Fréttablaðið - 30.09.2008, Blaðsíða 39

ÞRIÐJUDAGUR 30. september 2008 23
Verslunin Fígúra fagnar 500 daga
afmæli sínu með rýmingarsölu í
dag, en dagurinn er sá síðasti sem
verslunin verður opin. „Eftir það
verðum við eingöngu á myspace á
netinu,“ útskýrir Guðjón Rúnar
Emilsson, eigandi verslunarinnar.
Í stað Fígúru opnar ný búð í hús-
næðinu, þar sem Karítas Pálsdótt-
ir mun selja hönnun sína og ann-
arra, en hún á einmitt heiðurinn að
litríkum vegg Fígúru. „Hún verð-
ur með sína eigin hönnun, húsgögn
og skart úr leir til dæmis og kær-
astinn hennar og vinkona verða
með í þessu,“ útskýrir Guðjón,
sem telur líklegt að einhver af
merkjunum sem Fígúra hefur
verið með fái að fylgja Karítas
yfir í nýju verslunina.
Guðjón segir rekstur búðarinn-
ar ganga ágætlega sem stendur,
en lokun Skólavörðustígsins fyrr á
árinu hafi sett töluvert strik í
reikninginn. „Þetta er líka erfiður
rekstur. Ég stend vaktina í búðinni
allan daginn, prenta á föt og panta
inn. Þetta tekur allt mikinn tíma,“
segir Guðjón sem vonast því til að
geta einbeitt sér frekar að eigin
hönnun eftir þessi kaflaskil. „Ég
hef verið að prenta á föt frá merk-
inu American Apparel, sem eru
gæðavörur og mun halda áfram að
bjóða upp á þau, bæði á myspace-
síðunni og svo fæ ég væntanlega
smá horn í nýju búðinni. Fólk mun
líka geta pantað á netinu og sótt
vörurnar í búðina,“ útskýrir hann.
Á meðal þess sem hann býður upp
á eru bolir og fatnaður með fígúr-
um af veggnum góða. „Mér þykir
svo vænt um þennan vegg að ég
hef verið að reyna að bjarga
honum svona,“ segir hann og hlær
við.
Á þessum síðasta degi Fígúru er
verslunin opin frá 12 til 19, og
Guðjón lofar góðu verði. „Við
erum ekkert að hugsa um fall
krónunnar, við ætlum að hafa
gamla góða gengið og gott betur
en það,“ segir hann og hlær við.
Fígúra er til húsa að Skólavörðu-
stíg 22, en síðuna má skoða á
myspace.com/figurastore. - sun
Fígúra lifði í 500 daga
VERNDAR VEGGINN Guðjón Rúnar Emilsson, eigandi Fígúru, hefur tekið ástfóstri við
vegginn góða og býður upp á fatnað með áprentuðum fígúrum af honum. Hann
lokar í dag. FRÉTTABLAÐIÐ/GVA
Skógarhlíð 18 • sími 595 1000
Akureyri • sími 461 1099 • www.heimsferdir.is