Fréttablaðið - 19.10.2008, Blaðsíða 6

6 19. október 2008 SUNNUDAGUR
Skógarhlíð 18 • sími 595 1000
Akureyri • sími 461 1099 • www.heimsferdir.is
„...fyrst á visir.is“
...ég sá það á visir.is
SAMFÉLAGSMÁL UNIFEM á Íslandi
safnaði í gær hátt í 1.500 undir-
skriftum í Kringlunni fyrir átakið
Segjum NEI við ofbeldi gegn
konum. Átakið hófst hinn 14. ágúst
og hafa 7.500 undirskriftir safnast.
„Markmiðið er að ná um 20.000
undirskriftum fyrir 6. nóvember,“
sagði Regína Bjarnadóttir,
stjórnarformaður UNIFEM. Hinn
6. nóvember verða undirskriftirn-
ar sendar til höfuðstöðva UNIFEM
í New York. Heimsátaki, sem
ætlað er að hvetja ríkisstjórnir
heims til að beita sér fyrir því að
binda endi á ofbeldi gegn konum,
lýkur 25. nóvember. Hægt er að
skrifa undir á unifem.is. - ve
Undirskriftasöfnun UNIFEM:
Nei við ofbeldi
gegn konum
VIÐSKIPTI Forsvarsmenn fimm líf-
eyrissjóða, sem hugðust kaupa
eignir og rekstur Kaupþings, gagn-
rýna Björgvin G. Sigurðsson við-
skiptaráðherra hart og segja í yfir-
lýsingu að hann hafi útilokað
aðkomu þeirra að bankanum með
yfirlýsingu í fjölmiðlum. Það hafi
hann gert áður en tilboð þeirra var
lagt fram til Fjármálaeftirlitsins
(FME). Björgvin hafnar málflutn-
ingi þeirra staðfastlega og segir
ákvörðunina alfarið hafa verið í
höndum FME. Hann gagnrýnir mál-
flutning forsvarsmanna lífeyris-
sjóðanna; rangt sé eftir honum haft
í yfirlýsingu, sem sé með ólíkind-
um.
Í yfirlýsingunni, sem Þorgeir
Eyjólfsson, forstjóri Lífeyrissjóðs
verzlunarmanna, er skrifaður
fyrir, segir að sjóðirnir hafi ekki
gert tilboð í Kaupþing. Björgvin
hafi engu að síður greint frá því í
fjölmiðlum að slíku tilboði hafi
verið hafnað. Þar segir einnig að
ekki hafi orðið af fundi allra lífeyr-
issjóða landsins vegna kaupa á
bankanum „... þar sem aðkomu líf-
eyrissjóðanna að Kaupþingi var
hafnað af viðskiptaráðherra stuttu
fyrir fundinn.“ Er þar vísað til
þeirra ummæla Björgvins við fjöl-
miðla eftir ríkisstjórnarfund á
fimmtudag að tilboð lífeyrissjóð-
anna hefði væntanlega ekki verið
nægilega gott og á þeim forsend-
um hafi því verið hafnað.
Björgvin segir að stjórn FME
hafi ekki viljað taka ákvörðun um
sölu Kaupþings og ríkisvaldið hafi
ekkert yfir því að segja. „FME er
sjálfstætt stjórnvald með umboð
sitt frá Alþingi. Þeir telja sölu bank-
ans vera stóra pólitíska ákvörðun
og beina því til ríkisvaldsins að
taka við boltanum og við það situr.
Vilji okkar stóð til þess að þetta
yrði skoðað til þrautar en ákvörðun
FME liggur fyrir.“ Björgvin segir
ljóst að í framtíðinni geti lífeyris-
sjóðirnir og ríkisvaldið rætt um
kaup á bankanum. Hins vegar muni
líða töluverður tími áður en slíkt
verði mögulegt; fjölmörg önnur
verkefni kalli á athygli stjórnvalda
fram til þess tíma. Spurður um yfir-
lýsingu lífeyrissjóðanna segir
Björgvin það koma sér á óvart
hvernig þeir leggi mál sitt upp.
„Þetta er ákvörðun FME og þeir
ættu að beina orðum sínum þangað
en ekki til mín. Ég hef lýst því yfir
að mér hafi þótt sjálfsagt að skoða
þetta og það hefði verið ákjósan-
legt ef einn bankanna hefði verið í
einkaeigu. Hvað varðar textann í
yfirlýsingunni þá er rangt eftir mér
haft, sem er með hreinum ólíkind-
um. Það er undarlegt að menn kjósi
að viðhafa slík vinnubrögð.“
svavar@frettabladid.is
Ráðherra gagnrýnir
lífeyrissjóði harðlega
Forsvarsmenn fimm lífeyrissjóða segja viðskiptaráðherra hafa útilokað kaup
þeirra á Kaupþingi áður en tilboð var lagt fram. Ráðherra hafnar því alfarið og
segir málið í höndum FME. Hann furðar sig á málflutningi lífeyrissjóðanna.
HÖFUÐSTÖÐVAR Lífeyrissjóður verzlunarmanna, Gildi lífeyrissjóður, lífeyrissjóður
starfsmanna ríkisins, Sameinaði lífeyrissjóðurinn og Stafir hugðust kaupa bankann.
FRÉTTABLAÐIÐ/GVA
BJÖRGVIN G.
SIGURÐSSON
ÞORGEIR
EYJÓLFSSON
11. okt.: Fulltrúar lífeyrissjóðanna eiga fund með
forstjóra FME þar sem honum var greint frá fyrirætlun
lífeyrissjóðanna um hugsanleg kaup á rekstri Kaupþings.
12. okt.: Fundur lífeyrissjóðannna með forsætisráðherra,
viðskiptaráðherra, iðnaðarráðherra og menntamálaráð-
herra þar sem aðkoma lífeyrissjóðanna að Kaupþingi var
rædd. Viðbrögð ráðherranna voru afar jákvæð svo ekki
sé kveðið fastar að orði.
14. okt. (hádegi): FME var sent bréflega erindi fimm
lífeyrissjóða þar sem óskað var viðræðna um kaup á
rekstri Kaupþings enda gáfu fyrri fundir til undirbúnings
erindi sjóðanna ástæðu til bjartsýni um að málaleitan
lífeyrissjóðanna yrði vel tekið.
15. okt.: Fulltrúar fjárfestahópsins áttu fund með stjórn
og forstjóra eftirlitsins þar sem gerð var grein fyrir
ástæðu þess að óskað var eftir viðræðum og jafnframt
gerðum við stuttlega grein fyrir viðskiptaáætlun fjár-
festahópsins. Skýrt kom fram í fundarlok að ekki bæri að
líta á fundinn sem svar við erindi sjóðanna um viðræður.
Af viðbrögðum FME mátti þó ráða að vonlítið var að
erindi sjóðanna yrði tekið með jákvæðum hætti.
16. okt. (síðdegis): Lífeyrissjóðunum berst bréf FME þar
sem þakkað er fyrir erindi þeirra og þeim greint frá því
að FME væri að meta heildstætt beiðni sjóðanna og þau
gögn sem lögð voru fram á fundi aðila deginum áður.
FME óskaði eftir að heildstætt áhættumat yrði lagt fram
fyrir alla þá fimm lífeyrissjóði sem stóðu að erindinu auk
þess sem skoða þyrfti eignarhald lífeyrissjóðanna með
tilliti til tiltekinna hlutfalla í lífeyrissjóðalögunum. Sjóðun-
um var gefinn frestur til kl. 12 á hádegi næsta dags, þ.e.
föstudags, til að bregðast við erindi FME.
17. okt.: Forstjóri FME kvittaði fyrir móttöku svars líf-
eyrissjóðanna klukkan 11.50. Skömmu áður en forstjóri
móttók svar lífeyrissjóðanna með upplýsingum um
heildstætt áhættumat og öðrum upplýsingum svaraði
viðskiptaráðherra spurningum fréttamanna um málið
með þeim hætti „að tilboði lífeyrissjóðanna hefði verið
hafnað.”
ATBURÐARÁSIN Í BRÉFI LÍFEYRISSJÓÐANNA
EVRÓPUMÁL „Menn hafa fullt frelsi
til að mynda með sér hópa og
vinna að sínum hugsjónum í Fram-
sóknarflokknum,“ segir Guðni
Ágústsson, formaður Framsókn-
arflokksins, um skoðanakönnun
sem félagar í grasrót flokksins
létu gera um Evrópumál.
Honum komi tilvist þessarar
hreyfingar innan flokksins á óvart
og að hún hafi ekki leitað til hans
með það sem hún var að gera. „Ég
hefði haft gaman af því að þetta
fólk hefði komið til mín, bæði í
upphafi og svo til að kynna mér
niðurstöðurnar. Það hefði verið
eðlilegt.“
Fyrir um mánuði hafi Evrópu-
umræður verið
eðlilegar en í
dag sé verkefni
ríkisstjórnar-
innar allt annað.
„Það er að
standa eins og
einn maður við
að bjarga
íslenskri þjóð
og vinna úr
þeim skuldaskilum og því áfalli
sem þjóðarbúið hefur orðið fyrir,“
segir Guðni.
Í Fréttablaðinu í gær sagði Páll
Magnússon, fyrrverandi vara-
þingmaður Framsóknarflokksins,
að þeir forystumenn sem tala gegn
atkvæðagreiðslu um aðildarvið-
ræður tilheyri miklum minnihluta
innan flokksins en könnunin sýndi
að tæp 18 prósent framsóknar-
manna væru andvígir þjóðarat-
kvæðagreiðslunni. Spurður hvort
hann tilheyri slíkum minnihluta
segir Guðni að hann vilji ekki láta
setja sig á neinn bás. „Ég er for-
maður í flokki og geri mér grein
fyrir að í honum, eins og öllum
öðrum, eru skiptar skoðanir um
málið.“
„Þetta er ekki spurning um já
eða nei heldur spurning um það
sem í þjóðaratkvæðagreiðslu
verður sett upp sem skilyrði fyrir
samningum.“ - ovd
Formaður Framsóknarflokksins undrast vinnubrögð félaga í grasrót flokksins:
Eðlilegra að leita til hans fyrst
GUÐNI ÁGÚSTSSON
Ert þú sátt(ur) við að Ísland
náði ekki kjöri til öryggisráðs
Sameinuðu þjóðanna?
JÁ 79,9
NEI 20,1
SPURNING DAGSINS Í DAG:
Átt þú fé í peningamarkaðssjóð-
um bankanna?
Segðu þína skoðun á visir.is
KJÖRKASSINN