Fréttablaðið - 02.10.2008, Blaðsíða 50
38 2. október 2008 FIMMTUDAGUR
menning@frettabladid.is
Ef aðeins er tekið mið af
aðsóknartölum má ætla
að löngu hafi verið orðið
tímabært að setja upp
veglega yfirlitssýningu á
verkum Braga Ásgeirssonar,
en aðsókn á sýningu hans á
Kjarvalsstöðum hefur farið
fram úr björtustu vonum.
Gestafjöldi frá því að sýningin
var opnuð 13. september
síðastliðinn er á sjöunda þús-
und og hátt á annað hundrað
bóka um listamanninn hafa
selst. Að auki hafa skipu-
lagðar leiðsagnir verið afar
vel sóttar af gestum á öllum
aldri. Þá hefur það komið gestum skemmtilega
á óvart hve listamaðurinn er iðinn við að venja
komur sínar á Kjarvalsstaði og eiga orðastað
við þá. Bragi hefur líka staðið
vaktina við að árita bókina
Augnasinfóníu sem fjallar um
líf hans og list, en síðastlið-
inn sunnudag myndaðist
löng biðröð við áritunarborð-
ið. Bragi mun árita bók sína
síðar á sýningartímabilinu
og verður það þá kynnt
sérstaklega.
Listasafn Reykjavíkur stendur
fyrir ýmsum viðburðum
tengdum sýningunni. Um
nýliðna helgi var Sigurlaug
Ragnarsdóttir til að mynda
með leiðsögn um sýninguna
en Sigurlaug hefur unnið
ötullega með Braga og sýningarstjóra sýningar-
innar, Þóroddi Bjarnasyni.
Kjarvalsstaðir eru opnir daglega kl. 10-17.
Góð aðsókn að Braga
Sýning á verkum eftir þá
Sigurjón Ólafsson og Þor-
vald Skúlason verður opnuð
í Hafnarborg, menningar-
og listastofnun Hafnar-
fjarðar, nú á laugardag kl.
15. Yfirskrift sýningarinnar
er Tveir módernistar.
Verkin á sýningunni eru fengin að
láni frá Listasafni Háskóla Íslands
og Listasafni Sigurjóns Ólafssonar
og eru safnstjórar þessara safna,
þær Auður A. Ólafsdóttir og Birg-
itta Spur, jafnframt sýningarstjór-
ar sýningarinnar í Hafnarborg. Að
sögn Birgittu var hvatinn að baki
sýningunni hundrað ára fæðingar-
afmæli Sigurjóns nú í ár.
„Okkur langaði til að heiðra
þessi tímamót með einhverjum
hætti. Þeir Sigurjón og Þorvaldur
voru svo gott sem jafnaldra og
sýndu mikið saman á sínum tíma,
bæði hér heima og í Danmörku, og
því þótti okkur upplagt að efna til
enn einnar samsýningar þeirra.“
Eins og íslenskt lista áhugafólk
veit voru þeir Sigurjón Ólafsson
myndhöggvari og Þorvaldur Skúla-
son listmálari í hópi framsækn-
ustu listamanna sinnar samtíðar
og á rúmlega hálfrar aldar starfs-
ferli sínum beindu þeir nýjum
módernískum straumum inn í
íslenska myndlist á 20. öld. Það
kemur því vart á óvart að sýning-
arstjórarnir höfðu módernískar
forsendur að leiðarljósi við val
verka á sýninguna.
„Það er afar áhugavert að skoða
framlag þeirra Sigurjóns og Þor-
valds til módernískrar listar hér á
landi,“ segir Birgitta. „Þeir höfðu
um margt svipaða nálgun og svip-
aðan bakgrunn, unnu til að mynda
báðir með klassíska myndbygg-
ingu og svipuð minni koma ítrekað
fyrir í verkum þeirra, til að mynda
sjómennskan. En verk þeirra eru
þó jafnframt afar ólík; það er
meira sprell í verkum Þorvaldar
og hann hreyfir sig frjálslegar á
milli efna og mótíva en Sigurjón.“
Á meðal verka á sýningunni eru
sannkölluð lykilverk frá ferlum
listamannanna tveggja en jafn-
framt kennir nýrra grasa. Þannig
koma á sýningunni í fyrsta sinn
fyrir almenningssjónir um eitt
hundrað vinnuteikningar eftir Þor-
vald. Birgitta segir sérlega
ánægjulegt að geta sett saman
sýningu sem býður gestum upp á
að upplifa samtal á milli verka
þeirra Sigurjóns og Þorvalds, ekki
síst þar sem áhrifa þeirra gætir
enn víða í myndlist í dag. „Ég sé
áhrif Sigurjóns enn þann dag í dag,
til að mynda þegar listamenn prófa
sig áfram með að vinna í við og
önnur efni sem hann notaði gjarn-
an.
Það sama mætti segja um Þor-
vald og verk hans, auk þess sem
hann hafði mikla ánægju af því að
kenna og útskýra og hefur því
vafalaust opnað augu margra fyrir
nútímalist.“
Sýningin Tveir módernistar
verður opnuð í Hafnarborg á laug-
ardag kl. 15 og stendur til 9. nóv-
ember. vigdis@frettabladid.is
Tveir módernistar
SIGURJÓN OG ÞORVALDUR Með áhrifameiri íslenskum myndlistarmönnum.
> Ekki missa af …
leikstjóraspjalli með franska
rithöfundinum og leikstjóran-
um Philippe Claudel, en hann
situr fyrir svörum í Regnbogan-
um við Hverfisgötu í kvöld að
lokinni sýningu á myndinni Ég
hef lengi elskað þig. Myndin
er sýnd á vegum Alþjóðlegrar
kvikmyndahátíðar í Reykjavík
og segir frá sambandi tveggja
systra sem þurfa að gera upp
fortíð sína. Sýningin hefst kl.
19.30.
Kl. 16
Pallborðsumræður um veggjakrot
fara fram í Ráðhúsi Reykjavíkur í
dag á milli kl. 16 og 18. Umræðurnar
eru á vegum Alþjóðlegrar kvik-
myndahátíðar í Reykjavík í tilefni af
sýningu heimildarmyndarinnar
Bombaðu það! en hún fjallar einmitt
um veggjakrot. Í umræðunum verður
leitast við að svara áleitnum
spurningum á borð við hvort veggja-
krot sé sjónmengun eða list og hvort
betra sé að leyfa það eða banna.
Listaháskóli Íslands stendur fyrir
alþjóðlegri ráðstefnu um
rannsóknir í listum sem haldin
verður í húsnæði skólans við
Sölvhólsgötu 13 á morgun og á
laugardag. Á ráðstefnunni munu
framsæknir lykilfyrirlesarar
flytja erindi um þau mismunandi
sjónarhorn sem hugmyndafræði
listrannsókna byggir á ásamt því
sem rætt verður um ýmis
vandamál er upp koma þegar
listir ryðja sér til rúms í fræða-
og vísindaheiminum.
Listaháskólinn vinnur nú að
uppbyggingu rannsóknatengds
framhaldsnáms og vill með
þessum viðburði efna til líflegra
rökræðna um erindi lista í
fræðasamfélagið.
Ráðstefnan er öllum opin og er
aðgangur ókeypis. Dagskrá
hennar hefst kl. 9 í fyrramálið en
kl. 10 á laugardagsmorgun. - vþ
Listir rann-
sakaðar
Tónleikar Sinfóníuhljómsveitar
Íslands í kvöld verða með austur-
lensku yfirbragði, nánar tiltekið
indónesísku, en þá verður flutt
tónlist sem á einn eða annan hátt
sækir innblástur í gamelan-tónlist
frá Jövu og Balí. Á föstudaginn
verður síðan hluti efnisskrárinn-
ar, nánar tiltekið verkin eftir Colin
McPhee og Nico Muhly, endurtek-
inn á „Heyrðu mig nú!“ tónleikum
sem hafa óformlegra yfirbragð en
hefðbundnir tónleikar, enda sniðn-
ir að þörfum yngri kynslóða tón-
listarunnenda.
Hin seiðandi indónesíska slag-
verkstónlist sem kallast gamelan
barst fyrst til Vesturlanda á heims-
sýningunni í París 1889, en þar
heyrði Claude Debussy hana.
Áhrifa frá þeirri reynslu gætir
ótvírætt í marglitum og mögnuð-
um tónavef hans upp frá því, ekki
síst í stórvirkinu La Mer sem flutt
verður á tónleikunum. Hljóm-
sveitin flytur einnig konsert fyrir
tvö píanó eftir Frances Poulenc,
og er ljóst að hann var ekki síður
undir áhrifum gamelan en
Debussy. Þó hafa væntanlega fáir
gengið eins langt í aðdáun sinni á
gamelan eins og kanadíska tón-
skáldið Colin McPhee, en hann
fluttist til Balí og bjó þar í tíu ár.
Verkið Tabuh-Tabuhan frá 1936,
sem einnig er á efnisskrá tónleik-
anna, ber þess skýr merki og er
auk þess markverður upptaktur
að naumhyggju í tónlist sem komst
í tísku löngu síðar.
Síðast en ekki síst flytur hljóm-
sveitin verkið Wish you were here
eftir bandaríkjamanninn Nico
Muhly. Hann er klárlega einn
áhugaverðasti tónhöfundur vest-
anhafs nú um stundir og hefur
hann unnið að afar fjölbreyttum
verkefnum. Auk hefðbundinna
tónsmíða hefur hann unnið með
listamönnum úr poppheiminum á
borð við Anthony Hegarthy, Val-
geir Sigurðsson og Björk.
Stjórnandi á tónleikunum er
James Gaffigan, en einleik – eða
tvíleik – í verkum Poulencs og
McPhee leika Svíarnir Roland
Pöntinen og Love Derwinger.
Tónleikarnir fara fram í
Háskólabíói og hefjast kl. 19.30 í
kvöld en kl. 21 annað kvöld. - vþ
Sinfó undir áhrifum austurs
NICO MUHLY Áhugavert bandarískt tón-
skáld á verk á tónleikum Sinfónínunnar í
kvöld og annað kvöld.
Ástin er diskó, lífið er pönk
Hallgrímur Helgason
Ekki missa af eldfjörugum söngleik
fös. 3/10, lau 4/10 örfá sæti laus
Skilaboðaskjóðan
Þorvaldur Þorsteinsson og Jóhann G. Jóhannsson
Geysivinsælt ævintýri fyrir alla fjölskylduna!
sun. 5/10 kl. 13 örfá sæti laus
Macbeth
William Shakespeare
forsýn. fim. 2/10 uppselt
frumsýn. sun 5/10 uppselt
Klókur ertu, Einar Áskell
Bernd Ogrodnik
Heillandi og krúttleg brúðusýning fyrir yngstu börnin
sun. 5/10 þrjár sýningar, örfá sæti laus
Hart í bak
Jökull Jakobsson
Frumsýning 17. október
Örfá sæti laus á fyrstu
fimm sýningarnar
Tryggðu þér sæti!
www.leikhusid.is
ÞJÓÐLEIKHÚSIÐ
Þjóðleikhúsið
Miðasala í síma 551 1200 og á www.leikhusid.is
Engisprettur
Biljana Srbljanovic
Heillandi leikhúsveisla
Aðeins þrjár sýningar eftir
sun. 5/10 örfá sæti laus