Fréttablaðið - 02.10.2008, Blaðsíða 59

FIMMTUDAGUR 2. október 2008 47
Þungarokkshljómsveitin Shogun,
sem sigraði í Músíktilraunum
2007, hefur gefið út sína fyrstu
plötu, Charm City. „Við erum
fyrst og fremst að reyna blanda
saman ýmsum stefnum öfgatón-
listar,“ segir Jóakim bassaleikari
um plötuna. „Samt sem áður eru
lögin með kjarna sem einkennist
af grípandi sönglínum og
níðþungum köflum sem erfitt er
að gleyma, en það gerir það
verkum að við erum aðgengi-
legri í hlustun.“
Nýju plötunni verður fylgt
eftir með röð tónleika. Ferðin
hefst í kvöld með tónleikum á
Kaffi 59 í Grundarfirði og á
föstudag verða tónleikar á
Græna hattinum á Akureyri með
færeysku þungarokkurunum í
Tý.
Fyrsta plata
Shogun
Bætt hefur verið við einum
tónleikum með færeysku
rokksveitinni Tý hér á landi og
mun hún því koma fjórum sinnum
fram á næstu dögum. Tónleika-
staðurinn Paddy´s í Keflavík
hefur bæst við og verða þeir
tónleikar í kvöld.
Annað kvöld spilar sveitin
síðan á Græna hattinum á
Akureyri og þar mun sigurvegari
Músíktilrauna 2007, Shogun, hita
upp í staðinn fyrir Hvanndals-
bræður. Á laugardagskvöld spilar
Týr síðan á Nasa við Austurvöll
og tónleikaferðinni lýkur í
Hellinum á sunnudagskvöld.
Þetta verður í fyrsta sinn í fjögur
ár sem Týr spilar hér á landi og
því gott tækifæri fyrir rokkara að
berja sveitina augum.
Færeyskt
rokk og ról
TÝR Rokksveitin Týr er á leiðinni í
tónleikaferðalag um Ísland sem hefst í
Keflavík í kvöld.
Mikil ´90-stemning verður á Nasa
á föstudagskvöld þegar tónlistar-
maðurinn Haddaway treður þar
upp á sérstöku næntís-kvöldi.
Haddaway sló í gegn árið 1993
með laginu What is Love sem sat í
52 vikur á vinsældalistum og er
tvímælalaust eitt eftirminnileg-
asta lag tíunda áratugarins.
„Það er alveg frábært að fá
hann hingað. Á þessum næntís-
kvöldum fríkar allt út þegar
maður spilar þetta lag og krakkar
sem eru fæddir ´91 tryllast alveg
yfir þessu,“ segir Curver Thoroddsen, sem heldur næntískvöldið.
„Þetta er þriðja árið sem við erum með svona kvöld og við ætlum að
halda það aftur á Nasa um áramótin vegna mikilla eftirspurnar.“
Áður en Haddaway stígur á svið og á eftir munu DJ Curver og DJ
Kiki-Ow halda uppi stuðinu á Nasa með óstöðvandi tónlist frá tíunda
áratugnum.
Haddaway í stuði
HADDAWAY Tónlistarmaðurinn Hadd-
away treður upp á ´90-kvöldi á Nasa á
föstudagskvöld.
Ný íslensk heimasíða, Garg.is,
verður opnuð í dag. Síðunni er
ætlað að veita upplýsingar um
tónlistarviðburði á höfuðborgar-
svæðinu og eru stofnendur trúba-
dorinn Hlynur Benediktsson og
Atli Hólmgrímsson.
„Okkur fannst vanta síðu sem
væri ekki full af ónýtum fróðleik
um hitt og þetta heldur sýndi
meira hvað er að gerast hvar og
hvernig maður kemst í það,“ segir
Hlynur. „Þarna verður allt á
einum stað, ósköp einfalt og
gott.“
Á síðunni verður hægt að
smella annaðhvort á nafn
skemmtistaðar eða skemmti-
krafts og opnast þá gluggi með
frekari upplýsingum eins og
heimasíðu viðkomandi og síma.
„Þarna verður líka gagnagrunnur
sem býður upp á meiri möguleika
seinna og þá verður hægt að bjóða
upp á alls konar þjónustu en við
byrjum smátt og sjáum hvernig
fer.“
Hlynur, sem gaf út sína fyrstu
sólóplötu fyrr á árinu, ætlar í
pásu sem trúbador því hann hefur
stofnað ballsveitina Mono. Hún
mun einmitt halda ball á Tunglinu
á laugardag í tilefni opnunar
Garg.is. Erna Hrönn Ólafsdóttir,
sem áður var í Bermuda, ætlar að
syngja með sveitinni þetta eina
kvöld. „Ég var orðinn svo þreytt-
ur á að sitja einn með kassagítar-
inn,“ segir Hlynur, um hina nýju
Mono, sem ætlar að láta til sín
taka á ballmarkaðinum í framtíð-
inni. - fb
Trúbador opnar viðburðasíðu
HLYNUR BEN Tónlistarmaðurinn Hlynur
Ben opnar heimasíðuna Garg.is í dag
ásamt Atla Hólmgrímssyni.
®