Fréttablaðið - 02.10.2008, Blaðsíða 17
FIMMTUDAGUR 2. október 2008 17
Siðareglur auglýsinga og
línan þunna milli þess að
vekja athygli og móðga er
helsta þema Fíton-blaðsins,
sem kemur út á morgun.
Fréttablaðið tók þrjá af að-
standendum ritsins tali.
„Hugmyndin að þessu þema blaðs-
ins fæddist í sumar. Í kjölfar aug-
lýsingaherferðarinnar „Skítt með
kerfið“ sem við unnum fyrir Voda-
fone, urðum við varir við mikla
umræðu um auglýsingar og eðli
þeirra í samfélaginu. Fjöldinn allur
af áhugaverðum spurningum kom
upp sem við veltum fyrir okkur í
blaðinu. Hversu langt má ganga?
Er í lagi að hneyksla fólk? Hvar
liggja mörkin?“ segir Bragi Valdi-
mar Skúlason, starfsmaður auglýs-
ingastofunnar Fíton og einn
aðstandenda Fíton-blaðsins sem
kemur út á morgun, sjöunda árið í
röð.
Ragnar Gunnarsson, fram-
kvæmdastjóri Fíton, segir „Skítt
með kerfið“-herferðina eina þá best
heppnuðu sem stofan hafi unnið að.
„Í herferðinni leituðum við í smiðju
pönksins og sýndum hvernig ver-
öldin myndi mögulega líta út ef
allir tækju sér lífsspeki pönkar-
anna til fyrirmyndar og gæfu skít í
fyrirfram mótaðar venjur og siði,“
segir Ragnar. „Margir móðguðust,
en það merkilega var að það voru
einna helst pönkarar, núverandi og
fyrrverandi, sem tóku þessu illa.“
Örn Úlfar Sævarsson, starfsmaður
Fíton, tekur í sama streng. „Margir
líta á pönkið sem heilagan hlut, sem
harðbannað sé að nota til að selja
eitt né neitt. Það er áhugavert í ljósi
þess að þeir sem komu pönkinu á
koppinn á sínum tíma voru margir
hverjir kaupmenn og kapítalistar
sjálfir,“ segir Örn Úlfar. „Ég hélt að
ekki væri fræðilega mögulegt að
móðga pönkara, en annað hefur
komið í ljós,“ bætir Bragi við.
Aðstandendur Fítonblaðsins
höfðu samband við marga aðila úr
hinum ýmsu þjóðfélagsstéttum og
inntu þá eftir áliti sínu á auglýsing-
um og hlutverki þeirra. Meðal ann-
ars er að finna í blaðinu yfirlits-
grein yfir auglýsingar sem vakið
hafa athygli, og jafnvel farið fyrir
brjóstið á Íslendingum í gegnum
tíðina. „Það er mjög fróðlegt að sjá
hvernig mörkin hafa færst til í
gegnum árin,“ segir Bragi. „Margir
muna til dæmis eftir umdeildum
alnæmis- og smokkaauglýsingum
sem settu allt á annan endann á
sínum tíma. Líklega yrði bara bros-
að að þessum auglýsingum í dag.“
Spurður um helstu niðurstöður
umfjöllunar blaðsins segir Ragnar
að auglýsingastofur megi gjarnan
tileinka sér meiri ævintýra-
mennsku. „Persónulega finnst mér
að menn gangi ekki nógu langt í 95
prósentum tilfella. Ég held að stað-
reyndin sé sú að djarfar hugmynd-
ir og áherslur skili mun betri
árangri en miðjumoð og leiðindi.“
„Auglýsingar eru skilgetin afkvæmi
samfélagsins,“ bætir Örn Úlfar við.
„Þær bestu hreyfa við fólki á ein-
hvern hátt.“
Fíton-blaðinu er dreift frítt til
fyrirtækja, en einnig er hægt að
nálgast eintak á skrifstofu Fíton.
kjartan@frettabladid.is
Pönkarar móðgast eins og aðrir
SIÐAREGLURNAR BROTNAR
Hvernig auglýsingar yrðu til ef Samband íslenskra auglýsendastofa (SÍA) færi
í herferð til að hvetja fólk til að fara eftir siðareglum samtakanna? Hönnuðir
hjá Fíton fengu að spreyta sig á þessu verkefni með því skilyrði að siðaregl-
urnar sjálfar væru brotnar í leiðinni. Afraksturinn gefur að líta í Fítonblaðinu.
VIÐBURÐUR Fíton-blaðið er unnið í samvinnu allra starfsmanna stofunnar og segja
þeir Ragnar, Bragi og Örn Úlfar mikla stemningu myndast í kringum útgáfu blaðsins
ár hvert. FRÉTTABLAÐIÐ/ARNÞÓR