Fréttablaðið - 30.09.2008, Blaðsíða 19
Hjá Ad Astra býðst grunnskóla-
börnum tækifæri til að læra undir
handleiðslu háskólakennara í
skapandi og framsæknu háskóla-
umhverfi Háskólans í Reykjavík.
Ad Astra fer af stað með sína
þriðju önn í næsta mánuði og
mörg ný og spennandi námskeið
verða í boði að þessu sinni. „Tölvu-
öryggi er nýtt af nálinni, svo og
franska, enskar smásögur, forn-
leifafræði, kvikmyndagerð og
handritagerð fyrir kvikmyndir,
en hátt í tuttugu mismunandi nám-
skeið verða í boði,“ segir Brynja
B. Halldórsdóttir framkvæmda-
stjóri fyrirtækisins.
Að sögn Brynju hafa spænsku-
námskeiðin verið vinsælust og
strax er farið að fyllast í nám-
skeiðið fyrir næstu önn. „Í fyrra
buðum við upp á rafmagnseðlis-
fræði sem var mjög vinsæl. Í ár
ætlum við að breyta til og bjóða
upp á rafmagnsverkfræði í stað-
inn,“ segir Brynja.
Námskeiðin eru fyrir börn í 6.-
10. bekk grunnskóla, en að sögn
Brynju er lítið mál að gera undan-
tekningar fyrir yngri snillinga.
Hún segir að yngsti nemandinn
þeirra hafi verið tíu ára stúlka
sem sat heimspekinámskeið í
fyrra og að kennari hennar hafi
talið hana með betri nemendum
námskeiðsins. „Aldur skiptir litlu
máli. Eina krafan sem við gerum
er áhugi. Ef krakkar eru tilbúnir
að vakna snemma á laugardags-
morgnum til að læra, þá eru þau
velkomin,“ segir Brynja.
Að sögn Brynju hafa bæði
krakkar og foreldrar verið ánægð-
ir með námskeiðin og foreldrar
hafa talað um að börn þeirra hafi
fengið aukið sjálfstraust og orðið
félagslyndari. „Það eru engin próf
í námskeiðunum hjá okkur. Þau
ganga einungis út á ánægjuna af
að læra nýtt og meira.“
Stofnendur Ad Astra voru allir
menntaskólanemar þegar fyrir-
tækið fór af stað og Brynja ári á
undan í skóla. Hún skilur því þörf
duglegra og bráðgerra barna fyrir
að fá tækifæri til að læra meira
en það sem námskrá grunnskól-
anna býður upp á. Nafnið Ad Astra
kemur úr fyrri hluta latnesks
málsháttar sem þýða má á
íslensku; Enginn verður óbarinn
biskup. „Nafnið völdum við því
við vitum að við þurfum öll að
hafa fyrir því að komast áfram,“
segir Brynja.
Skráning á námskeiðin er hafin
og fer fram á heimasíðu Ad Astra,
www.adastra.is. Þar er einnig
hægt að finna nöfn allra nám-
skeiðanna, námskeiðslýsingar og
nöfn kennara. klara@frettabladid.is
Enginn óbarinn biskup
Ný önn er að hefjast hjá Ad Astra, en námskeiðin hjá þeim eru ætluð bráðgerum og námsfúsum börnum
í eldri bekkjum grunnskóla. Mörg ný námskeið verða í boði á þessari önn.
Brynja var ári á
undan í skóla og
skilur því þörf
bráðgerra barna fyrir
verkefni við hæfi.
FRÉTTABLAÐIÐ/GVA
ÆVINTÝRALÍF heitir námskeið sem kennt verður hjá
Manni lifandi miðvikudaginn 8. október næstkomandi. Nánari
upplýsingar um það má fá á vefsíðunni www.madurlifandi.is.
Alla mmtudaga
Auglýsingasími
– Mest lesið