Fréttablaðið - 26.09.2008, Blaðsíða 58
38 26. september 2008 FÖSTUDAGUR
sport@frettabladid.is
> Margrét Lára til Los Angeles?
Bandaríska atvinnumannaliðið Los Angeles valdi Margréti
Láru Viðarsdóttur í útlendingavali deildarinnar. Félagið
hefur þar með forgang á að ræða við Margréti Láru og
verður að koma í ljós síðar hvort Margrét hafi áhuga á að
leika með félaginu. Ný atvinnumannadeild kvenna hefst
í Bandaríkjunum á næsta ári og stefna deildarinnar er að
lokka sem flestar af stórstjörnum kvenna-
boltans til landsins og Margrét Lára er þar
á meðal. Margrét hefur áður lýst því yfir að
hún stefni á að reyna fyrir sér erlendis á
næsta ári.
FÓTBOLTI Bert van Marwijk,
landsliðsþjálfari Hollands, hefur
ákveðið að halda sig við sama
tuttugu manna hópinn fyrir leikina
gegn Íslandi og Noregi í undan-
keppni HM 2010 og vann Make-
dóníu 1-2 í opnunarleik liðsins.
Wesley Sneijder, leikmaður
Real Madrid, er ekki í hópnum en
hann er nýbyrjaður að æfa aftur
eftir að hafa jafnað sig á meiðsl-
um sem hann hlaut í æfingaleik
gegn Arsenal 3. ágúst. Í fyrstu
var talið að Sneijder yrði frá í
þrjá mánuði og hann er því
kominn aftur til starfa talsvert
fyrr en áætlað var. Átján manna
hópur Hollands verður tilkynntur
3. október. - óþ
Undankeppni HM 2010:
20-manna hóp-
ur Hollands
LANDSLIÐSHÓPUR HOLLANDS
Markverðir:
Maarten Stekelenburg (Ajax)
Henk Timmer (Feyenoord)
Varnarmenn:
Khalid Boulahrouz (Stuttgart)
Giovanni van Bronckhorst (Feyen.)
Tim de Cler (Feyenoord)
John Heitinga (Atletico Madrid)
Joris Mathijsen (Hamburg)
André Ooijer (Blackburn)
Miðjumenn:
Ibrahim Afellay (PSV)
Mark van Bommel (Bayern München)
Orlando Engelaar (Schalke)
Nigel de Jong (Hamburg)
Rafael van der Vaart (Real Madrid)
Demy de Zeeuw (AZ Alkmaar)
Framherjar:
Ryan Babel (Liverpool)
Klaas-Jan Huntelaar (Ajax)
Dirk Kuyt (Liverpool)
Robin van Persie (Arsenal)
Arjen Robben (Real Madrid)
Jan Vennegoor of Hesselink (Celtic)
N1 deild karla í handbolta
FH-HK 33-36 (16-20)
Mörk FH (skot): Aron Pálmason 12/2 (27/3),
Arnbjörn Friðriksson 5 (8), Guðmundur Pet-
ersen 4 (6), Sigurður Ágústsson 4 (6), Ólafur
Guðmundsson 3 (6), Hjörtur Hinriksson 2 (2),
Sigursteinn Arndal 1 (1), Guðni Kristinsson 1 (1),
Jón H. Jónsson 1 (3), Benedikt Kristinsson 0 (1).
Varin skot: Magnús Sigmundsson 19 (26/5)
42%, Daníel Andrésson 1 (10/3) 9%
Hraðaupphlaup: 5 (Aron, Sigurður, Jón, Sigur-
steinn, Ólafur)
Fiskuð víti: 2 (Aron, Sigurður)
Utan vallar: 8 mínútur
Mörk HK (skot): Valdimar Fannar Þórsson 15/8
(19/8), Brynjar Hreggviðsson 5 (6), Einar Ingi
Hrafnsson 4 (5), Ásbjörn Stefánsson 4 (6), Sigur-
geir Árni Ægisson 3 (3), Gunnar Steinn Jónsson 3
(5), Ólafur Bjarki Ragnarsson 2 (4), Jón Björgvin
Pétursson 0 (3).
varin skot: Sveinbjörn Pétursson 19 (33/2) 37%
Hraðaupphlaup: 9 (Brynjar 3, Sigurgeir Árni 3,
Valdimar Fannar 2, Ásbjörn)
Fiskuð víti: 8 (Einar Ingi 3, Gunnar Steinn,
Ásbjörn, Ólafur Bjarki, Jón Björgvin, Arnar Þór)
Utan vallar: 10 mínútur
Dómarar: Anton Gylfi Pálsson og Hlynur Leifs-
son, sæmilegir.
Fram-Víkingur 36-30 (16-15)
Mörk Fram: Magnús Stefánsson 11, Haraldur
Þorvarðarson 9, Rúnar Kárason 5, Stefán Baldvin
Stefánsson 4, Guðjón Finnur Drengsson 3,
Guðmundur Hermannsson 2, Halldór Jóhann
Sigfússon 1, Jóhann Karl Reynisson 1.
Mörk Víkings: Sverrir Hermannsson 8, Hjálmar
Þór Arnarsson 6, Pálmar Sigurjónsson 3, Brynjar
Loftsson 3, Þröstur Þráinsson 3, Óttar Pétursson
3, Sveinn Þorgeirsson 2, Davíð Ágústsson 2.
ÚRSLIT FRAKKLAND-ÍSLAND
ÓSKAR ÓFEIGUR JÓNSSON
skrifar frá Frakklandi
ooj@frettabladid.is
Hólmfríður Magnúsdóttir meiddist á æfingu með landsliðinu
í gær og enn er óvíst hvort hún geti verið með í leiknum
mikilvæga á móti Frökkum á laugardaginn. Hólmfríður verður í
meðferð sjúkraþjálfara og læknis fram að leik.
„Þetta var fyrsta æfingin sem ég tók þátt í síðan lands-
liðið kom saman og ég þurfti að hætta á miðri æfingu.
Ég fékk mjög þungt högg í kviðinn og þetta var mjög
vont. Ég hvíldi síðan á seinni æfingunni enda var það
skynsamlegt að hvíla og sjá síðan til á morgun,” lýsir
Hólmfríður en hún er mjög ákveðin í að spila á
móti Frökkum.
„Það þarf mikið til þess að maður afskrifi þenn-
an leik því maður er búinn að bíða lengi eftir
honum,” segir Hólmfríður ákveðin en Reynir
Björn Björnsson, læknir liðsins, var þó ekki
tilbúinn að lofa neinu í þessu sambandi í
gær. „Ég er í meðferð hjá bæði sjúkraþjálf-
ara og lækni og vonandi get ég tekið þátt
í síðustu æfingunni. Það þarf mikið til að maður
sleppi svona leik,” segir Hólmfríður og bætir við: „Maður gleymir
yfirleitt því sem maður er búinn að lenda í þegar maður
heyrir þjóðsönginn. Þá er bara að bíta á jaxlinn.”
Hólmfríður hafði ekkert æft með landsliðinu þar sem
hún meiddist í bikarúrslitaleiknum. Hólmfríður bætti sínu
þriðja marki við eftir að hafa meiðst en kláraði samt
leikinn af sinni alkunnu hörku og bætti meira að
segja þriðja marki sínu við.
„Ég meiddist í kálfanum í öðru markinu en ég
var ekki mikið að biðja um skiptingu því það þarf
mikið til þess að maður fari út af í úrslitaleik,”
segir Hólmfríður, sem er ekki vön að hlífa sér á
vellinum.
„Ég vil oft sækja hratt og vaða áfram og lendi
oft illa í því. Ég er bara þannig leikmaður að
ég læt bara allt vaða og vonast til að meiðast
ekki. Ég er samt búin að vera svolítið óheppin í
sumar. Maður verður að þora,” segir Hólmfríður
að lokum.
HÓLMFRÍÐUR MAGNÚSDÓTTIR: MEIDDIST Á ÆFINGU Í GÆR OG ER TÆP FYRIR FRAKKALEIKINN
Það þarf mikið til að maður sleppi svona leik
HANDBOLTI HK-ingar máttu hafa
sig alla við til þess að landa sigri
gegn nýliðum FH í Kaplakrika í
gærkvöld. Valdimar Fannar Þórs-
son fór á kostum hjá HK og skor-
aði fimmtán mörk.
„Þeir neituðu bara að gefast
upp. Þetta var erfitt og við þurft-
um virkilega að hafa fyrir sigrin-
um þar sem þeir hætta bara ekki
að hlaupa. FH á örugglega eftir að
taka mikið af stigum í vetur og þá
sérstaklega í Krikanum,“ segir
Valdimar Fannar Þórsson.
Valdimar var ánægður með sig-
urinn og telur að HK-liðið eigi
mikið inni ennþá.
„Við erum náttúrlega með
marga nýja leikmenn sem eiga
eftir að spila sig saman og ég held
að þetta sé allt á réttri leið. Það er
alla vega fínt að ná í sigur hér eftir
ruglið gegn Fram í fyrstu umferð-
inni,“ segir Valdimar Fannar.
Nýliðar FH byrjuðu leikinn af
krafti og komust fljótt í 4-1 en
þegar líða tók á fyrri hálfleikinn
náði HK föstum tökum á leiknum.
HK-vörnin, með Sverre Andr-
eas Jakobsson fremstan í flokki,
hrökk í gang um miðbik fyrri hálf-
leiks og í framhaldi að því fékk
liðið auðveld hraðaupphlaups-
mörk og staðan var 16-20 gestun-
um í vil þegar flautað var til hálf-
leiks.
FH-ingar voru þó ekki á því að
gefast upp í síðari hálfleik og
hleyptu HK-ingum aldrei langt
fram úr sér og söxuðu á forskotið
jafnt og þétt.
Þegar fimm mínútur lifðu leiks
var munurinn kominn niður í eitt
mark 29-30 og allt ætlaði um koll
að keyra í Kaplakrika. HK-ingar
héldu þó haus og sigldu fram úr á
nýjan leik og lokatölur urðu 33-36.
Hinn ungi og efnilegi Aron
Pálmason var allt í öllu hjá FH og
skoraði tólf mörk. „Það var mjög
fúlt að tapa leiknum en við sýnd-
um það að ef við fáum áhorfendur
með okkur á heimavelli, þá eigum
við roð í hvað lið sem er í deild-
inni. Við förum í hvern leik til
þess að vinna. Við berum vissa
virðingu fyrir andstæðingum
okkar hverju sinni, en samt ekki
of mikla,“ segir Aron á léttum
nótum. - óþ
Stórleikur Valdimars Fannars Þórssonar tryggði HK bæði stigin gegn baráttuglöðu liði FH í Hafnarfirði:
Nýliðar FH létu HK hafa fyrir hlutunum
STERKUR Silfurstrákurinn Sverre Jakobsson, sem kominn er í raðir HK, lét finna fyrir
sér í Krikanum í gær. FRÉTTABLAÐIÐ/VALLI
FÓTBOLTI Íslenska kvennalandslið-
ið er aðeins 90 mínútum frá því að
tryggja sér sæti í úrslitakeppni
Evrópumótsins í Finnlandi. Stelp-
urnar okkar mæta Frökkum í
úrslitaleik riðilsins í La Roche sur
Yon á laugardaginn og þær vita að
nú fylgist öll þjóðin með þeim.
Þóra Björg Helgadóttir, mark-
vörður íslenska liðsins, hefur lifað
tímana tvenna í þessu en hún
hefur staðið í marki íslenska liðs-
ins í að verða áratug.
Þegar Þóra var að byrja með A-
landsliðinu var kvennalandsliðið
að spila fyrir örfáa áhorfendur en
núna er öll þjóðin að fylgjast með
því.
„Þetta hefur verið hægt ferli frá
því að Jörundur Áki var með liðið.
Fyrsta skrefið var tekið þegar við
spiluðum á móti Ítalíu og við
sátum fyrir á bikiní. Ásthildur
vann gríðarlega mikla vinnu í að
koma þessum auglýsingum og
plakötum af stað. Þá byrjaði bolt-
inn að rúlla og Jöri var líka fyrsti
þjálfarinn sem barði í okkur sjálfs-
traust í að þora að sækja. Íslensku
landsliðin öll hafa verið að glíma
við það að pakka bara í vörn en
það vinnur enginn riðil á að pakka
í vörn,“ segir Þóra, sem er í góðri
stöðu til þess að sjá hvað mikið
hefur breyst á þessum tíma.
„Það er frábært að hafa verið
hluti af liðinu allan þennan tíma
og hafa séð okkur þróast og KSÍ
með. Allt batteríið í kringum liðið
er orðið svo samstillt, stórt og frá-
bært,“ segir Þóra, sem er ánægð
með að stelpurnar hafi fengið að
vera út af fyrir sig í strandbænum
Saint de Monts. „Ég held að það
hafi verið rosalega góð ákvörðun
hjá KSÍ að draga okkur aðeins út
úr. Það er mikið af fólki að koma
og mikið af okkar fjölskyldum.
Við verðum bara saman liðið og
enginn annar,“ segir Þóra, sem
veit líka að það tók langan tíma að
jafna sig eftir langt ferðalag þvert
yfir Frakkland.
„Það var líka góð ákvörðun að
fara fyrr því ferðalagið hjá stelp-
unum var víst ekki skemmtilegt.
Það var aðeins léttara fyrir mig,“
segir Þóra, sem er að spila með
Anderlecht í Belgíu. „Þetta gefur
okkur líka aðeins meiri tíma því
við erum þrjár sem sjáum liðið
sjaldan. Ég sjálf hafði sem dæmi
ekki hitt neinn í liðinu síðan í síð-
asta leik sem var í júní. Það er frá-
bært fyrir okkur að fá aukadag til
þess að komast inn í liðið aftur,“
segir Þóra.
En að leiknum sjálfum. Hvernig
er staðan á liðinu? „Ég hef engar
áhyggjur af fótboltalegu hliðinni
eða okkar leikmönnum því ég held
að Siggi Raggi verði í mestu basli
með að velja liðið. Það eina sem
maður hefur áhyggjur af er að
spennustigið og hausinn sé í lagi.
Þetta er stór leikur og það er mikið
áreiti,“ segir Þóra en það var létt-
ur andi yfir stelpunum í gær og
það ljóst að þær ætla að koma til-
búnar í leikinn á laugardaginn.
Stelpurnar okkar eiga sviðsljósið
Þóra Björg Helgadóttir hefur lifað tímanna tvenna með A-landsliði kvenna. Hún er stolt af því að hafa
tekið öll stóru skrefin með liðinu undanfarin áratug. Liðið getur tekið stærsta skrefið á laugardaginn.
UNDIRBÚNINGUR Sigurður Ragnar
landsliðsþjálfari fer yfir málin með Eddu
Garðarsdóttur. FRÉTTABLAÐIÐ/STEFÁN
REYNSLUBOLTI Þóra Björg Helgadóttir mun standa á milli stanganna í leiknum á laugardag. Hún segir frábært að sjá þá þróun
sem hafi orðið í kringum landsliðið á síðustu árum. FRÉTTABLAÐIÐ/STEFÁN