Fréttablaðið - 13.10.2008, Blaðsíða 8

8 13. október 2008 MÁNUDAGUR
KENNARI NÁMSKEIÐSINS, SIGURÐUR JÓNSSON, LÆRÐI
LJÓSMYNDUN Í SCHOOL OF VISUAL ARTS Í NEW YORK
OG ÖÐLAÐIST MEISTARARÉTTINDI Í LJÓSMYNDUN ÁRIÐ
1989. HANN HEFUR HALDIÐ NÁMSKEIÐ Í STAFRÆNNI
MYNDVINNSLU FYRIR LJÓSMYNDARAFÉLAG ÍSLANDS,
LISTAHÁSKÓLA ÍSLANDS, MARGMIÐLUNARSKÓLANN,
IÐNSKÓLANN Í REYKJAVÍK OG NÚ Í 4 ÁR HJÁ NTV.
FYRIR HVERJA?
Námskeiðið er ætlað þeim sem vinna við
grafík og stafræna myndvinnslu og vilja ná
dýpri þekkingu og skilningi á nær óendan-
legum möguleikum þessa flotta verkfæris.
Námið er undirbúningur fyrir alþjóðlegt próf
sem gefur gráðuna: Adobe Certified Expert.
INNTÖKUSKILYRÐI
Þeir sem ætla í þetta nám þurfa að hafa
einhverja reynslu í Photoshop og undir-
stöðuþekkingu á Windows umhverfinu.
Einnig þarf góða enskukunnáttu þar sem
flest námsgögn eru á ensku.KENNSLUTILHÖGUN
Mánudaga og miðvikudaga 18-22.
Byrjar 22. okt. og lýkur 1. des.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
PHOTOSHOP EXPERT
- ALVÖRU PHOTOSHOP NÁMSKEIÐ -
PHOTOSHOP EXPERT
Við hjá NTV leyfum okkur að fullyrða að
þetta sé eina námskeiðið sem uppfylli
kröfur þeirra sem einhverja reynslu
hafa í Photoshop. Námskeiðið er yfir-
gripsmikið þar sem mikið er lagt upp úr
þeim þætti sem snýr að eftirvinnslu s.s.
litgreiningu, prófílum, upptöku aðgerða,
skipulag, meðferð RAW skráa, og öllum
þeim aðgerðum sem áður fyrr voru fram-
kvæmdar í myrkrakompu.
1. Hver stóð í marki íslenska
landsliðsins í knattspyrnu sem
lék gegn því hollenska á laugar-
daginn var?
2. Hvað heitir fjármála-
ráðherra Bretlands?
3. Hver sagðist ekki vilja láta
kalla sig „óreiðumann“ á
flokksráðsfundi Sjálfstæðis-
flokksins?
SVÖRIN ERU Á SÍÐU 26
LÖGREGLUMÁL Það eru fleiri en
bara peningamenn þjóðfélagsins
sem fá að kenna á kreppunni eins
og sannaðist á miðvikudag þegar
Einar Steindórsson fisksali á
Freyjugötu mætti til vinnu sinn-
ar. Um nóttina hafði þjófur brot-
ist inn í verslunina og stolið sér
tugum kílóa af fiski í soðið.
„Það voru tekin einhver tíu kíló
af harðfiski og svo bara nýr fisk-
ur sem var bara inni í kæli, svona
fimmtíu kíló af fiskflökum,“
segir Einar. Harðfiskur er ein-
hver dýrasti matur sem völ er á
og er verðmæti tíu kílóa líkast til
um og yfir 50 þúsund krónur.
Einar segist tryggður fyrir skað-
anum, en er samt hissa. „Við
erum búin að vera hérna í sautj-
án ár og þetta er nú í sjötta skipti
sem er brotist inn hjá okkur, en
það hefur aldrei verið stolið af
okkur ferskum fiski áður,“ segir
Einar.
Að sögn Einars væri afar erfitt
fyrir þjófinn að koma fiskmetinu
í verð annars staðar. „Þetta hlýt-
ur að fara bara beint í frystikist-
una hjá honum,“ segir hann.
En tiltrú fólks á íslensku krón-
una virðist ekki að fullu þorrin
enn, því þjófurinn hafði einnig á
brott með sér örfá þúsund króna
í skiptimynt úr peninga kassan-
um. - sh
Þjófur snýr sér rakleiðis að matvörunni þegar kreppir að í efnahagnum:
Stal tugum kílóa af fiski í soðið
TRYGGÐ Fisksalarnir Einar Steindórsson
og Þóra Egilsdóttir voru tryggð fyrir
tjóninu. FRÉTTABLAÐIÐ / GVA
BANDARÍKIN 106 ára gömul
bandarísk nunna verður að öllum
líkindum elsti kjósandinn í
forsetakosningunum í Bandaríkj-
unum í nóvember.
Cecile Gaudette hefur búið í
klaustri á Ítalíu í fimmtíu ár og
kaus síðast í forsetakosningum
árið 1952.
Hún segist þó fylgjast með
dagblöðum og horfa á sjónvarp
frá föðurlandinu.
Nú hefur hún ákveðið að kjósa
á ný til þess að geta stutt Barack
Obama.
Henni þykir hann vera góður
maður og treystir honum til að
koma á friði í heiminum. - þeb
Hefur ekki kosið í 50 ár:
106 ára nunna
kýs Obama
UTANRÍKISMÁL Ólafur Ragnar
Grímsson, forseti Íslands, mun af
heilsufarsástæðum ekki fara til
New York til að taka þátt í loka-
spretti kosningabaráttunnar fyrir
setu í öryggisráði Sameinuðu þjóð-
anna árin 2009-2010, en atkvæði
verða greidd um hana á allsherjar-
þingi samtakanna næstkomandi
föstudag.
Þetta staðfesti
Kristín A. Árna-
dóttir, sem stýrt
hefur kosninga-
baráttunni fyrir
hönd íslenskra
stjórnvalda, í sam-
tali við Fréttablað-
ið. Ísland keppir
við Tyrkland og
Austurríki um tvö
laus sæti í ráðinu
en undirbúningur
framboðsins hefur staðið yfir í
áratug. Til hans hefur verið varið
nokkuð á þriðja hundrað milljóna
króna.
„Það starf sem búið er að vinna
hefur orðið til að auka trú og
traust á Íslendingum,“ segir Krist-
ín. Það muni reyna á það í þessum
kosningum.
„Ef við verðum kjörin til setu í
öryggisráðinu felst í því mikil
traustsyfirlýsing og við þurfum
að geta staðið undir því trausti,
sérstaklega þegar illa gengur
heima fyrir. Við finnum það að
viðmælendur okkar hér hafa
mikla trú á Íslandi.“ Að mati Krist-
ínar er seta í öryggisráðinu „nán-
ast eins og að fá sæti í ríkisstjórn
heimsins“. Hún hafi „trú á því að
það verði okkur lyftistöng í marg-
víslegu tilliti ef svo blessunarlega
færi að við ynnum kosningarnar“.
Kristín segir að seta í ráðinu
myndi „vissulega reyna dálítið á
okkur“ en hún hafi enga trú á öðru
en að Íslendingar geti skilað því
starfi af fagmennsku.
Gunnar Pálsson sendiherra,
sem var fastafulltrúi Íslands hjá
SÞ á árunum 1994-1998, hefur átt
samtöl við fastafulltrúa margra
erlendra ríkja hjá SÞ í New York.
Spurður hvort hann hafi orðið
þess var að fréttirnar af banka-
kreppunni hér hafi haft áhrif á
afstöðu fulltrúanna gagnvart
Íslandi sem öryggisráðsframbjóð-
anda segist hann ekki hafa orðið
þess var.
„Áhuginn beinist ekki fyrst og
fremst að Íslandi vegna efnahags-
vandræðanna, heldur hefur
athyglin dregist að Íslandi vegna
þess að það er í framboði til
öryggisráðsins,“ segir Gunnar.
Vissulega spyrji margir hvað sé
að gerast á Íslandi og hvernig
íslenzk stjórnvöld séu að bregðast
við. „En ég hef ekki í einu einasta
samtali sem ég hef átt við fulltrúa
erlendra ríkja hér orðið þess var
að menn hafi verið að spyrja leið-
andi spurninga eða gera því skóna
að þetta væri að gera Íslandi erfitt
fyrir í tengslum við framboðið.“
audunn@frettabladid.is
Öryggisráðs-
kjör myndi
auka traust
Forseti Íslands verður af heilsufarsástæðum fjar-
verandi endasprett kosningabaráttunnar til setu í
öryggisráði SÞ. Talsmenn framboðsins segjast munu
reyna á traust þjóða heims í atkvæðagreiðslunni.
KRISTÍN A.
ÁRNADÓTTIR
ÖRYGGISRÁÐIÐ „Nánast eins og að fá sæti í ríkisstjórn heimsins,“ segir Kristín.
LJÓSMYND/SÞ
Hringdu í síma
ef blaðið berst ekki
VEISTU SVARIÐ?