Fréttablaðið - 09.10.2008, Blaðsíða 18

18 9. október 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 343
3.005 -1,28% Velta: 643 milljónir
MESTA HÆKKUN MESTA LÆKKUN
EIMSKIP 51,61%
BAKKAVÖR 27,16%
ALFESCA 10,21%
HLUTABRÉF Í ÚRVALSVÍSITÖLU: Alfesca 5,45 -10,21% ... Atorka
3,35 0,00% ... Bakkavör 9,79 -27,16% ... Eimskipafélagið 1,50
-51,61% ... Exista 4,62 +0,00% ... Glitnir 3,91 +0,00% ... Icelandair
Group 15,50 -2,82% ... Kaupþing 654,00 +0,00% ... Landsbankinn
19,10 +0,00% ... Marel Food Systems 71,70 -0,42% ... SPRON 1,90
+0,00% ... Straumur-Burðarás 7,08 +0,00% ... Össur 82,80 -0,36%
GENGISVÍSITALA KRÓNUNNAR: 235,20 +30,96%
Herrakvöld Fáks
11. október
Villibráðarhlaðborð. Flosi Ólafsson og Jóhannes
Kristjánsson fara með gamanmál.
Happadrætti – hnakkur í verðlaun
Alvöru diskótek að hætti Sigga Hlö
Miðar seldir á skrifstofu Fáks og Skalla Hraunbæ
Tekist á með fyndni
Um síðustu helgi þrýstu aðilar vinnumarkaðarins
á að gefin yrði út yfirlýsing um að teknar yrðu
upp viðræður um Evrópusambands- og mynt-
bandalagsaðild. „Þeim hefur löngu orðið ljóst
að íslenska krónan er ekki traustur gjaldmiðill,“
segir í nýjasta hefti Vísbendingar, en um leið
er bent á að þetta hafi nokkrir stjórnmála- og
embættismenn neitað að viðurkenna. „Spyrja
má hvers vegna allt stjórnmálalíf snúist
um að útvega erlendan gjaldeyri
fyrst krónan er svona góð. En það
er aulafyndni rétt eins og hjá
tveimur íslenskum banka-
mönnum sem settu fyrir
skömmu fram „gamanmál“
um hvort evrusinnar á Íslandi
héldu ekki að alþjóðlega
bankakreppan væri
krónunni að kenna,“
segir þar líka.
Að berja höfðinu við steininn
Í umfjöllum Vísbendinar um efnahagsástand
hér er allur almenningur sagður gera sér ljóst að
ekki sé hægt að búa við gjaldmiðil sem enginn
hafi áhuga á að kaupa eða eiga og að peninga-
kerfið sé hér lokaðra en annars staðar vegna
þess að fólk eigi erfitt með að fá nauðsynlegan
gjaldeyri til viðskipta, námsdvalar erlendis eða
ferðalaga. „Þetta ástand er
krónunni að kenna og
það myndi róa almenn-
ing ef forystumenn í
Sjálfstæðisflokknum
hættu að berja
höfðinu við
steininn og
viðurkenndu
að þeir hefðu
haft rangt fyrir
sér í gengis-
málum.“
Peningaskápurinn ...
Ótti við heimskreppu og samdrátt-
ur í olíunotkun hefur orðið til þess
að olíuverð hefur fallið mikið að
undanförnu. Tunnan af Norðursjáv-
arolíu var á 81,86 dollara og hefur
verðið ekki verið lægra í nærri ár.
Olíuverð hefur nú fallið um 40 pró-
sent síðan það náði hámarki júlí.
Sérfræðingar hjá Merrill Lynch
telja að olíuverð geti fallið niður í
50 dollara á tunnu, einkum ef
heimshagkerfið siglir inn í kreppu.
Þeir telja þó að líkur á alvarlegri
heimskreppu séu tiltölulega litlar.
Sérfræðingar Goldman Sachs telja
líklegra að olíuverð eigi eftir að
hækka aftur, og verði á bilinu 150
og 200 dollarar þegar á næsta ári.
- msh
Olíuverð ekki
lægra í heilt ár
ING Direkt, netbanki hollenska bankarisans ING,
hefur keypt netbanka Kaupþings í Bretlandi. Með
því eignast ING allar innistæður á Kaupþing Edge-
reikningum Kaupþings, en þær munu nema 2,5
milljörðum punda. Alls eiga 160.000 Bretar inni-
stæður á Kaupþing Edge.
Áður höfðu bresk stjórnvöld lýst því yfir að
dótturfélag Kaupþings í Bretlandi, Singer og
Friedlander, sem hafði umsjón með Kaupþing Edge-
reikningum Kaupþings, hefði hefði verið sett í
greiðslustöðvun að beiðni breskra stjórnvalda.
Bresk stjórnvöld hafa fryst allar eignir Landsbank-
ans í Bretlandi.
ING kaupir líka Heritable-bankann, sem var í eigu
Landsbankans, en alls munu 22.200 breskir spari-
fjáreigendur hafa átt 538 milljónir punda á reikning-
um hjá bankanum. Icesave-reikningar Landsbank-
ans eru ekki hluti kaupanna, en alls eiga 300.000
manns um 4,8 milljarða punda á þeim reikningum.
Fjármálaráðuneyti Bretlands hefur lýst því yfir
að það muni gangast í fulla ábyrgð fyrir innistæðum
á Icesave-reikningum, en Gordon Brown, forsætis-
ráðherra Breta, lýsti á mivikudag yfir furðu sinni á
því að Íslendingar neituðu að taka ábyrgð á inni-
stæðum Landsbankans í Bretlandi, og hótaði að
bresk stjórnvöld myndu leita allra leiða til að neyða
Íslendinga til að standa við skuldbindingar sínar.
Brown vísaði þar að líkindum til ummæla Davíðs
Oddssonar seðlabankastjóra í Kastljósi á þriðjudag,
en þar sagði Davíð að ekki kæmi til greina að ríkið
greiddi allar skuldir bankanna.
Geir H. Haarde sagði á blaðamannafundi á
miðvikudag að eignir Landsbankans myndu nægja
fyrir skuldbindingum bankans í Bretlandi og að nú
væri unnið að lausn málsins í góðri samvinnu
ríkisstjórna landanna. - msh
Kaupþing selur EDGE í
Bretlandi til ING Direct
Ingibjörg Sólrún Gísladóttir utan-
ríkisráðherra sló því föstu í sam-
tali við danska blaðið Berlingske
Tidende 14. apríl sl. að allir bankar
landsins gætu reiknað með stuðn-
ingi frá ríkisvaldinu lentu þeir í
vandræðum.
Utanríkisráðherra sótti Dan-
mörku heim í apríl í því skyni að
efla ímynd íslensks fjármálakerfis
á alþjóðavettvangi og flutti meðal
annars fyrirlestur um íslensku
bankana og styrkleika þeirra. Á
sama tíma fundaði Geir H. Haarde
forsætisráðherra um sömu mál á
New York og svaraði spurningum
fjölmiðlafólks.
Ingibjörg Sólrún sagði í viðtalinu
að ríkisstjórn
Íslands væri
reiðubúin að
styðja bankana
beint með fram-
lögum úr ríkis-
sjóði og einnig
til þess að auka
gjaldeyrisvara-
sjóð landsins.
Hún hafnaði
því að bankarn-
ir kæmust í þrot
áður en lausafjárkreppunni á
alþjóðamörkuðum lyki og sagði að
stjórnvöld myndu ekki láta það líð-
ast að bankarnir yrðu gjaldþrota,
eins og staðan væri. - bih
Sagði bankana geta
reiknað með stuðningi
Utanríkisráðherra fundaði um stöðu bankanna í
Danmörku í apríl og forsætisráðherra í Ameríku.
INGIBJÖRG SÓLRÚN
GÍSLADÓTTIR
Gengi krónunnar féll um
þrjátíu prósent á gjald-
eyrismarkaði í gær eftir
að Seðlabankinn lét af
misheppnaðri tilraun til að
festa gengi hennar.
„Þetta var hagfræðilegur barna-
skapur,“ segir Þórólfur Matthías-
son, prófessor við Háskóla Íslands,
um misheppnaða tilraun Seðla-
banka Íslands til að festa gengi
krónunnar í viðskiptum sínum á
millibankamarkaði.
Gengi krónunnar féll um rúm
þrjátíu prósent á gjaldeyrismark-
aði í gær eftir að Seðlabanki
Íslands lét af tilraun sinni til að
festa gengi krónunnar við gengis-
vísitöluna 175. Það samsvarar 131
krónu fyrir evruna. Seðlabankinn
hafði gripið til þess ráðs í fyrra-
dag en þótti svo „ljóst að stuðning-
ur við það gengi er ekki nægur“
eins og sagði í tilkynningu frá
Seðlabankanum.
Þetta fasta gengi endurspeglaði
aldrei raunveruleikann á markaði.
Mikill munur hefur verið á geng-
isskráningu krónunnar og nær
ómögulegt að átta sig á hvers virði
íslenska krónan er. Undir venju-
legum kringumstæðum gengur
krónan kaupum og sölum á ekki
ósvipuðu gengi og gengisvísitala
Seðlabankans segir til um. Í því
árferði sem nú ríkir fara viðskipti
með krónuna hins vegar að mestu
leyti fram utan við hefðbundna
markaði, beint á milli markaðsað-
ila.
Þórólfur segir að þegar seðla-
banki segist festa gengi, þá felist í
því yfirlýsing um að tryggja við-
skipti með gjaldmiðil á tilteknu
gengi „í ótakmörkuðu magni.
Bankinn verður að vera tilbúinn
til að halda uppi umtalsverðum
viðskiptum,“ segir Þórólfur, en
alls seldi Seðlabankinn sex millj-
ónir evra fyrir krónur á þessu
gengi.
Geir H. Haarde sagði á blaða-
mannafundi í gær að gengi krón-
unnar myndi sveiflast áfram
næstu daga, á meðan óvissa ríkir í
efnahagsmálum þjóðarinnar, líkt
og sérfræðingar hafa einnig
bent á. holmfridur@markadurinn.is
„Hagfræðilegur barna-
skapur“ að festa gengið

ÞÓRÓLFUR MATTHÍASSON PRÓFESSOR
Kallar tilraun Seðlabankans „hagfræði-
legan barnaskap“.
„Viðskipti með bréf Kaupþings
áttu að hefjast í morgun [í gær} en
hætt var við það eftir fárviðrið í
tengslum við Icesave-reikning
Landsbankans,“ segir Þórður Frið-
jónsson, forstjóri Kauphallarinn-
ar.
Viðskipti með hlutabréf Kaup-
þings, Landsbankans, Glitnis,
Spron, Straums og Existu voru
stöðvuð á mánudag. Viðskipti hóf-
ust með bréf Kaupþings á markaði
í Stokkhólmi í Svíþjóð í gærmorg-
un og féll gengi bréfa í bankanum
um 34 prósent.
Þórður segir margt óskýrt með
framtíð hinna fjármálafyrirtækj-
anna í Kauphöllinni en væntir þess
að það skýrist á næstu dögum.
Þórður segir að sé litið til ann-
arra fyrirtækja en þeirra sem
tengist fjármálageiranum sé ljóst
að þau hafi átt undir högg að sækja
vegna óróans nú um stundir. „Það
er ekki að öllu leyti sanngjarnt þar
sem verðmætasköpun þeirra er
mikil, tekjur í erlendum gjaldeyri
og þau háð öðrum lögmálum en
fjármálafyrirtækin. Þau ættu við
þessar aðstæður að standa mjög
vel,“ segir hann og undrast að
gengi íslenskra fyrirtækja sem
selji vöru og þjónustu erlendis
hafi lækkað upp á síðkastið á sama
tíma og gengi krónunnar fellur.
„Það virðist sem vantrú fjárfesta
á fjármálalífinu bitni á þessum
fyrirtækjum.“ - jab
ÞÓRÐUR FRIÐJÓNSSON Forstjóri Kaup-
hallarinnar segir hefðbundin fyrirtæki
á markaði eiga framtíðina fyrir sér á
næstu misserum. FRÉTTABLAÐIÐ/E.Ó.L.
Kaupþingsbréfin enn í salti
Órói vegna Icesave-reikningsins tefur viðskipti með hlutabréf Kaupþings.