Fréttablaðið - 09.10.2008, Blaðsíða 12

9. október 2008 FIMMTUDAGUR
DANMÖRK „Við búum um þrjú hundruð metrum frá
staðnum þar sem morðið var framið og það hefur
vissulega verið óþægileg nálægð.“
Þetta segir Gunnur Ósk Bjarnadóttir sem býr
ásamt manni sínum og tveimur ungum börnum í
Skovby á Jótlandi. Í síðustu viku var brotist inn hjá
eldri hjónum í Skovby. Innbrotsmennirnir gengu í
skrokk á gamla manninum og misþyrmdu honum.
Konan hans slapp hins vegar út úr húsinu og komst
undan á flótta. Þegar lögreglan mætti á staðinn var
gamli maðurinn, sem var 78 ára, látinn.
Í ágúst hafði einnig verið brotist inn hjá þessum
sömu hjónum og skotvopnum stolið. Taldi lögreglan
fullvíst að sömu menn hefðu verið að verki í báðum
tilvikum. Fjórir menn af erlendum uppruna hafa nú
verið handteknir, sterklega grunaðir um verknaðina.
„Fólk hefur náttúrulega verið í sjokki, því þetta er
svo lítill bær,“ segir Gunnur Ósk. „Hér var allt krökkt
af lögreglumönnum og gatan lokuð. Svo auglýsti lög-
reglan eftir svörtum BMW og okkur var sagt að mik-
ill fjöldi ábendinga hefði borist. Fólki er vissulega
rórra eftir að mennirnir voru handteknir.“
- jss
Íslensk kona býr skammt frá húsi þar sem morð var framið á Jótlandi:
Óþægileg nálægð við morðstað
SKOTVOPN Í fyrri atrennu ódæðismannanna var stolið skot-
vopnum sem gamli maðurinn notaði til veiða.
30%
afsláttur
Verið velkomin í Nettó
Mjódd - Salavegi - Hverafold
Akureyri - Höfn - Grindavík
...ódýrari kostur!
TILBOÐIN GILDA 9. - 12. OKTÓBER
w
w
w
.m
ar
kh
on
nu
n.
is
30%
afsláttur
50%
afsláttur
BBQ KJÚKLINGALEGGIR
439 kr/kg
626 kr/kg
TILBOÐSÍS
VANILLU OG SÚKKULAÐI
99 kr/stk.
198 kr/stk.
HAMBORGARAR
2x175g
398 kr/kg
568 kr/kg
KIMS SALTHNETUR 125g
99 kr/pk.
KIMS OSTEPOPS 165g
199 kr/pk.
FÉLAGSMÁL Gert er ráð fyrir að
Íbúðalánasjóður taki yfir íbúðalán
bankanna á óbreyttum kjörum.
„Lánin verða bara öll tekin yfir
eins og þau líta út, og það á einnig
við um erlendu lánin,“ segir Guð-
mundur Bjarnason, forstjóri
Íbúðalánasjóðs.
Jóhanna Sigurðardóttir
félags málaráðherra sagði í Frétta-
blaðinu í gær að Íbúðalánasjóður-
inn myndi taka lánin yfir með
afslætti.
Guðmundur segir að ekkert
annað komi til greina en að taka
lánin yfir á þeim kjörum sem
skuldabréfin kváðu á um í upp-
hafi. „Það er svo síðara tíma mál
ef farið yrði að skuldbreyta lánum
með einhverjum hætti eða breyta
skilmálum í tengslum við greiðsl-
u erfiðleika, en það liggur ekkert
fyrir um það á þessu stigi.“
Ekki kemur til greina að sögn
Guðmundar að taka lánin yfir á
upp hafsgengi. „Það er auðvitað
ekkert um það að ræða. Þá væri
verið að mismuna lán takendum
gríðarlega.“ Verð trygging á
inn lendum lánum annarra lántak-
enda væri þá að litlu höfð. Eins sé
það ekki fýsi legur kostur að breyta
lánunum nú þegar yfir í innlend
lán. „Mér þætti með ólíkindum ef
nokkur maður vildi það. Mér
finnst nú sennilegra að menn vilji
bíða eftir því að gengið lagist aftur
og þá lækki lánin.“
Guðmundur segir Íbúðalánasjóð
hafa ýmis úrræði lögum
sam kvæmt til þess að létta undir
með fólki í greiðsluerfiðleikum.
„Þau felast í frestun greiðslu
afborgana, svokallaðri frystingu,
að skuld breyta vanskilum og síðan
höfum við stundum lengt lánstíma
til að létta greiðslubyrði.“ Nú séu
einnig í skoðun fleiri möguleikar,
meðal annars hvort hægt sé að
lengja innheimtuferlið til að gefa
fólki meiri tíma til að koma sínum
málum í skil.
Þá segir Guðmundur að það hafi
verið rætt af alvöru hvort rétt
væri að hætta að selja húsnæði
sem Íbúða lánasjóður leysir til sín
á nauðungarsölu, og breyta því
heldur í félagslegt leiguhúsnæði.
Þannig væri hægt að forðast það
að þurfa að reka fólk út á gaddinn
sem ekki getur staðið í skilum,
auk þess sem örðugt geti reynst að
selja húsnæði við þær markaðs að-
stæður sem fyrirséðar eru á næst-
unni. Hugsanlegt væri að fela
öðrum aðila að sjá um slíkt verk-
efni fyrir sjóðinn, til dæmis
Félagsbústöðum. Allt sé þetta þó
enn á teikni borðinu.
stigur@frettabladid.is
Lán verða tekin yfir
á óbreyttum kjörum
Forstjóri Íbúðalánasjóðs segir að til að gæta sanngirni sé allt annað útilokað en
að taka íbúðalán bankanna yfir á óbreyttum kjörum. Skoðað af alvöru hvort
rétt sé að breyta íbúðum sem sjóðurinn leysir til sín í félagslegt leiguhúsnæði.
EFNAHAGSHAUSTLÆGÐ Guðmundur segist búast við því að meiri erfiðleikar fylgi
bankalánunum en hefðbundnum lánum Íbúðalánasjóðs. Þau séu hærri og erlendu
lánin mörg hver risin yfir verðmæti eignanna. FRÉTTABLAÐIÐ / E. ÓL
Lánin verða
bara öll
tekin yfir eins og
þau líta út, og það
á einnig við um
erlendu lánin
GUÐMUNDUR BJARNASON
FORSTJÓRI ÍBÚÐALÁNASJÓÐS
BANDARÍKIN, AP John McCain, sem
hefur verið að dragast aftur úr í
skoðanakönnunum, tókst ekki að
bæta stöðu sína neitt í kappræðum
við Barack Obama í fyrrinótt.
Tæpar fjórar vikur eru nú til for-
setakosninganna og fjármálakrepp-
an, sem leggst af fullum þunga á
Bandaríkin, virðist hafa fælt kjós-
endur frá McCain og Repúblikana-
flokknum eftir að hafa haft rep-
úblikanann George W. Bush í átta
ár á forsetastól.
Demókratinn Obama þótti standa
sig mun betur í kappræðunum, sem
fóru að ósk McCains fram eins og
hefðbundinn kosningafundur frek-
ar en sem sjónvarpsfundur.
Obama virkaði öruggur og stað-
fastur meðan McCain þeyttist um
sviðið og virtist ekki alveg vita
hvernig hann ætti að haga sér við
þessar aðstæður.
Obama notfærði sér óspart efna-
hagsvandræðin til að skjóta á
McCain, einkum með því að tengja
hann við efnahagsstefnu Bush for-
seta. McCain kenndi hins vegar
Obama og Demókrataflokknum um
hrun fasteignalánabankanna Fredd-
ie Mac og Fannie Mae, sem voru
upphafið að keðjuverkun fjármála-
kreppunnar sem nú er skollin á.
Síðustu kappræður forsetafram-
bjóðendanna fara fram á miðviku-
dag. - gb
Sjónvarpskappræður forsetaframbjóðendanna í Bandaríkjunum:
Obama styrkir enn stöðu sína
MCCAIN OG OBAMA Mættust í kapp-
ræðum í fyrrinótt. FRÉTTABLAÐIÐ/AP
Forsetakosningar
2008