Fréttablaðið - 14.10.2008, Blaðsíða 8
8 14. október 2008 ÞRIÐJUDAGUR
Skógarhlíð 18 • sími 595 1000
Akureyri • sími 461 1099 • www.heimsferdir.is
HÚSNÆÐISMÁL Óljóst er hvenær,
hvernig og þá hvaða íbúðalán í
erlendri mynt verða flutt frá
bönkunum til Íbúðalánasjóðs.
Einar Örn Stefánsson, umsjónar-
maður kynningar- og markaðs-
mála hjá Íbúðalánasjóði, segir að
bankarnir verði sjálfir að óska
eftir því að Íbúðalánasjóður kaupi
íbúðalán bankanna í erlendri
mynt. Einstaklingarnir eigi ekki
að gera það.
Einstaklingar hafa verið í sam-
bandi við bankana upp á síðkastið
til að óska eftir upplýsingum um
það hvort, hvernig og hvenær
íbúðalánin verða flutt yfir til
Íbúðalánasjóðs. Einar Örn segir
að verið sé að móta fyrirkomulag-
ið og væntanlega muni félags-
málaráðherra kynna það fljótlega,
jafnvel nú í vikunni. Einstakling-
arnir sjálfir geti ekki beðið um
þetta heldur sé ætlast til að bank-
arnir geri það.
„Það eru ekki einstaklingarnir
sjálfir sem geta beðið um þetta og
það er heldur ekki Íbúðalánasjóð-
ur sem biður um þetta heldur eru
það viðkomandi fjármálastofnan-
ir sem biðja um að flytja lánin til
Íbúðalánasjóðs,“ segir hann.
„Væntanlega verða lánin yfirtek-
in á þeim kjörum og forsendum
sem samið var um í upphafi, það
er það eina sem við vitum í augna-
blikinu því ekki er búið að ganga
frá þessu.“
Einar Örn segir að séu lánin
hærri en hámarkslánin hjá Íbúða-
lánasjóði þá verði að breyta regl-
um en ekki hafi verið gengið frá
því. Þó sé búið að ákveða að regl-
ur Íbúðalánasjóðs um greiðsluerf-
iðleika gildi um þessi lán eins og
önnur lán sjóðsins og því verði
hægt að semja um skuldbreyt-
ingu, frestun á greiðslum, frestun
vegna sölutregðu og lengingu lána
og svo framvegis. „Þetta mun allt
gilda um þessi lán eins og þau lán
sem fyrir eru,“ segir hann.
Már Másson, upplýsingafulltrúi
Glitnis, segir að viðskiptavinir
bankans hafi mikið samband við
bankann til að ræða stöðu sína
almennt, leita sér ráðgjafar og
kynna sér hvernig verði með
íbúðalánin. Fyrir liggi yfirlýsing
frá yfirvöldum þar sem gert sé
ráð fyrir að íbúðalánin flytjist
yfir til Íbúðalánasjóðs en að öðru
leyti sé ekkert vitað. Þetta sé
væntanlega eitthvað sem stjórn-
völd vinni í samstarfi við bankana
og Íbúðalánasjóð.
ghs@frettabladid.is
Reglur um flutning
íbúðalána í mótun
Ljóst er að bankarnir verða að óska eftir flutningi íbúðalána í erlendri mynt til
Íbúðalánasjóðs. Að öðru leyti er óljóst hvernig og hvenær verður að því staðið.
Fólk hringir mikið í bankana til að spyrjast fyrir. Von er á svörum í vikunni.
REGLUNUM VERÐUR AÐ BREYTA Gert er ráð fyrir að það séu ekki einstaklingar sjálfir
sem biðja um flutning íbúðalána í erlendri mynt til Íbúðalánasjóðs heldur bankarnir.
Ef íbúðalánin eru hærri en hámarkslán sjóðsins verður að breyta reglunum. Vonast
er til að hægt verði að kynna flutningsfyrirkomulagið í vikunni.
LÖGREGLUMÁL Mikið álag er nú á
fíkniefnadeild lögreglunnar á höf-
uðborgarsvæðinu, að sögn Karls
Steinars Valssonar, yfirmanns
deildarinnar. Sjö manns sitja nú í
gæsluvarðhaldi vegna rannsókn-
ar á þremur fíkniefnamálum, þar
af tveimur mjög stórum. Um er að
ræða tvö stór smyglmál, þar sem
reynt var að smygla miklu magni
af fíkniefnum með ferjunni Nor-
rrænu, annars vegar í húsbíl og
hins vegar í fólksbifreið. Þá rann-
sakar lögregla mál er varðar
fíkniefnasendingu sem tollgæslan
tók.
„Við erum í kapphlaupi við tím-
ann þegar við erum með menn í
svona stórum málum í gæsluvarð-
haldi,“ útskýrir Karl Steinar. „Við
höfum metnað til að klára málin
hratt og vel, þannig að það er
þokkalegt álag sem fylgir því.
Þessu til viðbótar erum við að
taka smásalana.“
Það nýjasta í þeim efnum er að
fjórir karlmenn milli tvítugs og
þrítugs voru handteknir síðdegis
á föstudag. Við leit fundust allt að
fimmtíu grömm af amfetamíni og
smáræði af kannabisefnum sem
lögreglan telur að hafi verið ætlað
til sölu og dreifingar. Mönnunum
var öllum sleppt að lokinni yfir-
heyrslu. Þeir hafa allir áður komið
við sögu í fíkniefnamálum. - jss
KARL STEINAR VALSSON Fíkniefnadeildin
í kapphlaupi við tímann.
Mikið álag á fíkniefnadeild lögreglunnar á höfuðborgarsvæðinu:
Sjö menn í gæsluvarðhaldi
FJÖLMIÐLAR Í kjölfar mestu áfalla í
sögu íslensks efnahagslífs náði
umferðin á íslensku fréttavefina
nýjum hæðum í nýliðinni viku.
Þetta kom fram í gær á síðunni
modernus.is, sem sér um
mælingar á netnotkun.
Einnig kemur fram að mbl.is
setti nýtt met yfir flestar
heimsóknir og síðuflettingar í
vikunni, en aðeins eve-online.com
hefur státað af fleiri notendum í
einni viku. Mikil skoðun er einnig
á visir.is, dv.is og ruv.is. - kdk
Fréttir af efnahagshruni:
Aldrei meiri
sókn í fréttir
Skilorð eftir slagsmál
Karlmaður hefur verið dæmdur í
tveggja mánaða fangelsi, skilorðs-
bundið, eftir að hafa lent í slagsmál-
um við annan mann á Reyðarfirði á
síðasta ári. Sá síðarnefndi fékk einn
mánuð á skilorði.
DÓMSTÓLAR
SIMBABVE, AP Thabo Mbeki,
fyrrverandi forseti Suður-Afríku,
ætlar að stýra neyðarviðræðum í
Simbabve milli
andstæðra
fylkinga eftir að
samkomulag
þeirra um að
deila með sér
völdum var
komið í
uppnám.
Morgan
Tsvangirai,
leiðtogi stjórnarandstöðunnar,
hafði fallist á að Robert Mugabe
yrði áfram forseti gegn því að
hann yrði forsætisráðherra. Eftir
að Mugabe hafði skipað sína menn
í helstu ráðherraembætti, þvert
ofan í vilja Tsvangirais, virtist
samkomulagið fallið um sjálft sig.
Evrópusambandið fordæmir
ráðstöfun Mugabes. - gb
Samkomulag í uppnámi:
Mbeki stýrir
neyðarfundum
ROBERT MUGABE
LÖGREGLAN Enn hefur lögreglu
ekki reynst unnt að yfirheyra
ungan mann, Össur Pétur
Össurarson, sem fannst með
lífshættulega áverka á höfði í
byrjun september. Hann er
kominn til meðvitundar.
Össur Pétur fannst með
lífshættulega áverka 6. septem-
ber síðastliðinn á mótum Lauga-
vegs, Skúlagötu og Höfðatúns.
Hlaut hann mar á heila auk þess
sem hann tvíhöfuðkúpubrotnaði.
Lögregla rannsakar enn með
hvaða hætti maðurinn kunni að
hafa hlotið þessa alvarlegu
áverka.
- jss
Fannst með höfuðáverka:
Yfirheyrslur
ekki mögulegar
1 Hvað heitir viðskiptaráð-
herra?
2 Hvaða íslenska hljómsveit
var nýlega í Nashville?
3 Hver var valinn besti leik-
maður sumarsins í efstu deild
karla í knattspyrnu?
SVÖRIN ERU Á SÍÐU 26
EFNAHAGSMÁL „Hlutafélag merkir í
lögum þessum félag þar sem eng-
inn félagsmanna ber persónulega
ábyrgð á heildarskuldbindingum
félagsins“, segir í lögum um hluta-
félög frá árinu 1995.
Ofangreint þýðir að engin leið
er fyrir lánardrottna eða við-
skiptavini bankanna þriggja,
Glitnis, Landsbankans og Kaup-
þings, að gera kröfu á sjálfa eig-
endur bankanna, hluthafana,
vegna þess taps sem þeir verða
fyrir vegna viðskipta sinna við
bankana. Þá gildir einu hvort
menn vilja gera kröfu á stóra eða
smáa hluthafa; enginn þeirra ber
ábyrgð á skuldbindingum bank-
ans, hvorki auðmenn né efnalitlir.
Engu skiptir heldur þótt hluthafi
hafi setið í stjórn banka.
Hins vegar eiga lánardrottnar
kröfu á eignir bankanna og skipta
þeim á milli sín eftir forgangi og í
þeim hlutföllum sem viðurkennd-
ar kröfur hljóða upp á. Verði
afgangur eftir uppgjörið er honum
skipt á milli hluthafa eftir stærð
hlutar þeirra. - gar
Risatap lánardrottna og viðskiptavina í stóru bönkunum þremur:
Hluthafar eiga ekki að borga
BJÖRGÓLFUR GUÐMUNDSSON OG KJARTAN GUNNARSSON Hvorki fyrrverandi for-
maður né varaformaður Landsbankans bera persónulega ábyrgð á skuldum bankans
fremur en aðrir hluthafar. FRÉTTABLAÐIÐ/HARI
VEISTU SVARIÐ?