Fréttablaðið - 05.10.2008, Blaðsíða 37

SUNNUDAGUR 5. október 2008 17
Sími 594 5000
Sími 562 4250
www.fjarfesting.is
FJÁRFESTING
FASTEIGNASALA EHF
BORGARTÚNI 31
Lilja Nótt Þórarinsdóttir fer
með veigamikið hlutverk í
spennumyndinni Reykjavík
Rotterdam sem var frum-
sýnd í vikunni. Á sama tíma
frumsýndi hún leikritið
Gangverk í Borgarleikhús-
inu.
Metsöluhöfundurinn Arnaldur
Indriðason og leikstjórinn Óskar
Jónasson eru handritshöfundar
Reykjavík Rotterdam, sem fjallar
um smygl og ýmislegt sem því
tengist.
Með aðalhlutverk fara Baltasar
Kormákur og Ingvar E. Sigurðsson
og leikur Lilja Írisi, eiginkonu
áfengissmyglarans Kristófers,
sem Baltasar leikur. „Þau búa
saman í kjallaraíbúð við lítil efni
og eiga tvo stráka. Hún er
hárgreiðslukona sem beið eftir
honum á meðan hann sat inni. Hún
er ekkert sjúklega ánægð með að
hann sé að fara á annan túr,“ segir
Lilja Nótt og á þar við smygltúr til
Rotterdam. Inn í söguþráðinn
fléttast síðan persóna Ingvars E.
sem er fyrrverandi kærasti Írisar.
Lék alka og fegurðardrottningu
Lilja Nótt var 25 ára þegar hún
ákvað að hefja nám í Leiklistar-
skóla Íslands fyrir þremur árum,
sem er frekar seint miðað við það
sem gengur og gerist. Fram að því
hafði hún gert „allt mögulegt“ að
eigin sögn, þar á meðal ferðast um
útlönd, leikið í áhugaleikhúsum og
starfað sem „pródúsent“, fyrir
Storm, sem nú heitir Saga Film.
„Ég held að maður byrji ekki fyrr
en maður er tilbúinn,“ segir hún
um leiklistarnámið.
Reykjavík Rotterdam er þriðja
kvikmynd Lilju, því hún hefur
áður farið með eftirminnileg hlut-
verk í 101 Reykjavík og Strákun-
um okkar. „Þetta er stærsta hlut-
verkið hingað til,“ segir hún. „Þetta
er allt öðruvísi mynd en hinar því í
þeim lék ég áfengissjúkling og
fegurðardrottningu.“
Aðdáandi Jet Black Joe
Í Reykjavík Rotterdam eru Íris og
Kristófer miklir aðdáendur Jet
Black Joe og hljómar lagið Free -
dom, sem Sigríður Guðnadóttir
söng, ótt og títt í henni. „Ég er
alveg aðdáandi en þeir eru kannski
ekki efstir á „playlistanum“,“ segir
Lilja. „En þetta lag er algjört
„flassback“ til baka í gelgjuna og
algjört æði. Það kunnu allir þetta
lag.“
Hún segist hafa skemmt sér vel
við tökur myndarinnar. „Það var
rosalega skemmtilegt og mjög
góður andi á „settinu“. Það var allt-
af jafngaman að mæta í vinnuna.“
Nokkuð heimilisleg stemning
ríkti á tökustað því synir Baltasars
leika syni Kristófers og Írisar í
myndinni og segir Lilja þá hafa
staðið sig ótrúlega vel. Móðir
þeirra heitir einmitt Lilja eins og
hún og hefur það eflaust ekki
skemmt fyrir við að ná upp rétta
andrúmsloftinu.
Bekkurinn saman í bíó
Næsta vor lýkur Lilja leiklistar-
námi sínu en að undanförnu hefur
hún eyttt miklum tíma í undirbún-
ing frumsýningu Nemendaleik-
hússins á Gangverkinu í Borgar-
leikhúsinu. Vegna anna við þá
sýningu hafði hún ekki enn þá séð
Reykjavík Rotterdam þegar
Fréttablaðið ræddi við hana í vik-
unni. Ætlunin var þó að bæta úr
því þegar allur bekkurinn í Leik-
listarskólanum færi saman í bíó.
Ljóst er að Lilja á framtíðina
fyrir sér í leiklistinni en hún er
hógvær þegar hún er spurð um
næstu verkefni. „Núna er maður
að einbeita sér að því að klára skól-
ann og síðan tekur maður eitt verk-
efni í einu.“
Hún segist vel geta hugsað sér
að starfa áfram við kvikmyndir.
„Áhugi minn liggur mikið þar.
Þetta er allt öðruvísi vinna en í
leikhúsi og bara mjög spennandi
miðill.“ freyr@frettabladid.is
Tvær frumsýningar á einu kvöldi
LILJA NÓTT ÞÓRARINSDÓTTIR Leikkonan Lilja Nótt fer með stórt hlutverk í spennu-
mynd Óskars Jónassonar, Reykjavík Rotterdam. FRÉTTABLAÐIÐ/VALLI
JK Rowling, höfundur Harry
Potter-bókanna, er langtekjuhæsti
rithöfundur heimsins. Á síðasta
ári græddi hún sem nam rúmlega
fimm pundum á hverri sekúndu,
eða tæpar tvö hundruð krónur.
Þetta kemur fram í nýjasta
tölublaði bandaríska tímaritsins
Forbes.
Alls þénaði Rowling 170
milljónir punda á síðasta ári, eða
34 milljarða króna miðað við
gengi íslensku krónunnar. Tekjur
hennar voru sexfalt meiri en
tekjur James Patterson, sem var
annar á listanum. Í þriðja sæti
var síðan spennusagnahöfundur-
inn Stephen King, í því fjórða
kom Tom Clancy, sem sló í gegn
árið 1984 með skáldsögunni The
Hunt For Red October og í
fimmta sætinu var Danielle Steel.
Bækur Rowling hafa selst í 400
milljónum eintaka og verið
þýddar yfir á 67 tungumál. Að
auki hafa kvikmyndirnar um
galdrastrákinn knáa malað gull.
Rowling er
tekjuhæst
JK ROWLING Höfundur bókanna um
galdrastrákinn Harry Potter er langtekju-
hæsti rithöfundur heimsins.