Fréttablaðið - 09.10.2008, Blaðsíða 57

FIMMTUDAGUR 9. október 2008
Lag bresku rokksveitarinnar
Oasis, The Turning, þykir sláandi
líkt laginu Devil Woman með
Cliff Richard. „Ég heyri alveg
líkindin,“ sagði Janine Castle,
meðlimur alþjóðlegu Cliff
Richard-samtakanna. „Það er
kominn tími til að Cliff fái
viðurkenningu fyrir snilli sína á
tónlistarsviðinu.“
Tvívegis hafa hinir Bítlalegu
Oasis verið dæmdir fyrir
lagastuld og þurft að láta af
hendi fúlgur fjár. Lagið Whate-
ver þótti of líkt How Sweet to Be
an Idiot með hljómsveitinni The
Bonzo Dog Doo-dah Band og
lögunum Shakermaker og I´d
Like to Teach the World to Sing
með New Seekers þótti svipa
óeðlilega mikið saman.
Sakaðir um
lagastuld
CLIFF RICHARD Rokkararnir í Oasis
eru sakaðir um að hafa stolið frá Cliff
Richard. FRÉTTABLAÐIÐ/ANTON BRINK
Ghosts From the Past, nýjasta
plata hljómsveitarinnar Bang
Gang, kemur út í Kína og Taívan
um miðjan mánuðinn. Er þetta í
fyrsta skipti sem Bang Gang
kemst inn á þessa markaði.
Nú styttist í að Bang Gang hiti
upp fyrir frönsku sveitina Air í
tveimur klassískum tónleikahöll-
um í borgunum Reims og París
10. og 11. október. Eins og
Fréttablaðið greindi frá í ágúst
verða tónleikarnir óhefðbundnir
að því leyti að þeir verða
órafmagnaðir hjá báðum
hljómsveitunum. Uppselt var á
tónleikana fyrir langalöngu.
Útgáfa í Kína
og Taívan
BARÐI JÓHANNSSON Forsprakki Bang
Gang gefur út nýjustu plötu sína í Kína
og Taívan um miðjan mánuðinn.
Baggalútsmenn eru hvergi af baki dottnir því tvær
plötur eru væntanlegar úr þeirra herbúðum á næst-
unni. Á mánudaginn kemur í búðir ný barnaplata
Braga Valdimars Skúlasonar og Kidda í Hjálmum,
sem nefnist Gilligill, og um það bil mánuður er í
næstu plötu Baggalúts, Nýjasta nýtt. Sú plata er alls-
herjar gleðiplata, að sögn Braga Valdimars, enda
veiti ekki af því í dag. „Ég vona að þegar fólk hættir
að kaupa rolex-úrin og jeppana fari það kannski að
kaupa plötur í staðinn, það er okkur í hag. Við vonum
bara að hlutirnir haldist innan við tuttugu þúsund
kallinn,“ segir hann. Á meðal gesta á barnaplötunni
verða Björgvin Halldórsson, Egill Ólafsson, Magga
Stína, Bogomil Font og Snorri í Sprengjuhöllinni.
Baggalútsmenn hafa farið mikinn á heimasíðu
sinni að undanförnu, enda af nógu að taka úr íslensku
efnahagslífi. „Það er búið að auka gullforða Bagga-
lúts mikið á undanförnum vikum og mánuðum. Dem-
antanámurnar okkar eru tryggar og við vorum ekki
mikið í hlutabréfaviðskiptum, bara áttuðum okkur
eiginlega ekkert á því,“ segir Bragi. „Það eru engir
stórir bankar í okkar eigu, alla vega ekki heima,
þannig að við erum ágætlega sáttir. Nú er bara að
kaupa niðursuðuvörur og grófa skóflu og grafa sig í
jörð.“ - fb
Plötur í stað rolex og jeppa
BAGGALÚTUR Strákarnir í Baggalúti fylgjast náið með fram-
vindu mála í íslensku efnahagslífi.
Útgáfutónleikar Motion Boys á Nasa í kvöld! Aðeins 1500 kr. inn
og platan fylgir með eða aðeins 500 kr. Sérstakir gestir eru Sprengjuhöllin.
GÓÐIR ÍSLENDINGAR!
ÞAÐ ER KOMIÐ AÐ ÞVÍ!
PLATAN MEÐ
MOTION BOYS
ER KOMIN ÚT!
Inniheldur m.a lögin
Hold Me Closer To your Heart,
Waiting To Happen,
Queen Of Hearts
og Five 2 Love.