Fréttablaðið - 13.10.2008, Blaðsíða 33
MÁNUDAGUR 13. október 2008 21
HVAÐ? HVENÆR? HVAR?
Mánudagur 13. október 2008
➜ Fyrirlestrar
12.30 Katrín Sigurðardóttir flytur
hádegisfyrirlestur um eigin verk í
stofu 024 í húsnæði myndlistar-
deildar LHÍ, Laugarnesvegi 91.
➜ Námskeið
Vertu þinn eigin stílisti Hildur Inga
Björnsdóttir verður með námskeið í
Gerðubergi á þriðjudags og fimmtu-
dagskvöldum í Gerðubergi. Næsta
námskeið hefst á morgun. Nánari
upplýsingar og skráning á www.xir-
ena.is. Gerðuberg, Gerðubergi 3-5.
➜ Uppboð
18.00 Galleri Fold, Rauðarárstíg
12-14, verður með listmunauppboð
í kvöld.
➜ Myndlist
Myndverk án titils Ólafur Lárusson
sýnir í verslun og veitingastofu
Þjóðmenningarhússins, Hvefisgötu
15. Sýningin er opin alla daga frá kl.
11.00-17.00.
Upplýsingar um viðburði sendist á
hvar@frettabladid.is
Fyrsta plata rokksveitarinnar Guns N´Roses í
fimmtán ár, Chinese Democracy, er væntanleg í
verslanir 23. nóvember. Nýjasta lag sveitarinnar,
Shackler´s Revenge, verður fyrst gefið út á plötu
með lögum úr tölvuleiknum Rock Band 2. Einnig
hljómar annað lag af plötunni, If the World, í lok
kvikmyndarinnar Body of Lies með Leonardo
DiCaprio og Russell Crowe í aðalhlutverkum.
Á sama tíma og platan kemur út verður gefin
út vínylendurútgáfa af fyrstu plötu Guns
N´Roses, Appetite For Destruction, sem kom út
1987. Útgáfu Chinese Democracy hefur ítrekað
verið frestað um árin og telja menn að um sé að
kenna fullkomnunaráráttu forsprakkans Axl
Rose. Síðast átti platan að koma út í mars á
síðasta ári en ekkert varð af því.
Framleiðandi drykkjarins Dr. Pepper hét því
fyrr á árinu að gefa öllum Bandaríkjamönnum drykk ef platan kæmi
út á þessu ári og miðað við nýjustu fregnir þarf hann að standa við
orð sín.
Chinese í nóvember
AXL ROSE Söngvari
Guns N´Roses virðist
loksins vera orðinn
sáttur við hljóminn á
Chinese Democracy.
Snillingurinn Sacha Baron Cohen,
heilinn á bak við Borat og Ali G,
vinnur nú að sinni nýjustu mynd.
Þar verður samkynhneigða
austurríska tískulöggan Bruno í
aðalhlutverki. Sacha hefur sést á
evrópskum tískusýningum að
undanförnu, bæði í París og
Mílanó. Honum gengur þó sífellt
verr að plata fólk upp úr skónum
og hefur þurft að hætta við
nokkrar tökur þegar „fórnar-
lömbin“ hafa þekkt hann. Ef allt
gengur að óskum ætti myndin að
verða frumsýnd í maí á næsta ári.
Gengur verr
að plata
SACHA SEM BRUNO
Stimamjúki risinn Antony hefur
loks tilkynnt um næstu plötu. Hún
heitir The Crying Light og á að
koma út í janúar.
Þetta verður
fyrsta platan hans
í fjögur ár.
Antony sló í gegn
með plötunni I am
a bird now sem
kom út 2005.
Antony hitar upp
fyrir stóru
plötuna með fimm
laga plötunni Another Light sem
er nýkomin út. Hún hefur fengið
mjög góða dóma.
Antony með
nýja plötu
ÍSLANDSVINUR-
INN ANTONY
Ólöf Arnalds spilaði nýverið á
þrennum tónleikum í New York.
Tónlistarsjóðurinn Kraumur og
íslenski konsúllinn í New York lögðu
Ólöfu lið og ferðin tókst með ein-
dæmum vel.
Fyrstu tónleikarnir voru á tónlist-
arhátíð á vegum útvarpsstöðvarinn-
ar East Village Radio þar sem Boris
og Mark Ronson komu einnig fram.
Næst spilaði Ólöf í tónlistarklúbb-
num Le Poisson Rouge með Skúla
Sverrissyni og fluttu þau lög af plöt-
um sínum Sería og Við og við. Upp-
selt var á tónleikana og fengu þeir
frábæra dóma á hinum ýmsu vef-
miðlum og bloggsíðum. Hinn virti
útvarpsmaður John Shaefer á
WNYC gerði plötum Ólafar og Skúla
jafnframt hátt undir höfði og lýsti
yfir áhuga á að bjóða Ólöfu í einn af
þáttum sínum, New Sounds, þar
sem upprennandi tónlistarmenn eru
kynntir til sögunnar.
Lokatónleika ferðalagsins hélt
Ólöf með Sam Amidon og Kríu
Brekkan. Hlutu þeir mjög góða
dóma í Paste Magazine, sem hafði
áður valið Við og við í 38. sæti af
hundrað bestu plötum síðasta árs.
Ólöf Arnalds vinnur nú að næstu
plötu auk þess sem hún mun spila á
Womex-heimstónlistarhátíðinni
sem verður haldin í Sevilla um
næstu mánaðamót. Verður hún
fyrsti íslenski tónlistarmaðurinn til
að spila á hátíðinni.
Frábærar viðtökur í New York
Í NEW YORK Ólöf Arnalds á tónleikum
sínum í klúbbnum Le Poisson Rouge í
New York. Ferð hennar til borgarinnar
heppnaðist einkar vel. MYND/GABI PORTER
Kringlunni · Sími 553 3536
ALLAR VÖRUR Á 40% AFSLÆTTI