Fréttablaðið - 30.09.2008, Blaðsíða 42
26 30. september 2008 ÞRIÐJUDAGUR
sport@frettabladid.is
Lokaumferðin var æsispennandi þar sem allra
augu beindust eðlilega að leik Keflavíkur og Fram
annars vegar og Fylkis og FH hins vegar sem skáru
úr um hvort Keflavík eða FH yrði Íslandsmeistari.
Keflvíkingar misstigu sig illilega gegn Fram á
heimavelli sínum og töpuðu 1-2 á meðan FH-
ingar kláruðu sinn leik 0-2 á útivelli gegn Fylki og
urðu þar með Íslandsmeistarar. Framarar fögnuðu
einnig dátt þar sem sigur þeirra þýddi að Safamýr-
arfélagið endaði í þriðja sæti og vann sér þar með
inn þátttökurétt í Evrópukeppni félagsliða.
KR-ingar tryggðu sér fjórða sætið eftir 0-1
sigur á Vodafonevellinum gegn Valsmönn-
um sem urðu að láta sér lynda fimmta
sætið.
Nýliðar Fjölnis mega vel við
una en þeir hirtu sjötta sætið
eftir 0-3 sigur gegn botnliði
ÍA á Akranesvelli.
Grindvíkingar enduðu tímabilið einnig á góðum
nótum með enn einum útisigri sínum í sumar, en
þeir unnu átta af ellefu leikjum sínum á útivelli, í
þetta skiptið gegn Þrótti.
HK-ingar fengu svo uppreisn æru þegar þeir
unnu nágranna sína 2-1 á Kópavogsvelli en Blik-
arnir féllu fyrir vikið niður í áttunda sæti.
22. UMFERÐ LANDSBANKADEILDAR KARLA: KEFLVÍKINGAR FÉLLU Á LOKAPRÓFINU
FH Íslandsmeistari árið 2008
TÖLURNAR TALA
Flest skot: 20, FH
Flest skot á mark: 10, KR
Fæst skot: 4, Grindavík
Hæsta með.ein.: 7,4 FH
Lægsta meðaleink.: 4,9 Valur
Grófasta liðið: 15 brot, Keflavík
Prúðasta liðið: 4 brot, ÍA
Flestir áhorf.: Keflav.-Fram, 3.875
Fæstir áhorf.: Þróttur-Grind., 563
Áhorfendur alls: 8.650
> Besti dómarinn: Kristinn
Jakobsson fékk hæstu einkunn
hjá Fréttablaðinu fyrir lokaumferð
Landsbankadeildarinnar eða 9.
Kristinn dæmdi leik FH og Fylkis
á Fylkisvelli og leysti það verkefni
með sóma.
>Atvik umferðarinnar
Keflavík vildi fá vítaspyrnu dæmda þegar Hannes Þór Hall-
dórsson, markvörður Fram, virtist bregða Símun Samuelsen
en dómarinn Jóhannes Valgeirsson kaus að spjalda Færey-
inginn fyrir leikaraskap. Atvikið átti sér stað í stöðunni 1-0
fyrir Keflavík en Fram jafnaði leikinn fimm mínútum
síðar og vann svo sem kunnugt er að lokum, 1-2.
>Ummæli umferðarinnar
„Það er nokkuð nett að verða Íslandsmeistari í
gallabuxum þó svo að ég sé nú í búningnum
undir,“ segir Tryggvi Guðmundsson í viðtali við
Fréttablaðið eftir leik Fylkis og FH. Tryggvi var í
leikbanni og sat í stúkunni á meðal stuðnings-
mannahóps FH, Mafíunnar.
Guðmundur
Sævarsson (2)
Ólafur Páll
Snorrason(4)
Auðun
Helgason (8)
Davíð Þór
Viðarsson (3)
Scott
Ramsay(7)
Óskar Örn
Hauksson(3)
Hallgrímur
Jónasson (5)
Tommy
Nielsen (6)
Paul
McShane(4)
Matthías
Vilhjálms.(4)
Gunnleifur Gunnleifs.(4)
FÓTBOLTI Ensku félögin Manchest-
er United og Arsenal verða meðal
annarra í eldlínunni í Meistara-
deild Evrópu í kvöld.
Englands- og Meistaradeildar-
meistarar Manchester United
mæta Danmerkurmeisturum AaB
frá Álaborg í kvöld sem komu
þónokkuð á óvart með því að hanga
á markalausu jafntefli gegn Celtic
í fyrstu umferð riðlakeppninnar.
United á þó ekkert sérstakar
minningar frá síðustu heimsókn
sinni í Danaveldi, í riðlakeppni
Meistaradeildarinnar tímabilið
2006-2007, þegar félagið tapaði
fyrir FC Kaupmannahöfn.
Sir Alex Ferguson, knattspyrnu-
stjóri United, varar því leikmenn
sína að vera ekki með neitt van-
mat gagnvar AaB.
„AaB var ef til vill heppið að fá
eitthvað út úr útileik sínum gegn
Celtic en nú er félagið á heima-
velli og fyrst við erum að koma í
heimsókn verður uppselt og allt
brjálað í stúkunni. Danir eru
þekktir baráttumenn og ég er viss
um að gamli vinur minn Rioch á
örugglega ekki eftir að lenda í erf-
iðleikum með að hvetja þá fyrir
leikinn,“ segir Ferguson.
Bruce Rioch, knattspyrnustjóri
AaB og fyrrum knattspyrnustjóri
Arsenal, viðurkennir að United sé
í allt öðrum gæðaflokki en danska
félagið en er þó hvergi nærri
banginn fyrir viðureignina.
„United-liðið er frábært og á
eflaust eftir að ráðast á okkur eins
og ljón á eftir bráð sinni, með því
að bíta á slagæðina. Munurinn á
okkur og United er gríðar-
legur og yfirmaður knatt-
spyrnumála hjá AaB sagði
við mig þegar Dimitar
Berbatov gekk í raðir
United að kaupverðið
myndi duga til þess
að reka AaB í sjö
ár. En við sýndum
hins vegar gegn
Celtic að við
getum spilað vel
því þannig er
danska leiðin, að
spila skemmtilegan
fótbolta en ekki
vera með neina
eyðileggingarstarf-
semi,“ segir Rioch.
Arsene Wenger,
knattspyrnustjóri
Arsenal, var allt annað en sáttur
eftir tap Lundúnafélagsins gegn
nýliðum Hull á Emirates-leik-
vanginum um helgina. Hann
mun því án efa gera
breytingar á byrjunar-
liði sínu fyrir leikinn
gegn Porto í kvöld.
„Það var nóg af atvik-
um sem fengu mann
til þess að verða
óglatt gegn Hull.
Frammistaða okkar
var langt undir með-
allagi og leikmenn
mínir vita það fullvel. Því
er ég tilneyddur til þess
að gera breytingar á lið-
inu þegar Porto kemur í
heimsókn,“ segir Weng-
er. - óþ
Önnur umferð í riðlakeppni í Meistaradeild Evrópu í fótbolta hefst í kvöld með leikjum í riðlum E til H:
Fellur United aftur á dönskuprófinu?
FÓTBOLTI Valsmenn eru líkt og
flest önnur lið í Landsbankadeild-
inni farnir að huga að næsta
sumri og í gær tilkynnti félagið
að markvörðurinn Haraldur
Björnsson hefði gengið í herbúðir
Hlíðarendafélagsins frá Hearts
þar sem hann dvaldi í þrjú ár.
Hinn nítján ára Haraldur er
uppalinn Valsari og hefur leikið
með öllum yngri landsliðum
Íslands en fyrir hjá Val er
landsliðsmarkvörðurinn Kjartan
Sturluson.
Ótthar Edvardsson, aðstoðar-
maður framkvæmdastjóra og
yfirmaður afrekssviðs hjá Val,
staðfesti í samtali við Fréttablað-
ið í gær að Kjartan yrði pottþétt
áfram hjá Val þrátt fyrir komu
Haraldar og verið væri að vinna
hörðum höndum þessa dagana að
leikmannamálum hjá félaginu. - óþ
Leikmannamál hjá Val:
Kjartan fær
samkeppni
VARAR VIÐ VANMATI
Sir Alex Ferguson
segir að menn verði
að mæta tilbúnir til
leiks.
NORDIC PHOTOS/GETTY
FÓTBOLTI Hægri bakvörðurinn knái
skoraði seinna mark FH í 0-2 sigr-
inum gegn Fylki sem varð til þess
að Hafnarfjarðarfélagið landaði
Íslandsmeistaratitlinum, en þetta
var fyrsta mark Guðmundar í
sumar.
„Við misstum aldrei trúna og
það var ekki hægt að enda þetta á
betri veg. Við vorum aðeins róleg-
ir eftir að hafa skorað seinna
markið því við vissum af því að
Fram var komið í 1-2 og það heyrð-
ist alltaf á áhorfendum í stúkunni
á Fylkisvelli hvað var að gerast í
Keflavík. Maður hefur líka alltaf
potað inn allavega einu marki á
tímabili, það er algjört lágmark,
þannig að það var hver að verða
síðastur með það,“ segir Guð-
mundur á léttum nótum.
Hraðmótið gerði gæfumuninn
FH-ingar komu vel út úr hraðmót-
inu svokallaða á lokasprettinum í
sumar en félagið vann þá fjóra
leiki af fimm á aðeins tveimur
vikum.
„Það er skemmtilegra að spila
heldur en að vera á æfingarsvæð-
inu og við kvörtum ekki yfir því
núna að hafa spilað svona þétt síð-
ustu tvær vikurnar. Þetta var
vissulega strembið en það reynd-
ist okkur vel því þegar menn kom-
ast á sigurbraut er bara betra að
spila þétt í stað þess að þurfa að
bíða í langan tíma eftir næsta
leik,“ segir Guðmundur.
Sterkur kjarni hjá FH
Guðmundur er uppalinn hjá FH og
hefur aldrei leikið fyrir annað
félag. Hann er því hluti af þeim
kjarna leikmanna sem tóku þátt í
því að koma FH upp í efstu deild
árið 2000 og urðu Íslandsmeistar-
ar árið 2004, 2005, 2006 og nú í
sumar og VISA-bikarmeistari árið
2007.
„Það er frábært að vera búinn
að taka þátt í þessum uppgangi og
þessari velgengni hjá FH á síðustu
árum. Við erum einhverjir sjö eða
átta leikmenn sem höfum unnið
alla þessa titla með félaginu og
svo koma reglulega inn ungir og
ferskir leikmenn þannig að þetta
er góð blanda. Samkeppni um stöð-
ur er líka gríðarlega hörð og ég
fékk aðeins að finna fyrir því um
miðbik sumarsins, en þá verður
maður bara að koma enn sterkari
til baka og það var gaman að gera
það á lokasprettinum í deildinni,“
segir Guðmundur. omar@frettabladid.is
Við misstum aldrei trúna
Guðmundur Sævarsson átti góðan leik í sigri FH gegn Fylki í lokaumferð Lands-
bankadeildarinnar og er fyrir vikið leikmaður 22. umferðar hjá Fréttablaðinu.
SIGURSÆLL Guðmundur Sævarsson hefur verið einn af lykilmönnum í góðum
árangri FH á síðustu árum og hefur unnið þar fjóra Íslandsmeistaratitla og einn bikar-
meistaratitil. FRÉTTABLAÐIÐ/ANTON
FÓTBOLTI Leifur Garðarsson var í
gær ráðinn þjálfari 1. deildarliðs
Víkinga en hann tekur við stöðu
Jespers Tollefsen sem hætti með
liðið síðastliðinn föstudag.
Leifur var rekinn sem þjálfari
Fylkis í lok ágúst aðeins nokkrum
dögum fyrir undanúrslitaleik
liðsins í bikarnum en hann hafði
þá stjórnað liðinu frá 2006. Leifur
gerði tveggja ára samning en
Víkingur endaði í 5. sæti 1.
deildarinnar í sumar. - óój
Þjálfaramál í 1. deildinni:
Leifur ráðinn
þjálfari Víkinga
KOMINN Í VÍKINA Leifur Garðarsson er
tekinn við Víkingi. FRÉTTABLAÐIÐ/VILHELM
KÖRFUBOLTI Njarðvík komst áfram
í Powerade-bikarnum eftir 16
stiga sigur á Breiðbliki, 84 - 66, í
fyrsta leik Loga Gunnarssonar í
Njarðvíkurbúningnum í langan
tíma. Logi var með 13 stig, 5
fráköst og 3 stoðsendingar í fyrsta
leik, en Magnús Þór Gunnarsson
fór hamförum í sínum fyrsta
opinbera leik með Njarðvík.
Magnús skoraði 22 stig og hitti úr
6 af 10 þriggja stiga skotum sínum
en hann skoraði þrjá þrista á
fyrstu þremur mínútum leiksins.
„Þetta er rosagaman því það er
bara æðislegt að koma aftur í
Ljónagryfjuna og fá sigur í fyrsta
leik. Það er gaman að spila með
þessum strákum og við erum með
hörkulið eins og menn sjá. Við
eigum samt langt í land ennþá,
erum stirðir í sókninni en vörnin
var fín í dag,“ sagði Logi Gunn-
arsson kátur eftir leik, en verður
hann örugglega í Njarðvík í vetur?
„Ég fer ef eitthvað kemur fyrir
1. október en það eru litlar líkur á
því. Mér líður vel hér í Njarðvík
og það er ekki hægt að biðja um
það betra en sigur í fyrsta leik,“
sagði Logi að lokum.
Þór Akureyri komst einnig
áfram í gær eftir 98 - 94 sigur á
Stjörnunni. Njarðvík mætir
Grindavík og Þór spilar við
Keflavík í 8 liða úrslitum.
- óój
Poweade-bikarinn í körfu:
Logi lék á ný
með Njarðvík
MÆTTUR Í LJÓNAGRYJUNA Það gladdi
mörg hjörtu í Njarðvík að sjá Loga í
Njarðvíkurbúningi á ný. FRÉTTABLAÐIÐ/ÓSKAR