Fréttablaðið - 09.10.2008, Blaðsíða 8

8 9. október 2008 FIMMTUDAGUR
EVRÓPUMÁL Diana Wallis, einn af
varaforsetum Evrópuþingsins,
hefur sent Olli Rehn, stækkunar-
málastjóra Evrópusambandsins,
bréf þar sem hún skorar á hann að
sjá til þess að aðildarumsókn frá
Íslandi fái flýtimeðferð í gegn um
ESB-kerfið, skyldi slík umsókn
berast frá Íslandi. Með því að taka
Ísland þannig með hraði inn í sínar
raðir gæti Evrópusambandið orðið
landinu stoð og stytta í þeim efna-
hagsþrengingum sem það gengur
nú í gegn um, að því er segir í til-
kynningu frá skrifstofu Wallis.
Diana Wallis hefur lengi átt sæti
á Evrópuþinginu sem fulltrúi
Frjálslyndra demókrata fyrir
Yorkshire- og Humber-kjördæmi
á Norðaustur-Englandi. Hún átti
lengi sæti í tengslanefnd þingsins
við EFTA-ríkin og í því hlutverki
skrifaði hún fyrir nokkrum árum
bók um stöðu Íslands og hinna
EFTA-ríkjanna í Evrópusamvinn-
unni. Nú er hún. sem fulltrúi þing-
flokks frjálslyndra flokka frá
öllum ESB-löndunum 27. einn af
varaforsetum Evrópuþingsins.
„Framkvæmdastjórinn (Olli
Rehn) kvað hafa sagt að aðildar-
viðræður við Ísland gætu tekið
allt að ár en ég hef eftir öðrum
heimildum að hugsanlegt væri að
ljúka slíkum viðræðum á hálfu
ári, jafnvel skemur. Ég hef skrifað
Olli Rehn til að biðja hann um að
gefa aðildarumsókn frá Íslandi
flýtimeðferð, skyldi hún berast,“
segir í tilkynningunni frá skrif-
stofu Wallis í gær.
Tekið er fram að það sé að sjálf-
sögðu undir Íslendingum sjálfum
komið hvort þeir kjósi að sækja
um aðild, en Wallis segir að sig
gruni að „athafnasvigrúm ríkis-
stjórnarinnar í Reykjavík þreng-
ist nú snöggt í ljósi efnahags-
ástandsins í landinu. Svo virðist
sem köll eftir inngöngu (í ESB) úr
öllum áttum stjórnmálaumræð-
unnar og frá leiðtogum atvinnu-
lífsins og verkalýðshreyfingarinn-
ar séu að ná hámarki“.
„Mín tilfinning er sú, eftir að
hafa fylgst með samskiptum ESB
og Íslands í um áratug, er að með
sérreglum um sjávarútveg væri
hægt að semja um fulla aðild
Íslands að ESB á nokkrum vikum
fremur en mánuðum. Þetta hljóta
að vera góð tíðindi fyrir Ísland þar
sem ég tel að svo fljót afgreiðsla
myndi binda enda á efnahags ó-
vissuna í landinu að miklu leyti,“
segir Wallis.
Þegar leitað var viðbragða frá
skrifstofu Ollis Rehn í Brussel
áréttaði Anna-Kaisa Itkonen, einn
talsmanna Rehns, fyrri ummæli
hans um að aðildarumsókn frá
Íslandi yrði vel tekið.
audunn@frettabladid.is
FLÝTIMEÐFERÐ? Wallis leggur til að Ísland fái inngöngu í ESB „á nokkrum vikum
fremur en mánuðum“ ef Íslendingar skyldu ákveða að sækja um. NORDICPHOTOS/AFP
ESB-aðildarumsókn
fái flýtiafgreiðslu
Einn af varaforsetum Evrópuþingsins hvetur til að séð verði til þess að aðildar-
viðræður við Ísland yrðu afgreiddar eins fljótt og auðið væri, skyldi aðildarum-
sókn berast frá Íslandi, í því skyni að hjálpa Íslandi í efnahagsþrengingunum.
OLLI REHN DIANA WALLIS
STJÓRNMÁL Ekki er tilefni til að
ræða um aðild að Evrópusamband-
inu nú um stundir. Stjórnvöld verða
að fá svigrúm til að takast á við
stöðuna eins og hún er. Þetta segja
Gylfi Arnbjörnsson, framkvæmda-
stjóri Alþýðusambandsins, og Vil-
hjálmur Egilsson, framkvæmda-
stjóri Samtaka atvinnulífsins.
„Það er ekki viðfangsefni núna
að taka svona mál til krufningar og
ASÍ ætlar ekki að dunda sér við
slíka umræðu,“ segir Gylfi.
„Þau mál fara ekki frá okkur og
ég held að það eigi ekki að vera að
tala um þetta akkúrat í augnablik-
inu,“ segir Vilhjálmur. Betra sé að
láta rykið setjast og skoða málin
seinna. Hann segir að þegar ró fær-
ist yfir á ný og áhrif efnahagsum-
rótsins á Ísland, ESB, evruna og
Evrópska seðlabankann verða ljós
muni málið koma til umræðu á ný.
Gylfi segir að hvað sem líður
núverandi ástandi hafi grundvallar-
afstaða ASÍ ekki breyst; stöðug-
leika sé krafist og hann fáist ekki
með krónunni. „Gjaldmiðillinn er
hluti af vandanum,“ segir Gylfi.
Vilhjálmur segir að þótt það gæti
hugsanlega haft jákvæð áhrif á
erlendum fjármálamörkuðum að
senda skilaboð um vilja Íslands til
að ganga í ESB sé hætt við að eng-
inn myndi heyra af þeim vilja. Svo
mikið gangi á á evrusvæðinu nú um
stundir.
Evrópusamtökin vilja að umsókn
um ESB-inngöngu verði undirbúin
með markvissum hætti. Telja þau
það ráðlegt í ljósi ríkjandi efna-
hagsaðstæðna. - bþs
Aðilar vinnumarkaðarins gefa stjórnvöldum svigrúm til að takast á við stöðuna:
Umræður um ESB-aðild í salt
VILHJÁLMUR
EGILSSON
GYLFI
ARNBJÖRNSSON
1. Hvað heitir net-innláns-
reikningur Landsbankans í
Bretlandi?
2. Hver ætlaði að stappa stál-
inu í fólk á samstöðutónleikum
í gær?
3. Hver þjálfar körfuboltalið
Snæfells?
SVÖR Á SÍÐU 42
SVÍÞJÓÐ, AP Bandarískir og
japanskir vísindamenn hljóta
Nóbelsverðlaunin í efnafræði og
eðlisfræði í ár.
Í gær skýrði sænska Nóbels-
nefndin frá því að tveir Banda-
ríkjamenn og einn Japani fái
efnafræðiverðlaunin fyrir
rannsóknir sínar á marglyttuprót-
íni sem gjörbylti möguleikum
manna til að rannsaka sjúkdóma
og starfsemi lífvera.
Einn Bandaríkjamaður og tveir
Japanar hljóta hins vegar verð-
launin í eðlisfræði fyrir rannsókn-
ir á hegðun öreinda, að því er fram
kom í tilkynningu Nóbelsnefndar-
innar á þriðjudag. - gb
Nóbelsverðlaun:
Marglyttur og
öreindafræði
YOICHIRO NAMBO Einn þriggja kjarn-
eðlisfræðinga sem fær eðlisfræðiverð-
laun Nóbels í ár. FRÉTTABLAÐIÐ/AP
DÓMSMÁL Tæplega tvítugur maður
hefur verið dæmdur í eins árs
skilorðsbundið fangelsi fyrir að
hafa samfarir við stúlku sem þá
var fjórtán ára.
Það var móðir stúlkunnar sem
kærði manninn fyrir kynferðis-
brot gegn ungri dóttur sinni.
Greindi hún frá því að hann hefði
ekið með dóttur hennar út á auða
byggingarlóð við Fiskislóð í
Reykjavík. Í bifreiðinni hafi
ákærði fengið stúlkuna til að hafa
við sig samfarir.
Auk fangelsisdómsins var
maðurinn dæmdur til að greiða
stúlkunni fjögur hundruð þúsund
krónur í skaðabætur. - jss
Fangelsi og skaðabætur:
Braut gegn
ungri stúlku
3.249
SPARIÐ
3.250
OPNUNAR
TÍMAR
Mánudag
a-föstuda
ga 11-19
Laugarda
ga 10-18
Sunnudag
a 12-18
1.499
SPARIÐ
1.500
699
SPARIÐ
1.700
Sandur sem hægt
er að móta
181238
GYROTOR-ÞYRLA
Fjarstýrð. Getur fl ogið upp, niður, áfram
og snúið við. Sendirinn nær allt að 15 m.
Hægt að nota innan- og utandyra.
Þú hleður í 25 mínútur og þyrlan fl ýgur
í 7 mínútur. Með innbyggðri endurhlaðan-
legri rafhlöðu og hleðslutæki. 24 sm.
Þarf 1 D-rafhlöðu. Hægt að velja á milli
margra gerða. Verð 6.499
022335
ALI BABA
Pakkaðu hinum úrilla úlfalda Ali
Babas En passaðu þig að þú gerir
hann ekki meira úrillan, því þá hendir
hann Ali Baba og farangrinum af
baki. Fyrir 2-4 spilara. Frá 5 ára.
Verð 2.399
450793
MOON SAND
Hægt að velja milli
margra gerða.
Verð 2.999
Korputorg, 112 REYKJAVÍK, SÍMI 5850 600
VIÐSKIPTI Seðlabanki Evrópu, auk
seðlabanka Bandaríkjanna,
Englands, Kanada, Sviss og
Svíþjóðar ákváðu í gær að lækka
stýrivexti um 0,5 prósentustig.
Evrópsku seðlabankarnir
veittu í kjölfarið níutíu milljörð-
um dala inn á fjármálamarkaði
til að liðka fyrir millibanka-
viðskiptum. Á sama tíma
lækkaði bandaríski seðlabankinn
afsláttarvexti á beinar lánveit-
ingar til banka um 50 punkta.
Í sameiginlegri yfirlýsingu
kemur fram að stýrivaxtalækk-
unin sé sértækt neyðarúrræði
til að vinna bug á djúpri fjár-
málakreppu og sneiða hjá
samdráttarskeiði.
- jab
Neyðarúrræði seðlabanka:
Vextir lækka
víða um heim
BANKASTJÓRARNIR Seðlabankar margra
landa lækkuðu stýrivexti óvænt í gær til
að spyrna fæti við samdrætti.
FRÉTTABLAÐIÐ/AFP
STÝRIVEXTIR LANDANNA
Land Vaxtastig
Bandaríkin 1,50%*
Bretland 4,50%*
Evrusvæðið 3,75%*
Japan 0,50%
Ísland 15,5%
* Eftir stýrivaxtalækkun
LÖGREGLUMÁL Flugvél Continental-
flugfélagsins þurfti að lenda
hérlendis í gær vegna veikinda
farþega, sem misst hafði meðvit-
und. Hann var rakleiðis fluttur á
Heilbrigðisstofnun Suðurnesja til
skoðunar. Vélin var á leið frá
Bandaríkjunum til Þýskalands.
Flugstjórinn nýtti tækifærið til
að vísa frá borði tveimur
ölvuðum bandarískum konum
sem höfðu verið með óspektir um
borð. Þær munu sjálfar þurfa að
verða sér úti um far úr landi. - sh
Flugvél þurfti að millilenda:
Einn veikur og
tvær trítilóðar
VEISTU SVARIÐ?