Fréttablaðið - 18.10.2008, Blaðsíða 7
LAUGARDAGUR 18. október 2008
Heimsmeistaraeinvígi í skák:
Anand vann
þriðju skákina
SKÁK Viswanathan Anand vann
þriðju skákina í heimsmeistara-
einvíginu við Vladimír Kramnik.
Tvær fyrstu skákirnar enduðu
með jafntefli.
Anand var með svart og upp
kom hið flókna Meran-afbrigði í
Slavneskri vörn. Kramnik lenti í
heimabruggi hjá Anand sem tefldi
hratt og djarflega í hvassri stöðu.
Brátt munaði heilum klukkutíma á
tímanum hjá keppendunum.
Kramnik svaraði fyrir sig með því
að fórna manni og þá var komið að
Anand að hugsa. Hann fórnaði
manninum til baka og tókst að
halda frumkvæðinu.
Í hárbeittri stöðu þar sem báðir
keppendur höfðu lítinn tíma gaf
Kramnik eftir og hann gafst upp
eftir 41 leik. - pal
BRETLAND, AP Breska stjórnin
hefur fengið þá hugmynd að
koma upp risavöxnum gagna-
grunni þar sem safnað verði
upplýsingum um öll símtöl,
tölvupóst og önnur netsamskipti.
Tilgangurinn er að auðvelda
varnir gegn hryðjuverkum og
glæpastarfsemi. Jacqui Smith
innanríkisráðherra segir gagna-
grunninn nauðsynlegan fyrir
lögreglu og öryggissveitir
landsins. Stjórnarandstæðingar
og mannréttindasamtök fordæma
hugmyndirnar. Umboðsmaður
hryðjuverkalaga segir ófært að
stjórnvöld fái að koma sér upp
svo viðamiklum gagnagrunni. - gb
Bresk stjórnvöld:
Vilja öflugan
njósnagrunn
SVEITARSTJÓRNIR Ólafur F. Magnús-
son borgarfulltrúi kveðst gera
alvarlega athugasemd við að
Vesturbæjarblaðið fái 450 þúsund
króna styrk frá
Reykjavíkurborg
eins og önnur
hverfisblöð.
„Enda má
færa rök fyrir
því að fremur sé
um að ræða
flokkssnepil en
eiginlegt
hverfisblað. Um
það vitna meðal
annars leiðarar ritstjóra blaðsins,
Geirs A. Guðsteinssonar, sem fela í
sér órökstuddar dylgjur um störf
undirritaðs sem borgarstjóra og
eindreginn stuðning við þá flokka
sem nú ráða í borginni og bera,
umfram aðra, ábyrgð á því
ófremdarástandi sem ríkir í
íslensku samfélagi,“ segir í bókun
Ólafs í borgarráði. - gar
Fyrrverandi borgarstjóri:
Hverfisblað er
flokkssnepill
ÓLAFUR F.
MAGNÚSSON