Fréttablaðið - 18.10.2008, Blaðsíða 8
12 18. október 2008 LAUGARDAGUR
Fjármálaeftirlitið (FME) hefur
beint þeim tilmælum til rekstrar-
félaga verðbréfasjóða að grípa til
aðgerða sem leiða til þess að
peningamarkaðssjóðum félaganna
verði slitið. Fólk sem fjárfest hefur
í slíkum sjóðum má því eiga von á
að fá úr þeim greiðslu inn á banka-
reikninga sína.
Byrjað verður á því að endur-
greiða fólki laust fé í sjóðunum í
hlutfalli við eignarhlut hvers og
eins í þeim. Hversu mikið endan-
lega skilar sér svo af fjárfesting-
um fólks á eftir að koma í ljós.
„Þeim tilmælum er beint til
rekstrarfélaganna að ekki verði
opnað fyrir innlausnir í sjóðunum,
heldur að sjóðsfélagar fái greitt úr
þeim. Í því felst að allt laust fé
hvers peningamarkaðssjóðs verði
greitt inn á innlánsreikninga sjóðs-
félaga í hlutfalli við eign þeirra og
jafnræði þeirra verði haft að leið-
arljósi,“ segir í tilkynningu sem
FME sendi frá sér síðdegis í gær.
Í tilmælum eftirlitsins er einnig
lagt til að greitt verði mánaðarlega
inn á innlánsreikninga sjóðsfélaga
í samræmi við hlutfallslega eign
þeirra eftir því sem aðrar eignir
sjóðsins fást greiddar, allt þar til
engar eignir verði eftir í eigna-
safni sjóðanna.
Ekki liggur fyrir hversu langan
tíma gæti tekið að gera upp sjóð-
ina, en samkvæmt heimildum
blaðsins er það verið mismunandi
eftir sjóðum, sem séu mismunandi
að gerð og samsetningu. - óká
Peningamarkaðssjóðir leystir upp
Óvíst hversu hratt peningar skila sér til eigenda og eins í hvaða magni.
PENINGAR Fólk ætti brátt að fá inn á bankareikninga hluta eignar sinnar í peningamark-
aðssjóðum bankanna. Hversu mikið skilar sér af fjárfestingum fólks á eftir að koma í ljós.
FRÉTTABLAÐIÐ/GVA
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 67
644 +0,05% Velta: 122 milljónir
MESTA HÆKKUN
SLÁTURF. SUÐURL. 33,33%
EIMSKIPAFÉLAGIÐ 30,77%
MAREL 2,14%
MESTA LÆKKUN
ATORKA 37,50%
ICELANDAIR 1,70%
HLUTABRÉF Í ÚRVALSVÍSITÖLU: Alfesca 4,00 +0,00% ... Atorka
0,50 -37,50% ... Bakkavör 5,00 +0,00% ... Eimskipafélagið 0,85
+30,77% ... Exista 4,62 +0,00% ... Icelandair Group 14,45 -1,70%
... Kaupþing 0,00 +0,00% ... Marel Food Systems 71,50 +2,14% ...
SPRON 1,90 +0,00% ... Straumur-Burðarás 7,08 +0,00% ... Össur
83,50 +0,97%
GENGISVÍSITALA KRÓNUNNAR:
Kreppufræði
Í nýjasta tölublaði Economist er fjallað um
Ísland undir yfirskriftinni „kreppanomics“.
Athyglisvert er hins vegar hvernig tímaritið
virta greinir stöðuna sem hér er upp komin.
Aðgerðir stjórnvalda eru fremur sagðar hafa
aukið á ringul reiðina. Hrunadansinn hafi hafist
með yfirlýsingu um þjóðnýtingu Glitnis og hafi
ýtt undir áhyggjur af stöðunni hér. „Eftir að
hafa reynt að styðja við einn banka
[þurftu stjórnvöld] brátt að taka
hina, Landsbanka og Kaupþing. Og
fyrstu viðbrögð, sem meðal annars
fólu í sér yfirlýsingu um að tengja
gengi krónunnar við evru, þrátt
fyrir ónógar gjaldeyrisbirgðir til að
verja tenginguna, auk tilraunar til
að tryggja lán frá Rússum, urðu
aðallega til að rugla stöðuna,“
segir í Economist, sem þó
kemst að þeirri niðurstöðu að
heimfæra megi vanda Íslands upp á fleiri þjóðir.
Þetta sé bara spurning um hlutföll, ekki eðli
vandans. Kreppuhugtakið sé hins vegar þess
eðlis að skiljist vel á milli tungumála.
Nýrri herferð frestað
Á málþingi um áhrif fjármálakreppunnar hér á
landi sem Félag viðskipta- og hagfræðinga hélt
í gær upplýsti Björgólfur Jóhannsson, forstjóri
Icelandair, í framhjáhlaupi um ákveðin áhrif á
rekstur félagsins. Í ljósi tíðinda af Nýja-Lands-
bankanum og Nýja-Glitni, hafi þeir hjá
flugfélaginu ákveðið að fresta um sinn
auglýsingaherferð þar sem við sögu
kemur „New Icelandair.“ Hættan er nefni-
lega sú að nýjungin verði ekki tengd við
stóla og skemmtanakerfi,
heldur ríkisvæð-
ingu og yrði því
heldur til að ýta
undir sögusagnir um
hrakfarir en hitt.
Peningaskápurinn ...
„Verðið er ásættanlegt í
ljósi þeirra aðstæðna sem
nú eru, ef maður er bara
raunsær,“ segir Sigrún
Hjartardóttir, forstöðu-
maður fjárfestatengsla hjá
Glitni.
Tilkynnt var um sölu á
sænsku dótturfélagi Glitn-
is, Glitni AB, til sænska
HQ bankans í gær. Sölu-
verðið er 60 milljónir
sænskra króna, eða sem nemur
tæpum níu hundruð milljónum
króna, miðað við skráð gengi Seðla-
bankans í gær. Kaupverðið í júlí í
hittifyrra var hins vegar 425 millj-
ónir sænskra króna, eftir því sem
næst verður komist.
Kaupverðið var því ríflega sjö
sinnum hærra en söluverðið nú, í
sænskum krónum mælt.
Sigrún segir verðið svo
sem ekki hátt ef miðað sé
við bókfært virði félags-
ins og upphaflegt kaup-
verð. „En við þessar
aðstæður veltir maður
vitaskuld fyrir sér raun-
verulegu verðmæti fjár-
málafyrirtækja.“
Árni Tómasson, formað-
ur skilanefndar Glitnis,
segir það fara eftir aðstæðum á
hverjum stað hvað sé selt. Til að
mynda sé haft til hliðsjónar lána-
safn fyrirtækisins og þess háttar
sem ekki þurfi að setja fjármuni í.
„Í skilanefndinni höfum við sett
okkur þá vinnureglu að selja í
engum tilvikum þær eignir sem við
getum haldið í.“ - ikh
ANDERS HOLMGREN
Anders er fram-
kvæmdastjóri Glitnis
í Svíþjóð.
Algjört verðhrun
á Glitni í Svíþjóð
„Það er ljóst að útrás íslensku
bankanna er í biðstöðu auk þess
sem við vildum styrkja okkur sem
banki sparisjóðanna,“ segir Agnar
Hansson, forstjóri Sparisjóða-
banka Íslands.
Bankinn tók upp nafnið Icebank
í miðju útrásaræðinu fyrir tæpum
tveimur árum en kastaði því fyrir
róða á hluthafafundi í gær.
Agnar segir þetta ákveðna varn-
araðgerð þótt engin uppstokkun
hafi átt sér stað í bankanum. Þá
var ný stjórn skipuð á fundinum í
gær.
Sparisjóðirnir eiga 56 prósent í
Sparisjóðabankanum en helstu
stjórnendur hans auk annarra
fjárfesta eiga afganginn. - jab
Sparisjóðavísun
vænn kostur
Mán til mið 10–18.30, fim 10–21, fös 10–19, lau 10–18, sun 13–18 | Sími 517 9000 | www.kringlan.is