Fréttablaðið - 05.10.2008, Blaðsíða 32

6 Fjölskyldan
VEITINGAHÚS / TAKE AWAY / HEIMSENDING
Hreyfing með mömmu
Lítil kríli hafa gaman af því að
hreyfa sig. Ýmis námskeið standa
mæðrum þeirra til boða og eru
margar konur afar glaðar yfir því
að komast í leikfimi eða einhvers
konar hreyfingu eftir barnsburð.
Mismikil áhersla er lögð á börnin í
þessum námskeiðum, mömmurn-
ar eru að gera æfingar en börnin
fylgjast áhugasöm með og fara
ansi lítil að taka eftir jafnöldrum
sínum. Í mörgum þessara tíma eru
gerðar æfingar með börnunum í
seinni hluta tímans. Sú er til
dæmis raunin í mömmujóga tímum
hjá Auði Bjarnadóttur og í
mömmuleikfimi í Hreyfilandi.
Líkamsræktarstöðvar bjóða enn
fremur flestar upp á tíma fyrir
nýbakaðar mæður.
www.lotusjoga.is
www.hreyfiland.is
www.fullfrisk.is
www.worldclass.is
Ungbarnasund
Ungbarnasund hefur verið vinsælt
fyrir þau minnstu um margra ára
skeið. Sérmenntaðir sundkennarar
bjóða upp á námskeið um land allt
fyrir börn frá nokkurra vikna aldri.
Foreldrar þurfa að venja sig við að
börnum er dýft ofan í sundlaug
eins og ekkert sé en börnin eru ansi
fljót að venjast því.
Upplýsingar um sund og staði
www.ungbarnasund.is.
Tónlist
Smábörn yngri en eins árs hafa
flest gaman af því að hlusta á tón-
list og dilla sér. Það er vissulega
hægt að spila tónlist heima en það
er auðvitað ekki sama fjörið og
þegar mörg börn eru saman komin
og foreldrar fá að fylgjast með.
Tónagull heldur tónlistarnámskeið
fyrir börn yngri en árs gömul og í
Tónlistarskóla Sigursveins eru
einnig í boði námskeið fyrir ung-
börn og foreldra þeirra.
www.tonagull.is og
www.tonskolinn.com
Foreldramorgnar
Hluti af kirkjustarfi í mörgum
kirkjum eru svokallaðir foreldra-
morgnar þar sem nýbökuðum for-
eldrum og afkvæmum þeirra er
boðið í kaffi og með því í kirkj-
unni. Börnin spjalla hvort við
annað hvert með sínu lagi og hafa
það náðugt á meðan foreldrar
ræða málin. Oft eru erindi um efni
sem tengist börnum.
Á heimasíðu þjóðkirkjunnar www.
kirkjan.is er að finna tengla við
kirkjur landsins.
Leikfimi
Í Hreyfilandi er svo í boði snill-
ingafimi, leikfimi fyrir 3 til 12 mán-
aða börn þar sem kenndar eru
æfingar til þess að örva þá sjö
greindarþætti sem börn fá í vöggu-
gjöf. Hljómar agalega vel og hittir
örugglega í mark hjá litlum krílum.
- sbt
Í mömmujóga Minnstu börnin hafa mjög gaman af því að vera með mömmu í
jóga. FRÉTTABLAÐIÐ/ANTON
Ungbarnasund. Hollt og gott.
afþreying
leikum og lesum ...
Í leik með
litlum krílum
Litlu krílin okkar sem eru ekki einu sinni orðin eins
árs eru mörg hver heima hjá mömmu eða pabba enn
þá. Það þýðir þó ekki að engin afþreying sé í boði.
Lestrarstund sameinar fjölskylduna á notalegan máta
og fátt er skemmtilegra en að lesa fyrir börnin áður en þau fara að
sofa. Ekki er verra þegar litlu börnin eiga í hlut að hafa fallegar
myndir að skoða. Bókin Elsku besti pabbi eftir Björk Bjarkadóttur er
nýútkomin og uppfyllir sannarlega þau skilyrði. Í henni segir frá
Emilíu sem er mikil pabbastelpa enda á hún frábæran pabba sem er
stundum eins og kóngur, stundum eins og jólasveinn, fimur eins og
api og flinkur galdrakarl sem finnur sleikibrjóstsykur í eyranu hennar
og karamellur í ermunum. Þegar pabbi er
veikur er hann hins vegar þögull eins og
mús og vill alls ekki leika. Emilía hugsar
auðvitað vel um pabba sinn og þess vegna
batnar honum fljótt.
Bókin er hliðstæða frábærrar bókar
Bjarkar, Mamma er best, sem kom út fyrir nokkrum árum en auk hennar
hefur Björk gert fjölmargar myndabækur.
Skrímslapest er önnur skemmtileg nýútkomin myndabók. Hún er sú
fjórða í röðinni um skrímslin tvö, litla og stóra skrímslið en bækurnar um
þau eiga sér fjölmarga aðdáendur í heimalöndum höfundanna, Íslandi,
Svíþjóð og Færeyjum. Áslaug Jónsdóttir, Kalle Güettler og Rakel Helms-
dal segja frá því í þessari bók þegar stóra skrímslið fær skrímslapest.
Auðvitað fer þá litla skrímslið í heimsókn, en mikið er erfitt að gera því
stóra til hæfis þegar það er lasið!
BÓKIN
ÚTIDÓT Fátt vita börn skemmtilegra en að moka og ves-
enast í sandkössum og moldarbingjum. Snjór er fyrirtaks-
byggingarefni og því óþarfi að setja sandkassadót í geymslu þó að
vetur sé fram undan, það getur nýst jafnt að vetrarlagi sem um sumar.