Fréttablaðið - 03.10.2008, Blaðsíða 12
12 3. október 2008 FÖSTUDAGUR
nær og fjær
„ORÐRÉTT“
„Ég fór í brúðkaup
frænku minnar
um þar síðustu
helgi. Fjöldi gesta
kom frá New York
þar sem hún býr
ásamt eiginmanni
sínum. Þau vinna
bæði í tískubrans-
anum eins og margir vinir þeirra
og það voru því margir í ótrúlega
flottum fötum í veislunni. Brúð-
hjónin komu akandi til veislunnar
í hvítum Kádilják og ökumaðurinn
var klæddur upp eins og Elvis.
Veislan stóð svo í 24 klukkustundir
og sumir sváfu ekki neitt. Morgun-
inn eftir var boðið upp á glæsi -
legan morgunverð og gönguferðir.
Ég hlakka samt til að koma heim
til Íslands aftur.“
Charlotte Ólöf Jónsdóttir Ferrier
Elvis ók
brúðhjónunum
„Þótt síðasti vetur
hafi stundum
verið hálferfiður
þá er ég viss um
að mín bíði nokk-
uð góður vetur,“
segir Filipe. Hann
var mestan part
sumars í Portúgal,
en er nú aftur kominn til að starfa
og nema hjá Matís.
„Þegar ég kom í fyrra þekkti ég
engan og átti svolítið erfitt með að
feta mig áfram fyrst um sinn en
síðan, þegar á leið, ég tala nú ekki
um þegar það byrjaði að snjóa og
ég gat farið á snjóbretti, þá lifnaði
nú yfir mér. En ég hafði það veru-
lega gott í Portúgal. Ég held að ég
læri að meta föðurlandið jafnvel
enn betur þegar ég dvel svona
langtímum í burtu. Ég reyndi að
verja sem mestum tíma með fjöl-
skyldu minni og kærustunni.“
Hann saknar ýmissa hluta frá
heimalandinu. „Við vinirnir vorum
vanir að fara saman á barinn til
að fylgjast með fótboltaleikjum
í portúgölsku deildinni. Ég er
Benfica-aðdáandi og fylgist með
leikjum héðan á netinu en það er
auðvitað engin upplifun miðað við
þessar stundir á barnum.“
Filipe Figueiredo
Annar Íslands-
vetur fer í hönd
VIKA 34
DAGBÓK NÝRRA
ÍSLENDINGA
Erlendir ferðamenn eru í
fyrsta sinn fleiri en Íslend-
ingar á Hólmavík.
Flestir erlendir gestir Galdra-
safnsins á Hólmavík á þessu ári
eru þýskir, að því er segir á
fréttavefnum strandir.is.
„Þegar skoðað er hlutfall milli
íslenskra og erlendra ferðamanna
þá eru erlendar gestakomur á
Galdrasafnið í fyrsta skipti orðn-
ar fleiri en íslenskar, svo munar
þremur prósentum. Þróunin und-
anfarin ár hefur verið í þessa átt
en það kemur á óvart að það skuli
gerast á þessu ári,“ segir í frétt
frá Galdrasafninu.
Íslendingar eru samt sem áður
fjölmennasti þjóðarhópurinn
meðal gesta Galdrasafnsins.
„Þegar skoðað er hlutfall milli
erlendra gesta á safninu þá telja
Þjóðverjar langflesta gesti af
einstökum erlendum þjóðum eða
36 prósent. Frakkar eru næstir í
röðinni með 12 prósenta hlutfall
og Svisslendingar og Ítalir deila
þriðja og fjórða sæti yfir gesta-
komur erlendra þjóða.“
Í frétt Galdrasafnsins segir
enn fremur að ekki hafi verið
reiknað með að erlendir gestir
yrði fleiri en innlendir fyrr en
eftir tvö ár.
En bent er á að árið sé enn ekki
á enda. „Það eru ekki öll kurl
komin til grafar því það eru tals-
verðar gestakomur enn þá inn á
safnið, sem er opið árið um
kring.“ - gar
Flestir erlendir gestir á
Galdrasafninu eru þýskir
VIÐ GALDRASAFNIÐ Töfrar Galdrasafnsins laða að sér sífellt fleiri ferðamenn til
Hólmavíkur. MYND/SIGURÐUR ATLASON
■ Atlantshafslundinn hefur verið
settur á gátlista alþjóðlegs samn-
ings um afrísk-evrasískra sjó- og
vatnafarfugla og er stærsti stofn
Atlantshafslunda á Íslandi.
Lundinn er sjófugl af svart-
fuglaætt. Latneska heitið er
Fratercula arctica og merkir fyrra
orðið smábróðir. Það kemur til
þar sem litur lundans minnir á
klæðnað munka. Á íslensku er
einnig oft vísað til guðs manna
þegar talað
er um
lundann
og hann
kallaður
pró fast-
ur eða
prestur.
DÝRALÍF:
LUNDAR Í HÆTTU
„Það er allt frábært að frétta af mér. Ég er mjög
jákvæð, glöð og hress þrátt fyrir sorgartíðindi
síðustu daga. Svona er að vera bæjarfulltrúi
í besta bæ á Íslandi,“ segir Margrét Gaua
Magnúsdóttir, bæjarfulltrúi Samfylkingar
í Hafnarfirði og kennari í Garðaskóla.
Margrét er nýkomin úr verslunarferð
til Minnesota þar sem hún kom að
sjálfsögðu við í stærstu kringlu í heimi,
Mall of America. „Ég stórgræddi í þess-
ari ferð, því dollarinn stóð í hundrað
krónum rétt á meðan ég keypti þetta
nauðsynlegasta, nærbuxur og
tannkrem og slíkt, en er
núna kominn í hundrað
og fimmtán kall. Bankinn
minn fór á hausinn
meðan ég var úti og ég
trúi því að fjarvera mín
hafi haft sitt að segja í því efni,“ segir Margrét
Gaua og skellir upp úr.
Margrét er formaður íþrótta- og tóm-
stundaráðs Hafnarfjarðar og segir það
hlutverk endalausa uppsprettu gleði og
hamingju. „Núna er ég til dæmis á leið-
inni á hjólabrettahátíð við Víðistaðaskóla
þar sem reisa á tjöld yfir hjólabretta-
rampana. Ég hlakka mikið til.“ Spurð hvort
hún hyggist skella sér sjálf á bretti býst
hún síður við því. „Tíu ára dóttir mín hefur
reyndar áhuga á hjólabrettum, en á ekkert
slíkt enn. Kannski fær hún bretti í
jólagjöf. Eða kannski smíðum við
eitt stykki handa henni í stað-
inn, eru ekki annars að koma
kreppujól?“ segir Margrét og
snýr sér því næst að því að
sinna ungdómnum.
HVAÐ ER AÐ FRÉTTA? MARGRÉT GAUA MAGNÚSDÓTTIR BÆJARFULLTRÚI
Stórgræddi í Mall of America
„Þjóðstjórn, er
það málið? Það er
kannski við hæfi.
Síðast þegar var
þjóðstjórn réðst
Hitler inn í Evrópu
og nú réðst Davíð
inn í Glitni,“ segir
Jón Páll Eyjólfs-
son leikari um
þá hugmynd
að koma á fót
þjóðstjórn.
„Ég veit svo sem
ekki hverju það
myndi skila. En ef það verður til
þess að hér komist á lýðræðisleg
umræða er það hið besta mál.
Vanmáttur þingmanna og ráðherra
blasir við manni við svona stjórn-
valdsaðgerð eins og beindist gegn
Glitni. Það rýrir trú manns á Alþingi.“
Jón Páll segir krónuna vera orðna
eins og geislavirkan úrgang. „Maður
gengur með geislavirkan úrgang í
vasanum og dauðskammast sín í
hvert sinn sem maður lítur framan í
Jón Sigurðsson og hina á seðlunum.
Sem betur fer er maður alltaf með
kort og sér þá aldrei.“
SJÓNARHÓLL
HUGMYNDIR UM ÞJÓÐSTJÓRN
Vanmátturinn
blasir við
JÓN PÁLL EYJÓLFS-
SON Leikari og
leikstjóri
Kærar þakkir, Árni
„Bæði skattar og skattheimt-
an eru að minnka þannig að
við erum að skilja meira eftir
fyrir aðra í þjóðfélaginu til
að ráðstafa.“
ÁRNI MATHIESEN FJÁRMÁLARÁÐ-
HERRA VIÐ KYNNINGU FJÁRLAGA-
FRUMVARPSINS.
Fréttablaðið 2. október
Bara smá þolinmæði
„Litlar líkur eru á að ástand-
ið batni til muna í bráð og
við sjáum ekki að útlit sé
fyrir kröftug umskipti fyrr en
líða tekur á árið 2009.“
ÁSGEIR JÓNSSON FORSTÖÐU-
MAÐUR VIÐ KYNNINGU Á HAGSPÁ
KAUPÞINGS.
Morgunblaðið 2. október
Glæsilegt úrval frá Oroblu
á nýju haustvörunum
frá Oroblu
í Lyfjum og heilsu
Í dag, kl. 14-18 í Keflavík
Laugardag, kl. 13-17 í Kringlunni
Laugardag, kl. 12-16 í Firðinum