Fréttablaðið - 08.10.2008, Blaðsíða 4
MARKAÐURINN 8. OKTÓBER 2008 MIÐVIKUDAGUR4
F R É T T A S K Ý R I N G
A
llir sem eru með baun milli
eyrnanna gátu sagt sér þetta,“
sagði vonsvikinn starfsmaður
Landsbankans eftir hádegið í
gær.
Tilkynnt var um það snemma í gær-
morgun að Fjármálaeftirlitið hefði, í
krafti neyðarlaga sem Alþingi sam-
þykkti í fyrrakvöld, tekið að sér stjórn
Landsbanka Íslands.
Þar með er lokið ævintýri sem hófst
fyrir sex árum með kaupum Björgólfs-
feðga á Landsbankanum.
BJÖRGÓLFUR SETTUR AF
Óvíst er hvernig röð atburða var í fyrri-
nótt en eftir því sem næst verður komist
hófust viðræður Fjármálaeftirlitsins við
stjórnendur Landsbankans um leið og
lögin voru samþykkt. Niðurstaðan varð
sú að Fjármálaeftirlitið skipaði skila-
nefnd yfir bankana. Hana skipa Ársæll
Hafsteinsson, Einar Jónsson, Lárents-
íus Kristjánsson lögmenn og Lárus Finn-
bogason og Sigurjón G. Geirsson endur-
skoðendur.
Í sömu andrá er bankaráði Landsbank-
ans, þar sem meðal annars sátu Björgólf-
ur Guðmundsson, helsti eigandi bank-
ans, og Kjartan Gunnarsson, fyrrverandi
framkvæmdastjóri Sjálfstæðisflokksins,
vikið frá.
Bankanum verður áfram stýrt af Hall-
dóri J. Kristjánssyni og Sigurjóni Þ.
Árnasyni. Björgvin G. Sigurðsson við-
skiptaráðherra fagnaði því á fundi með
starfsmönnum Landsbankans í hádeginu
í gær að þeir hefðu „fallist á“ að stýra
bankanum áfram.
BANKINN ER EKKI GJALDÞROTA
Fram kemur í tilkynningu Landsbankans
til Kauphallarinnar í gær að bankinn sé
ekki í gjaldþrotameðferð. Ákvæði gjald-
þrotaskiptalaga ættu ekki við meðan
skilanefndin færi með málefni bankans.
„Á sama tíma verður ekki komið fram
aðfararaðgerð eða kyrrsetningu gagn-
vart Landsbankanum“, segir í tilkynn-
ingunni.
Útibú Landsbankans voru enda opin í
gær. Allir starfsmenn voru við störf og
viðskiptavinir á leið inn og út úr bank-
anum.
STEINRUNNIR STARFSMENN
Starfsmennirnir stóðu steinrunnir, þög-
ulir en rólegir, í hádeginu í gær, og
hlýddu á Björgvin G. Sigurðsson við-
skiptaráðherra og Árna M. Mathiesen
fjármálaráðherra í þéttskipuðum matsal
Landsbankans á fjórðu hæð, við brúna
yfir Hafnarstrætið. „Þið haldið ykkar
hlut óskertum,“ sagði viðskiptaráðherra
Björgólfur settur af eftir sex ára siglingu
Ævintýrinu sem hófst með kaupum Samson á Landsbankanum er lokið. Fjármálaeftirlitið vék bankastjórninni frá og tekur við
stýrinu. Björgólfsfeðgar tapa sínum hlut eins og 25 þúsund aðrir hluthafar. Samson er í greiðslustöðvun og hefur tapað tugum
milljarða króna. Lokað er fyrir úttektir á IceSave-reikningum í Bretlandi. Lausir endar eru margir.
ÁHYGGJUFULLIR STARFSMENN LANDSBANKANS Ýmsar spurningar brunnu á vörum starfsmanna Landsbankans sem mættu fulltrúum nýrra eigenda á fundi í matsal bankans í hádeginu í gær. Markaðurinn/GVA
KOSTAR ÞIG
EKKI KRÓNU!
Momentum greiðslu- og innheimtuþjónusta ehf. | Suðurlandsbraut 18, 108 Rvk. | Sími: 510 7700 | momentum@momentum.is
Milliinnheimta sem er kröfuhafa að kostnaðarlausu
Kynntu þér innheimtuaðferðir okkar á momentum.is
A
R
G
U
S
0
8
-0
1
7
4