Fréttablaðið - 09.10.2008, Blaðsíða 10

10 9. október 2008 FIMMTUDAGUR
TAÍLAND, AP Taílenskir mótmæl-
endur, sem vikum saman hafa
krafist þess að stjórn landsins
segi af sér, eru farnir að reisa
götuvígi, kveikja í bílum og kasta
flöskum að lögregluþjónum, sem
á móti eru farnir að beita
táragasi.
Átökin kostuðu að minnsta
kosti einn mann lífið í gær og 350
manns særðust. Átökin í gær
voru þau alvarlegustu síðan
mótmælin hófust fyrir hálfum
öðrum mánuði.
Spennan jókst verulega strax á
mánudag þegar mótmælendur
umkringdu þinghúsið í Bangkok
og reistu þar götuvígi úr gaddavír
og hjólbörðum. - gb
Átök harðna í Taílandi:
Reisa götuvígi
og grýta
lögregluþjóna
TÁRAGASI BEITT Spenna vex í Taílandi.
FRÉTTABLAÐIÐ/AP
Í SKJÓLI BAK VIÐ GLER Gestir í dýra-
garði á Filippseyjum virða fyrir sér
tígrisdýr sem gnæfir yfir þeim og hallar
sér upp að glervegg, sem er á milli
þess og áhorfenda. NORDICPHOTOS/AFP
STÓRIÐJA Norðurál hefur farið þess
á leit við iðnaðarráðuneytið að flýta
framkvæmdum við álverið í Helgu-
vík og óskað eftir heimild til að
byggja stærra ver en upphaflega
var áætlað. Samkvæmt heimildum
Fréttablaðsins barst ósk þessa efnis
til ráðuneytisins nýlega.
Framkvæmdir við álver Norð-
uráls í Helguvík ganga samkvæmt
áætlun; öll leyfi liggja fyrir og
úthlutun losunarheimilda barst í
lok september. Losunarheimildir
leyfa framleiðslu á 50 þúsund
tonnum af áli árið 2010 og 150 þús-
und tonnum árin 2011 og 2012,
eins og áætlað hefur verið. Nú
liggur á borði iðnaðarráðherra
erindi frá Norðuráli þar sem áhugi
fyrirtækisins á að stækka álverið
kemur fram. Fyrirtækið hefur
einnig hug á að flýta framkvæmd-
um, samkvæmt heimildum Frétta-
blaðsins.
Árni Sigfússon, bæjarstjóri í
Reykjanesbæ, segir það rétt að
Norðurál vilji flýta framkvæmd-
um. Búið sé að tryggja orkusamn-
inga til að hefja framleiðslu í árs-
lok 2010 en frekar óljóst sé um
hversu fljótt náist að afla orku til
þeirrar framleiðslu sem áætluð er
í framhaldinu. „Það sem þeir eru
að leggja áherslu á er að flýta
framkvæmdum og leggja fjár-
magn inn í landið í auknum mæli.
Þeir hafa fjármagn til að halda
hratt áfram að því gefnu að orka
fáist.“
Umhverfismatið fyrir álverið í
Helguvík gerir ráð fyrir 250 þús-
und tonna framleiðslu en að sögn
Árna leyfir aðstaðan í Helguvík
um 350 þúsund tonna álver. „Ég
hef ekki upplýsingar um hugsan-
lega stækkun enda er hún bundin
nýju umhverfismati og nauðsyn-
legum leyfum að sjálfsögðu.“
Árni segir að alltaf hafi legið
fyrir áhugi fyrirtækisins um að
reisa stærra álver en 250 þúsund
tonn. „Þetta er alltaf hugsað í 120
þúsund tonna áföngum og þá er
um þrjá áfanga að ræða. Umhverf-
ismatið gerir ráð fyrir fyrsta og
öðrum áfanga og í mínum huga
snýst verkefnið um að ljúka þeim
áður en menn velta vöngum yfir
stækkun.“
Ágúst F. Hafberg, framkvæmda-
stjóri viðskiptaþróunar og sam-
skipta, segist ekki geta tjáð sig um
hvort Norðurál hafi sent inn erindi
til iðnaðarráðuneytisins. Aðspurð-
ur um hvort þróun efnahagsmála
á Íslandi og í heiminum hafi haft
áhrif á fyrirtækið svarar Ágúst að
efnahagsástandið hafi ekki haft
áhrif á fyrirtækið hingað til og
áform varðandi byggingu álvers í
Helguvík standi.
Ekki náðist í iðnaðarráðherra
við vinnslu fréttarinnar.
svavar@frettabladid.is
Norðurál fer fram á stækk-
un í Helguvík við ráðherra
Á borði Össurar Skarphéðinssonar iðnaðarráðherra liggur erindi frá Norðuráli um stækkun álversins í
Helguvík og hröðun framkvæmda. Fyrirtækið hefur tryggt fjármögnun áætlaðra framkvæmda.
HELGUVÍK FRAMTÍÐARINNAR Upphaflegar hugmyndir um álverið gerðu ráð fyrir 250
þúsund tonna framleiðslu árið 2012.
DÓMSMÁL Maður um tvítugt hefur
verið dæmdur í eins mánaðar
skilorðsbundið fangelsi fyrir
líkamsárás. Honum var gefið að sök
að hafa kýlt annan mann í andlitið
fyrir utan Draugabarinn á Stokks-
eyri með þeim afleiðingum að tönn
brotnaði.
Árásarmaðurinn játaði brot sitt
fyrir dómi.
Þá hefur rúmlega fertugur
maður verið dæmdur til að greiða
manni ríflega 130 þúsund krónur í
skaðabætur vegna líkamsárásar.
Manninum var ekki gerð refsing að
öðru leyti þar sem sannað þótti að
maðurinn sem hann réðst á hefði að
hluta átt upptök að átökunum. - jss
Héraðsdómur Suðurlands:
Dæmdir fyrir
líkamsárásir
VIÐSKIPTI „Við tjáum okkur ekki
um aðstæðurnar sem stendur,“
sagði starfsmaður útibús Lands-
bankans í Lúxemborg og skellti á í
gær skömmu eftir að spurðist út
að stjórn Landsbankans í borginni
hefði óskað eftir greiðslustöðvun.
Stjórn Glitnis í Lúxemborg hefur
sömuleiðis óskað eftir greiðslu-
stöðvun.
Fjármálaeftirlit Lúxemborgar
hefur tekið yfir stjórn beggja
banka. Starfsemi Landsbankans
hefur þegar verið lokað en Glitnir
í Lúxemborg var enn starfandi í
gær. Innistæður viðskiptavina
beggja banka hafa verið frystar.
Útibú bankanna beggja eru í
þeirra eigu en starfsemin var
þjóðnýtt á þriðjudagsmorgun eftir
að Alþingi samþykkti neyðarlög
sem heimila Fjármálaeftirlitinu
yfirtöku á stjórn þeirra.
Báðir bankarnir sinna margvís-
legri einkabankaþjónustu, eigna-
stýringu og annarri fjármálaþjón-
ustu.
Bankarnir opnuðu útibú í Lúx-
emborg árið 2003 en Landsbank-
inn tók þar yfir starfsemi Búnað-
arbankans. - jab
HORFT YFIR LÚXEMBORG Stjórnir Lands-
bankans og Glitnis í Lúxemborg hafa
óskað eftir greiðslustöðvun.
Landsbankinn og Glitnir í Lúxemborg í umsjá fjármálaeftirlitsins þar:
Bankarnir teknir yfir í Lúxemborg