Fréttablaðið - 02.10.2008, Blaðsíða 52
40 2. október 2008 FIMMTUDAGUR
bio@frettabladid.is
Nýjasta myndin úr smiðju Mikes
Leigh verður frumsýnd hér á landi
á morgun. Myndin Happy Go
Lucky var frumsýnd í Bretlandi
fyrr á árinu og vakti nokkra
athygli enda þykir hún um margt
frábrugðin fyrri myndum leik-
stjórans.
Mike Leigh er ekki kunnur fyrir
sérlega glaðværar og jákvæðar
myndir. Myndir hans fjalla gjarn-
an um myrkari hliðar mannssálar-
innar og fylla áhorfandann drunga
og vonleysi. Síðasta mynd Leighs,
fóstureyðingadramað Vera Drake,
tók sérlega á taugar áhorfenda og
því kom nokkuð á óvart þegar
spurðist út að Happy Go Lucky
væri sérlega jákvæð og hamingju-
vekjandi kvikmynd.
Í Happy Go Lucky er fylgst með
ævintýrum barnaskólakennarans
Poppy, sem Sally Hawkins leikur
af mikilli innlifun. Poppy er alltaf
glöð og jákvæð og tekst á við öll
lífsins verkefni með bros á vör.
Lífsreyndir kvikmyndahúsagestir
vænta þess óhjákvæmilega að
þessi káta kona lendi í einhverjum
óskaplegum hremmingum sem
munu breyta lífsviðhorfi hennar
og gera úr henni fúllynda gribbu,
en því er ekki fyrir að fara. Poppy
lendir aftur á móti í því að hjólinu
hennar er stolið og ákveður hún í
kjölfarið að kaupa sér bíl. Fyrst
þarf hún þó að verða sér úti um
ökuréttindi og hefur því nám hjá
ökukennaranum Scott, sem leik-
inn er af Eddie Marsan. Scott er
vænisjúkur og geðvondur kyn-
þáttahatari sem eys úr skálum
reiði sinnar við hvert tækifæri.
Öfgakennd viðhorf hans koma
flatt upp á Poppy og verður sam-
band þeirra fljótlega að þunga-
miðju frásagnarinnar.
Myndin hefur almennt hlotið
fremur jákvæða dóma í heima-
landi sínu. Gagnrýnandi blaðsins
The Guardian gaf henni til að
mynda fjórar stjörnur af fimm
mögulegum.
Myndin verður sýnd í Sambíó-
unum Álfabakka og Sambíóunum
Kringlunni. - vf
Rosalega hress Mike Leigh
GLEÐI Í ELDHÚSI Atriði úr nýjustu kvik-
mynd breska leikstjórans Mike Leigh,
Happy Go Lucky.
Nýjasta mynd leikstjórans Spikes
Lee, Miracle at St. Anna, er þegar
farin að vekja nokkrar deilur þó
að aðeins séu nokkrir dagar liðnir
frá frumsýningu hennar í Banda-
ríkjunum um síðustu helgi og sé
enn ekki komin í almennar sýn-
ingar í Evrópu. Myndin fjallar um
þátttöku svartra, bandarískra her-
manna í seinni heimsstyrjöldinni,
en frægt er orðið hversu svekktur
Lee var út í Clint Eastwood vegna
þess hve lítinn gaum sá síðar-
nefndi gaf baráttu svartra her-
manna í stríðsmyndum sínum
Letters from Iwo Jima og Flags of
our Fathers.
Lee fékk hins vegar sjálfur á sig
gagnrýni fyrir að fara frjálslega
með staðreyndir þegar Miracle at
St. Anna var frumsýnd í Róm
nýverið. Í myndinni er því nefni-
lega haldið fram að andspyrnu-
hópur sem barðist á móti ítölskum
fasisma hafi átt þátt í því að nas-
istar slátruðu um 560 óbreyttum
ítölskum borgurum árið 1944. Eft-
irlifandi meðlimir andspyrnu-
hópsins segja þessa útgáfu Lees á
staðreyndum helbera lygi og ótt-
ast hún leiði af sér endurskrifun
sögunnar í hugum almennings.
Í kjölfar lygaásakananna kom
Lee fram á blaðamannafundi
ásamt James McBride, handrits-
höfundi myndarinnar. McBride
bað andspyrnumeðlimina afsök-
unar á því að hafa móðgað þá. „En
atburðir seinni heimsstyrjaldar-
innar tilheyra líka sögu Banda-
ríkjanna og ég varð að skrifa
handritið út frá því sjónarhorni,“
bætti hann við.
Lee lagði aftur á móti til atlögu
við gagnrýnendur sína, eins og
hans er von og vísa. „Ég ætla ekki
að afsaka neitt,“ sagði hann. „Ég
tel að þessi viðbrögð við myndinni
sýni einfaldlega fram á að Ítalir
eiga enn eftir að horfast í augu við
ýmislegt í sinni eigin sögu. Að
auki er þessi kvikmynd ekki heim-
ildarmynd, heldur túlkun okkar á
atburðunum sem áttu sér stað.“
- vþ
Svarar gagnrýni Ítala
SPIKE LEE Leikstjórinn hefur skoðanir
á öllu milli himins og jarðar.
Alþjóðleg kvikmyndahá-
tíð í Reykjavík stendur
nú sem hæst og er að
sönnu mikið um dýrðir.
Í kvöld verður sérlegur
viðburður á vegum
hátíðarinnar í Bæj-
arbíói í Hafnarfirði
þar sem tónlistar-
maðurinn ástsæli,
Páll Óskar Hjálmtýsson,
sýnir úrval af klassískum
Kung Fu-myndum frá
áttunda áratug síðustu
aldar. Myndirnar eru allar
sýndar af 8mm spólum
sem eru ýmsum tæknilegum takmörkunum
háðar, og voru myndirnar því styttar niður í
átta mínútna lengd hver og það án samþykkis
leikstjóra. Upplifunin af hverri mynd er því dálítið
eins og að horfa á afar langa kvikmyndastiklu.
Meðal þeirra mynda
sem sýndar verða í
þessu sérstaka og stytta
formi eru gæðaafurðir
á borð við Fists of the
Double K, The Hong
Kong Connection, God-
fathers of Hong Kong,
Thunder Kick og Enter
the Dragon. Svangir geta
mætt galvaskir á svæðið
þar sem pylsa og gos
fylgir með í miðaverði
sýningarinnar, auk þess
sem hægt verður að
kaupa popp á staðnum.
Sýningin hefst í Bæjarbíói í Hafnarfirði kl. 21 í
kvöld. Fríar sætaferðir fyrir Reykvíkinga sem vilja
spara sér bensín verða frá bókabúðinni Iðu í
Lækjargötu kl. 20.
- vþ
Kung Fu í styttri útgáfu
> Frumsýndar um
helgina
Happy Go Lucky - 7,1/10 á
imdb.com, 96% á rottent-
omatoes.com
Passengers - 6,1/10 á
imdb.com, engin einkunn
á rottentomatoes.com
Pathology - 5,9/10 á imdb.
com, 47% á rottentomat-
oes.com
> MINNISLAUS NJÓSNARI
Leikarinn knái, Jack Black, mun á næst-
unni taka að sér hlutverk manns
sem rankar við sér á suðrænni
strönd illa haldinn af minn-
isleysi. Hann minnir þó að
hann hafi verið ofurnjósn-
ari og hefst þegar handa
við að rannsaka fortíð sína.
Myndin gerir stólpagrín
að myndunum um Jason
Bourne en handritshöfund-
ar eru þeir sömu og á bak við
teiknimyndina Kung Fu Panda.
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d
. K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
1
99
k
r/
sk
ey
ti
ð
.
9.FIFA 09
· 250 breytingar frá síðustu útgáfu
· Grafíkin aldrei betri
· Fleiri spilunarmöguleikar
· Mun meiri hraði
· Aukinn viðbragðshraði leikmanna
· Besti FIFA til þessa
Ú T G Á F U D A G U R 3 . O K T Ó B E R
Kristófer og Íris eru hjón í krögg-
um. Hann er óvirkur alki á skilorði
fyrir spírasmygl; starfar nú sem
öryggisvörður á launum sem
hrökkva varla fyrir leigunni. Hjón-
in halda sér á floti með aðstoð
Steingríms, vinar og samstarfs-
manns Kristófers úr smyglinu,
sem hann á hönk upp í bakið á.
Þegar bróðir Írisar lendir milli
steins og sleggju eftir misheppn-
aða smygltilraun ákveður Kristóf-
er að fara í einn lokatúr til Rotter-
dam, sýna mági sínum handtökin
og losa sjálfan sig úr kröggum í
leiðinni. Steingrímur leggur til
peningana og lítur eftir Írisi og
börnunum á meðan Kristófer er
úti, en vitaskuld hangir eitthvað á
spýtunni.
Þetta er í stuttu máli sagt sögu-
þráður Reykjavíkur – Rotterdam,
nýrri íslenskri kvikmynd sem ratar
í bíóhús á morgun. Þríeykið sem
stendur í brúnni er tilkomumikið;
Óskar Jónasson leikstýrir og skrif-
ar handrit ásamt Arnaldi Indriða-
syni, Baltasar Kormákur framleið-
ir og leikur aðalhlutverkið.
Afraksturinn er mögnuð mynd í
allt öðrum gæðaflokki en nokkur
íslensk spennumynd (eða þáttaröð)
hingað til.
Styrkleikar myndarinnar eru
ófáir en fyrst skal nefna handritið,
útpælt og vel skrifað. Atburðarás-
in er þétt, spennandi og rígheldur
allan tímann; aðalpersónurnar eru
skýrar og sannfærandi, fólk af
holdi og blóði sem auðvelt er að
skilja og samsama sig með. Lit-
skrúðugt gallerí aukapersóna er
fjörlegt og vel skrifað, þar sem
allir hafa tilteknu hlutverki að
gegna.
Framkvæmdin er að sama skapi
framúrskarandi. Útlit og áferð eru
til fyrirmyndar, myndin „lúkkar“
eins vel og hún getur og flæðir lip-
urlega í höndum Óskars.
Leikurinn er feiknasterkur –
persónurnar enda vel skrifaðar og
úr nógu að moða fyrir leikarana.
Kristófer og Íris eru trúverðugt
par. Kristófer er sympatískur
prinsippmaður sem vill ekki
smygla dópi en heldur sig í spíran-
um. Það er nokkuð langt um liðið
síðan ég sá Baltasar í aðalhlut-
verki, og ljótt að segja en ég var
næstum búinn að gleyma hvað
hann er góður leikari. Það er held-
ur ekki að sjá á Lilju Nótt Þórarins-
dóttur að hún sé að leika sína fyrstu
burðarrullu; öryggið er uppmálað í
bitastæðu hlutverki Írisar. Ingvar
Sigurðsson er traustur að vanda í
hlutverki „velgjörðarmannsins“
Steingríms, leikur tveimur skjöld-
um eins og ekkert sé.
Um borð í Dettifossi er valinn
maður í hverju rúmi; Magnús Jóns-
son, Ólafur Darri, Jörundur Ragn-
arsson, Theódór Júlíusson, Þröstur
Leó – hver færi ekki á sjó með
svona áhöfn? Hollendingurinn
Victor Löw er magnaður sem tryllt-
ur hollenskur dópsali. En að öðrum
ólöstuðum er Jóhannes Haukur
Jóhannesson dálítill senuþjófur
sem hinn afskaplega ógeðfelldi
handrukkari Eiríkur. Það hefði
verið auðvelt að klúðra þessum
karakter – sem gæti verið hrotta-
legur yngri frændi þeirra Ella og
Brjánsa sýru úr Sódómu – en
Jóhannes heldur sig réttu megin á
hárfínum mörkum fúlmennsku og
fáránleikans.
Það smellur semsagt flest saman.
Það eru vissulega hnökrar í sög-
unni, Hvenær las maður til dæmis
síðast fréttir af stórfelldu spíra-
smygli? Eru þeir enn til – á þessum
síðustu og „hörðustu“ tímum – sem
leggja allt í sölurnar fyrir sprútt?
Þetta er þó sparðatíningur og skipt-
ir ekki ýkja miklu máli, framsetn-
ingin er það sannfærandi. Þá er
húmorinn býsna „óskarslegur“
sem birtist ekki síst í því hvað hann
hefur næmt auga fyrir smáatrið-
um og tekst að ljá þeim lykilhlut-
verk (samanber sjónvarpsfjarstýr-
ingin í Sódómu). Þá er vert að
minnast á einn af hápunktum
myndarinnar, atriðið í Rotterdam,
sem gerist á nokkrum stormasöm-
um klukkustundum í fylgd með
hollensku villidýri, einkar eftir-
minnilegum karakter. Jú, aksjónið
var reyndar farið að dansa á brún
hins trúanlega en fjandakornið, ég
keypti þetta – ekki síst fyrir einkar
hugvitsamlega lausn, þar sem
bandarísk nútímalist kemur við
sögu. Góð
Reykjavík – Rotterdam er
sem sagt afskaplega vel heppnuð
mynd, rígheldur manni frá upphafi
til enda og setur hreinlega ný við-
mið í gerð spennumynda hér á
landi. Sá sem hér skrifar hefur
ekki skemmt sér svona vel í bíó
lengi.
Bergsteinn Sigurðsson
Á rökkurmiðum
KVIKMYNDIR
Reykjavík Rotterdam
Leikstjóri: Óskar Jónasson. Hand-
rit: Óskar Jónasson og Arnaldur
Indriðason. Aðalhlutverk: Baltasar
Kormákur, Ingvar E. Sigurðsson,
Lilja Nótt Þórarinsdóttir, Jörundur
Ragnarsson.
★★★★
Frábær spennumynd.