Fréttablaðið - 03.10.2008, Blaðsíða 46

3. október 2008 FÖSTUDAGUR
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar sendist á auglysingar@frettabladid.is
eða hringja í síma 512 5000.
BANDARÍSKA SÖNGKONAN
GWEN STEFANI ER 39 ÁRA Í DAG
„Stundum þarf að fórna
frammistöðunni fyrir
háa hæla.“
Gwen Stefani hefur, fyrir utan
það að gefa út popptónlist,
reynt fyrir sér sem tískuhönn-
uður og leikkona. Nýjasta
breiðskífa hennar heitir „The
Sweet Escape“ en hún kom út
árið 2006.
Þennan dag árið 1990
sameinuðust Þýska al-
þýðulýðveldið og Sam-
bandslýðveldið Þýska-
land.
Eftir síðari heims-
styrjöldina var Þýska-
landi skipt í tvennt þar
sem hernámssvæði
Sovét manna myndaði
Þýska alþýðulýðveldið
eða Austur-Þýska-
land, og hernámssvæði bandamanna (Bandaríkjamanna, Breta
og Frakka) myndaði Sambands lýðveldið Þýskaland eða Vestur-
Þýskaland.
Með falli Berlínarmúrsins og lokum kalda stríðsins voru ríkin
tvö sameinuð á ný. Berlín varð á ný höfuðborg Þýskalands en
landið er fjölmennasta ríki Vestur-Evrópu og lykilmeðlimur í
Evrópusambandinu.
ÞETTA GERÐIST 3. OKTÓBER 1990
Þýskaland sameinað
Menningarhátíðin Regnboginn – list í fögru umhverfi verður
haldin í annað skipti í Vík í Mýrdal um helgina. Að þessu
sinni verður sjónum sérstaklega beint að eldstöðinni Kötlu
sem á 90 ára gosafmæli á árinu.
„Katla, sem er í Mýrdalsjökli beint upp af bænum, hefur
ávallt átt sinn stað í huga Mýrdælinga og þó að þeim sé nú
farið að fækka sem muna atburðina 1918 sér eldstöðin til
þess að hún gleymist ekki með reglulegum jarðhræringum,“
segir Sif Hauksdóttir, kennari í grunnskólanum á Vík og for-
maður menningarmálanefndar bæjarins, og segir stuttlega
frá atburðunum 1918. „Þetta var eitt af stærstu gosum sög-
unnar. Katla byrjaði að gjósa seinni part dags hinn 12. okt-
óber en áður höfðu verið einhverjar jarðhræringar á svæð-
inu. Kötlugosin eru öflug þeytigos og þeim fylgir gjarn-
an mikið gjóskufall og gríðarlegt jökulhlaup og varð engin
undantekning á því í þessu gosi. Það olli talsverðum breyt-
ingum en Mýrdalssandur hækkaði og ströndin færðist út
á stórum kafla. Vík slapp þó vel enda lá gosmökkurinn til
austurs.“
Kötlugos á sögulegum tímum eru talin um tuttugu og er
tíminn á milli gosa mislangur, eða allt frá þrettán til áttatíu
árum. Nú eru liðin nítíu ár frá síðasta gosi og því má búast
má við því að eldstöðin fari að láta á sér kræla. Sif segist þó
ekki hafa orðið vör við nokkurn ótta við Kötlu. „Við vitum
af henni og erum vel upplýst um það sem hugsanlega gæti
gerst ef hún fer að gjósa. Eins treystum við því að hún gefi
okkur merki.“
Um helgina er ætlunin að gera eldstöðinni hátt undir höfði.
Við opnun menningarhátíðarinnar verða kynntar hugmyndir
um menningarmiðstöð og Kötlusetur í Vík. Hugmyndin er að
þar verði hægt að stunda rannsóknir á sviði náttúruvísinda
og þá meðal annars nánari rannsóknir á Kötlu. Þá verð-
ur sýningin Mýrdalur – mannlíf og náttúra opnuð að nýju í
menningarsetrinu Brydebúð en nú hefur verið aukið veru-
lega við þátt Kötlu í henni. Eins verður haldið málþing um
Kötlu þar sem prófessorar í jarðeðlisfræði og landafræði
flytja erindi ásamt öðrum.
„Síðan verðum við með skemmtidagskrá alla helgina og
bjóðum upp á tónlist, leik- og myndlist en nánari upplýsing-
ar um dagskrána má nálgast á www.vik.is.
KATLA: 90 ÁRA GOSAFMÆLI
Á sinn stað í
huga okkar
ÓTTAST EKKI Sif segist ekki verða vör við það að íbúar í Vík óttist Kötlu.
„Við treystum því að hún gefi okkur merki.“ MYND/ÚR EINKASAFNI
Eiginkona mín, móðir okkar, tengdamóðir,
amma og langamma,
Guðlaug Gísladóttir
frá Hvalsnesi, Borgarholtsbraut 73,
Kópavogi,
verður jarðsungin frá Hvalsneskirkju laugardaginn
4. október kl. 14.00. Þeim sem vilja minnast hennar
er bent á Gjafasjóð Hvalsneskirkju, Sparisjóðnum í
Sandgerði sími: 423 8190, reikn. 1190-15-37318.
Tómas Grétar Ólason
Margrét Tómasdóttir Matthías Guðm. Pétursson
Anna Guðrún Tómasdóttir Matthías Kjartansson
Guðlaug Þóra Tómasdóttir Daníel Þór Ólason
Magnea Tómasdóttir Pétur Gauti Valgeirsson
ömmubörn og langömmubarn.
Elskuleg móðir okkar, tengdamóðir,
amma og langamma,
Jóhanna Kristjánsdóttir
sem lést á Dvalarheimilinu Jaðri, Ólafsvík,
laugardaginn 27. september, verður jarðsungin frá
Ólafsvíkurkirkju laugardaginn 4. október kl. 14.
Jenný Guðmundsdóttir Jónas Gunnarsson
Bára Guðmundsdóttir
Kristín E. Guðmundsdóttir Pétur F. Karlsson
Metta S. Guðmundsdóttir Sigurður P. Jónsson
ömmu- og langömmubörn.
Elskuleg móðir okkar,
Kristín Pálsdóttir
Ægisgötu 17, Akureyri,
lést sunnudaginn 28. september á Gjörgæsludeild
Landspítalans. Útförin verður auglýst síðar.
Páll Baldursson
Erla Baldursdóttir
og fjölskyldur.
Ástkær dóttir okkar, systir,
barnabarn og frænka,
Hrafnhildur Lilja
Georgsdóttir
sem lést 21. september sl. verður jarðsett frá
Ólafsfjarðarkirkju laugardaginn 4. október kl. 14.
Blóm og kransar vinsamlega afþakkaðir, en þeim sem
vilja minnast hennar er bent á Björgunarsveitina
Tind í Ólafsfirði.
Líney Hrafnsdóttir Georg Páll Kristinsson
Hanna Stella Georgsdóttir Daníel Þór Gunnarsson
Alvilda María Georgsdóttir Heiðar Brynjarsson
Lilja Kristinsdóttir
Kristinn Georgsson
Líney Mist Daníelsdóttir
Ástkær móðir okkar, dóttir og systir,
Erla Jónína Jónsdóttir
andaðist á Líknardeild Landspítalans í Kópavogi
aðfaranótt miðvikudagsins 1. október. Útför verður
auglýst síðar.
Jón Marel Magnússon
Ída Bjarklind Magnúsdóttir
Ída S. Sveinbjörnsdóttir
Jón Hreinsson Snjólaug Valdimarsdóttir
og systkini hinnar látnu.
70 ára afmæli
Þann 7. okt ’08 verður
Lárus Lárberg
Guðmundsson
frá Grundarfi rði, sjötugur. Af því tilefni
hafa synir hans ákveðið að halda honum
smá veislu í Turninum í Firði, Hafnarfi rði,
laugardaginn 4. október ’08. Tekið verður á
móti gestum milli klukkan 17.00 og 19.00 og
vonast þeir til þess að sem fl estir ætting jar,
vinir og samferðamenn sjái sér fært að koma
og fagna þessum áfanga með honum.
60 ára afmæli
Í dag, föstudaginn 3. október er hann
Einar
60 ára. Af því tilefni verður hann með
opið hús á heimili sínu, Miðtúni 8,
Sandgerði frá kl. 18.00.
Vinir og vandamenn, verið velkomin.
Ástkær eiginmaður minn, faðir okkar,
tengdafaðir og afi,
Birgir Valdemarsson
Huldugili 8, Akureyri,
lést mánudaginn 22. september. Að ósk hins látna fór
útför hans fram í kyrrþey frá Höfðakapellu þriðju-
daginn 30. september. Þökkum öllum ættingjum og
vinum fyrir auðsýnda samúð og hlýhug.
Kolbrún Theódórsdóttir
Björgvin Birgisson Gunnhildur Einarsdóttir
Þóra Guðný Birgisdóttir
Harpa Birgisdóttir
og afabörnin.
Maðurinn minn,
Ingvaldur Valgarður Holm
Einarsson
andaðist á Heilbrigðisstofnun Suðurlands,
Ljósheimum, Selfossi. Útför hans fer fram frá
Selfosskirkju þriðjudaginn 7. október kl. 13.30.
Helga Símonardóttir
börn, tengdabörn, barnabörn, barnabarnabörn
og barnabarnabarnabörn.
Ástkær móðir okkar, tengdamóðir, amma
og langamma,
Guðríður Friðriksdóttir
Furugerði 1, Reykjavík,
andaðist að heimili sínu, föstudaginn 26. september sl.
Útförin fer fram frá Fossvogskapellu, þriðjudaginn
7. október nk. kl. 13.00.
Helgi Guðmundsson Sóley Theodórsdóttir
Eygló Pétursdóttir Stefán Stefánsson
Fríður Pétursdóttir
barnabörn og barnabarnabörn.
timamot@frettabladid.is