hafi ekki verið
erfitt að koma fram á bikiníi segir
hún svo ekki vera. „Það var smá
erfitt fyrst en svo setti ég mig bara
í stellingar.“
ÁSTIN OG ÍÞRÓTTIRNAR
Margrét Edda byrjaði að æfa
taekwondo árið 2003 en fyrir þann
tíma æfði hún á listskautum. „Ég
var mjög fljót að vinna mig upp og
komst fljótlega í landsliðshópinn.
Þetta er mjög skemmtileg íþrótt
og hefur hjálpað mér mjög mikið.
Taekwondo hefur styrkt mig and-
lega og ég er ekki jafn feimin og
ég var. Í taekwondo lærði ég að
sýna fólki virðingu og að treysta
fólki,“ segir hún. Núna er hún með
rautt belti með tveimur svörtum
röndum. „Mig vantar tvö belti í
viðbót til að fá svarta beltið. Næst
tek ég þriðju svörtu röndina og
svo svarta beltið.“ Þegar hún er
spurð út í æfingarnar segist hún
æfa fjórum sinnum í viku. „Ég æfi
líka svolítið ein, fer út að skokka
og svoleiðis,“ segir Margrét Edda
en hún æfir með fimleikafélainu
Björk. Hún gerir reyndar meira en
að æfa þar því hún þjálfar einn-
ig yngri krakka í taekwondo. Taek-
wondo-ið hafði þó meiri áhrif en
að efla sjálfstraust og losa hana
við feimnina því hún hnaut um
ástina í fimleikafélaginu Björk.
„Kærastinn minn heitir Björn
Þorleifsson. Hann er afreks maður
í íþróttinni og þjálfaði mig um
tíma. Hann vinnur hjá Fimleika-
félaginu Björk og er yfirþjálfari í
almenningsdeild og í taekwondo-
deildinni. Hann er yndislegasti
maður sem ég hef kynnst,“ segir
Margrét Edda. Aðspurð um fram-
tíðardraumana segir hún: „Að ná
sem lengst í söngnum. Mig langar
að slá í gegn úti í heimi.“
FANN ÁSTINA Í TAEKWONDO
Stjörnumerki: Vatnsberi
Besti tími dagsins: Ég þarf að segja næt-
urnar því ég er algjör nátthrafn.
Geisladiskurinn í spilaranum: Er ekki með
neinn geisladisk, hlusta á alla mína tón-
list í iTunes. Þar hlusta ég mest á Paper
planes með M.I.A.
Uppáhaldsverslunin: Gallerí 17, Kiss,
Retro, Bossanova og fleiri.
Uppáhaldsmaturinn: Ég
elska allan mat en held
að ég verði að velja ham-
borgarhrygginn hennar
mömmu sem ég fæ
bara á jólunum.
Ég lít mest upp til...
fólks sem nær ár-
angri.
Áhrifavaldurinn? Ég
myndi segja Bjössi, kær-
astinn minn. Áður en við
byrjuðum saman vorum við mjög góðir vinir.
Hef þekkt hann mjög lengi og hefur hann
alltaf verið til staðar fyrir mig. Hann hvetur
mig áfram og fær mig til að vilja vera betri
manneskja.
Draumafríið? Mér finnst rosa-
lega gaman að fara til útlanda!
Það eru mörg lönd sem mig
langar að heimsækja. Held að
draumafríið sé að ferðast til
Tókýó eða Shanghaí.
Ef þú ættir sand af seðlum
hvað myndir þú kaupa
þér? Ég myndi kaupa mér
allt það sem ég vil, það
er rosalega margt! Ég
myndi kaupa þrjá bíla,
tvo sportbíla og einn
flottan jeppa. Svo myndi
ég kaupa mér flotta þakíbúð,
húsgögn inn í hana og svo
myndi ég bjóða fjölskyldu og
vinum til Havaíeyja.