Fréttablaðið - 13.10.2008, Blaðsíða 16
13. október 2008 MÁNUDAGUR2
Trúarlegir hlutir geta verið heimilisprýði
Á MEÐAN ÞJÓÐIN ER Í EFNAHAGSSÁRUM BIÐJA LANDSFEÐURNIR GUÐ AÐ BLESSA
ÍSLAND.
Trúarlegir hlutir eru heimilisprýði, auk þess að veita andlega uppörvun og vellíð-
an. Í Kirkjuhúsinu fást einkar sjarmerandi, handunnir krossar frá El Salvador og
Filippseyjum. Þeir falla undir sömu hugmyndafræði, sem er Fair Trade - sanngjörn
viðskipti, þar sem framleiðendur fá sanngjörn laun fyrir vinnu sína.
Sögu þeirra má rekja til borgarastyrjaldar í El Salvador, þegar stjórnvöld hnepptu
saklausar konur í fangelsi til að brjóta mannréttindabaráttu á bak aftur. Konur í sam-
kirkjulegum félagsskap sýndu þeim þá samstöðu sem leiddi til lausnar kvenfanganna.
Í þakkarskyni sendu þær kristnum vinkonum sínum krossa sem þessa, og var fljótlega
beðið um fleiri til kaups. Þegar stríðinu lauk sköpuðu kirkjukonurnar skæruliðum tækifæri
til menntunar og kenndu þeim að mála krossa. Krossarnir eru tákn vonar og trúar. Þeir
bera með sér veruleika sem er okkur víðs fjarri, um leið og þeir sýna að manneskjurnar eru
alls staðar eins. - þlg
„Við ákváðum að halda námskeið
um lífsleikni og meðhöndlun efnis-
legra gæða vegna þess að lífið er
áhugavert og lífsleikni mikilvæg í
öllum aðstæðum. Jafnt í góðæri
sem hallæri,“ segir séra Bjarni
Karlsson sóknarprestur í Laugar-
neskirkju, sem næstu fjögur þriðju-
dagskvöld stendur fyrir fræðslu-
kvöldum undir kjörorðinu
Hagkvæmur rekstur og heimasæla:
um aðferðir til að lifa spart en vel.
„Þetta eru ekki samkomur þar
sem fólk snýtir sér yfir vesöldinni
heldur kemur það saman á jákvæð-
um, uppréttum forsendum og eflir
sig í lífsleikni, æðruleysi og raun-
særri lífsafstöðu, sem við höfum
mörg gleymt í góðærinu. Þar er
mitt hlutverk að rifja upp visku
trúararfsins, þar sem af mörgu
stórkostlegu er að taka,“ segir séra
Bjarni og leggur áherslu á að krist-
in trú skaffi ekki skyndplástra á
svöðusár lífsins.
„Það góða við Guðs þekkingu er
hagnýting og hún blekkir ekki. Það
mun reynast drjúgt veganesti
þegar við þurfum að tala saman
þjóðfélagið upp á nýtt. Eigum við
að binda það uppgjör böndum ásak-
ana og sektarkenndar? Hvert á inn-
takið að vera í samskiptum þjóðar-
innar við sjálfa sig og umheiminn?
Þar þurfum við öll að leggjast á
eitt, skila landinu til barna okkar
með sæmd og víst að þar mun reyn-
ast best sú viska sem við eigum í
heilagri ritningu,“ segir séra Bjarni
og bendir á að nú sjáist betur en
nokkru sinni að viðskipti eru sam-
skipti, en ekki andlitslaus markað-
ur með sálarlausum samsteypum
sem hafnar eru yfir öll gildi.
„Í þeirri gegndarlausu þenslu og
hraða sem við lifðum voru gild rök
að segja við almenning að honum
kæmu viðskipti ekki við. Þetta væri
bara markaðurinn. Nú höfum við
staðfest fyrir augum okkar að veru-
leikinn er einn og við öll erum aðil-
ar að honum. Við þurfum því að
svara hvernig við ætlum að byggja
upp samfélag þar sem réttlæti, skil-
virkni, gegnsæi og heiðarleiki
ræður ríkjum,“ segir séra Bjarni
sem prédikar djúpa visku Biblíunn-
ar í fræðslu sinni.
„Ég svara hvaða viska býr á bak
við fornt Faðir vorið, í orðunum
„gef oss í dag vort daglegt brauð“
og hvað býr að baki trúarlegri vitn-
eskju sem býr innra með okkur
öllum. Meira að segja tryggingar-
félög segja: „Heimilið er heilagt,“
sem er sannleikur, en við þurfum
að ræða hvað gerir heimili að helg-
um vettvangi, hvort það sé á mark-
aði til kaups, og fari í súginn ef
efnahagurinn riðlast? Nú er því
tími til að enduruppgötva heimilið
sem helgidóm og að matur á disk-
um er gjöf en ekki gróði, eins og
lífið sjálft. Þetta veit heilbrigð
skynsemi. Ekki Guðsorðagjálfur
heldur hagnýt Guðsþekking, sem
er harð praktísk í glímu okkar við
veruleikann og lífið þegar við þurf-
um að standa í fæturna og höfum
ekki góðæri til að halda okkur á
floti. Þá er gott að rifja upp þætti
tilverunnar sem raunverulega eru
undirstaða hamingju og farsæld-
ar.“
Sjá nánar á www.laugarnes-
kirkja.is. thordis@frettabladid.is
Viðskipti eru samskipti
Þegar hvert áfallið rekur annað í íslensku þjóðlífi og brimskaflar efnahagslífsins ætla alla að kaffæra
gefast tækifæri til að æfa sig í æðruleysi og lífsleikni á erfiðum tímum með Guðs þekkingu að vopni.
Ef eldhúsborðið er
farið að láta á sjá er
heillaráð að hressa
upp á það. Ef borðið
er ekki gert úr málmi
getur verið bæði fal-
legt og hagkvæmt
að flísaleggja það. Þá
er mikilvægt að nota
vatnsþolið lím og
fylla vel á milli flísa,
þá minnkar viðhald-
ið. Veggklæðning úr
sama efni fyrir ofan
vask fer einkar vel.
500 hollráð:
handbók
heimilisins
Séra Bjarni Karlsson
í Laugarneskirkju
minnir fólk á visku
heilagrar ritningar
á erfiðum tímum,
kennir lífsleikni og
æðruleysi og heldur
hagnýt fræðslukvöld
fjóra næstkomandi
þriðjudaga.
FR
ÉT
TA
B
LA
Ð
IÐ
/H
A
R
I
ÓÞARFI er að henda gömlum skókössum. Kassana er til dæmis hægt
að mála í skemmtilegum litum, skera því næst út skapalón, mála þau
og þrykkja á kassana svo úr verði skemmtilegt box. Í þeim má
síðan geyma ýmsa muni, til dæmis skartgripi og þvíumlíkt.
Meirapróf
Upplýsingar og innritun í síma 567 0300
Miðvikudaga og laugardaga