Fréttablaðið - 08.10.2008, Blaðsíða 8

8 8. október 2008 MIÐVIKUDAGUR
ALÞJÓÐAFJÁRMÁL Alþjóðagjaldeyris-
sjóðurinn telur að heildartjónið af
fjármálakreppunni, sem átti upp-
tök sín í Bandaríkjunum en breið-
ist nú út um allan heim, geti numið
1.400 milljörðum bandarískra
dala, eða um 140 þúsund milljörð-
um króna.
Sérfræðingar sjóðsins telja
nauðsynlegt að ríki heims taki nú
höndum saman og samhæfi
aðgerðir gegn kreppunni. Auð-
veldara verði að koma á stöðug-
leika ef ríkin skuldbinda sig sam-
eiginlega til þess að takast á við
vandann.
George W. Bush setti sig í gær í
samband við leiðtoga nokkurra
helstu ríkja Evrópusambandsins
um að stilla saman strengi sína í
baráttunni við fjármálakreppuna.
Einnig sátu fjármálaráðherrar
Evrópusambandsríkjanna á neyð-
arfundi í Lúxemborg í gær og á
mánudag og samþykktu þar að
tryggja afkomu helstu banka í
aðildarríkjunum. Þeir ákváðu
meðal annars að ábyrgjast banka-
innistæður að upphæð allt að 50
þúsund evrum, jafnvel þótt við-
komandi bankar fari á hausinn.
Jafnframt lýstu þeir því yfir að
hluthafar í bönkunum þurfi að
bera skaðann af þessari íhlutun.
Einnig kom fram í yfirlýsingunni
að stjórnvöld ættu að hafa völd til
að reka ráðamenn banka auk þess
sem framkvæmdastjórar fyrir-
tækja, sem fara á hausinn, eigi
ekki að geta hagnast á því.
„Kreppan núna er mjög alvar-
leg, eins og Íslendingar gera sér
alltof vel grein fyrir, og það er
engin fljót og auðveld leið út úr
henni,“ segir Amelia Torres í við-
tali við Fréttablaðið. Hún er tals-
kona Joaquíns Almunia, sem fer
með efnahags- og peningamál í
framkvæmdastjórn Evrópusam-
bandsins.
Hún segir aðgerðir sambands-
ins miða að því að styðja sérstak-
lega þá banka sem eru það mikil-
vægir fyrir efnahagskerfið að
gjaldþrot þeirra muni hafa í för
með sér kerfishrun.
Hlutabréfamarkaðir um heim
allan náðu sér nokkuð á strik í
gær eftir svartan mánudag þegar
mikið tap varð á öllum mörkuð-
um.
Seðlabanki Bandaríkjanna
greiddi fyrir þessum bata með
yfirlýsingu um að hann muni
kaupa skammtímaskuldir í stór-
um stíl og liðka þannig fyrir
frekari viðskiptum á verðbréfa-
mörkuðum.
Vonir stóðu til að seðlabanki
Evrópusambandsins myndi grípa
til sams konar aðgerða, þrátt
fyrir að bankinn hafi ekki
ótvíræða heimild til slíks.
Nokkurrar bjartsýni gætti
einnig um að helstu seðlabankar
heims ætli að verða samstiga í að
lækka vexti nokkuð hratt og lík-
lega verði það gert á fimmtu-
daginn.
gudsteinn@frettabladid.is
Samhæfa
aðgerðir gegn
kreppunni
Fjárhagslegt tjón af alþjóðlegu fjármálakreppunni
getur numið allt að 140 þúsund milljörðum króna,
að mati Alþjóðagjaldeyrissjóðsins. Evrópusambands-
ríki ákveða aðgerðir til bjargar bankakerfinu.
Björgvin G. Sigurðsson, viðskiptaráðherra
Össur Skarphéðinsson, iðnaðarráðherra
Jóhanna Sigurðardóttir, félags- og tryggingamálaráðherra
Fundarstjóri er Ágúst Ólafur Ágústsson,
varaformaður Samfylkingarinnar.
Allar nánari upplýsingar á www.samfylking.is
Allir velkomnir!
UMRÓT Á MÖRKUKÐUM Þessi maður fylgdist milli vonar og ótta með sveiflum á
mörkuðum í kauphöllinni í Ástralíu í gær. NORDICPHOTOS/AFP
1. Hvaða stofnun hefur fengið
víðtækar heimildir til inngripa í
íslenskt fjármálakerfi?
2. Hvaða Hollywood-stjörnur
eiga nú í Facebook-stríði?
3. Hver er stjórnarformaður
Kaupþings?
SVÖR Á BLS. 22
SAMFÉLAGSMÁL „Það minnsta sem
við getum gert er að segja
innflytjendum frá þessu á þeirra
tungumáli því þetta eru ekki síður
mikilvæg tíðindi fyrir þá,“ segir
Helga Ólafs, upplýsingafulltrúi
Alþjóðahúss.
Á vef þess hafa fréttir um
efnahagsástandið, neyðarlögin og
aðra atburði síðustu daga því tengt
verið þýddar á sjö tungumál. „Það
er sérstaklega mikilvægt að flytja
fólki þær fréttir að gengið hefur
verið fryst en eins og gefur að
skilja hefur mörgum orðið bilt við
þegar evran var komin upp í 250
krónur eins og útlitið var um
stund.“ - jse
Alþjóðahúsið:
Tíðindin á sjö
tungumálum
NEYTENDAMÁL Olíufélögin lækkuðu eldsneytisverð í
gærmorgun eftir að Seðlabanki Íslands hafði
tilkynnt um að krónan yrði fest á gengisvísitölunni
175. Í fyrradag var hún 207 en var svo komin upp í
257 í gærmorgun áður en Seðlabankinn greip inn í.
Víðast hvar nam lækkunin 11 krónum á lítra af
bensíni og 13 krónum á dísillítranum.
Hermann Guðmundsson, forstjóri N1, segir að
hefði ekki til gengisfestingar komið hefði hækkun
eldsneytisverðs verið fyrirsjáanleg í gær. Spurður
um ummælin sem hann lét falla fyrir skemmstu um
að hætta væri á eldsneytisskorti hér á landi að öllu
óbreyttu segir hann: „Nú met ég það þannig að ríkið
sé búið að ná tökum á bankakerfinu. Bæði ráðherrar
og seðlabankastjóri hafa lýst því yfir að það verði
tryggður gjaldeyrir til allra nauðsynja svo ég hef
enga ástæðu til að óttast eldsneytisskort.“
Einar Nikulásson, stöðvarstjóri N1 í Skógarseli,
segir að í kjölfar umræðunnar um hugsanlegan
eldsneytisskort hafi salan aukist. „En svo fór þetta
að róast,“ segir hann. „En eftir að lækkunin var
tilkynnt hefur fólk tekið við sér og það hefur verið
nóg að gera og fólk hefur verið kátt og farið með
bros á vör, það er nú nokkurs virði í þessu árferði.“
- jse
Eldsneytisverð lækkaði í kjölfar inngrips Seðlabankans:
Óttinn um skort liðinn hjá
DÆMI UM BENSÍNVERÐIÐ Í GÆR
Bensín Dísil
Atlantsolía 165,10 184,90
N1 (Skógarseli) 165,10 185,10
Skeljungur (Kleppsvegi) 166,70 186,60
ÓB (Snorrabraut*) 163,10 182,90
Orkan (Eiðistorg*) 165 184,8
*Almennt verð
Blaðberinn bíður þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...
VEISTU SVARIÐ?