Fréttablaðið - 02.10.2008, Blaðsíða 41
FIMMTUDAGUR 2. október 2008 29
UMRÆÐAN
Guðmundur Oddsson
skrifar um
póstþjónustu
Fréttablaðið hefur nú í nokkurn tíma fjallað
mikið um Íslandspóst og
mér finnst þær greinar
hafi yfirleitt verið góðar
og upplýsandi. Vitaskuld hafa við-
mælendur blaðsins haft mismun-
andi skoðanir á fyrirtækinu og ekki
síst þeirri ákvörðun stjórnar að
endurskilgreina hlutverk Íslands-
pósts. Mér finnst í sjálfu sér ekkert
að því, að fram komi skiptar skoð-
anir á fyrirtækinu og þá ekki síður
hvort selja eigi Íslandspóst eður ei.
Mér fyndist mjög vel koma til
greina að gefa starfsmönnum
Íslandspósts kost á að kaupa 5-10%
í fyrirtækinu en þannig kæmu fleiri
að eignarhaldinu en ríkið. Þessi
ákvörðun er pólitísk og kæmi ekki
til álita að óbreyttum lögum.
Að niðurgreiða samkeppni
Jörundur Jörundsson, fram-
kvæmdastjóri innanlandssviðs
Samskipa, telur það ótækt að þurfa
að keppa við ríkisfyrirtæki og að
skattfé landsmanna sé nýtt til að
niðurgreiða samkeppni. Ég er sam-
mála því að ekki eigi að nota skatt-
fé til að niðurgreiða samkeppni,
enda gerir Íslandspóstur það alls
ekki. Íslandspóstur greiðir að sjálf-
sögðu sína skatta eins og
önnur fyrirtæki, en hann
greiðir þá af þeim tekjum
sem hann aflar. Það er því
fjarri öllu lagi að skattfé
landsmanna fari í að niður-
greiða samkeppni við
einkageirann. Samskip
verða, sem önnur flutn-
ingafyrirtæki, að þola sam-
keppni en fara ekki að vola
og víla ef þau standa sig
ekki. Gildir þá einu hvort um hluta-
félag í eigu ríkisins er að ræða eða
ekki. Hlutafélög í eigu ríkisins eru
bundin ákvæðum sömu hlutafé-
lagalaga og einkarekin hlutafélög.
Skyldur stjórnenda slíkra hlutafé-
laga eru jafn ríkar gagnvart eig-
endum sínum, þ.e.a.s. landsmönn-
um öllum, og skyldur stjórnenda
einkarekinna hlutafélaga gagnvart
sínum eigendum.
Minni hagnaður af einkarétti
Í fréttaskýringu Fréttablaðsins 25.
september sl. kemur fram að hagn-
aður af einkaréttinum hafi minnk-
að um 290 milljónir á síðustu þrem-
ur árum. Minnkandi hagnaður á sér
eflaust ýmsar skýringar. Það hefur
orðið umtalsverð fækkun bréfa í
einkarétti, sem skýrir hluta, en að
mínu mati er launastefna Íslands-
pósts meginskýring. Hjá Íslands-
pósti vinna um 1300 starfsmenn og
margir þeirra hafa verið á lágum
launum. Stjórnin tók þá ákvörðun
árið 2004 og hefur fylgt henni síðan
að hækka umtalsvert laun þeirra
sem voru á lægstu töxtunum
umfram það sem gert var í hinum
almennu kjarasamningum. Þessi
ákvörðun kostaði verulega fjár-
muni, enda launakostnaður um 60%
af rekstrarkostnaði Íslandspósts,
og skýrir að sjálfsögðu minni hagn-
að en áður, en vonandi ánægðara
starfsfólki. Skýr bókhaldslegur
aðskilnaður er á milli samkeppnis-
hluta og einkaréttarhluta í rekstri
Íslandspósts og er raunar skýrt
kveðið á um það í starfsleyfi fyrir-
tækisins sem og í lögum um póst-
þjónustu. Póst-og fjarskiptastofn-
un og Ríkisendurskoðun hafa auk
stjórnar eftirlit með því að þessum
aðskilnaði sé fylgt og veit ég engin
dæmi þess að út af því hafi verið
brugðið.
Alhliða flutningafyrirtæki
Sú endurskilgreining á hlutverki
Íslandspósts að breyta fyrirtækinu
úr dreifingarfyrirtæki í alhliða
flutningafyrirtæki var vel ígrund-
uð og ekki tekin í neinni fljótfærni.
Hún var tekin í góðu samráði við
þáverandi samgönguráðherra,
Sturlu Böðvarsson. Núverandi sam-
göngráðherra, Kristján Möller,
hefur einnig stutt þessa ákvörðun
dyggilega enda miðar hún að
því,fyrst og síðast, að auka þjónust-
una við landsbyggðina. Getur verið
að einhverjir séu mótfallnir því?
Höfundur er varaformaður
stjórnar Íslandspósts.
Haltu mér, slepptu mér
SEND IÐ OKK UR LÍNU
Við hvetj um les end ur til að senda okk-
ur línu og leggja orð í belg um mál efni
líð andi stund ar. Grein ar og bréf skulu
vera stutt og gagn orð. Ein göngu er
tek ið á móti efni sem sent er frá Skoð-
ana síð unni á vis ir.is. Þar eru nán ari
leið bein ing ar. Rit stjórn ákveð ur hvort
efni birt ist í Frétta blað inu eða Vísi eða í
báð um miðl un um að hluta eða í heild.
Áskil inn er rétt ur til leið rétt inga og til
að stytta efni.
GUÐMUNDUR
ODDSSON
www.takk. is