Fréttablaðið - 08.10.2008, Blaðsíða 17

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
LEIKHÚSFERÐ TIL LONDON verður farin
á vegum Expressferða fimmtudaginn 23. október,
heimkoma er sunnudaginn 26. október. Stefnt er á
að sjá sýninguna Billy Elliot á föstudagskvöldinu og
Disappearing Number á laugardagskvöld. Fararstjóri er
Magnús Geir Þórðarson leikhússtjóri.
Leiklistarneminn Vigdís Másdótt-
ir fór ásamt samnemendum sínum
í leiklistardeild Listaháskóla
Íslands í útskriftarferð til Berlín-
ar strax eftir að þriðja árinu lauk í
lok maí síðastliðinn. Hún heillað-
ist af borginni og listalífinu sem
þar blómstrar.
„Þetta var svokölluð menningar-
ferð og sáum við mikið af góðum
og reyndar slæmum leiksýning-
um. Þess á milli kynntum við
okkur næturlífið sem er ekki af
verri endanum,“ segir Vigdís. „Við
gistum í íbúð Þorleifs Arnarsson-
ar leiklistarnema en hann býr á
Torstrasse í Mitte-hverfinu. Hann
var að heiman og fengum við leyfi
til að dreifa okkur um íbúðina.“
Hópurinn dvaldi í borginni í
tæpar tvær vikur og þótti Vigdísi
merkilegt að sjá muninn á aust-
ur- og vesturhlutanum sem hún
segir sérstaklega koma fram í
ólíkum arkitektúr. „Þá er ljóst að
„greddan“ í listalífinu er mikil, ef
svo má að orði komast,“ segir
Vigdís.
Hópurinn fór hinn hefðbundna
túristahring og skoðaði staði eins
og Checkpoint Charlie, Branden-
borgarhliðið og Gyðingasafnið.
„Við fórum svo í túristasiglingu
um ána Spree sem liggur um borg-
ina og þegar við sigldum framhjá
kanslarabústaðnum vorum við
nánast búin að berja Angelu
Merkel augum en hún flaug yfir
bústaðinn í risastórri þyrlu,“ segir
Vigdís og hlær. Hún endaði síðan
ferðalagið í London þar sem hún
hélt upp á þrítugs afmæli sitt með
kærastanum og systur.
Vigdís helgar sig nú Nemenda-
leikhúsinu en útskriftarhópurinn
frumsýndi Gangverkið í Borgar-
leikhúsinu síðastliðinn föstudag.
Það er unnið upp úr spuna og
rannsókn á leikhúsinu. Þegar
sýningum á því lýkur taka æfing-
ar á Kirsuberjagarðinum við.
„Við sáum einmitt Kirsuberja-
garðinn í Berlín í uppfærslu
Thomas Ostermeier. „Sú sýning
var mjög flott en við erum stað-
ráðin í því að gera betur.“
vera@frettabladid.is
Angela Merkel á sveimi
Vigdís Másdóttir hreifst af frjóu listalífi Berlínar í útskriftarferð sinni þangað með leiklistardeild
Listaháskóla Íslands. Litlu munaði að hópurinn næði að berja kanslara Þýskalands augum.
Vigdís fékk skemmtilega mynd af útskriftarhópnum í þrítugsafmælisgjöf en hún endaði ferðalagið á því að fara til London til að
halda upp á stórafmælið. FRÉTTABLAÐIÐ/VALLI
Meirapróf
Upplýsingar og innritun í síma 567 0300
Grensásvegi 12A
108 Reykjavík
UMBROT
AUGLÝSINGAR
Tökum að okkur að setja upp
prentverk, stór sem smá.
Auglýsingar, bækur, blöð,
dreifibréf, fréttabréf,
fermingarkort, gjafakort,
nafnspjöld, tímarit og hvað
eina sem þarf að prenta.
Útbúum auglýsingar í alla
prentmiðla.
Einnig skjá-, strætisvagna- og
skiltaauglýsingar.
Láttu þínar upplýsingar sjást.
sími: 568 1000// frum@frum.is// www.frum.is
F
ru
m