Fréttablaðið - 02.10.2008, Blaðsíða 56
44 2. október 2008 FIMMTUDAGUR
folk@frettabladid.is
Tónlistarmaðurinn Pétur Ben á
lag í kvikmyndinni Adoration
sem er sýnd á Alþjóðlegri kvik-
myndahátíð í Reykjavík. Lagið
nefnist You Woke Me og er tekið
af plötu hans Wine For My Weak-
ness. Leikstjóri myndarinnar er
Atom Egoyran sem var tilnefnd-
ur til tvennra Óskarsverðlauna
árið 1998 fyrir myndina The
Sweet Hereafter.
„Leikstjórinn var hér á Lista-
hátíð fyrir ári síðan, keypti plöt-
una mína og hafði samband við
mig út af þessu lagi,“ segir Pétur.
„Hann var þá að skrifa handritið
og að hlusta á plötuna á sama
tíma. Hann var rosalega hrifinn
af því og vildi endilega fá að nota
það,“ segir hann. „Svo heyrði ég
ekkert í svolítinn tíma en svo fer
hann að tala við mig um að gera
þetta í alvörunni. Ég mixaði lagið
aftur fyrir þau og lét þau hafa
það í bútum og gaf þeim frjálsar
hendur með þetta. Þetta er virt-
ur leikstjóri og ég treysti honum
fyrir þessu.“
Pétur segir að venjulega ger-
ist svona hlutir í gegnum milli-
liði og því hafi þetta komið
skemmtilega á óvart. „Það er
heppni og tilviljun sem ræður
því að þetta gerist svona.“
Hann er um þessar mundir að
undirbúa nýja plötu með Kamm-
ersveitinni Ísafold sem er vænt-
anleg á næsta ári. Tónleikar með
Pétri, Ísafold, Ólöfu Arnalds og
tónskáldinu Nico Muhly er svo
fyrirhugaðir í nóvember næst-
komandi. - fb
Pétur Ben með lag í
erlendri kvikmynd
PÉTUR BEN Tónlistarmaðurinn Pétur
Ben á lag í kvikmyndinni Adoration
eftir leikstjórann Atom Egoyran.
Myndin verður sýnd í Regnboganum á
föstudagskvöld. FRÉTTABLAÐIÐ/STEFÁN
Íslendingar geta halað niður
erlendri tónlist með lögleg-
um hætti á næstunni. Í lok
ársins verða fimm milljónir
laga í boði á Tónlist.is.
Lengi hefur tónlistaráhugamönn-
um verið stillt upp við vegg á
Íslandi. Hafi þeir viljað hala niður
erlendri tónlist löglega hefur það
ekki verið í boði því niðurhal í
gegnum síður eins og Amazon og
Itunes hefur einfaldlega ekki
verið í boði fyrir Íslendinga. Ólög-
legt niðurhal hefur því verið eina
færa leiðin. Nú er þetta að breyt-
ast því Tonlist.is mun á allra næstu
dögum bjóða upp á erlenda tónlist
til niðurhals.
„Þetta er allt að smella, við
opnum á föstudaginn eða strax
eftir helgi,“ segir Engilbert Haf-
steinsson, framkvæmdastjóri D3
sem rekur Tónlist.is. Í mörg horn
þarf að líta enda mun lagabanki
síðunnar vaxa á einum degi úr
fimmtíu þúsund íslenskum lögum
í tvær milljónir laga. „Mesta vinn-
an hefur farið í að aðlaga efnið í
neytendavænt útlit, einfaldlega
svo kúnnarnir skilji síðuna,“ segir
Engilbert. Hann segir að stefnt sé
á að sífellt verði boðið upp á nýj-
ungar og í lok ársins verði fimm
milljónir laga í boði á síðunni,
bæði til niðurhals og til streymis.
Stanslaust hrun á gengi íslensku
krónunnar hefur vissulegt sett
strik í reikninginn. „Draumurinn
var að bjóða erlendu tónlistina á
sama verði og þá íslensku og þegar
við byrjuðum að reikna, fyrir um
ári síðan, gekk það allt upp. Nú
þarf að reikna allt upp á nýtt og
oft á dag. Miðað við gengið í dag
sýnist mér lögin verða á 79-199
krónur og plöturnar á 690 til 1899
krónur, mest fyrir þær nýjustu.
Þetta er gott miðað við gengið í
dag. Verð á stök- um
lögum í
Bret-
landi er til
dæmis á 150-200
krónur í dag miðað við gengið.“
Tonlist.is hefur gert samning
við risa eins og EMI, Sony og
Warner ásamt fjölda „indie“-fyrir-
tæki, og samningur við Universal
er svo gott sem frágenginn. Lögin
munu bæði virka í tölvum og í 3G-
símum og verða bæði læst og
ólæst, allt eftir dyntum útgáfufyr-
irtækisins sem leggur þau til.
gunnarh@frettabladid.is
Tónlist.is opnar á alheiminn
LAGABANKINN BLÆS ÚT Engilbert Hafsteinsson er yfir hjá Tónlist.is. FRÉTTABLAÐIÐ/HARI
LOKSINS LÖGLEG Í
ÍSLENSKUM TÖLV-
UM Í milljón laga
pottinum leynist
Madonnu-katalók-
urinn.
> LANGT Í 24-MYND
Kiefer Sutherland hefur viðurkennt
að það séu ansi mörg ár
þar til þáttaröðin 24 verði
færð á hvíta tjaldið. „Við
ætlum fyrst að klára sjón-
varpsþættina og svo getur
verið að við förum að
ræða um gerð kvikmynd-
ar. En það er samt nógu erfitt
að skrifa handrit að þáttunum og
við förum ekki að bæta kvikmynda-
handriti ofan á það,“ sagði Kiefer.
„Ég ætlaði mér alltaf að verða rithöf-
undur,“ segir Jóna Ágústa Gísladóttir,
höfundur bókarinnar Sá einhverfi og
við hin, sem kemur út í lok október.
Bókin er að stórum hluta byggð á blogg-
færslum Jónu en hún heldur úti blogg-
síðunni jonaa.blog.is þar sem hún skrif-
ar um fjölskyldu sína og lífið með syni
sínum Ian Anthony sem er einhverfur.
„Ég byrjaði að blogga í mars 2007 til
að reyna að örva sjálfa mig til að skrifa,
svo breyttist þetta blogg mitt alveg
óvart í dagbók um fjölskylduna. Tómas
hjá Sögum útgáfu hafði svo samband
við mig í febrúar á þessu ári eftir að
hann hafði fengið ábendingu um síðuna
mína og þá fór ferlið af stað,“ útskýrir
Jóna sem fær um tvö þúsund heimsókn-
ir á bloggsíðu sína daglega. „Fjölskyld-
an er mjög spennt. Bókin hefur verið
borin undir hana og hlutirnir verið sam-
þykktir af systkinum hans og fleirum,
en Ian hefur ekki skilning á því að bókin
sé að koma út,“ segir Jóna sem hefur
þrátt fyrir fjölda jákvæðra athuga-
semda sætt vissri gagnrýni á bloggsíðu
sinni.
„Þegar ég fór að tala um son minn
sem „hinn einhverfa“ fannst sumum ég
vera vond, en ég held að það hafi verið
nafngiftin sem fór fyrir brjóstið á fólki.
Ég er búin undir að bókin geti orðið
umdeild, en ég held að hún muni snerta
hjörtun í fólki, þá sérstaklega hjörtu
foreldra og vona að hún fái góðar við-
tökur,“ segir Jóna og stefnir að því að
gefa næst út skáldsögu. „Nú þegar ég er
komin með útgefanda neyðist hann til
að lesa handrit að skáldsögu fyrir næstu
jól,“ segir Jóna að lokum og hlær. - ag
Vinsæll bloggari gefur út bók
„Ég notaðist mest við það sem ég skrifaði á
blogginu og lokaði því fyrir þær færslur, en ég
breytti auðvitað miklu og bætti líka inn nýju
efni,“ segir Jóna um bók sína Sá einhverfi og
við hin.
Fyrsta afrek
dagsins er góður
morgunverður
Til að eiga möguleika á góðum árangri, jafnt í námi sem íþróttum,
verð ég ávallt að hefja daginn með næringarríkum morgunverði.
Ég ætla mér að halda áfram að keppa að góðum árangri. Þess
vegna fæ ég mér Kellogg’s Special K í morgunverð til að tryggja
að ég fái orku, góða næringu og auðvitað lífsnauðsynleg
vítamín og steinefni. Ég mæli með því að þú gerir það líka.
Ég hlakka til …
…haustsins þegar lífið kemst í fastar
skorður á ný. Ég sest á skólabekk og
nýr kafli tekur við hjá mér. En eitt
breytist ekki – ég fæ mér alltaf
Kellogg’s Special K á morgnana.
Erla Dögg Haraldsdóttir, nemi og sundkona
F
í
t
o
n
/
S
Í
A
F
I
0
2
4
2
9
1
specialk.is