Fréttablaðið - 05.10.2008, Blaðsíða 46

26 5. október 2008 SUNNUDAGUR
„Þetta hefur verið í undirbúningi
í fjóra til fimm mánuði og er nú
loks að fara af stað,“ segir Svali,
útvarpsmaðurinn góðkunni af FM
957. En hann ætlar að hleypa af
stokkunum heimasíðu tileinkaðri
mótorsporti af öllum stærðum og
gerðum. Heimasíðan hefur enn
ekki fengið nafn en ætti að verða
nefnd á allra næstu dögum. Aðal-
málið verður einföld bílaleit þar
sem menn geta fundið bíla, mót-
orhjól og fjórhjól sem eru til sölu,
bæði hér á landi og erlendis. Og
verður vefurinn keyrður samfara
bílasolur.is.
Útvarpsmaðurinn er sjálfur
annálaður áhugamaður um bíla
og tryllitæki og því voru hæg
heimatökin og hann hyggst
krydda vefsíðuna með nokkrum
skemmtilegum aukahlutum. „Við
ráðgerum að menn geti komið sér
upp sínu eigin heimasvæði og sett
inn myndir og myndskeið af sjálf-
um sér þannig að það verður ein-
hvers konar youtube-stemning
sem svífa mun þarna yfir vötn-
um,“ útskýrir Svali sem telur
þetta löngu tímabært enda séu
mótorsportgreinar á borð við For-
múlu 1 með eindæmum vinsælar
hér á landi.
Svali verður síðan sjálfur nokk-
uð áberandi á síðunni því samfara
bílaleit, fréttum og myndböndum
verður einnig boðið upp á „net-
þætti“ þar sem hann hyggst flytja
tíðindi af mönnum, málefnum og
ökutækjum. - fgg
HVAÐ SEGIR MAMMA?
„Ég er ótrúlega stolt af honum.
Frá því að hann byrjaði að tala
bauðst hann til að syngja fyrir
gesti þegar þá bar að garði og
það vakti alltaf mikla lukku. Ég
hef fulla trú á honum og það
eru alveg hreinar línur að hann
á eftir að meika það, strákur-
inn.“
Guðrún Bergmann, móðir Inga Arnar
Gíslasonar, sem tekur upp sína fyrstu
plötu í San Francisco.
Hvað er að frétta? Bara allt gott. Gæti ekki verið
betra. Lífið er yndislegt.
Augnlitur: Brúnn.
Fæðingardagur: 5. janúar 1983.
Starf: Blómasali í Ísblómum og vaktstjóri á Svarta
kaffi.
Fjölskylduhagir: Ég er gift besta manni í heimi,
honum Sigurði Þór Þórssyni.
Hvaðan ertu? Ég er vel blönduð tegund. Faðir minn
er Króati og móðir mín er íslensk.
Ertu hjátrúarfull? Upp að vissu marki er ég það. Ég
bölva til dæmis svörtum köttum sem hlaupa í veg
fyrir mig, og er ekki hrifin þegar speglar brotna.
Uppáhaldssjónvarpsþátturinn: Dagvaktin er mesta
snilld fyrr og síðar. Ég er líka smá háð Desperate
Housewives, America‘s Next Top Model og Friends.
Uppáhaldsmatur: Kjúklingur a la mamma stendur
upp úr.
Fallegasti staðurinn: Giftingarstaðurinn
okkar Sigga, Porto Ruz í Slóveníu.
iPod eða geislaspilari: Ég er algjörlega
tækni-hemluð. Fékk svaka fínan iPod
sem tók mig mánuð að læra á og svo
týndi ég græjunni um leið og ég var
farin að kunna á hana!
Hvað er skemmtilegast: Mér finnst
skemmtilegast að vera með Sigga. Svo
er gaman í bootcamp og að horfa á
landsliðið í handbolta.
Hvað er leiðinlegast: Ekki neitt. Mér
finnst allt alveg geðveikt skemmtilegt.
Helsti veikleiki: Ég er alltof viðkvæm.
Helsti kostur: Ég er geðveikt fyndin, að
eigin sögn. Annars er ég líka jákvæð og
fer ekki í fýlu.
Helsta afrek: Þegar ég var fjórtán ára
spilaði ég handbolta með Breiðablik og
við unnum aldrei. Mitt helsta afrek
verður sem sagt að vera þegar við
unnum okkar fyrsta (og eina) leik,
á móti HK, og ég skoraði alveg tíu
mörk.
Mestu vonbrigðin: Ég tók þátt
í Landsbankahlaupinu þegar ég
var 10 ára og tapaði.
Hver er draumurinn: Að fjölskyld-
an haldi heilsu og „world peace“.
Hver er fyndnastur/fyndnust:
Auður Ósk æskuvinkona mín er
fyndnust og Pétur Jóhann Sigfús-
son er fyndnastur. Mér finnst að
þau ættu að gifta sig, ég væri alltaf
í heimsókn! Siggi minn, þú ert líka
svaka fyndinn.
HINHLIÐIN EVA RUZA MILJEVIC BLÓMASALI
Tapaði í Landsbankahlaupinu
5. janúar 19
83
ANNALÁÐUR BÍLAÁHUGAMAÐUR
Svali hefur lengi haft mikinn áhuga á
tryllitækjum og hefur stofnað heimasíðu
til að svala áhuga sínum. FRÉTTABLAÐIÐ/PJETUR
FM-Svali verður Bíla-Svali
„Það er allt á blússandi siglingu
hjá okkur,“ segir Jónína Lárus-
dóttir, konan að baki framtakinu
Ein-stök-brjóst. Hún mun efna til
ljósmyndasýningar með 100
svarthvítum myndum eftir Írisi
Jóhannsdóttur ljósmyndara.
Fyrirsæturnar eru konur á öllum
aldri, með alls kyns brjóst, sem
hafa boðið sig fram til að fækka
klæðum að ofan og sitja fyrir í
þágu verkefnisins. Ágóði af
seldum myndum mun renna til
tækjakaupa fyrir brjóstakrabba-
meinsleit.
Sýningin mun fara fram í
verslunarmiðstöðinni Glæsibæ,
þar sem hún leggur undir sig 200
fermetra iðnaðarrými. Hún
verður opnuð 25. október
næstkomandi og sama dag
verður haldið uppboð á listaverk-
um sem listamenn hafa gert og
gefið verkefninu. Ágóði af sölu
þeirra mun renna til sama
markmiðs. Viku fyrir opnun
sýningarinnar fara svo bolir
merktir verkefninu í sölu í 10-11-
búðunum. „Konurnar sem sitja
fyrir eru samt algjör- lega
hetjurnar í þessu
að mínu mati.
Þetta hefði
aldrei verið
hægt nema fyrir
tilstilli þeirra,“
segir Jónína
þakklát.
Í næstu viku
mun síðan
www.brjost.is
fara í loftið,
þar sem
áhugasamir
geta kynnt
sér verkefn-
ið nánar. - sun
Fyrirsæturnar
eru hetjurnar
BLÚSSANDI
SIGLING
Verkefni Jónínu
Lárusdóttur,
Ein-stök-brjóst,
hefur gengið
afar vel og
hafa 90 konur
þegar komið í
myndatöku.
„Þetta er langstærsta verkefni
sem ég hef komið nálægt. Risa-
vaxið. Fyrst var verið að tala
um 25 milljóna dollara mynd í
framleiðslu en nú, á þessu
stigi, er verið að tala um 40 til
60 milljóna dollara mynd. Og
gæti stækkað. Þetta er risa-
dæmi,“ segir Baltasar
Kormákur.
Búið er að ganga frá því að
framleidd verði Hollywood-
mynd sem tekin verður að mestu
leyti á Íslandi. Baltasar mun leik-
stýra en myndin er gerð eftir
handriti sem hann hefur unnið að,
leynt og ljóst, ásamt Ólafi Egils-
syni. Upphaflega stóð til að byggja
handritið á Njálu en það hefur
þróast í þá átt að handritið byggir
á minnum úr Íslendingasögum.
Vinnutitillinn er Saga. „Við höfum
kynnt þetta vestan hafs sem svona
spagettí-western-viking-movie.
Her manna mun leika í þessu.
Gríðarlega mannmörg mynd og
stór. Herir og eltingaleikur 40 til
50 manna gengja um hálendi
Íslands og allur pakkinn,“ segir
Baltasar sem kallar ekki allt
ömmu sína. Þó segist hann hálf
feiminn við verkefnið því svo
mjög hefur það vaxið í höndunum
á honum, ekki síst vegna áhuga
samstarfsmanna hans. Framleið-
endur eru þeir hinir sömu og fram-
leiða mynd hans Inhale sem áður
hét Run for Her Life, 26 Film, en
Michelle Chydzik Sowa er nú
stödd hér á landi. Á föstudag fóru
þau Baltasar í þyrlu yfir allt
hálendið að skoða væntanlega
tökustaði. Þá er fyrirhugað að enn
stærri hákarlar í kvikmyndafram-
leiðslu muni koma að verkefninu
en ótímabært er að upplýsa um
það á þessu stigi.
Baltasar er ekki bara að tala um
stærsta verkefni sem hann hefur
komið nálægt heldur langstærsta
verkefni sem Ísland hefur nokkru
sinni komist í tæri við: Tökutíma-
bilið er sex mánuðir en sagan ger-
ist að vetri til, vori og sumri. Sex-
tíu milljónir dollara nú (þegar
þetta er skrifað) þýða 6,6 milljarð-
ar í íslenskum krónum. Sem er
ekki lítil innspýting fyrir kvik-
myndageirann á Íslandi og reynd-
ar allt efnahagslífið.
„Jájá, þetta færi allt í gegn hér.
Svo er áhugavert að þetta tengist
menningarsögu okkar,“ segir
Baltasar sem hefur lagt á það ríka
áherslu að myndin verði tekin hér
á landi. Íslenskir leikarar munu
koma við sögu, hugsanlega í stóru
hlutverki írsks þræls og papar
verða einnig sjáanlegir. Fram-
leiðendur myndarinnar vildu
hefja tökur strax næsta sumar en
Baltasar vill gefa sér betri tíma
þó að handritið sé svo gott sem
tilbúið. „Ólafur kemur með mér
til Los Angeles til að klára það.
Annars er handritið í stöðugri
vinnslu. Handritsvinnu lýkur
ekki fyrr en við síðasta tökudag,“
segir Baltasar Kormákur.
jakob@frettabladid.is
BALTASAR KORMÁKUR: LANGSTÆRSTA VERKEFNI SEM ÉG HEF KOMIÐ NÁLÆGT
Sjö milljarða bíómynd tekin á Íslandi
LEITAÐ AÐ TÖKUSTÖÐUM FYRIR VÍKINGAMYND
Baltasar Kormákur og Michelle Chydzik framleiðandi skoðuðu hálendi Ís-
lands en þar munu stór gengi víkinga fara um í langstærstu mynd sem Ís-
lendingar hafa komist í tæri við. Leikstjórinn og framleiðandinn voru átta
tíma samfellt í þyrlu og fóru yfir hálendið í leit að tökustöðum.
LJ
Ó
SM
YN
D
IR
/Ó
TT
A
R
G
U
Ð
N
A
SO
N